ازياء, فساتين سهرة

العودة   ازياء - فساتين سهرة و مكياج و طبخ > أقسام عامة > السيدات و سوالف حريم > الترفيه والترحيب والتكريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
الترفيه والترحيب والتكريم { الكوافير مهاوي مع زبائنها قبل العيد .. برعاية مشغل للحوج فقط } يوجد هنا { الكوافير مهاوي مع زبائنها قبل العيد .. برعاية مشغل للحوج فقط } توضع هنا مواضيع الترفيه عن النفس


 
قديم 11-06-2011, 04:05 AM   #1

shosho the moon

:: كاتبة مميزة ::

الملف الشخصي
رقم العضوية: 155954
تاريخ التسجيـل: Feb 2011
مجموع المشاركات: 1,318 
رصيد النقاط : 0

{ الكوافير مهاوي مع زبائنها قبل العيد .. برعاية مشغل للحوج فقط }


{ الكوافير مهاوي مع زبائنها قبل العيد .. برعاية مشغل للحوج فقط }

مادري مين ضحك على اهلي وقالهم ان مها كوافيرهـ خطيرهـ

وماينقصها الا مشغل تشتغل فيه من كثر ماهي خطيرهـ وحتى من قوة زباينها يطلبونها للمنازل عشانهم مايقدرون يجونها

اهم شئ مها اللي تصلحنا

{ ياحبي لي بس قسم اني فنانه وراح اسرد لكم اهم ابداعاتي بهالمجال مو مثلكم ياللحوج الواحد مايقدر حتى ينفع نفسه }

.
.


قبل العيد بيومين اتصالات كثيرهـ على جوالي

"ام فيصل تتصل "

زوجة اخوي : مها ابيك تصبغين شعري احمر تقدرين ؟

مها: ابد ولا يهمك اشتري الصبغه وانا بجيك بكرهـ بإذن الله

بعدها بساعه اتصلت غرورك : مهاوي يالعبدهـ خاطري اغير شكلي بالعيد ابيك تصبغين لي ذيك الصبغه اللي صبغتيها لي قبل سنه
مها : هههههههههههههه ذيك الي بكينا من الضحك يوم غسلتي شعرك ؟ < لها سوابق

غرورك : ايه وجع والله طلعت بعدين حلوهـ

مها : والله من كثر ماصبغت شعرك وبدعت فيه ماتذكر اي وحدهـ ازين تصدقين

غرورك : المهم ماعلينا انا بشتري الصبغة ابي شعري كله لون واحد مابي خصل < لاحظوا انها تتشرط

مها : ابد ولا يهمك انتي بس تعالي بيت اخوي

غرورك : اوكي اجل بقول لزوجي اذا ماوافق بنتظرك في بيتنا

مها : افكر بالموضوع يمكن ارجع بيتنا < شايفه نفسها بعد

.
.
.

ويجي بكرهـ

اختي تتصل الساعه 4 العصر : مها وش في جوالك امس مشغول

مها بفهاوهـ وتوها صاحيه من النوم : مادري يمكن زحمة زباين

اختي : وش زباينه ؟

< هذا نموذج من لقافة الاخوات المتزوجات لازم تعرف كل صغيرهـ وكبيرهـ مايدرون انها اسرار عمل

مها: هاه .. ولا شئ وش بغيتي ؟

اختي: المهم انا بجيب بناتي عندك اليوم ابيك تقصين لهم شعورهم امس رحت المشغل زحممه انتظرت ساعه وبعدها طلعت
قاطعتها: اوكي جيبيهم بيت اخوي بعد العشاء انا بكون هناك

اختي : لا تكفين مهاوي تعالي بيتنا يمكن زوجي مايرضى ولا ودي اتناقش معه بعدين يرفض سالفة القص انا مو عاجبتني شعورهم كذا ودي اغير لهم

مها : طيب وش اسوي لك انتي وزوجك انا ماقدر انا عندي شغل الا راسي

اختي : طيب حاولي كلها ساعه بس وترجعين وبناتي شعورهم ناعمه مايحتاج لها

مها : دام مايحتاج لها قصيها انتي اعذريني يالزوجه المصون ابي انام لحد اذان المغرب ممكن تطسين بعض الشئ

اختي : اوكي بس ترى اذا رفض زوجي بتجين انتي

مها: على حسب السيكل اذا كان فيه بنزين جيتكم اذا مافيه اسمحوا لي ماعندي مواصلات


.
.


