روووووواااايه شكيت من حضي،، وخيبتني ظنوني رووووووووعه

انشاءالله تعجبكم

وابي تقييييييييييييييم اهيييييييييييييييي

لييييييييييه موعاجبتكم الرووايه

ابي تقييييييييم والردود

اهييييييييييييييييي اهييييييييييييييييييي

ماعجبتكم روااايتي اهييييييييييييييييييييي

الرواية حلوة يا قمر يلا كمليها بسرعة لأن صبري بيخلص بسرعة ههههههه

يلا انا متابعاكي

هلااااااااااااااااااااا والله منووووووووووووور من عييييييييييوني يالغلا اكملها

لعيوووووووووووووووووووووووووون ك

الجزء الخامس

الريم ناسيه من الجوال من شغل اليوم راحت غرفتها ونامت
ليان : وهذي يعني ماترد بس يالله الرساله بتخليها غصب ترد علي هههههه وابتسمت بخبث
/

/

/
مسك راسه مدري ليه حس بالغيره ؟ في باله فكره وفكره بس كل المشاعر اللي تحتويه الحين انه يملكها ،،هي له من يوم شافها ، له مو لاحد ثاني ، لازم اتصرف بسرعه، بس يمكن تحبه ؟؟؟هههه وليش ماتحبه دامها متعلقه باخته كذا ،، راسه عوره من هذي الفكره قفل الجوال ، والله يالريم اقتل كل مايقرب حولك ، انسدح في السرير لكن يحس النوم مجافيه ولاراح يرتاح لين ينفذ اللي باله
( وهذي من صفات صقر ، اذا في باله شي مايهدى ولايرتاح لين ياخذه ويحصل اللي يبي )
/

/

/
بعد يومين
ليان : وجعووووه ليش مقفل جوالك
الريم : تصدقين مادري وينه مو محصلته دورت في غرفتي كلها مو لقايته
ليان : بس قبل امس يدق ويوم كلمت اليوم مقفل
الريم : اكيد خلص من الشحن وين القاه الحين اف
ليان : ماعلينا الحين وش سويتي مع العزيمه الرجاء وانتي تتكلمين تقولين بالتفصيل الممل
الريم : ههههههه انا ادري فيك حشى سي ان ان
ليان : وافتخر يالله
الريم قالت لها كل شي وعن الجازي والعنود ووووو بس طبعا ماذكرت لها موقف صقر عشان ماتمسك عليها شي
/

/

/

شوق وتطورت علاقتها باسيل وصارت تكلمها جوال
شوق : اسيل لا مانروح بالحالنا في المجمعات ؟
اسيل : طيب ليش مادخلتي ماسنجر استنيتك لين الفجر
شوق : مالي خلق كان فيني نوم حيييل رغم اني نايمه طول امس
اسيل : ابي اشوفك احس متحمسه
شوق : وانا اكثر اسوله
اسيل جاها خط ثاني : شوق عندي خط مهم يالله قلبي باي
شوق : باي
اسيل بعد مانعمت صوتها : هلا وغلا
فارس : اهلين هلا بالصوت وراعيته ، هلا بكلي وناسي
اسيل : هههههه فارس حبيبي لاتحرجني
فارس : وش اسوي ياقلبي غصب عني من اسمع صوتك انجن وتكلم لاشعوريا
اسيل : كل هذا عشان سمعت صوتي لو شفتني وش بتسوي ؟
فارس وهو يغمز للي جنبه ومايبي يحسسها انه يلعب عليها : آآآه ياقلبي اخاف يغمى علي عشان كذا مافتحت معك الموضوع
اسيل : بسم الله عليك يالله فارس اشوف اختي وش تبي وادق عليك
فارس : راح توحشيني انتبهي على نفسك
اسيل : مع السلامه ان شاء الله
فارس : قلبي معك
سكر الجوال واطلق ضحكه شيطانيه : هههههههههههههههه
.... : اعصابك
فارس : خلني ياخالد اضحك والله هذولا البنات بكلمتين تجيب راسهم
خالد : ههههه مو مونسنا بهالدنيا غيرهم على طاري ريهام افترقنا انا وهي
فارس : افاااااا ، بس اللي اعرفه مابعد صار بينكم مواعيد وحركات
خالد : ماهو لازم بعدين ماعجبتني من يوم شفتها في السوق بس اتسلى معها بالكلام
فارس : رقبتي سداده اذا تبي بنت اعطيك رقم أي وحده
خالد : هههههه مشكور بس الحين خلني اخذ فتره متى ماشتقت لخرابيطنا بحصل مليون وحده

طبعا اسيل تعرفت على فارس بالشات وهذا حال اكثر البنات للاسف تبتدي بالشات ، ماسنجر ، توصل للمكالمات واكيد نهايه معهوده اذا ماتاب الواحد وانتبه لنفسه

/
/

/
ليان : اوووووووووه حمستني اشوفها
الريم : متأكده بتحبينها تجنن ماكنت اعتقد ان الجازي كذا شكلها مغرور بس سبحان الله طلعت عكس
ليان بغيره : طيب لاتموتين عليها
الريم : ههههه فديت اللي يغارون
ليان : ان شاء الله نشوفها لي سجلنا الجامعه
الريم : يارب اووه ذكرتني اليوم بتطلع النتايج في النت
ليان : والله ؟ شوفي نتيجتي ترى انا ماعندي الاب توب مع سلطان وهو مادري وينه ؟
الريم حست بشي نغز قلبها : خلاص انا اشوفها لك يالله باي
ليان : باي
قفلت وتوها بتلف الا دق التلفون
.... : ألو هذا بيت العم ابو لافي ؟
الريم : هلا الجازي وش اخبارك ؟ وش عندك ماعرفتني
الجازي : مرحبا ماعرفتك خفت اكون غلطانه تعرفين اول مره ادق عليكم
الريم : وش اخبارك وش مسويه ؟
الجازي : تمام وانتي شلونك؟
الريم : الحمدلله
الجازي بدون صبر : بصراحه دقيت على جوالك مقفل قلت ادق على البيت مابي احد يبشرك غيري؟
الريم بحماس : خير؟
الجازي : مبروووووووووووك ماشاء الله عليك 99 بالميه
الريم وهي تصرخ بالتلفون : احلفي وااااااااااااااااو الحمدلله
وشوق يالجازي بشري
الجازي : أي شوق: توقعي ؟
الريم : بسرعه مافيني صبر ؟.
الجازي: 95 %
الريم طارت من الفرحه : مشكور مشكوره يالجازي يالله اروح ابشرهم
الجازي بعتب : افا وانا ماسألتيني ؟
الريم : اوووه اسفه من امس انتوا طالعه صح؟
الجازي : أي الحمدلله ابشرك ناجحه
الريم : الف الف مبروووك يابعد قلبي وبشارتك عندي ؟
الجازي : يالله سلمي على الاهل روحي بشريهم
الريم : ان شاء الله يبلغ باي

/
/
/

ليان : اف يمه بتجي وتنكد علينا يومنا
ام ابراهيم : اهم شي اخوك ولاهي غاسلين يدينا منها
ليان : الله يعينا على اليوم اللي بتجي فيه
دق جوال ليان شافته ريناد بنت عمها واخت عبير مرة ابراهيم اخوها
ليان : خير وش تبي هذي ؟
ام ابراهيم : من هي؟
ليان : ريناد
ام ابرهيم : عيب عليك هذي بنت عمك ريناد طيبه عكس اختها ردي عليها يالله
ليان : ادري يمه بس كرهتها من اختها
ام ابراهيم : ردي هذي ثاني مره تتصل يمكن خير لك
ليان بملل : امري لله
الو هلا ريناد ، بخير الحمدلله وانتي ؟ : أي امي بخير ؟ هاه ؟
كذابه ؟
في ذمتك ، بفرح :لاتقصين علي ترى ماعندي نت الحين ، الله يبشرك بالجنه
لولولولوش ماصدق كم بالله عيدي 95، الحمدلله مشكوره والله مانسالك هذي البشاره ، ان شاء الله يبلغ ، مع السلامه
ليان وهي تبوس امها : يمه نجحت يمه
ام ابراهيم بفرحه : الله يبارك فيك ؟ شفتي قلتلك مايجي منها الا الخير اصابعك مو سوى يابيتي

الريم ركضت لاهلها اللي كانوا مجتمعين في الصاله وهذي عادتهم وقت المغرب : يمه يمه يبه ياقووووووووم
الكل انفزع : خير وش السالفه ؟
راكان : عن البزاره وجع روعتنيا
جراح : هههههههه وش مهببه قولي
ابو لافي : خير يالريم
الريم وهي تتنفس بسرعه لانها كانت تجري : نجحت ابشركم ونسبتي 99 وشوق 95 %
ام جراح : الف مبروك يابنتي وحبتها بسم الله عليك ربي يحميك
جراح وراكان : يصفرون اوووووووووه من قدنا اختنا جايبه نسبه تبيض الوجهه وشوق ماهو مبين عليها المفهيه
ابو لافي ابتسم ابتسامه رضا : الف مبروك يالريم
جات الريم وضمت ابوها هو يحبها حيل ، ودلعوته واخر العنقود يعني مكانتها غير وباسها : الله يبيض وجهك
واخونها باسوها وراكان بحركاته المهبوله : شالها ودار فيها لين دوخت
ام جراح : الله يرجك ، بنتي لي يصير فيها شي
الريم : وهي مدوخه خبل انت ؟
راكان : من اللي بشرك ؟
الريم : الجازي
راكان ناظر في جراح : ايوا لاحد يفكر بالحبايب ههههههههه
جراح : بايخ ماتضحك
الريم : وين الاب توب حقك ياركان بقى ليان لان ماعندها كمبيوتر
راكان توتر : افا صاحبتك للحين ماعرفت تنيجتها وين الخبل اخوها
دق عليه وهزئه وسكر
راكان: تأكدي قبل تحرجينا
الريم : ليه ؟
راكان: يقول كلمها وبشرها ولقاها عارفه الخبر من بنت عمها
جراح وهو يتصل بشوق : نسيتوا منها البشاره لي
الريم :اووه راحت علي
راكان : ماهي مشكله اذا دخلتوا الجامعه عندكم اربع سنوات خذي البشاره
الريم : هههههههههههه
كلمها وطارت من الفرحه لانها كانت نايمه ونزلت لاهلها وبشرتهم
كل وحده باركت لثانيه ومتشققين على النسب الحلوه
/
/
/

صقر : مبروك يالجازي وهذي هديه بسيطه لك ؟
الجازي وهي مبسوطه : الله يبارك فيك ياصقر
باست راسه وراحت توري امها هديتها
ام صقر : ماشاء الله تسلم ياولدي
صقر : تستاهل اختي ولا نسيت ست الحبايب
كان جايب لامه خاتم ذهب فيه فص مبين عليه انه من الاحجار الثمينه
ام صقر : مشكور ياولدي ماكان له لزمه
صقر والجازي باسوا امهم وحضنتهم بحنان
ام صقر : عسى ربي يبلغني واشوفكم معاريس
صقر : ان شاء الله يمه قريب
الجازي : يمه تسلم عليكم الريم
صقر فز قلبه : عسى نجحت ؟
الجازي : ماشاء الله عليها توني مبشرتها جايبه 99% شوق 95%
ام صقر : ماشاء الله عليها وناظرت بصقر
صقر : مبروك عليهم

/
/
/

خالد : عادي يمه وهذي من متى مهتمه بدروسها
رهف : ماهي مشكله كلها مادتين بدرسها وانجح ان شاء الله
ام ماجد : اترك اختك وعن اللقافه
خالد : يمه بدال الهياته بالاسواق ايام الامتحانات كان نصحتيها ليش ماتصير مثل الجازي ماعندها غيره؟
رهف وهي معصبه لانها ماتحب احد يقارنها بأي احد: ولاتسوى اللبس اللي البسه كل ماقلت قلت الجازي
خالد عطها كف : حدك لاتغلطين على بنت تسوى عشره منك
وطلع وسمع امه
ام ماجد: ليش تمد يدك ياقليل الادب انا اوريك اذا ماعلمت ابوك
رهف : شفتي ولدك ماله دخل فيني والجازي من تكون يضربني عشانها
ام ماجد : اوريه صايره حركاته ماتتحتمل هو اخوه الثاني
/
/
/
العنود: مبروك الف مبروك
طيب ان شاء الله قريب ازوركم ؟ أي طيب انا امس كلمتك ابي ابارك لك بس انشغلت مع الموعد حقي وارسلت لك رساله ياقلبي , ان شاء الله ، سلمي على امي
ماجد وهو يناظرها : من ؟
العنود: الجازي تبشرني تقول انجحوا الريم وشوق
ماجد : مبروك عليهم ماينخاف عليهم البنات
العنود: حبيبي وش تبي اسوي لك عشا امرني
ماجد وهو يمسك يدها : لا خليك بطلب من برا انتي تعبانه
العنود وهي تضمه : كأنك داري بس من اشوفك يختفي التعب
ماجد: ارحميني بابنت الناس ماني قد هذا الكلام
العنود : ههههههه
خرب عليهم طارق اللي كان يلعب
طارق : بابا هدي ماما انا وجلس يضرب ابوه عشان يترك العنود
ماجد بنرفزه : احس ولدي عدو من يشوفني مبسوط معك خرب علي
العنود وهي تشيل طارق : فديته وفديت ابوه
ماجد بغيره: أي ضميه اكثر وش عليك؟ انا اللي اكلها
العنود: ههههههههه

