رد: ساعدوني تحطمت كرهت نفسي انا ليش انولدة وع وع سا عدوني ادخلو مشان الله ..!!!!
ساعدوني تحطمت كرهت نفسي انا ليش انولدة وع وع سا عدوني ادخلو مشان الله ..!!!!
الله يسامحك ...... في حدا بيحكي على حالو هيك؟؟؟؟؟؟؟
بتخافي لا سمح الله ربنا يحاسبك على كلامك هاد!!!!
حابة أطمنك: ما في بنت بالهدنيا كاملة و مكملة حسب ما بتتوقعي انتي
و بتتخيلي....كل بنت بدها تخس او تبيض او تنحف او تنصح او تصير رشيقة او او او .....
الي بتشوفيهم بالتلفزيون بالافلام او المسلسلات و خاصة
الاجنبية بكونو عاملين عمليات تجميل بلاوي حتى تبين الوحدة منهم انها
رائعة الجمال و رشيقة و و و .... واذا ما زبطت معها: بعدلو صورتها على
الكمبيوتر و شعرها و صدرها و كلشي بتتخيلي, و في منهم متل الممثلات
بضحوا بحالهم و بصحتهم كتير عشان يصيروا رشيقات , متل الممثلة نيكول كيدمان:
قرأت انها ما بتاكل إلا شمام عشان تحافظ على رشاقتها, يعني هو فطورها و غداها و
عشاها , طبعا هادي آخرتها رح تموت بتسمم من نوع ما (انشالله)
انتي عم بتكإبي حالك على شي مش مهم, ما تعيشي حياتك بس عشان
هادي المواضيع , انا ما بقصد انك ما تهتمي بحالك و جمالك, ولكن بحدود , وما
تكبري الموضوع, المهم انك بألف صحة و عافية وما بتشتكي من الامراض,
وللأسف حابة احكيلك: بما انك مش راضية عن نفسك, و عم توصفي حالك
بأوصاف و ألقاب اقنعتي نفسك فيها: فأنتي هيك عم بتصعبي الوضع على
حالك.
الحل: انك تعكسي كل المشاعر الي عندك حاليا, يعني لما تشوفي حالك
بالمراية, قولي و بصوت عالي و اسمعي حالك: انا فتاة جميلة, رشيقة,
كل حواسي و أعضائي بأفضل حال, الحمد لله, ولكني حابة ازيد من رشاقتي
و جمالي حسب استطاعتي, مش رح اثقل على جسمي.....
حاولي اعيدي برمجة ذاتك برمجة ايجابية, لانو طول ما انتي سلبية
هيك, فجسمك رح يرفض ان يتغير, ما تستغربي و صدقي
هاد الكلام لانو مش من عندي...هاد الكلام العلماء اثبتوه و اكدوه
الله يوفقك و يعينك
|