ماحسيت بنفسي من قوة النوم الا على صوت الجوال يدق
اناظر الساعه 9 والا زوجة اخوي يالله الحين اكيد تاخرت عليها
واقوم بسرعه واخم اغراضي واكلم اخوي يجي ياخذني


اول مادخلت على طول صبغت شعر زوجة اخوي وخلصت قالت ابيك تقصين شعر بنتي

وبنتها شعرها كدش ماشاء الله قلت هاه < حسيت اني توهقت

قلت :تكفين اطلبي اي شئ الا هالشئ ليه تعاقبيني بهالشكل ؟

قالت :ارضي بالقضاء والقدر هذي بنت اخوك وتحمليها ولك اجر

قلت : طيب مافي خيار ثاني ؟ قالت مثل وشو ؟ قلت استشور شعرها

قالت : لا مابي استشورهـ ودي اقصه وارتاح من سالفة الاستشوار وهي صغيرهـ

قلت : جيبيها الله يعيني عليكم انا مادري انتم من غيري وش تسوون .. انا مالي من وراكم غير الجنه

وانا اقص شعرها اقولها انتي زبونه وهي تصييح عمه انا مو زبوونه على بالها سبه مسكينه

قصيت شعرها بعد هواش وتنرفز وحلفان وحرمان من كل شئ

بالاخير خلصنا واستشورت شعرها حسب طلب اصغر زبونه < ياحياتي

وقلت لها لاعاد اشوف وجهك ولا تاكلين كثير عشان مايطول شعرك واتوهق < امحق نصائح


.
.


بس خلصت وصلت ام العبيد

غرورك : اهليييييييين يالله بسرعه ترى زوجي قالي بس ساعه وبمر اخذك

مها : وشو ساعه الصبغه يبيلها ساعه وانتي للحين لابسه عباتك ومن دخلتي لحد الحين مرت 10 دقايق

اقول اتصلي فيه قوليله يمر الفجر على الاقل لو صار شئ ماشيات يبي لشعرك تعديلات يمديك تعدلين

غرورك: اييييييييه تكفين ترى الحين وراي رجال مو مثل قبل تحوسين فيني وتضحكين علي تقولين يجنن وانا عارفه ان شكلي غلط

مهـا:ابد ولا يهمك اصلا انا تعلمت طريقة جديدهـ

غرورك : يالله الله يستر من هالطريقه


.
.
.

صبغت شعرها وخلصت

تحمست اناوقلت بصبغ شعري لون الغزال ( افتح درجات البني اللي عالاشقر )

المهم صبغت شعري وحاطين القهوة ومتقابلات انا وغرورك وضحك وسوالف

شوي جاء اخوي يقول وين زوجتي ؟ صبغتي شعرها ؟

قلت : ايه صبغته

قال : وش طلع

قلت : لا ياحبيبي مفاجأهـ ماراح اقولك ..

بعد ساعه الا ربع من صبغة زوجة اخوي غسلت شعرها يوم جاتنا الغرفه وفيها الصيحه

قلت : وش فيك ياحياتي ؟! قالت : ماباان شئ ؟

واحاول اقنع نفسي بالموضوع ..ونفس الوقت اواسيها

قلت : لا ماعليك اذا استشورتيه بيبان لونه بس عشانه غامق

بس مسكينه تحطمت ماكانها حطت شئ بشعرها ابد حتى بعد ماستشورته

مرت ساعه ونص قالت ام غرورك لبنتها قومي غسلي شعرك لايطيح شعرك كله الحين وتعيدين بلا شعر

غرورك تناظر فيني هاه يالله والا ننتظر شوي ؟ قلت يالله خلينا نروح نغسله

واغسل شعرها وبس خلصت غسيل تجيني نوبة ضحك غير طبيعيه يوم شفت اللون

هههههههههههههههههههههههههههههه هههههههههههههههههههه هههههههههههههههههه
هههههههههههههههههههههههههههههه هههههههههههههههههههه هههههههههههههههههه

الله لا يوريكم ياللون للامانه من قوة الضحك جلست على طرف البانيو واضحك ابي اوقف عجززت

وهي تناظر فيني : الله لا يسامحك ياحيوانه وش هاللون ؟؟؟

وانا ماقدر اتكلم من الضحك بس هديت شوي قلت ورب البيت ذكرتيني بالنمس

هههههههههههههههههههههههههههههه ههههههههه

طلع لون شعرها نفس لون شعر النمس وهي جايبه الصبغه افتح درجات الاشقر عالثلجي

متخيلين كيف التخلف باللون اللي طلع

طلعنا من الحمام وانتم بكرامه وانا ماقدر اوقف من قوة الضحك واهلي كلهم ينتظرون اخر الصعقااات حقتنا

واللي يضحكني اكثر وجه غرورك الحزين المتحطم

مسكينه تتحلطم وتلعن وتسب فيني وتحلف لو يطلقني زوجي عشان شعري صدقيني احرق شعرك

المهم لمااستشورت شعرها كأن اللون خف وصار اهدأ للعين بس اللون ماتغير < مستمرهـ بالحقارهـ