/
/
/
عبير : وش اخبارك ياليان ؟
ليان : بخير
عبيروهو تتمصلح : وشلونك ياخاله ؟
ام ابراهيم بطيبتها : بخير الله يسلمك في أي شهر انتي
عبير: والله ياخالتي تعبني الحمل مره هذا وانا بالشهر الرابع
ام ابراهيم : الله يسهل عليك يابنتي شي طبيعي البكر كذا
عبير : مبروك النسبه عقبال الزواج
ليان بعصبيه : وتفكريني مثلك كل همي الزواج
عبير : ليه ياماما يعني ماتدرين انك اخوي فارس متكلم فيك من مده ؟
ليان متفاجأه : وانا ماني موافقه روحي طمنيه
ام ابراهيم : خلاص ابراهيم دخل بس
جا ابراهيم وسلم على امه واخته وناظر في زوجته بهيام : شولنكم وش اخباركم؟
ام ابراهيم : بخير نسأل عنك
ابراهيم باحراج : تراكم بالقلب بس تعرفين عبير حامل وثقيله
ليان : من بعد البيت يعني ؟
ابراهيم وحب يغير السالفه : مبروك اجل بتدخلين أي تخصص؟
ليان بملل: مادري للحين مافكرت
عبير وهي تسوي نفسها : تصور ياحياتي تقول ماتبي اخوي فارس
اابراهيم بعصبيه : ماحد طلب رايها ولد عمها وبياخذها ورجلها فوق راسها
ام ابراهيم : اقصروا الشر ومالكم حق تتكلمون في بنتي وانا وابوها عايشين
ليان راحت غرفتها وهي منقهره

/
/

الريم : يالله مالقيته قلبنا البيت انا وشغالات مو محصلته
ام جراح : تلقينا بزوايه ولاشي
الريم وهي تتذكر : اخر مره كلمت يوم كنت بالمجلس ابخر وتذكرت الاحداث وتغير وجهه
( معقوله مع صقر ، لا ليه ياخذه ، ياربي لالا مو معه يمكن خذه وحطه بالمجلس )
ام جراح : وين رايحه؟
الريم : بروح ادور يالمجلس
ام جراح : بسرعه ترى بيجون ضيوف لابوك
الريم باستغراب : من يمه ؟
ام جراح : ماقالي ابوك شي بس قال كلمي عيالك وجهزي القهوه بيجون ضيوف
الريم : اجل مو لازم بعدين ادوره
وجلست تتفرج في التلفزيون
/
/
/
ماجد : وينك انت ماتسأل ؟
صقر : والله مشغول تعرف الشغل وهذا غير عمي قال لازم نطلع المزرعه عالاسبوع الجاي عشان الناجحين مسوي حفله
وانا قاعد اضغط على نفسي عشان ماداوم الاربعاء والخميس
ماجد: وجراح وشلونك معه ؟
صقر بثقه : كل شي زين توه مكلمني قال امرهم
ماجد : يعني مافيه امل تتعشى ؟
العنود وهي داخله : مو على كيفك ؟ وش هذي الطله
ماجد : أي قولي له ماكأنه يعرفنا
صقر وهو مبتسم : قول خيرا ولا اسكت
العنود : ياخوي ماشبعت منك للحين
صقر : مره ثانيه باس طارق اللي كان بحضنه يلعب بهدوء وعطاه ماجد
واستأذن لبيت عمه ،،،،،
/
/
/
وضحى : يمه قومي على فراشك
ام عبدالله : لا خليني هنا احسن ؟ وين ولدي ؟

عبدالله : هذا انا يالغاليه
قبل جبينها وجلس جنبها
وضحى : قطعت حلا لعبدالله
عبدالله: واو لذيذ تسلم يدك
ام عبدالله وهو ميله فمها : هات اذوقه يمكن صحنك احسن
وضحى عبدالله ضحكوا
وضحى : يمه كلها صينيه وحده
ام عبدالله : لا طعم صحنه احلى وش حاطه فيه
عبدالله : لا يمه بعدي عشان كذا تقولين حلو
ام عبدالله بعصاها : هههه تضحك علي وانا امك
وضحى ابتسمت تحب ام زوجها اذا كانت مروقه بس مدري ليه ساعات تقلب عليها
/
/
/

نزلوا راكان وجراح وابو لافي المجلس عشان يستقبلون الضيوف
كان راكان عارف ان سلطان هو ابوه بيجون بس ماحط باله ليش يفكر انه زياره عاديه
ابو لافي : حيا الله من جا هلا فيكم
ابو ابراهيم وهو يناظر ساعته : الله يحيك ويبقيك
ابو لافي : شلونك ياسلطان ؟
سلطان : الله يسلمك
راكان وهو يهمس لسلطان : اكشخ اول مره اشوفك نظيف
ابتسم سلطان : وش قصد يعني اني طول عمري وسخ
راكان : ههههه وش دراني كله بنادي حالتك حاله
سلطان : اوريك بس مو اللحين
جراح : بس انت وياه كأنكم حريم، وقام بسرعه بعد مادق جواله
راكان : على وين يالحبيب ؟
جراح : صقر عند الباب بروح استقبله
دخل صقر وانبسط ابو لافي بجية ولد اخوه وسلم عليهم
راكان : هلا صقر اعرفك على سلطان صديقي ولد جيرنا البيت اللي مقابلنا على طول
صقر وجهه تغير : ( اجل هذا خصمي ؟؟) هلا سلطان وشلونك ؟
سلطان : الحمدلله بخير ؟ اخيرا شفناك كان ودي اشوفك من زمان ،من كثر مايتكلمون عنك تحمست اشوفك
جراح: هذولا جيرانا من ست السنين يعني ماحصلت الفرصه تلتقون
صقر اكتفا بهز راسه
ابو ابراهيم والبهجه في وجهه لانه يعرف ان صقر سمعته بالسوق طيبه : تشرفنا فيك ياولدي
صقر بغرور : تسلم ابو ابراهيم
سلطان وهو يهمس لراكان : وش فيه ولد عمك رافع خشمه
راكان وهو يبتسم: لا عادي بس هو كذا شكله بس لو تحتك فيه اكثر بتحبه
سكتوا يوم سمعوا ابو ابراهيم بدا يتكلم
صقر وكأنه حس ان الموضوع كبير وقلبه قبضه
ابو ابراهيم : والله يابو لافي من غير مقدمات ، احنا جايين نطلب القرب منك ونخطب لولدنا سلطان بنتكم المصون
تغير وجهه صقر ومسك فنجال الشاي بقوه ، طالع عمه ابو لافي اللي كان مستغرب حس العم ابو لافي بعيون صقر الحاده ان فيه شي
راكان: احلى وانا اقول وش هذي الرزه اثر الموضوع جدي
جراح انتبه لصقر وهو يهمس : مانت بغريب عشان كذا ناديتك
صقر بقلبه ( تناديني على موتي؟؟ اسمع خبر مثل هذا يثير غيرتي ويجرحني بس لا والله ماتكون له ولالغيره دامني حي )
سلطان كان متوتر شوي من الموضوع ونظرة صقر اللي تخوف
ابو ابراهيم : هاه يابو لافي وش قلت ؟؟؟
ابو لافي تو بيتكلم الا صوت صقر الجهوري لفتهم : والله يابو ابراهيم سمعتكم طيبه ونتشرف فيكم لكن بعد اذن عمي البنت ابيها وانا ولد عمها واحق فيها وحاط عيني عليها ولاجات الفرصه اني اكلمك ياعمي انت تدري بظروفي ياليت تعذرني على جرائتي ومداخلتي بالموضوع لكن بنت عمي ابيها وشاريها واظن انت عمي وبحسبة الوالد الله يرحمه واكيد ابخص الناس فيني
جراح وابو لافي انبسطوا من داخل وانحرجوا من سلطان في نفس الوقت لانه رجال وسمعته طيبه وراكان تفشل لانه شاف وجهه صاحبه تغير
صقر بعد مارمى هذي الكلمات ناظر عمه وكأنه يقول تكفى لاتكسر كلمتي
ابو لافي : والله يابو ابراهيم جيتك غاليه عندي بس مثل ماسمعت ولد عمها اولى فيها
سلطان في نفسه : وش جابك من وين طلعتي لي ؟؟
صقر وعلامات النصر بعيونه واللي زادت عيونه حده : تسلم ياعمي
راكان تدارك الوضع وحط يده على سلطان : ماعليه والله لو عندي اخت ثانيه ماتغلى عليك بس
قاطعه سلطان : مايحتاج ياخوي الزواج قسمه ونصيب مبروك ياصقر
*ــــــــــــ*

الجزء السادس

شوق : يبه بكره لازم نروح عند جدي
لافي ( ابو فيصل ) : ابشري ياشوق على خشمي وهو يأشر على خشمه
ام فيصل : عمتك الريم ماشاء الله عليه جايبه نسبه حلوه
شوق وهي تمد بوزه : يعني انا ماهي زينه ؟
ابو فيصل : بالعكس حلوه نسبتك من قال ؟
ام فيصل : لاتناظرين فيني ماقصدت شي بس فعلا نسبه 99 %ترفع الراس عاد ماندري أي تخصص بتدخل
ابو فيصل وهو يكلم بنته بحنان : الا وش حطيتي في بالك أي تخصص تبين ؟
شوق : هذا انا اقول بكره لازم اروح لجدي منها نبارك لعمتي ومنها اشوف أي تخصص عشان ندخل سوا
ام فيصل وهي تمسح على كتف بنتها : والله يابنتي كبرتي ودخلتي الجامعه عقبال ماشوفك عروس
انحرجت شوق :....
ابو فيصل جاه اتصال من ابوه وطلع برا يكلمه
/
/
/

دخل جراح وراكان الصاله والريم كانت تتابع برنامج كلام نواعم ، وداخله جو معه
جراح : الريم وين امي ؟
الريم من غير ماتلتفت : في المطبخ
راكان واقف يناظر اخته ويفكر : يعني الريم خلاص بتزوج صقر؟؟ ، سبحان الله والله كبرتي يالريم وبتتزوجين ،شاف الريم وهي تحاول تركز في البرنامج بس شكل النوم بدا يسيطر عليها وتحاول تفتح عيونها النجلا بس ترجع وتتسكر ، ضحك في نفسه راكان مدري كيف صقر الجدي ياخذ الريم اللي للحين تصرفاتها مثل الاطفال

/
/
جراح : يالغاليه ابوي يبيك في المجلس
ام جراح : خير ان شاء الله الحين اروح له
رجع جراح يشوف اخوه لقاها نفس وقفته ويتأمل الريم
جراح بهمس : بنفقدها صح ؟
راكان : بصراحه ماتخيل البيت من غيرها ، غير كذا مدري شلون تعيش مع صقر
جراح : ضرب كتفه : وش قصدك ترى صقر ولدي عمي رجال ويستاهلها
راكان بدل الضربه باقوى : وانا قلت شي
الريم : بسم الله وش فيكم تتضاربون ؟
ناظروا في بعض ، الريم شكت في نفسها وناظرت في بجامتها ومسحت على شعرها
راكان وهو مبتسم : سلامتك مافيه شي
الريم وهو تطلع اللسانها : فكرت كشتي مخوفتكم
جراح وهو يجلس جنبها : ههههههههه الله اذا الريم تقول عن شعرها كشه اجل راكان وش يقول عن نفسه
راكان : خل راكان وشعره بحاله احسن لك
الريم : ههههههههههههه
/
/
/

ابو لافي وهو يكلم ولده الكبير ، مع دخله ام جراح : أي الموضوع تفاجأت منه بصراحه لو ادري كان كلمتك تجي ، أي والله فرحان هذا ولد اخوي وافتخر فيه ، ماعليه ربي يعوضه بخير ، اكيد اولى من الغريب
ام جراح وهي ماهي فاهمه شي بس تحس فيه سالفه مهمه
يكمل ابو لافي : خير ان شاء الله ، اجل بكره على خير نلتقي
مع السلامه قفل جواله وطالع في ام جراح المستغربه
ابو لافي : وين الريم ؟
ام جراح : في الصاله خير يابو لافي ؟؟ يقول جراح تبيني؟؟
ابو لافي : خير باذن الله بس تدرين من اللي كان هنا ؟
ام جراح : لا والله مادري
ابو لافي :خطاب لبنتك الريم
ام جراح بفرحه : من هم ؟
ابو لافي : ابو ابراهيم جارنا يبيها لسلطان
ام جراح : والله والنعم فيهم وفي نسبهم
ابو لافي : لكن !!
ام جراح باستعجال : لكن وشو ؟
ابو لافي : صقر طلبني وعطيته
ام جراح اختفت ابتسامتها واستقر التعجب في وجهه
ابو لافي : انا فهمك كل شي
/
/
/
لافي وهو يرجع لاهله بعد ماكلم ابوه كان مبسوط والابتسامه ماليه وجهه
ام فيصل : خير عساها دوم
لافي : الخير بوجهك وناظر شوق
شوق بدالة نظرته نظره استغراب
لافي : تجهزوا بكره نروح لاهلي الظهر
شوق : اوووه يبه خلوها بالليل احسن
ام فيصل وهي تضحك : عشان تنامين طول النهار هاه ؟
لافي : لا خلونا نروح الظهر نتغدى وعشان نتفق بطلعه المزرعه يوم الاربعا
شوق بفرحه : ياهوووووو
لافي : وعشان موضوع ثاني توقعوه ؟
شوق : شنو يبه؟؟
ام فيصل : قول بابو فيصل قدام يجون العيال
ابو فيصل : الا وينهم ؟
شوق : يلعبون في المقلط بلاستيشن
ابو فيصل وهو مبتسم : الريم اختي انخطبت
شوق متفاجأه: عمتي الريم ماغيرها ؟
ام فيصل : مبروك والله تستاهل من اللي خطبها
ابو فيصل : ولد عمي صقر
شوق : ...؟؟؟؟؟؟؟؟؟؟؟؟.....
/
/
/

....: لولولولولولوش
صقر وهو يضحك : كل هذي فرحه يومه لدرجه هذي كنت مسبب لك عقده
ام صقر : والله يازين ماخترت ياولدي فرحتني جعل ربي يسعدك دنيا واخره
الجازي وهي تنزل من الدرج : خير وش السالفه ؟؟
العنود ولدت ؟
ام صقر : ياويلي فال الله وفالك تولدين اختك توها بالشهر السادس
صقر البسمه ماغابت عن شفايفه : تعالي اجلسي نقولك
الجازي جلست : هذاني جلست قولوا ؟
ام صقر : اخوك خطب يالجازي اخير يابنيتي فرحنا
الجازي بعفويه : صقر خطب؟؟ من هي المسكينه اللي خطبتوها
صقر وهو رافع حاجب : ايش؟
ام صقر وهي تضرب كفها : وجع ياخد عدوك وش هالكلام
انتبهت الجازي لغلطتهاوخافت من صقر: هههه امزح وش فيكم اقصد من هي سعيده الحظ ؟؟
صقر بغرور : الريم بنت عمي
الجازي في نفسها : الله يعينك يالريم على جديه وبرود صقر : مبرووووك ياخوي الف مبروك ومتى ؟ وليه ماقلتوا ؟ يعني تشتغلون انتي والعنود من تحت لي تحت يمه
صقر : ليه ؟ كانوا يخططون ؟؟
ام صقر وهي تضحك : بصراحه تمنينا تكون لك وسبحان الله جات من نصيبك يعني مامدانا نخطط هههه
الجازي : عاد الريم بنت ولا كل البنات وين حظك تاخذها
صقر برود عكس اللي بداخله : ليه وش فيها زود ؟
ام صقر : كامله والكامل وجه الله جمال ودلال واخلاق
الجازي بتدخل : وانا اشهد
صقر بفرحه داخليه : خير ان شاء الله
وصعد غرفته
الجازي : ااااخ يالقهر بس
ام صقر : وش فيك ؟
الجازي : يمه بارد ولدك ؟ شوفيه ماكانه خاطب
ام صقر : اقول جيبي التلفون ابشر اختك بس
/
/
/
ليان بعد ماهدت : افا مفروض ماترك امي لحالها مع العقربه
نزلت وشافتهم كلهم بالصاله انتبهت لوجهه سلطان اللي كان مخطوف
ليان : سلام عليكم
ردوا السلام كلهم وكملوا مناقشاهم
ابراهيم : ولو يبه مفروض تعطوني خبر ولا ماني بولدكم ؟
ابو ابراهيم : خلاص ماصار نصيب ان شاء الله المره الجايه
ابراهيم : لايبه ملاحظ ملغين وجودي ولاتعبروني بشي
عبير من داخل مبسوطه لان سلطان ماتمت خطبته ولان ابراهيم شايش عليهم
ام ابراهيم : خلاص يابراهيم
سلطان بعصبيه : الحين احنا وين وانت وين صدق فاضي
ابراهيم : لاتنسى اني اخوك الكبير لاترفع صوتك علي وتحط حرتك فيني
سلطان وهو يصعد غرفته: تدري انا اللي مفروض ماجلس معك
ليان خايفه اول مره تشوف مشحانات وصوت سلطان يرتفع وشكله متغير
ابو ابراهيم : خلاص حشمونا على الاقل ماكأن احد موجود قدامكم
ابراهيم : اسف يبه يالله عبير تأخرنا
عبير بخباثه : ان شاء الله حبيبي
ليان ناظرت امها يمكن تعلمها وتقول وش السالفه بس لحقت ابوها اللي راح غرفه نومه ولاعبرتها
ليان : وش السالفه ؟؟؟
/
/
/
رهف : اف زهقانه وش اسوي يامشاعل ومقهوره من اخوي النذل
مشاعل : تقصدين اخوك خالد المزيون؟
رهف بحقد : ايه هو
مشاعل : هههه اجل تكفين سلفيني ياه يجنن
رهف : بلاك ماعرفتيه ولاما قلتي كذا ربي فكني من ماجد يوم تزوج عقبال يتزوج ويولي يخليني براحتي
مشاعل باستهبال : زوجيني ياه
رهف : هههههه عاد انتي وشطارتك قصي عليه مثل ماتسوين بالشباب الثانين
مشاعل : هههههههه لاتتحديني ترى اسويها
/
/
/
ام جراح : والله ونعم فيه بس ماهو مفروض تاخذ رايك بنتك
ابو لافي : بنتي ماتعصالي شور واكيد بتوافق على ولد عمها
ام جراح :طيب شلون نفاتحها وهي الحين كل همها التسجيل بالجامعه
ابو لافي : روحي ناديها لي ؟
ام جراح : ان شاء الله
/
/
الريم : هههههههههههههههههههههههههههههه هههه
بس شكلي على الضحك هذا ببكي الله يرجكم
جراح : عاد ماتوقعت المذيعه تعطيني وجهه وانا قاعد اتميلح عندها في اللقا
راكان: افا يارجال ماخبرتك راعي هذي الحركات
جراح : اقول شوف من يتكلم ؟
راكان : الحمدلله انا ماحب هذي الحركات من شغلي لنادي للبيت بس اذا مره يعني اقز
الريم : يعني القز عادي ههههههه الحمدلله بس خلاص طيرتوا النوم من عيني
ام جراح وهي جايه وتسمع ضحكم : الريم بسك ضحك روحي لبوك ؟
الريم : ان شاء الله يالغاليه
/
/
/
وضحى : عبدالله وش فيك تتحرك كثير ماجاك نوم ؟
عبدالله : أي والله افكر
وضحى : خير حبيبي
عبدالله : بس عندي بعثه برا اربع شهور متردد اوافق ولا لا
وضحى بخوف : اربع شهور ؟؟
عبدالله وهو يمسك يدها : لاتخافين ياقلبي للحين ماوافقت
وضحى باهتمام وهي مخبيه خوفها : اذا مهمه وتعلي مركزك لاتردد حبيبي
عبدالله: وامي ؟
وضحى : بتكون في عيوني ؟ لاتخاف عليها ؟
عبدالله : الله لايحرمني منك
وضحى بحب : ولامنك
/
/
/
خالد : فارس قفل الجوال من يوم جيتك وانت كل شوي ماسكه
فارس وهو يأشر له يسكت : طيب قلبي اكلمك بعدين
خالد : كم عندك قلب حشى سويت مو قلب
فارس : ههههههه عاد هذي اسوله لازم اخليها تحبني وتثق فيني توه تتكلم عن وحده من صديقاتها متعرفه عليها تقول مفهيه ماتدري بشي عن الحياه
خالد : يعني المحافظ بالنسبه لها مفهيه ؟
فارس : هههه ناس تفكيرها اعوج
خالد : طيب تعرفني عليها يمكن تسوي نفسها قدامها
فارس : ابشر ماطلبت شي بس خلني اسايرها واخليها تعرفك عليها
خالد : وانا انتظر لاني مليت من البنات المايعات أبي اكشن شي فيه صعب وفيه تحدي
فارس : تعجبني والله وبنت الخاله ؟
خالد : في قلبي اكيد بس اتسلى لين تخلص دراستها
فارس : هههههههههههه امحق حب يالخاين
خالد : طالعوا من اللي يتكلم ؟ وبنت عمك اللي متكلم فيها
فارس : عادي بس اضمن زوجه للمستقبل ولا اصلا ماعرفها
/
/
طلت براسها من على الباب بابتسامتها المعهوده : سلام ياحلى اب في العالم
ابو لافي : هلا بريم الفلا
الريم وهي تحب راسه : هلا فيك امرني يبه
ابو لافي : ابيك تسمعني يابنتي ولاتقاطعيني ؟
الريم : ابشر يايبه
ابو لافي : انتي يالريم عيني اللي اشوف فيها ودره صنتها 19 سنه ، ربيتك على طاعه الله ورسوله وطاعتنا وتربيتي ماهي برايحه عبث ان شاء الله ، جا الوقت اللي اخليك تششوفين حياتك مع نصفك الثاني وصدقيني انه الرجال المناسب لك
الريم دار راسها من هالكلام : يبه وش تقصد ؟
ابو لافي كمل : يابنتي ان ماراح ابقا لك طول عمري واخوانك كل واحد بيشوف سعادته ويتزوج وامك اكيد بتفرح لما تشوفك في بيتك مستوره ومبسوطه مع زوجك
فهمت الريم انها انخطبت : ( ياربي لايكون سلطان خطبني ، وش اسوي ، شوق بتكرهني واذا رفضت ليان بتأثر صداقتي معها ) كل هذا في بالها
ابو لافي : فهمتي علي يابنتي ؟
الريم هزت راسها
ابو لافي : واظن صقر ولد عمك يستاهلك يالريم رجال قول وفعل وماعليك من الماضي هو كان مراهق وغربته صحته
الريم بشهقه وعيونها تلمع : صقر ؟ وش دخله ؟
ابو لافي ويمسك يدها : صقر ولد عمك هو اللي خطبك وانا ماراح ارده لاني عارف انه يستاهلك وتستاهلينه
الريم صدمه قويه ، خوف هز كل جسمها من نطق باسمه
/
/
/
ليان افتحت باب غرفته ولقته حاط راسه على الطاوله
: سلطان
سلطان من غير مايرفع راسه : خير ؟
ليان سكرت الباب وجلست جنبه : اخوي سلطان ناظرني انا ليان ؟
سلطان رفع راسه وكانت عيونه حمرا وجهه مصفر : امري ليان بغيتي شي؟
ليان : وش فيك سلطان فهمني ؟
سلطان : راحت من يدي ياليان
ليان بتعجب : من هي ؟
سلطان : الريم بتكون لغيري ياليان وضرب يده الطاوله بقوه
ليان : معقوله ؟ وش تقول انت هي مش مخطوبه ؟
سلطان : ولد عمها طلبها قدامي ياليان ماقدرت هو اولى فيها
ليان : صقر ؟
سلطان: أي هي تحبه ليان ؟
ليان : وش قاعد تقول ماعمرها تكلمت في هذي المواضيع ابدا ، بعدين هذا نصيب وعسى ان تحبوا شي وهو شر لكم
يمكن لو اخذتها ماتفقتوا
سلطان بألم: بس تعرفين وش كثر احبها
ليان بعقاله : واللي يحب يتمنى الخير له خلاص هذا مكتوب ماتقدر تغير شي مو من نصيبك ، تبي تعارض المكتوب؟
سلطان : استغفر الله ماقلت كذا
ليان : تصرفاتك تدل كذا ، اللي خلقها خلق غيرها هي صديقتي بس انت اخوي مارضى لك الزعل
سلطان : كيف انساها وانا احس انها روحي
ليان : سلطان احكم عقلك البنت ماهي لك لاتفكر فيها من اليوم ورايح
سلطان : مو كيفي ياليان
/
/
/
شوق وهي بغرفتها من يوم سمعت بخطوبة عمتها فرحانه في نفس الوقت تحس بشعور الحزن على سلطان اللي راح يتفاجأ بالخبر ماتدري انه انحط بالموقف وجها لوجه

شوق يمكن يكون من نصيبي وعمتي الريم وش شعورها من الخبر نفسي اعرف
تذكرت الموقف اللي قالته لها الريم يوم شافها صقر
شوق : شكل الرجال شبع منك
الريم : والله بغى قلبي يطيح يمه ياشوق نظراته حاده قاتله تحسين ودك تموتين منها
شوق : ههههههههههه كأنك تغازلينه عينك عين
الريم بخوف : لاوالله مو غزل الا خوف منه نظراته مو أي نظره تحسين لها الف معني ومعنى
شوق : لايكون بدايه حب ؟
الريم : لا ياشوق مو حب بس خايفه منه وسمعتي الجازي شلون تتكلم عنه انه جدي وغامض
رجعت شوق للواقع : الله يعينك ياعمتي كان قلبك خايف والحين مدري وش بتسوين طالعت الساعه بكره اشوفها واجلس معها واشوف وش رايها ؟
/
/
/

ابو لافي بطوله بال : ليه تبكين الحين ؟
الريم وعيونها ماتوقف :.......
ابو لافي : تكلمي وش له تبكين ؟
الريم وهي منزله راسها : يبه ابي اكمل دراستي
ابو لافي : ماراح يمنعك كملي واذا تبيني اكلمه مو مشكله اكلمه لك
الريم : مابي اتزوج الحين الله يخليك ؟
ابو لافي بدا يفقد اعصابه : انتي رافضه الزواج ولارافضه صقر شخصيا ؟
الريم ( وش اقوله اني اخاف منه واني ماحس بالامان من يوم شفته ، ولا انه صعب ماراح اقدر اتعامل معه ) :......
ابو لافي بعصبيه : جاوبي
دخل جراح وراكان : خير يبه ؟
ابو لافي : مدري عنها تقول ماتبي تتزوج صقر ؟
جراح : يالريم الرجال طلبك قدام سلطان وابوه وشاريك وابوي مارده وعطاه كلمه صعبه موقفنا يالريم
الريم صدمه جديده : ( يعني سلطان خطبني وهو عارضه ) :...
راكان بحنانه : يالريم يمكن انتي متفاجأه او مصدومه بس صدقيني ترى صقر رجال والنعم فيه
ابو لافي بحزم : انا قلت كلمتي وصقر الحين بحكم خطيبك ونشوف متى ناوي الزواج واذا على الدراسه ماراح يمانع لاني بطلب منه يخليك تكملين
الريم وهي مازالت تبكي : بس
ابو لافي : هذا اللي عندي ، وانا ادرى بمصلحتك وراح تشكريني بعدين
جراح : عين الصواب يبه
راكان : الله يوفقك يالريم مبروك
دخلت ام جراح وراحت ريم تركض تحضنها وهي تبكي
ام جراح : خير يمه ليه الدموع ؟ هذي سنه الحياه وحمدي ربك ان صقر مو بالخارج ولا بديره ثانيه
الريم خلاص حست نفسها متضايقه هي متخوفه من شي ماتدري وشو هل هو الزواج وانها بتفقد جو هلها ولا صقر واطباعه الحاده
مشت بسرعه غرفتها يمكن تلقى نفس فيها
ام جراح : ماعليك يابو لافي لاتضايق نفسك
ابو لافي : علامها كأنها مذبوحه هذي الريم ماتهون علي دموعها بس لزوم ادلها على مصلحتها
جراح : وهو يخفف على ابوه : يبه دلع بنات شوي وتهدا
راكان : يمكن لانها حاطه في بالها تكمل من غير مسئوليه
ابو لافي : الله يكتب اللي فيه خير
ام جراح : اذا هدت كلمتها لاتحاتي يابو لافي هذي تربيتك
ماراح تزعلك
/
/
/