انا خفت يصير فيني مثل ماصار فيها قلت بخلي الصبغه بشعري ساعتين مو مثلها هي وزوجة اخوي عشان تبان اكثر

حتى طلعت من البيت والصبغه باقي براسي رحنا بيت اهل غرورك نكمل السهرهـ انا وياها للفجر

كل شوي تقولي هاهـ وش رايك تقومين تغسلينها ؟

وانا اقولها لااااااا مابيها تطلع مثلك ابي لونها يكون مره واضح وحلو < قليلة ادب عيني عينك تجرحهها

المهم بعد صلاة الفجر جاء زوجها واخذها هنا ارتحت لانها مو عندي عشان ماتتريق علي

بس فتحت القبعه لقيت شعري اشقر مررررررررررهـ فاتح

قمت انطط : يس يس يس اوووووووكي عليك يامهاا خققي العالم بالعيد عذبي العذارى احرقي قلوب المتزوجاات < خير ؟

غسلته وكل شئ وكان كل البيت نايم ماعدا اثنين من عيال اختي كبار ( اخوان غرورك )

اناظر والا شعري من فوق بانت الصبغه بس .. قلت يمكن عشانه غرقاان مابعد يجف

واقعد بالصاله مع عياال اختي كل شوي اقولهم شعري طلع فيه لون؟

يقولون بس من فوق المهم مع السوالف والضحك مع عيال اختي واحد نط لي بسؤال جرئ

قال : خالة الحين الموضه تصبغون كذا ؟

انا ياحياتي جاوبته على اساس لون الصبغه مادريت ان البلا في التدرجات اللي بشعري

قلت :اييييه الموضة الحين هالصبغه ماتشوف الممثلات والمذيعات كلهم مسوينها

قال : ماعمري شفت احد صابغ مثل هالصبغه

قلت :ايه وش عرفكم لحوج انتم واذا طلعت للدنيا ماشفت غير صبغات اختك اللحجيه مثلكم

بس خالتك منفردهـ من نوعها وعشان كذا ابي اتميز بالعيد < كولي هوا

المهم عيال اختي راحوا ينامون وانا براسي كلام ولد اختي وحسيت فيه نظرة الاعجاب

قلت ابي افاجأ نفسي بقوم استشورهـ ومابناظر بالمراية الا لما اخلص








وليتني ماشفت

ليتني ماضحكت على غرورك

ليتني ماتفلسفت على ولد اختي


طلع بس بالجذور اشقرررفاتح مرررررررررهـ وباقي شعري اسووووووووووووووود

اناظر نفسي ؟؟ هذي صبغة الممثلات ..!! هذي الموضة ...!!

انفك راسي وش اسوي ؟ تذكرت غرورك وضحكي عليها

وجاتني نوبة ضحك مره ثانيه هههههههههههههههههههههههههههههه ههه

وانا اتقلب من الضحك جوالي دق " غرورك تتصل "

مها: هلا بالعبدهـ وش عندك مانمتي ؟

غرورك : اقول بشري وش صار على شعرك؟ " البنت تبي تتشمت مو لله "

مها: ابد يجنن بكرهـ تشوفينه ( وانا في بالي اصبغه اي لون غامق يوخر لي هالاشقر )

غرورك : وجع طول الطريق وانا ادعي ربي تخرب صبغتك مثل ماخربتي صبغتي وشايله هم لاشلت الغطا وشافني زوجي بس الحمدلله نزلني وراح يصلي

ومير انفجر من الضحك تذكرت شكلها هههههههههههههههههههههههه

مها : وبعدين تعالي ياوصخه تدعين علي اجل ..

بس تدرين اني طلعت العن منك والله ياعلي شعر قسم لو تشوفينه تكشخين علي سنتين قدام

بس ماعليك بإذن الله مابعيد الاوانا معدلته لكن انتي عيدي بلوك النمس

قالت : انقلعي انتي ماوراك رجال مثلي انا تدرين للحين زوجي ماشاف شعري احسه بيهاوشني

قلت: اسمعي ياذكيه عشان ماتتفشلين ولا تنجرحين من تعليقاته .. لانه كذا والا كذا بيعلق على جمال صبغتك

اول ماتدخلين ادخلي مثل النمس قولي هلااااااااااا والله ...حـيييي الله وانزلي كذا على تحت وصفقي مثل حركاااته

غرورك : ............ <هنا كانت السبات مشفرهـ من كثر ماعصبت مسكينه

قلت : والله نصيحه اذا قالك شئ قولي حبيت اغير لك اللوك وجاء في بالي للوك النمس لان مافي احد مسوي مثله

هههههههههههههههههههههههههههههه هههههههههههه

طوووط طووووووط < قفلت بوجهي

.
.
.