الريم
شلون انا اخذ صقر !! هزت راسها كأنها تمنع نفسها انها تتخيل يكون زوجها ، ياربي طلعت لي وتبي تدخل حياتي بكل جبروت وقوه ، شلون بتكون حياتي مع شخص جاد معظم وقته وتسع سنين متغرب مادري وش تفكيره ، تذكرت شكله ونظره عيونه وانتفض جسمها كله وسالت دموع حاره على وجهها ، من يومه صغير وهو شخصيته كذا كانت تذكره وهي صغيره كان معظم وقته ساكت مايحتك مع أي احد الا ماجد واخوها جراح
( الريم من الاساس متخوفه من فكره الزواج وانها تبتعد عن مملكتها والملوك اللي يعيشون داخله تقصد ابوها وامها واخوانها ، وكان كل همها دراستها على كثر مانخطبت ماحد طرى لها الزواج وش معنى الحين ؟؟؟ يعني خلاص كبرت ولازم انتقل لعش الزوجيه مع شخص اختاره ابوي !!!
واستمر التفكير والدموع حتى صدع راسها ونامت )
/
/
/

ابو لافي ماجاه النوم ويحس ماهو مرتاح ويفكر بالتصرف اللي تصرفه ، هو وافق على صقر بس خايف لايكون تسرع ، نفض الفكره من باله لالا ولد عمها احسن من الغريب ،
ام جراح تقلبت على سريرها فتحت عينها وشافته واقف عند البلكونه وهي تعرفه اذا مانام معناه انه متضايق ويفكر خافت عليه لايرتفع السكر عليه : ابو لافي بسم الله عليك وش فيك ؟
ابو لافي وهو يدخل ويسكر باب البلكونه : افكر يام جراح في الريم
ام جراح : الله يهداك خف الدلع عنها واقسى لو شوي عليها لمتى بتظل ترفض الخطاب اللي يجونها والحين اللي تقدم لها ماهو باي واحد هذا ولد اخوك اللي سمعته فوق والكل يمدحه
ابو لافي : طيب وش فيها ماتبيه ؟
ام جراح : يابو لافي هي متفاجأه تعرف من يومها صغيره وهي ماتحتك غير باخوانها وماتعرفه زين وتغرب سنين ونست منه،
والحين رجع وبعد كم اسبوع يجي يخطبها بدون مقدمات صدمه بالله عليك انت مانصدمت ؟
ابو لافي : أي والله اني ماتوقعت ابد
ام جراح : لاتخاف بنتا الريم ماترفض لك طلب
ابو لافي : ماني مطمن لين انفذ اللي بالي
ام جراح بتفكير : وش اللي في بالك؟
ابو لافي : كل خير ياسعاد

/
/
/

رهف وهي بالغرفه تشوف فلم اجنبي دق جوالها ناظرته رقم غريب ماهتمت كملت تشرب البيبسي وتحاول تعيد اندماجها بعد ماعكر صوفها صوت جوالها شوي ورجع يتصل
رهف : الو
.......: اخيرا تكرمت ياقمر ورديت
رهف : خير من تبي ولا من الفاضين اللي يلعبون على بنات خلق الله
......: ليش معصبه الحين ؟
رهف : خلصني من تبي ؟
......: ابيك انتي
رهف : صدق فاضي طراااخ
لاتفكرونها من عقالتها بس لانها مالها مزاج وتبي تتابع الفلم
دق مره ثانيه حطته صامت وسفهته ،،،،
/
/
/

تقلبت على سريرها وحركت راسها على الجهه الثانيه شمت ريحة بخور عرفت ان امها صحت من ريحه البخور والقهوه ،، عقدت حواجبه لانها حست بثقل في راسها وتذكرت وش صار ، رجعت الدموع تغزو محاجرها
ماني مصدقه اني خلاص برتبط بشخص واترك هذي الاجواء وتوها بتبدا افكارها لكن دخلت عليها امها بهدوء
جلست جنب السرير بابتسامتها الحنونه : صحيتي يمه ؟
الريم وهي مازالت منسدحه : ايه يمه
مسحت على شعرها بحنان وتطالع عيونها المورمه مبين عليها رقدت وهي تبكي : طيب يالله قومي افطري اخوك لافي وهله بيجون يتغدون عندنا ابيك تساعديني
الريم وهي تناظر الساعه لقتها 10 ونص : ان شاء الله يمه اخذلي شور وانزل
راحت ام جراح اللي تدعي بقلبها ان الله يهدي بنتها ويسعدها بهذي الزواج المفاجأ
طالعت نفسها لقت للحين بلبس امس ، قامت من السرير وتحس بخمول في جسمها خذت الفوطه ودخلت الحمام تبي تاخذ شور يمكن يهديها شوي
/
/
/
صقر بعصبيه : لو سمحت مره ثانيه لاتتصرف من عندك والمواعيد تبلغني اول باول فيها مفهوم ؟
السكرتير : حاضر ياباشا
صقر : تفضل تقدر تكمل شغلك
سند جسمه على كرسي المكتب ورفع اطراف اصابيعه ومررها على راسه عكروا مزاجه باهمالهم الشغل هو دقيق مره عشان كذا يشوف انهم مهملين ابتسم يوم مر طيف الريم في باله : ان شاء الله قريب اوصل لك ، فتح درج المكتب وحصل جوالها النعومي الذهبي واللي يدل على نعومه صاحبته ابتسم اكثر يوم تذكر الموقف كان شكلها وهو خايفه روعه ، سكت واختفت ابتسامته معقوله نستني انتقامي من عمي لالا اصلا مجرد مشاعر تافهه وباخذها عشان احرق قلب ابوها عليها ماهي هي الريم اللي اغلى شي على قلب عمي
بس عمي طيب معي للحين رغم اني سمعته كلام جارح ولافكرت بيوم انه راح يسامحني
وش يسامح فيه وهو ماقصر معك وهانك ههههه
تعوذ من ابليس وزال عنه فكره الانتقام مؤقت مايدري ليه راحت من باله بعد ماتعوذ وخذله بندول وكمل شغله
/
/
/

جراح : ماجد يادب معقوله للحين مادامت
ماجد وهو تحت البطانيه : وش تبي ياخي خلني انوم كفايه العنود من الساعه 8 تصحيني ارحموني مانمت الا متأخر
جراح : وحد قالك تسهر
ماجد وهو يتثاوب: غصب عني
جراح : طيب تأخرت على دوامك
ماجد : كلمت واحد من الشباب يتستر علي لين اجيهم بعد
شوي
جراح : ماقول الا مالت عليك لو انا منهم ماعطيتك وجهه
ماجد اللي سكر عيونه ولاهو مهتم مع جيه العنود اللي تعبت وهي تقومه وراحت تجهز الفطور وتنتظره من ساعه : مووووووووووووويجد للحين ماصحيت حضرتك
جراح وهو يضحك لانه سمعها: كفوا يابنت عمي
ماجد بفزع : بسم الله الرحمن بعدين كمل جراح متفقين انت وبنت عمك علي خلاص طار النوم منكم
العنود قربت وهي معصبه عليه مسك يدها وجلسها جنبه على السرير
جراح : المهم ترى متفقين انا وصقر العصر نمر على واحد من الربع المستشفى تروح معنا ؟
ماجد : مايبيلها اكيد بروح معكم
جراح : اجل على خير نلتقي في امان الله
ماجد : مع السلامه
العنود وهي تهز رجولها وحواجبها معقوده : مو حرام عليك مصحيني من 8 كأني انا اللي بداوم
ماجد وهو يبتسم : انتي للحين متعوده على نظام المدرسه يعني ماراح يضرك
العنود بعصبيه: ألا بيضرني تعرف ولدك امس بعد الموت نام
ماجد : عيوني انتي ليه العصبيه لاتخربين مزاجي بعد سهرة امس
العنود ابتسمت : طيب يالله جهزت لك حمام دافي تروش وتعال الفطور جاهز
ماجد وهي يتنهد : آآآآه ياناس شفتوا وش كثر طيبه لاتلوموني اذا حبيتها
العنود: فديتك بس ترى انت متأخر واذا على كلامك بتتأخر زياده
ماجد ولاهو مهتم :يولي ، من زود الاهتمام زين اني بداوم ساعتين يحمدون ربهم
العنود وهي تبي تفاتحه عن اهماله بشغله بس حست انه مو وقته راحت تفقد ولدها طارق اللي كان نايم وماجد دخل الحمام
/
/
/

العصريه بعد ماجا ابو لافي وهله وتغدوا وامتلا البيت بالرجه والضحك والسوالف وكانوا مجتمعين سوا والريم ماهي معهم تسرح كل شوي وماتناظر ابوها لانها تحس انه يذكرها باللي صار امس ، شوق ماحبت تفتح معها الموضوع يوم شافتها متكدره فضلت انها تسكت
تكلم ابو فيصل بفرح : الف مبروك ياالريم على الخطبه بصراحه فرحت لك من قلبي
مامداها يتكلم الا ام فيصل لانها فضلت ماتتكلم الا اذا تكلم زوجها : أي والله مبروك ياعمي خطبه الريم مبروك ياخاله التفت لريم اللي كان وجهه متغير : الف مبروك يالريم تستاهلين الخير
الريم وهي تحس بحراره في جسمها : هزت راسها
الكل فسرها انها مستحيه الا اللي يعرف السالفه
راكان وهو يضحك لابو فيصل المستغرب من الريم : تعرف الينات يستحون يابو فيصل
غلا بلقافتها : يعني عمتي الريم بتتزوج الله يتلبس ثوب ابيض وحراكات
فهد : هذا اللي هامك باركي لها اول بعدين ابتسم وبارك لها
فيصل : مبروك ياعمتي
غلا : طيب من اللي بتزوجها عشان ابارك لها
جراح وهو يجرها يجلسها جنبها باسها وقال : ههههههههه طيب يمكن مابعد شفتيه
فهد : هذي ماخلت احد ماشافته
ضحكوا عليه الكل ماعاد الريم اللي ماهي معهم
غلا بعصبيه : وانت وش دخلك ؟ يبه شفه
ابو فيصل : ماتجوز عن حركاتك يعني
جراح : تعرفين ولد عمي صقر ؟
غلا وهي تمسك ذقنه : اللي يشبهك شويه بس انت احلى
جراح يجاريها: ليه احلى ؟
غلا برائه : لانك ابيض منه وذاك يامعطيني وجه مثلك وغير كذا انت عمي وسبلت بعيونها
جراح : ههههههههههههههههههه
وعلى هذي السيره تعكر مزاج الريم اكثر وقامت لغرفتها
من غير ماحد يحس
/
/
/
ليان : سلطان انت هنا فكرتك رحت للنادي
سلطان ابتسم مجامله : لا اليوم ماراح اروح احس نفسي مكسر
ليان : اممممم وبعدين يعني ؟؟
سلطان : اوف ماراح اخلص منك ياليان خلاص مالي نفس
ليان تو بتتكلم الا ويدق جوالها ناظرت الاسم وابتسمت بعدين طالعت في خوها اللي حس في شي
سلطان : ليه ماتردين ؟
ليان: هذي بيت الريم مادري وش تبي ؟ احس متفشله منها مفروض انا اكلمها مو هي
سلطان بهتمام : ردي
ليان وهي تبي تطلع : طيب
سلطان : تكفين تعالي خليني اسمع صوتها لاخر مره
ليان : لا سلطان سوري
سلطان : ليان قلتلك اخر مره وربي بحاول اشيلها من بالي بس ابي اعرف وش ردة فعلها
ليان : اوف راحت علي المكامله
الا يدق مره ثانيه ارفعت وحطت على السبيكر
الريم بصوت مخنوق : الوو
ليان وهي تناظر اخوها اللي عقد حواجبه : الو هلا ريمووو
الريم : وش اخبارك ؟ وش مسويه
ليان : تمام انتي وش اخبارك ومبروك يالريم تستاهلين الخير ياقلب امك
الريم وهي تداري دموعها : ......
سلطان قام من مكانه وقرب من ليان اللي استغربت وش فيها ماتتكلم
ليان : الو ريمو معي ؟
الريم : معك ....؟ ليان
ليان : وش فيك ؟ ريمو كلميني وش اللي مضايقك ؟
الريم وهي تبكي : آسفه والله ماكان قصدي احط اخوك بهذا الموقف وربي ماكنت ادري ان ولد عمي بيخطبني
ليان : ياربي يالبايخه يام دمعه قريبه هذا اللي يبكيك بس مالت عليك لو انتي عندي ماتسلمين من عضتي
سلطان اللي تضايق يوم سمعها تصيح جلس يفرك يدينه ببعض
ليان: الريم خلينا نتكلم بعقل
الريم : .....
ليان : الحين اللي صارلك ربي كاتبه لك وهذا قسمه ونصيب مالك يد فيه بعدين اخوي فاهم هالشي ولا زعل بالعكس فرحلك من قلبه والله يوفقك ويوفقه ياصديقتي العزيزه هههه وش فيني قلبت
الريم وهي تحاول تضحك : هه ناويه تدخلين لغه عربيه انتساب
ليان: وجع كل هذي النسبه وادخل لغه عربيه وش دخلني يابو الشباب تراني علمي وش فيك مضيعه هههه
الريم : هههه بعدين اسكتت
ليان: ايوه يانذله ماقلتي لي عن صقر
سلطان وكأنه انطعن من ذكر اسمه وهي تعمدت ليان تذكره عشان خلاص يشوف نفسه ويصحى
الريم : تبين الصراحه ؟
ليان: اكيد لاتخبين وهي تضغط تبي تشيل السبيكر بس رفض سلطان
ونزل راسه وكأنه جاهز لاي كلمه جارحه
الريم وبصوت خايف : مابيه ياليان انا اصلا ماتصور حياتي معه ولااعرفه زين ولا عجبتني طريقته بخطبتي خاش عرض وكأنه واثق اني بوافق عليه وبكل بساطه يبوني اوافق والسبب انه ولد عمي وماينرد طيب وانا مالي راي ماني مصدقه اني خلاص مخطوبه له وصاحت
ليان : هدي ريمو ياقلبي خلاص
الريم : وش اسوي الحين مافيه حد بالي بس ابي اكمل دراستي ماني مستعده اتزوج الحين وربي حتى اني ماعرف عنه الا انه ولد عمي صقر الجاد بكل شي والصعب التعامل من كلام اخته والشرس بالسوق من كلام ابوي انا خايفه ياليان مادري وش اسوي
ليان : الريم خلاص لاتصحين عشان خاطري
سلطان ماتحمل وفتح الباب وخرج
ليان وهي تناظر المكان اللي خرج منه اخوها ومتوتره : الريم اسمعيني شوي ؟
الريم : تفضلي
ليان : وش راي اهلك كلهم ؟
الريم : كلهم فرحانين ويمدحون فيه ويقولون مالك عذر حتى ابوي اول مره يوقف ضدي
ليان: طيب ليش حكمتي عليه من كلام الناس انتي ماعاشرتيه كيف تتاثرين من كلام الناس حرام عليك يمكن يطلع العكس
الريم : بس انا شفته مادري حسيت اني اول ماشفته ارتجفت خايفه منه ناظراته وكل شي فيه يخوف وباينه من شخصيته العشره معه
ليان : ماهو كلام وحده عاقله كيف تحكمين بالشكل ومن كلام الناس حتى انك ماعطيتي نفسك تعرفينه انتي يالريم اسمحي لي بقولك شي انتي صديقتي ومثل اختي روحي استخيري وان شاء الله ترتاحين وصدقيني اهلك وخصوصا ابوك ماوافقوا عليه الا انه يستاهلك
الريم ارتاحت شوي يوم فضفضت لصديقتها : الله يكتب اللي فيه الخير
ليان : امين ياعروسه ههههه
الريم : مشكوره انك سمعتيني ياغلى صديقه بروح اصلي وانزل تحت لان العايله الكريمه مجتمعه
ليان : طيب اقلبي وجهك جالسه تبكبك عندي واهلها تحت مالت عليك من بنت
الريم : ههههههههه طيب اوريك
ليان : روحي بس باي
قفلت جوالها : الله يوفقك يالريم خلني اشوف وين راح سلطان طلع متضايق الله يتسر
/
/

الجزء السابع

وضحى : سلاااااااااااااااااااام كلكم مجتمعين يالخونه ولاحد قال عندي اخت اكلمها تجينا
ابو لافي : هلا يابوي مرحبا
وضحى وهي تبوس ابوها وتسوي نفسها زعلانه : لو انك تحبني مو تجمع عيالك وانا لا ماكني بنتك
لافي وهي يضحك : يابنت الحلا انا اللي عزمت نفسي وطبيت عليهم الا وين عبدالله ؟
وضحى : راح يعطي اوراق لرجال وبيجي بعد شوي
وسلمت على الباقين وجلست تسولف وانتبهت للريم ماهي موجوده
وضحى وهي قاعده تبوس غلا وحاضنتها : الا شوق وش اخبارك ومبروك النسبه ياقدعه ؟
شوق : بخير تمام الله يبارك فيك
وضحى : اشوف تؤمك ماهي هنا ؟
شوق : ههههههههه راحت فوق شوي وتنزل
غلا: عمتي أي مستحيه لانها بتتزوج
وضحى وهي تفتح عيونها : ايش؟
ابو لافي : وش فيك ياوضحى ؟
وضحى : لا يبه بس الخبله غلا (طقت راسها بخفه) تقول ان الريم بتتزوج ههههههه
راكان : اووووووه الحبيبه ماتدرين ؟ بصراحه اليوم ناسينك مدري وش فينا
جراح يبي يتكلم : مادريــ....
راكان : لااااااااا انا اللي بقول
ام صقر : حشى بزارين
الكل ضحك
وضحى : وش السالفه ؟؟؟؟؟؟؟
غلا اسبقتهم : بتتزوج صقر هيييييييييييييييييا وجلست تنطط
وضحى على طول طالعت ابوها اللي كان مبتسم
ابو لافي : أي صقر خطب الريم البارحه
وضحى بعصبيه : لا لا كذا زعلتوني وانا اخر من يعلم ليه يمه ماقلتي لي
ام صقر : والله تو السالفه طازجه بعدين يابنيتي ماجاني وقت ارفع السماعه
وضحى : الف مبروك وربي لازعل مره ثانيه لو صارت
راكان : ابشري اذا خطبت انتي اول وحده تدرين هذا اذا ماخليتك بعد انتي اللي تروحين تخطبينها لي
جراح : وش عنده اللي يجبر الخاطر
وضحى : ههههه أي عادي اخطبلها واخطبلك بعد
جراح : لا تكفون انا خلوني كذا عزابي مرتاح
ابو لافي اللي زاد اصراره على الفكره اكثر وناوي يكملها
وضحى : اجل عن اذنكم ماني قادره اصبر بروح اشوف الريم
جراح : اشتغل فضول الحريم
راكان: خخخخخخ
استأذن جراح لانه مواعد صقر وماجد يلتقون
/
/
/

ماجد يكلم خالد يالجوال...
ماجد : هلا خالد أي انا مو في البيت بس تلقى العنود قدامك
أي بروح مشوار على المغرب برجع ...يارجال البيت بيتك وش فيك ؟ طيب وش رايك امرك بروح مشوار مع صقر ولد عمه طيب يالا تجهز شوي وتلقاني عند الباب
/
/
/
رهف : وهي ترفع جوالها وتشوف 15 مكالمه وخمس رسايل : وش السالفه ناس قاطه وجهه قرف صدق
نفس الرقم متكرر وفيه رسايل غزليه مره مسحت الرسايل كلها من غير ماتكمل قرايتها : اف زهقانه ابي اطلع جا في بالها صقر وووووع ثقيل بزياده يالله يمكن اقدر الين راسه واتسلى معه بعدين راعي فلوس شلون افوته
رهف بدلع : مامي
ام ماجد : وهي تتجهز تبي تروح حفله استقبال لوحده من ربعها : نعم رهف
رهف : زهقانه ابي اروح للجازي اغير جو
ام ماجد : من متى المحبه ؟
رهف : اوووه يمه مو تقولين اتقرب منهم عشان صقر
ام ماجد : أي صح خلاص تجهزي عشان اوصلك بطريقي
رهف : اوك
/
/
/

سلطان على الكورنيش زهقان ومتضايق بعد ماسمع الريم وهي تبكي حس انه ضعيف مو بيده يسوي شي عشانها
( ياربي ليش ياصقر ؟ وش اللي دخله ؟ وش معنى هذا اليوم يجي بالذات وكأنك حاس.... أأأأخ يالقهر ، ياقلبي عليك يالريم ؟ربي يوفقك ويسعدك وين ماكنتي ... لازم اقول ليان توقف معها وتنصحها ترفض قد ماتقدر وقطع عليه صوت جواله يدق
راكان يتصل بك
ابتسم سلطان من غير نفس : مالي خلق ارد عليه بس مايطاوعني قلبي
الووو
راكان : هلا وغلا يالسلطان وينك ؟
سلطان : موجود
راكان سكت شوي مايدري شلون يحس نفسه منحرج منه بس هذا نصيب ماله يد فيه : وش رايك امر عليك نطلع للنادي سوا
سلطان : انا مش موجود في البيت قريب من النادي
راكان : بالاقصاد تتكلم انت وخشتك
سلطان : هههه الله يقطع شرك
راكان : تكلم وينك لاتوطا بطنك الحين
سلطان : في كورنيش الخبر
راكان عرف انه متضايق :
خلك مكانك راح اجيك عشان ندخل النادي سوا يالحبيب
سلطان : حياك
/
/
ضبط شماغه ولبس ساعته ورش من عطره الفواح اللي يدل على جبروت راعيه
صقر : يمه
ام صقر وهي في غرفتها : تعال يمه
صقر دخل الغرفه : وش تسوين يالغاليه ؟
ام صقر : توني يوم خلصت صلاه العصر
صقر : تقبل الله
ام صقر بحنان : منا ومنك الا وين رايح ياعيون امك ؟
صقر ابتسم وباس يدها : بروح انا وجراح وماجد نزور واحد من الربع ونغير جو شوي
ام صقر : أي يمه انت كارف نفسك الايام الفاتت ربي يهديك
صقر : والجميع يارب وين الجازي ؟
ام صقر : اكيد بغرفتها
صقر : طيب يمه تامرين على شي ؟
ام صقر : ربي يحفظك يايمه ويسهل دربك
صقر : مع السلامه
/
/
/
ليان : يمه وينه فين ؟
ام ابراهيم : مادري شكله راح لركان
ليان استانست شوي لان راكان غالي عليه ماراح يتركه متضايق
ام ابراهيم : الا اقول يمه
ليان : هلا
ام ابراهيم : وش رايك بريناد نخطبها لسلطان
ليان : يمه مادري بس خليه يهدا شوي بعد سالفه الريم لاتكلمينه الحين ريناد طيبه بس اخاف تقلب مثل اختها
ام ابراهيم : لالا الله خلق وفرق ماكنهم بخوات حتى امها تشكي من تسلط عبير وتمدح في ريناد
ليان : يمكن بس عبير اللي تسويه ماهو هين قاعده تخطط وتلعب بخوي على كيفها
ام ابراهيم : والله اخوك اللي سمح لها
ليان : تعرفين ابراهيم طيب ويحبها حيل مايبي يزعلها بشي
ام ابراهيم : الله يعين
ليان: يــ..مه
ام ابراهيم : خير يابنتي
ليان : وش سالفه فارس ؟ يمه تعرفين فارس وسيرته
ام ابراهيم : ماعليك منها دامني عايشه يحلم يوصلك صدق امه احترمها ومابي اردها بس مارضى عليك
ليان ارتاحت شوي : ربي يحفظك يااغلى ام بالدنيا

/
/
/
وضحى وهي تدخل مع شوق لغرفته الريم : مبروووك ياعروسه
ابتسمت الريم ابتسامه صغيره : هلا وضحى دريتي ؟
وضحى : أي والله خبر حلووووو مره
شوق : مبروك ياعمه
الريم : كم مره قلتلك لاتقولين ياعمه تكبريني واحس نفسي عجوز
وضحى : هههههه نحن هنا تراني مو كبيره وتقولي ياعمه
شوق : مالت وانا ماقولها الا احترام لك
وضحى : الحين خلاص بتتزوجين يعني لازم تحترمك اكثر
الريم بضيقه : اذا تزوجت يصير خير
وضحى بستغراب :ليش مانتي مقتنعه ؟
الريم بتوتر : مادري لاتسأليني ماني مرتاحه بس اكيد بوافق عشان ابوي
شوق : ريمو والله صقر يجنن اتركي عنك كلام الناس وشوفيه بعينك
وضحى : أي صحيح انه جدي شوي بس كل الرجال مع حريمهم غير يعني عبدالله وش رايك فيه؟
الريم : يعني احسه رزين حيل
وضحى : بس ماتتصورين وش قد هو رومانسي معي وكل رزته وثقله تختفي عندي
شوق : صدقيني انه ماخطبك الا بعد ماخق عليك وسهرتيه الليل
وضحى وهي تغمز بعينها : لايكون ...
الريم تذكرت الموقف معه وحمر وجهه
شوق : أي تخيلي شافها مرتين وبعدها شكله طاح ماحد سما عليه ههههههه
وضحى : والله مالومه احد يشوف هذا الملاك ومايخق
الريم وهي مستحيه : طيب خلاااااااص
/
/
/
صقر
بعد ماودعت الوالده ومريت على الجازي طلعت من البيت
دق ماجد وعلمني انه بيمر خالد ونلتقي عند الاستقبال بس قطع علي منظر وحده تدخل بيتنا بعبايه مخصره وتمشي بغنج عرفت وحسيت ان ضغطي ارتفع واستحقرتها
صقر : اوكي ماجد نلتقي على خير
رهف تقدمت بابتسامه يوم شافت صقر طبعا كانت متغطيه بشليه شفافه يعني تعبت نفسها انها تغطت
رهف بدلع : مساء الخير صقر
صقر وهو يحاول مايناظر فيها : هلا ببنت االخال شلونك ؟
رهف : طيبه دامنا نشوفكم
صقر رفع حاجب وخقت عليه رهف من هذي الحركه : تفضلي البيت بيتك
رهف : مشكور
صقر : الا اقول يابنت الخال ؟
رهف : يس
صقر باستحقار : اخوانك سامحين لك تطليعن كذا ؟
رهف مافهمت : أي استأذنت من مامي
صقر لف بجهه سيارته : اقصد لبسك
رهف تفشلت وعصبت : انا حره ماحد له دخل فيني
صقر برود وهو يركب سيارته : الله يهديك بس
سكر باب السياره وهو يهز راسه
رهف بدت تسبه : متخلف ، يعني كل ذا الزين مو عاجبه يبني اللبس عبايه حقت العجز مالت عليك يالهمجي خساره دراستك وعيشتك برا فكرتك متطور شوي
ودخلت وهي معصبه حدهاااااااا
/
/
/
خالد : بغيت امرك لاني مشتاق لطروق
ماجد : البيت بيتك في أي وقت ياخوي بعدين العنود زي اختك يعني مافيه شي لو رحت وانا ماني موجود
خالد : تسلم ياخوي
ماجد : وش اخبار امي وابوي
خالد : ماعليهم بس
ماجد : بس ايش ؟
خالد : ماهي عاجبتني حركات رهف كله من الوالده اللي يهديها مخليتها على راحتها
ماجد بعصبيه : وش اسوي اذا ابوك وامك مانعينا ندخل انا كم مره اهاوشها واطقها في الاخير هي الربحانه ماكأن احنا اخوانها وخايفين عليها
خالد : الله يعين ياخوي البنت مدلعه بزياده وخايف عليها
ماجد : انا لازم اجلس معها وتفاهم معها بهداوه
/
/
/
/
رهف : هاااااااااااي
ام صقر : ياهلا رهف حياك وسلمت عليها
رهف : الجازي هنا
ام صقر : هو اكيد وين بتروح هذي الحزه ياسري
سري : يس ماما
ام صقر: نادي الجازي قولي لها بنت خالك تحت
سري : ان ساء الله ماما
ام صقر: وشلونك واخبار امك وابوك وخالد
رهف وهي تحط رجل على رجل : الحمدلله بخير
نزلت الجازي وهي مستغربه من هذ الزياره
الجازي : هلا رهف وش اخبارك ؟
رهف : طيبه مبروك النجاح
الجازي : الله يبارك فيك وانتي بشري
رهف ( وجع مالت عليك مصره تحرجني تسوي نفسها ماتدري ) لا انا حملت ماديتين
الجازي بطيبه : ياربي ماعليه عاد شدي حيلك وان شاء الله تقدمينها زين
رهف : اف زهقانه قلت اجي اتسلى عندك
الجازي : وش رايك نطلع فوق بغرفتي
رهف : يكون احسن
ام صقر : خذوا راحتكم بكلم العنود ابشرها ماردت البارح علي
رهف ماهتمت وطلعت فوق من غير ماتدري وش البشاره
/