نمت وقمت العصر واختي ( ام غرورك ) تصحيني قومي

وتقط علي صبغتين قالت اي وحده احسن ؟؟

انا على بالي لي بس تذكرت انها ماشافتني كانت نايمه .. قلت حق وشو هالصبغات؟

هي انتبهت لشعري قالت وجع مها وش مسويه بشعرك ليه صبغتيه كذا

انا انقهرت قلت وش عليك موضه

قالت والله موضه بايخه اسمحيلي

قلت انتي وش تبين بهالصبغات ابي اخذ وحده

قالت انقلعي جايبتها لي بس ابيك تختارين وحده منهم تناسب لشكلي

قلت خوذي الاحمر حلو عليك والبنفسجي هاتيه باخذهـ

وانا براسي ابي الاغمق باي طريقه اخذت البنفسجي وصبغت شعري

وبعد ساعتين غسلت شعري طلع من فوق بنفسجي ومن تحت اسود

هههههههههههههههههههههههههههههه ههههههههه

اللون البنفسجي بان على الاشقر بس اللي تحت مابان فيه شئ

بس كان افضل من الاشقر بكثييييييييييير

انتم تخيلوا اشقر و اسود | و أشقر و بنفسجي < اكيد هذا الافضل < والله كلهم صبغات لحوج بس انثبري

قلت والله لاخليها واقولهم موضه < تحسب كل الناس مثل عيال اختها تقدر تضحك عليهم

وابشركم عيدت فيييييييه يوم العيد

ولد اختي يقول خاله مها انتي امس كان شعرك اشقر شلون قلب بنفسجي

قلت ماتدري بعد بكره يمكن يقلب اخضر هو على حسب لون ملابسي يتغير

حس اني استهبل عليه وقال اهم شئ لا تزوجت لا تحتكين بزوجتي

بس اللون اللي فوق عجب الجميع بس يقولون لو انك صبغتي اللي تحت

<< طيب يعني انا بسويها حركه بصبغ فوق واخلي اللي تحت وش هالذكاء بالعالم ؟!!

مادروا عن الاشقر اللي قبل لو خليته اشقر وش قالوا ؟!

.
.


قابلت غرورك وانا شايفه نفسي عليها قلت اسمعي اذا تبين اصبغ لك بالعيد الجاي تعالي قبل العيد بـ أسبووع ماني بـ فاضيه

تجين اخر يومين وتقولين اصبغي لي

وتقوم الهووووووووشه بيننا وطلعت حرتها فيني هههههههههههه


.
.
.

نصيحه /

* اذا بغيتي تصبغين شعرك جهزي صبغة لونها غامق للتعديل لان الاكيد انها ماراح تضبط زي ماتبين

* إذا قررتي تصبغين اصبغي شعرك اول لمدة ساعه او ساعه الا ربع ، وبالنص الساعه الاخيرهـ اصبغي الجذور لان الصبغه بتبان لك بالجذور بسرعه من حرارة راسك [ نصيحه مهمه ]

* لا تتفلسفين على اهلك وتصيرين كوافيرة زمانك وتسوين لك دعاية بينهم

* لا تضحكين على شباب المستقبل بالموضه في ابداعاتك الشخصيه لان يمكن يقلدك وتتوهقين من المعجبين .

* لا تسوين مفاجات وماحد طلب منك تسوينها مثل ماسويت انا قلت لاخوي صبغة زوجتك مفاجأه وبالاخير ماطلع ولا لون < مسكينه حسيتها تحسسسفت

 
قديم 11-06-2011, 07:21 AM   #3

احلام شاعرة


رد: { الكوافير مهاوي مع زبائنها قبل العيد .. برعاية مشغل للحوج فقط }


{ الكوافير مهاوي مع زبائنها قبل العيد .. برعاية مشغل للحوج فقط }

ههههههههههههههههه

ماششاء الله عليها بدعت هالكوفيره ههههههههههههههههه

تسسلمي ياعسل

 
قديم 11-06-2011, 04:44 PM   #5

الامبرطوره&*


رد: { الكوافير مهاوي مع زبائنها قبل العيد .. برعاية مشغل للحوج فقط }


{ الكوافير مهاوي مع زبائنها قبل العيد .. برعاية مشغل للحوج فقط }

هههههههههههه
ابداااع والله هالكوافيره

 

أدوات الموضوع



الساعة الآن توقيت السعودية الرياض و الدمام و القصيم و جدة 07:00 PM.

 

Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0