ماجد : هلا والله وغلا شلونكم
جراح وصقر : بخير الله يعافيك
جراح : شلونك ياخالد ماتنشاف وينك مختفي ؟
خالد : موجود بس خبرك دوامي شفتاتات ويالله الواحد يطلع يتسلى
صقر : الله يعين والله الشغل مايخلص
ماجد : تكلم رجل الاعمال الاجنبي
صقر وابتسامته المايله : انا عربي بدوي ابا عن جد يالخكري
ماجد : افاااااااا انا خكري ياجماعه
جراح : ماحد قالك تتكلم على النسيب
ماجد فتح عيونه : ايش ايش ، اشم ريحه خيانه
صقر : هههههههه لا يابو الشباب بس خطبت بنت عمي ابشرك
ماجد : افااا ولاكأني بصديقكم تعلموني عالعموم مبروووك الف مبروك بتدخل احلى قفص
صقر: عاد احلى قفص عندك عشان العنود فيه هههه
جراح : وش تقصد ترى حتى انت وين حظك تاخذ اختي وتدخل معها القفص
خالد : مبروك ياصقر ربي يسعدك
صقر : الله يبارك فيكم وعقبالك ياخالد
خالد : آآآمين
جراح : من قلب يقولها ههههههههه
خالد : أي والله ان شاء الله تتسهل الامور ونلحقه ياجراح
جراح : لاتكفى ابعدوني عن القفص ابي حريتي للحين مو مستغني عنها
ماجد وهو يتحمد ربه: حاله مستعصيه
صقر : هههههه اقول ورا ماندخل غرفه الرجال تأخرنا
الكل : يالله
/
/
/
وصل راكان للكورنيش ولقى سلطان وباين عليه متضايق
راكان : اخص داخل جو تسوي نفسك رومنسي
سلطان : الله ياخذ عدوك خوفتني
راكان : وش عندك سرحان وانا اخوك ؟
سلطان : ربك يعين
راكان وهو يحط يده على كتف خويه : سلطان انت اخوي وماستغني عنك مابي اللي صار يأثر على علاقتنا بعض
سلطان : افا عليك وش هذا الكلام يابو سلطان
راكان وهو يتلفت : من ابو سلطان
سلطان : هههه انت
راكان : سلامات لو وش يصير ماسميت ولدي سلطان
سلطان: هههههههههههههه ليه تحمد ربك بعدين كفايه انه على اسم سلطان الخير ربي يحفظه
راكان : والله بهذي معك حق
سلطان : روح بس ياشيخ جاي تسب وتتهزء ولاتسليني
راكان: وش رايك نسحب على النادي دام الجو حلو
سلطان : أي والله مالي خلق اروح..
سلطان بتردد : راكان
راكان : سم
سلطان : اقدر اقول مبروك لاختك ؟
راكان : وش تقصد ؟
سلطان : وافقت على صقر؟
راكان : والله ولد عمها مافيه مثله ماظن بترفضه بس تعرف دلع البنات بكت شوي وقالت دراستي بس متأكد انه موافقه
سلطان: الله يسعدها
راكان: ويسعدنا معها ويعوضك بالاحسن من اختي
سلطان ماحب يبين اكثر انه متضايق وبدا يحاول يأقلم نفسه بنسيانها : الله كريم
/
/
/

العنود تكلم تلفون امها
العنود : هاه من صدقك يمه؟
ام صقر : أي يمه الحمدلله
العنود بزعل : وتوكم تقولون لي والله كلفتوا على انفسكم!!
ام صقر : دقيت عليك اول مابشرني انه طلبها بس ماحد يشيله
تذكرت العنود ان طارق كان يلعب فيه وشكله فصله
العنود مبروك يمه والله خبر يهببببببببببببببببببببل والريم طيبه يمه يعني بتكون مثل بنتك
ام صقر : أي ياحليلها ادب واخلاق وكل رجال يتمناها والحمدلله انها من حظ ولدي
العنود " طيب والجازي وش سوت يوم درت ؟
ام صقر : هههههه فرحانه بس تقول مسكينه ماهي متحمله صقر تحمد ربها ان صقر كان رايق شوي
العنود : ههههههههههه بجد يمه ولدك ثقيل اكثر من الازم
ام صقر : لي جات الريم ودلعته بيتغير وانا امك خبرك الرجال تعامله مع امرته غير
واستمرت المكالمه والتخطيطات للملكه ووووو
/
/
/
الجازي بعفويه : مادريييييييييتي خبر طازج توه امس جاي
رهف وهي تضغط بجوالها : وش صاير اكيد من صديقاتك البايخين انخطبت وفرحانه
الجازي تضايقت شوي : لا مو كذا ؟
رهف : اجل
الجازي : صقر خطب بنت عمي الريم ووووووووووووووواي فرحانه اخيراااا
رهف واللي فزت وتركت الجوال من يدها : شنووو
الجازي : اخوي خطب امس
رهف عصبت : ومن هي بنت عمك مابعد شفتها ؟
الجازي : يوه مدري اذا تذكرينها من زمان الريم بنت عمي
رهف : يعني شلون هي حلوه
الجازي : حلوووه قولي قمر تجنننننننن ياحظ اخوي فيها
رهف وهي تهز رجوله وحست ان ماعاد فيه امل تملك صقر : طيب لاتطيرين يالله انا بروح بيتنا
الجازي باستغراب : بدري حتى عصيرك ماشربتيه
رهف : بروح زهقت اكثر معك
الجازي : وش فيها هذي اف الله يعيني لمتى بسكت وتحملها
: مشكوره عالزياره واعذرينا ماسليناك
رهف دقت على السواق وطلعت والجازي مالحقتها توصلها لانه تضايقت من اسلوبها
لقت ام صقر : بدري يارهف وين رايحه
رهف : لا بروح ومبروك خطبت ولدك اكيد انه نفس طينتكم
ام صقر : وش فينا ماحنا مالين عينك
رهف : ماقلت شي بس انتوا مادري شلون أي حد تتقبلونه حتى لو ماكان يملك الجمال
ام صقر : احترمي نفسك ولاتنسين اني عمتك وفي بيتنا بعدين اللي خطبها بنت عمه ابو لافي ولا مابعد سمعتي عنهم وعن سمعتهم ها.. ولا مالومك مابعد شفتيها عشان كذا حكمتي ولدي وعرف يختار واذا على الجمال الجمال ماهو بالشكل الجمال جمال الروح
رهف : اوووف وخرجت من بيتهم تنتظر السواق ...
/
/
/
رهف : مشاعل تخيلي خطب بنت عمه ؟
مشاعل وهي تشرب الكابتشينو : يالله الله يعوضك ياشيخه مو تقولين ثقيله طينه!!
رهف : لهذي الدرجه ماجذبته بس تدرين ماهو من مستواي ولا بتفكيري اجل انا رهف يقول اخوانك راضين على لبسك مادري هو يبيني مثل العجر ولاشلون
مشاعل : هدي نفسك انتي مو رايحين مجمع الراشد الا ننبسط
رهف : اوف نرفزني هو وامه
مشاعل تغير الموضوع : اقول يالحبيبه شوفي اربع وراك توهم داخلين وربي خقاق
رهف من غير نفس : اووووف فاضيه صدق
مشاعل : رهف وربي شايفته هذا مو كأنه اللي بشاعر المليون
رهف : ومن متى تتابعينيه ماخبري فيك قرويه هههه
مشاعل : شفت صورته بالمجالات انتي ناظريه هو واللي جنبه شكله يقرب له لانه فيه ملامح منه
رهف ناظرت وراها : يماااااااااااااامي
مشاعل : وجع وش فيك ؟
رهف : هذا صقر ومعه اخوي ماجد
مشاعل : أي والله هذا اللي على جنب ماعرفته تغير يادوبه يجنن
رهف : ياويلي وربي لو يشوفوني يفشلوني قدام الناس
مشاعل : يؤيؤ وخالد تصدقين هذا هو قام يكلم
رهف : رحت فيها
مشاعل : ماعليك قومي بسرعه نروح من الجهه الثانيه
رهف : اخاف ينتبهون لي
مشاعل : ماجد ماراح ينتبه مندمج بالسوالف

وخالد قام... بسرعه قبل يرجع ونبتلش
قامت رهف ومعها مشاعل بسرعه انتبه لهم صقر لانه بالجهه المقابله , عرفها وهو ماصارله ساعه من يوم شاف شكلها
صقر
استغفر الله هذي شكلها مفتلته ماحد مربيها ، ناويه تخرب سمعتنا ، ماجد وخالد وينهم عنها ، لالا هذا الشي ماينسكت عنه
جراح وهو يهمس : لا والله هين عند الريم وش له تقز بالبنات هاه
صقر : ههههه لا ماعليك منهم بس متعجب وشلون اهلهم يسمحون لهم يخرجون كذا
جراح : ماهم متربين مخلينهم هايتين بالاسواق والمجمعات
ماجد : اقول انا اتكلم بروحي
جراح : لا ههههههههه بس الفتوا انتبهنا بنات رايحين فيها بلبس العباه تقول فستان سهره
ماجد وهو يتلفت: وينهم؟؟
صقر : ماعليك منهم راحوا خلاص
في نفسه : زين ماشفتها والله لاتنصدم ويطيح وجهك قدام الناس واولهم احنا لاحول ولاقوه الا بالله
/
/
/
بعد اسبوع من الاحداث
ـــــــــ####ـــــــــ
طبعا لا جديد في ابطال قصتنا الا صقر نظم الطلعه اللي قرر تكون اليوم في مزرعته الجديده، وعزم اهله كلهم ، سلطان بدا ينسى ويتناسى الريم لان ليان وراكان معه واشغلوه عن التفكير فيها ، وعرف انه خلاص موافقه وقطع الامل بالارتباط بها كليا
///
الجازي مبسوطه لان علاقتها بالريم تعمقت اكثر
الريم للحين فاقده جوالها وتستخدم جوال امها لانها ماهي محتاجته حاليا ، وكل ماتذكرت انها خلاص بتتزوج تخاف اكثر وبكت حيل يوم تحددت الملكه بعد اسبوع لان صقر جاهز ماديا ومستعجل والعم ابو لافي مايرفض له طلب ومارضت تتجهز الا بعد صياح وقهر
///
شوق تعلقت باسيل حيل لدرجه كبيره ، وفارس بدأ يستخدم معها خططه الخبيثه عشان يكسب ثقتها اكثر
خالد متحمس بالبنت اللي عرف عنها عن طريق اسيل وينتظرالوقت المناسب عشان يتعرف عليها
///
وضحى تحاتي سفر عبدالله اللي قربت لانه أجل سفرته بعد ملكه الريم واللي تحددت بعد اسبوعين من الخطبه
///
ابو ماجد تضايق حيل من خطبه صقر ، وتهاوش معه لكن صقر قاله يخليه على راحته ولايتدخل باي شي يخصه ، حقد عليه حيل وقرر يدمر حياته وبدأ يرسم خططه الحقوده
///
رهف والاتصالات والازعاج اللي تجيها من نفس الرقم قررت ترد وتجاريه تبي تعرف من هو ؟؟؟؟ ومن وين جاب رقمها لانه يعرف معلومات عنها واستغربت
///
العنود وماجد اكثر ابطال القصه استقرار بس ياترى وش تخبي لهم الايام وش وراء حياتهم الهاديه يمكن يكون وراء هدوء حياتهم عاصفه تدمرهم ؟!!!!
/
/
/
يوم الاربعاء///
الريم : يمه الله يهداك توني جايه من الجامعه تعبانه؟
ام جراح : تبين تجلسين في البيت بالحالك؟ هذا اللي ناقص
الريم : مايصير يمه مابقا على ملكتي شي يعني لازم اطلع
ام جراح وهي تغلف الحلا اللي مسويته وتحطه بالثلاجه: روحي صلي ونامي عشان تروحين مصحصحه
الريم تضايقت وراحت ولقت ابوها تو بيروح المسجد عشان صلاه الظهر :وش في الريم ماده بوزك
الريم : توني جايه من الجامعه انا وليان وشوق وتعبانه
ابو لافي : خلاص مقتنعه بالتخصص اللي اخترتيه
الريم : أي اكيد تعرف اني من يوم انا صغيره اتمنى اصير دكتوره اطفال
ابو لافي : وشوق وليان؟
الريم : ادخلو كيمياء وخلوني بروحي يقولون انه حلو ويلقون نفسهم فيه
ابو لافي : الله يوفقكم يالله ياعين ابوك انا بروح المسجد ولايجي الساعه اربع الا وانتوا جاهزين
الريم بضيق : يبه ؟!!
ابو لافي وهو يفتح الباب : هلا
الريم : لازم نروح كلنا ؟؟
ابو لافي : هذي العزيمه مأجله من اسبوع لان صقر مارضى نسويها بمزرعتنا يبيها بمزرعته الجديده وغير كذا المناسبه لكم ياناجحين وماتبين تروحين !!!
الريم : بس تعبانه يبه غير كذا ( ونزلت راسها ) مابقى الا اسبوع على الملكه
ابو لافي : هههههه ماعليك يمديك تكملين وتتجهزين
الريم بيأس : طيب
وطلعت غرفتها وهي دمعتها في عينها ماتبي تتذكر أي شي يخص صقر
الريم
الحين كلهم موجودين و خالتي ام صقر تحرجني بنظراتها وكلامها ، ياربي حتى الجازي اذا جتمعت مع شوق يتعمدون يطرونه ، طيب ليش ماني متقبلته كزوج ، ليش ماحس اني ابيه ، وفتحت باب غرفتها ودارت بنظرها فيه ، شلون اترك هذي الغرفه بشتاق لها وبشتاق هبالي مع اخواني وتذكرت راكان وجراح وبدت عيونها تلمع من جديد ، صقر ياترى كيف بتكون حياتي معك ، دخلتها فجأه واقتحمتها من غير سابق انذار وهذانا يوم عن يوم اكتشف ان الكل ضدي وبصفك مهما سويت وضايقني ،عمري ماكنت اتخيل بيصير معي كذا ،
بدلت ملابسها وصلت ونامت
/
/
/
ام ماجد : وانت من صدقك تبينا نروح كلنا
ابو ماجد : ايه كلكم واولكم رهف
ام ماجد : اذا على رهف بنتي بيجيها اللي احسن منه واغنى منه
ابو ماجد : ماعليه روحوا نبي نشوف المزرعه اللي شاريها بملايين
رهف وهي توها صاحيه : صباح الخير
ابو ماجد وهو يشرب الشاي متعود بعد الغدا : قولي مساء الخير
رهف ابتسمت : كله واحد
ام صقر : جهزي نفسك ترى بنروح بعد المغرب للعزيمه
رهف : ايه اكيد يمه ابي اشوفها هذي اللي طايرين فيها
ابو ماجد: مو احلى منك وانا ابوك
رهف ابتسمت بثقه : ادري وانا مو زعلانه لاني استاهل احسن منه
ام ماجد : ايه هذي رهفوه اللي ابيها دايم واثقه من نفسها
/
/
/
طبعا ماجد راح المزرعه بدري عشان يساعد صقر اللي من ظهر هناك ،
ماجد: ماشاء الله بصراحه روعه من متى شاريها ؟
صقر: من اسبوعين تقريبا بس ماعلمت احد لاني جبت ناس يشتغلون فيها ، وغير كذا جلست فتره ادور على خيول
ماجد وهو يمسك خيل ابيض : اما هذا لي اكيد
صقر: ههههه مايغلى عليك تعال شف الخيل حقي هذا كلفني واجد, وابشرك بالموت روضته
ماجد: وينه ماهم مع هذولا
صقر : لا هذا له عنايه خاصه
فتح باب على جنب كانت اسطبل مساحته كبيره ومنظم وفيها خيل صقر
ماجد : اقول يابو الشباب ماكأنه يخوف شكله
صقر: هههههههه لا بالعكس هذا من اجود الخيول الاصيله
ماجد: اسود في اسود انا اشهد انه من شوفته صعب الترويض
صقر : أي اسمه الادهم مو بالسهوله حصلته
ماجد: مبروك ياصقر ماشاء الله عليك اختيارك دقيق في كل شي مادري عن العروس بعد اخترته كذا ولا بعد اختبارات ؟
صقر وصورة ريم غزت فكره وابتسم : اكيد مو أي وحده تدخل هنا ( يأشر على راسه )
مو ملاحظين ان صقر واثق من نفسه ولاسأل حتى عن راي الريم فيه ؟؟؟؟
ياترى وش نهايه هذي الثقه والغرور اللي فيك ياصقر ؟؟
/
/
/

الساعه 3 العصر
دخلت ام جراح غرفة الريم واللي كانت باااااارده وظلام
ام جراح : الريم خلاص بسك نوم قومي صلي العصر وتجهزي بسرعه عشان مايعصب ابوك
الريم :.....
ام جراح : الريم
الريم : هممم يمه فيني نوم
ام جراح : قومي يالله
مع دخلة راكان
راكان : وش فيها ريمووو نايمه ولاتغدت
ام جراح : تقول كلت بالجامعه وفيها نوم
راكان : يقرب ويحرك شعرها بدفاشه : ريمووووووووووو
الريم : وووووووووجع راكان عن الملعنه
ام جراح : هههههههه
الريم وهي تجلس على السرير: شوفي ولدك يمه
ام جراح : تستاهلين يالله قومي انا جهزت كل شي بناخذه وخذي حطياتك لاننا ماراح نرجع الا الجمعه
الريم وتفتح عيونها لاخر شي : خيييييير لا يمه تكفون وش ذا ؟
راكان وهو يقلد صوت ريم ويمزح: خير قومي ترى مدلعينك اكثر من الازم لي تزوجتي صقر بتنسين الدلع معه
الريم خافت من كلامه وجلست تفكر : حتى انت ياراكان تقول عنه كذا ، يارب سهل امري
ام جراح وهي تكلم راكان: وين على الله اشوفك ماخذ الشنطه ورايح
راكان: بروح المكتب شوي وبمر على النادي انا وسلطان ماراح نبطي بعد صلاة المغرب ان شاء بنكون موجودين
ام جراح : الله يحفظك
/
/
/
ماجد وهو يكلم العنود

العنود : وينك انت ياقلبي ؟
ماجد : والله اخوك كارفني من صباح الله خير
صقر وهو يرفع صوته : كذااااب لاتصدقينه الا طول يومه يتفرج علي وانا اشتغل ههه
العنود: هههههه طارق يسألني عنكم شوي ويطير لكم
ماجد: فديت ولدي
العنود : شلون المزرعه؟
ماجد: بتعجبك ان شاء الله بس بعيده شوي
العنود" شلون من بيجيبنا احنا جاهزين ؟
ماجد: طيب انا بمشي الحين واجيبكم
صقر وهو يأشر له : لحظه عنودي
صقر : مايحتاج انا اكلم جراح هو الحين بيمشي يمرهم حرام وين ترجع وتجيبهم
ماجدوهو يهز راسه : طيب عنودي خلوكم جاهزين جراح بيمر عليكم
العنود: ان شاء الله حبيبي يالله باي
ماجد وهو يقصر على صوته : مافيه بوسه شي
العنود: ههههههه ماقدر كل الامم عندي
صقر واللي سمعه وضرب كتفه : سكر عن المغازله بمزرعتي ويغازل عينك عين
العنود: باي فشلتني عند اخوي
ماجد: هههههه باي
سكر ماجد وهو يناظر صقر بحقد : بنشوف لخذت بنت العم وش بتسوي
صقر : عاد انا غير ماني مطفوق مثلك
ماجد: والله .. اجل تسمي الرومنسيه والمشاعر طفاقه الله يرجك وخر عندي لادوس بطنك
صقر: ههههههههههههههههه
/
/
/
الريم
خذت لي شور وصليت العصر ولبست بنطلون اسود مع بلوزه لونها اصفر رايق وعليها كلمه باللون الاسود Angl ونقوش برضو باللون الاسود اكمامه واسعه وماسكه مع بداية الكف فتحة الصدر واسعه لان موضتها يكون الكتف باين > ماتعرف توصف هههه
بصراحه كنت ناويه اللبس جزمه ماسحه بس تذكرت الجازي قلت لا مابي ابين فرق الطول اللي بيني وبينها لبست كعب جا في بالي صقر ياربي الحين انا لو اوقف عنده اصير مو قصيره بس الا قزمه
خذت الاغراض اللي بحتاجها ليومين ونزلت تحت وشفت ابوي يحمل مع الشغاله اغراض امي والطبخات اللي مسويتها
ابو لافي : جاهزه ياريم الفلا
ياحبي لبوي اذا دلعني وربي اتحمل كل شي الا انه يقسى ويبتعد عني : جاهزه ياعيون الريم
مسكت تلفون البيت وكلمة ليان وتطمنت عليها طبعا ماتركتني الا بعد ماهزئتني امي لاني تأخرت عليهم
تعرفون ليان تسأل عن كل شي ودام فيها ولد عمي االلي يقاله خطيبي تبي وصف دقيق عن احساسي ماتدري ان مشاعري اتجاهه اقل من عاديه
وش اقولكم ماحس اني مخطوبه ، ماني مرتاحه له وكل تصرفاته تدل انه انسان غامض ، شخصيته نرجسيه ، صعب العشره ،وبيني وبينكم اسميه صخر مو صقر
احساسي يقول ان هذي الطلعه بتقلب وضعي وتحدد شعوري ناحيته الله يتسر
/
/
/
وصل جراح لبيت صقر وركب الكل في سيارته الكزس طبعا ماتدرون ان الجازي بغت تموت من الفرحه يوم درت ان جراح اللي بيوديهم االمزرعه.. هي بنفسها ماتدري ليه تستحي منه اكثر من راكان
ام صقر : وشلونك ياولدي ؟ اجل الله يهديه صقر كلف عليك
جراح : بخير يمه بالعكس وربي منورين سيارتي افا عليك لاتقولين كذا
شلونك يالعنود ؟ ماسمع حس طارق
العنود : بخير الله يسلمك نايم امسكيه يالجازي شوي تعبني
جراح : اخبارك يالجازي ؟ ومبروك النجاح ولو انها متأخره
الجازي بحياء ومشاعر ماتدري وشلون تفسرها هذي المشاعر ماتجيها الا مع جراح او لو احد ذكره : بخير الله يبارك فيك
رفع عينه على المرايا عشان يلبس نظراته وشاف عيون الجازي وعلى طول نزلت الغطا اكثر
جراح ابتسم بفخر ولبس النظاره وهو يقول في نفسه : كذا الناس المتربين
/
/
/
التقى الكل بمحطه التسهيلات وكانت ثلاث سيارات سياره ابولافي ، وسياره لافي ( ابو فصيل) وسياره جراح لانه يدل المزرعه وسبق راح لها مع صقر ...
الريم وهي تأشر لشوق : تعالي وربي زهقت لحالي
يبه خلها تجي عندي هي والجازي
من جهه ثانيه
شوق : يبه ابي انزل عند عمتي بروحها تكفى
غلا: وانا عادي تخليني لحالي؟
شوق : غلا لاتصرين بايخه
غلا وهي تمد بوزها: مابي بروح معك
ابو فيصل : خلاص روحي شوق وخذي غلا معك
شوق : امشي مالت عليك نشبه صدق
غلا وهي تطلع اللسانه: وش اسوي احبك

دخل جراح ومعه اغراض عصيرات وشوكلاتات وشيبسات وركب : يالجازي يقول ابوي اذا تبين تركبين معه عشان الريم انزلي
الجازي وجهه انصبغ احمر ( وش اقول لا وانحرم منه يعني انا كل يوم بشوفه ولا اروح .. لا الريم بشبع من خشتها خلني جالسه احسن ) : ماعليه طارق نايم مره ثانيه ان شاء الله
/
/
/
طبعا يوم دخلوا شوق وغلا روكبوا سياره ابو لافي انقلبت الاوضاع من هدوء الى ازعاج وضحك وكأنكم في الحراج

/
/
/
دخل صقر الحمام وخذله شور سريع بعد مادقق على كل شي وراء الشغالات والعمال ، كشخ وطلع برا عشان يستقبل اهله شاف ماجد جالس برا ومبذهل
صقر: ورا ماتسبح وتنتعش شوي
ماجد: أي موصي العنود تجيب لي ملابس لاني من دلاختي ماجبت معي شي من داومي الي مزرعتك تقول ماشفت خير
صقر: هههههه والله لو ملابسي تجي عليك ماتغلى عليك
ماجد : لاياعمي تساوي نفسك بي انت طول بعرض
صقر : اذكر الله لو تسمعك الوالده تروح فيها هههههه
ماجد : لااله الا الله هههههههههههه
ماجد طويل بس مو مثل صقر يعني يعتبر متوسط الطول وجسمه زين لكن غير عن صقر لان صقر متدرب ويحمل اثقال يعني باختصار راعي عضلات
/
/
/
رهف وهي تستعد وبدت تختار ملابس لانها تبي تطلع احلى وحده اختارت فستان قصير يبرز مفاتنها وبدت تحط مكياج عشان تبين ملامحها
خالد كان متجهز وقرر يمشي مع خاله عبدالله ،
عبدالله : تدل المزرعه
خالد : افا عليك هي قريبه من استراحه واحد من اخوياي على توصيف ماجد ادلها ونص بس خلك وراي
عبدالله : ان شاء الله
ام عبدالله : ماشاء الله على اختك عليها حظ اجل بتأخذ صقر اللي اسمه على كل اللسان
وضحى مبتسمه : تسلمين يايمه
ام عبدالله : آآيه كل شي قسمه ونصيب
عبدالله وهو مبسوط لان امه اريقه : يسلم فمك اللي ينقط عسل ياحلى ام
ام عبدالله : هههه اعقل ياولد
/
/
/
الريم
وصلنا لمزرعه وكان سورها كبير انفتح الباب الاتوماتيكي الفخم ودخلنا وكان صقر واقف وراسم ابتسامه ويأشر على جراح اللي باين عليه قاله كلمه فرحته وقلبي يرقع بقوووه

الريم وهي تمسك ايد شوق بقووه: شوق قلبي بيطيح
شوق : ريمو يدي بتكسرينها
غلا : شهقت عمتي ريم شوفي خطيبك صقر يجنن
الريم وهي قبصت فخذها عشان تسكت
غلا: آآآآآآآآآآي عورتيني
ابو لافي : يالله انزلوا
الريم
بس قال ابوي انزلوا وانا رجلي ماهي راضيه تتحرك وش انزل وهو واقف عند السياره لانه كان يسلم على ابوي وعقلي مو راضي يشتغل واطلع من الباب الثاني

امي وشوق نزلوا وراهم غلا وانا للحين مو قادره افتح الباب

صقر
الكل نزل بس اللي استغربت منه ان فيه وحده في سياره عمي وعرفت انها الريم لاني لمحت عينها قبل لاتغطيها
عمري ماراح انسى عيونها النجلا وللحين نظرت الخوف والارتباك فيها
ابتسمت وعرفت انها مرتبكه من وجودي قلت لعمي يتفضل عشان يدخل
الريم
اشوى راح ، ماعرفني اكيد يفكر اني شوق عرفني ولا لا عادي الحمدلله والشكر
وهي تبي تنزل الا الفضيحه تتكلم
غلا: عمتي يالريم طالعي هناااااااااك فيه ورد احمر نفس اللي تحبينه
التفت صقر بابتسامه وسيعه وراح عند غلا
الريم بهمس : الله يفضحك من بنت
مسكت يد شوق ورحت ورا امي ورجولي ترجف واحس باي لحظه بطيح ... ولا مع وجهي لابسه كعب لعنت الساعه اللي فكرت اللبس فيها كعب
تلقاينا مع اهل صقر عند المدخل ونسيت كل شي يوم شفت الجازي تهبل بنت عمي ياناس طيبه وحبوبه
الجازي :ريمووووووووووووو وحشتيني
العنود وهي توخر الجازي مني : ماكأنك شايفتها قبل امس
الريم : هلا العنود وش اخبارك
العنود : بخير الحمدلله وناظرت في بطنها : بس هذا شقي ومتعبني
الريم : ههههههه الله يعينك
الجازي بلقافه : قريب بتصرين مثلها
تغير وجهي بسرعه وكأن الدم تجمع كله في وجهي
ام صقر وهي تضرب الجازي : تعالي يابعدي ماعليك منها وسلمت على ام صقر
يمكن اللي مخفف علي الخوف اللي بداخلي تعامل ام صقر وخواته معي حيل يجنون وحنونين معي
جلسنا في الصاله وقبل مافسخ عباتي ....
صقر : احم .. احم ..
ارتبكت ولبست بسرعه شيلتي وتغطيت ، وقربت من شوق ورحت وراها مدري ليه اسوي كذا مابي اشوفه ولابي اسمع صوته لاني باختصار ارتبك واخاف
شوق : اعصابك عمتي ههههه
الريم : استكي شوق
ام صقر: ادخل يمه
صقر : السلام عليكم
الكل : عليكم السلام
صقر : وشلونكم ؟ عساكم بخير
ام جراح : بخير لله الحمد
صقر وهو يبوس يد امه : عسى جراح مسرع يمه
ام صقر : لا ربي يحفظه سواقته زينه
العنود : صقر ربي جابك وين ماجد اعطيه ملابسه ؟
صقر : بقسم الرجال عطيني اوديها
العنود : ان شاء الله
الجازي وهي تقرب من الريم : هلا صقر نحن هنا
صقر ابتسم من حركتها ابتسامته المعروفه : هلا وش رايك بالمزرعه اذيتنيا عليها
ام جراح : مبروك عليكم واسعه ماشاء الله
الجازي وهي تلف على الصاله : الديكور يجنن واجهه المدخل روووووووووعه اعجبني تصميم النافوره
بس للحين لازم نكتشف الباقي ولا لا يالريم؟؟
الريم يهمس : الله ياخذ عدوك
صقر اللي سمع همساتها ضحك لانه عرف انها منحرجه : عالعموم الحين مافيه وقت راح يأذن بعد دقايق بس ابي اقولكم في الطابق اللي فوق اربع غرف كل غرفتين بينهم حمام ، اختاروا أي غرف عشان تاخذون راحتكم فيها ، وفيه غرفه رئيسيه بحمامه في زاويه هذي فيها اغراضي وهو يرفع حواجبه يعني لي ، وتحت فيه غرفتين رئيسيه والمطيخ يمه بجهه اليسار
ام صقر : ان شاء الله شوي ونجهز كل شي
صقر : يالله اجل اخليكم الحين
شوق : ياويلي اخوك يالجازي خقاق
الريم واللي اصلا منزله راسه ماشافت أي حركه بس تسمع صوته ويكفي انها ترتجف وشلون لو شافته : خلاص راح
الجازي : ههههههههه من زمان وسحبت الريم وشوق فوق عشان يصلون ويتجهزون
/
/
/
رهف : ياربي وهذا ماراح يسكت لين ارفع وارد عليه
: نععععععععععم
......: اووووه الحابيب معصبين
رهف : لانك غثيث بكل وقت تتصل ماني فاضيتلك انا مشغوله الحين
...... وهو يتوعد داخله : ماعليه ياقلبي وش اسوي اشتاق لك
رهف : غير هذا الكلام ، ترى بجد بديت ازهق من مكالماتك خلصني وش تبي مني ؟ ومن وينك رقمي
.......: لالا كل شي بوقته تعرفينه اما وش ابي منك ؟ تعرفين وش ابي ؟
رهف : لا ماعرف
انفتح الباب وبحركه متوتره سكرت بوجهه
ام ماجد : وش فيك تصارخين ؟

الجزء الثامن/////
انفتح الباب وبحركه متوتره سكرت بوجهه
ام ماجد : وش فيك تصارخين ؟
رهف بتوتر: لا بس متهاوشين انا وحده وعصبت عليها
ام ماجد: المهم وش رايك اللبس هذا الطقم الالماس ولا هذا
رهف : امممم مادري اذا بتلبسين الفستان الاسود هذا احسن وتأشر على العقد الفخم
ام ماجد وهي تتفحص مكياج بنتها: عفيه عليك مكياجك مضبوط بس زودي الروج خليه صارخ اكثر
رهف بفرح : ابشررررررررري
/
/
/
طلعوا البنات فوق واختارت الجازي غرفه لها هي وغلا وشوق والريم في الغرفه المقابله وكان القسم قريب من غرفة صقر ، وهذي سياسه من الجازي > والله وتخطيطين يالجازي !!

بينما الغرفيتين الرئيستين اللي تحت بتكون للمتزوجين يعني ابو لافي وزوجته ولافي وهاجر ، وام صقر بتكون بالغرف اللي فوق لان اللفت موجود ومافيه تعب عليها والعنود وماجد اذا حبوا في الغرفه اللي قدامها
هذا التخطيط كانو البنات مسوينه وراح يعرضونه عليهم
الريم وهي تنط : مادري احس التخطيط حلو بس ماله داعي صقر ياخذ غرفه رئيسيه مفروض لماجد والعنود
الجازي وهي تحرك حواجبها بخبث : يابنت افهميها بتكون لك بعد كم شهر
الريم انحرجت : وجع قليلة ادب
شوق وهي تضرب كف الجازي : ههههههه والله اتخيليك انا ادري بتفقدين ايام العزوبيه معنا خصوصا ان اليوم ناويه على سهره محترمه، وجايبه كل شي يلزم سهرتنا
غلا وهي تدخل : تقول امي بسرعه خلصو لان عمتي وضحى وصلت
الجازي وهي تطق راسها : يووووووووه نسينا من وضحى ؟
الريم : خلاص عادي تنام معنا ولا تدرين ماله داعي ماجد يطلع فوق تنام مع العنود هي وياها علاقه اكيد بيستانسون
شوق : أي صح
الريم وهي تقوم من السرير : بنات يالله بسرعه نتجهز عشان ننزل تحت
الجازي : بتغيرين ملابسك ؟
الريم وهي تناظر شكلها : اممم ايه ودي اللبس شي اكشخ من كذا؟
الجازي : ولو ان اللي عليك روعه بس اكشخي اكثر لان بنت خالي بتجي الله يعنيا عليها ترى رهف من الحين بقولكم دلوووووووعه ومغرورررره استحملوها وخذوها على قد عقلها
الريم : ماعلينا منها هي ضيفه ولازم نحترمها
شوق دخلت وبدلت ملابسه وكانت لابسه تنوره قصيره سوداء لتحت الركب مكسره من تحت ومبين جسمها وعليها بلوزه ورديه جبانيز روعه معطيه بشرتها لون رايق
حطت لمسات بسيطه قولس وردي وكحل من داخل
شوق وهي تطلع من غرفه الملابس : وش راااااايكم ؟
الريم ترفع راسها لانها تطلع ملابسها من الشنطه : طالعه كيوت
الجازي : حلو مره الحين دوري يلا
طلعت شوق لان كانت جاهزه بقا الجازي والريم
الريم لبست فستنان رمادي استرتيتش مره ناعم لنص الساق ماسك من فوق ويتوسع لي تعدى الخصر فتحت صدره كبيره توصل لكتفها وكمامه واسعه وطويله وماسكه على نهاية يدها
ويلف الخصر شريطه عريضه بلوون الاسود يعني بجد انيق ؛ قررت تلبس عليه بوت انيق كعبه عالي شوي
بدت تحط مكياجها المعروف واللي يبرز ملامحها بالرغم انه خفيف كحلت عيونها وارفعت ارموشها الطويله بالماسكرا وحطت قلوس اورنج ، وبلشر نفس لون القلوس
فلت شعرها اللي كان رافعته بشكل مبعثر ونزلته وهي محتاره ماتدري ترفعه ولا تخليه مفتوح
مع خروج الجازي من غرفه الملابس
الجازي وهي منبهره : واااااااااو جوووونااااااااااااااااااااان
قربت منها وباستها
الريم استحت : يوووه وش فيك ؟
الجازي : وش فيني؟؟؟ فرحانه انك من حظ اخوي
الريم نزلت راسها وهي كل مابغت تنسى ارتباطه بهذا الشخص الغامض ذكروها صرفت الموضوع : حلو مره لبسك
الجازي : بعد لبسك طلع عادي ههههه
الريم: بالعكس وربي يجنن مثل راعيته
فعلا الجازي كانت لابسه تنوره جينز لنص الساق وبلوزه من ماركه مانجو موديلها مره راايق
اسدلت شعرها الشكولاتي وحطت شدو بلون اخضر بلون البلوزه وارسمت عيونها بالكحل اللي زاد من حدتها وحطت بلشر وقلوس
الريم وهي محتاره : وش رايك ارفعه ولا اخليه احس اللبس هذا يناسبه مرفوع
الجازي : طيب ليش ماتسوين بف وبكذا بيكون جزء من مرفوع وجزء مفتوح
الريم : اوك
وفعلا طلعت روعه خصوصا انه ناسب دائره وجهها
لبست الريم سلسال ناعم عباره عن لؤلؤه وحده كبيره عشان الفتحه الكبيره وبخت من عطرها المفضل (شانيل )
وبكذا خلصو البنات ونزلوا تحت
/
/
/
ماجد : ياخي ليش محتر الحين ، عمي وش رايك بصقر كل ماشافني اتغزل في مرتي خرب علي؟؟؟
ابو لافي وهو مبسوط بالجمعه خصوصا ان ماجد يضحك : ههههه علامك ياصقر خله في حاله وانا عمك
صقر : ياعمي ماتسمعه وش يقول لها تقول مراهق
جراح: والله انا اشوف انا مافيها شي
عبدالله وهو يأيد جراح : أي مافيها شي زوجته صفه الرومنسيه مطلوبه بين الزوجين
ماجد وهو يرفع يده : ظهر الحق شفت يابو الشباب
صقر : هههههه اجل كلكم ضدي ماقدر اقول شي
بس ماسمعنا لك حس ياخالد
خالد : خلني ساكت لاني لو تكلمت بتنهزم
الكل : هههههههههه
جراح : يبيلك تاخذ كورسات عند ماجد قبل لاتاخذ الريم
صقر واللي سرح عندها وابتسم : آآه ياالريم ، متى نجتمع في بيت واحد واحس اني ملكتك وارتاح ، ياترى كيف اطباعك ، باين من صدفاتي معها انها لعوب وتذكر الموقف الاول واللي اسرته بعد ذاك اليوم واشغلته
ماجد : يالحبيب ترى نكلمك وين رحت ؟
صقر : هاه .. وش بغيت ؟

جراح: بس نقول كأن خالك تأخر
صقر: لا .. هو كلم وصفت له على اللفه بيتصل علي عشان القاه
خالد: اجل انا اللي بجيبه ارتاح ياصقر
صقر : يابن الحلال مافيه مشكله بروح عادي
خالد : حلفت اجلس مع هلك من الصباح وانت تكرف
اذا دق قولي
صقر: تسلم ماقصرت
/
/
/
في نفس الوقت
وضحى : ماشاء الله يالجازي وش ذا الزين
وشوي تطلع وراها الريم : وانا؟
وضحى : عاد انتي العروس مانقدر نقولك شي
وسلمت عليهم وجلسوا سوالف وضحك
ام صقر وكل شوي تناظر في الريم : بسم الله عليها ربي يحفظها
الا يالجازي نسيت ماعطي الرجال النعناع وديه دقي الباب الوكاد ان اخوك يبيه اعرفه يحبه ولايستغني عنه
الجازي : ان شاء الله يمه
شوق : بروح معك ممكن؟
الجازي : أي ممكن ونص واذا الريم تبي تجي مافيه مانع
الريم : كانت مندمجه مع طارق وغلا وجالسه تلاعبهم وماهي معهم
شوق وهي تمسك يد الجازي : امشي هذا صايره مربيه اطفال هههه
الجازي : ههههههههههههه
/
/
/
رهف : يبه الطريق ممل
ابو ماجد: أي هذا احنا وصلنا بكلمه
فعلا كلمه وطلع خالد على طول
وهو في الممرر الا الجازي يوم دخلت ، خالد بس شافها عرف انها هي لانها مميزه بشكلها
الجازي رجعت على ورا بسرعه وتحمد ربها انها ماطاح اللي في يدها من الموقف
خالد انتبه على عمره لانه واقف مثل الصنم ابتسم وطلع
الجازي وهي ترتجف : يمه قلبي
استاهل لو اتصلت على صقر عشان يلقاني احسن
ورجعت المطبخ ولقت شوق تنتظرها
شوق : يوه وش فيك رجعتي ؟
الجازي وهي للحين وجهه متغير : لا بس ابي ادق على صقر يلقاني اخاف احد من االرجال يصادفني وتوهق
دقت عليه وعطته وهي للحين مفتشله من خالد

/

/

/
ابو ماجد : حسبي الله عليه من ولد عنيد ولايمشي الا اللي براسه حتى ماستقبلنا موصي خالد أأخ يالقهر كلامي عن عمه ماجاب فايده
ام ماجد: اكيد شاف نفسه عليك هالشركه من يوم فتحها وهي تهب عليه ملايين وش يبي فيك دام عمه معه ذاك الخير كله
ابو ماجد : نسى فضلي عليه لكن انا اللي بوريه وانا ابو ماجد
رهف وهي تضغط بجوالها : اف اف
ابو ماجد : وش فيك يابوي ؟
رهف بدلع : يبه الحين خالد بيشوفني ويهزئني على العبايه
ابو ماجد : وش عليه منك ؟ ولله لو يقرب منك ان اوريه نجوم النهار مسترجل على وحديتي رهف
رهف ابتسمت بانتصار ومررت عيونها على المزرعه اللي كل اللي في سياره شهق من جمال واجهتها ( هذا ولاسى ماشافوا شي )
خرج صقر من باب الذوق واستقبل خاله اللي سوا نفسه انه طيب ويسامح وبعد ماسلم على ام ماجد ورهف من غير حتى مايلتفت لهم اشرلهم على باب اللي يودي قسم الحريم
رهف : وووع يمه شوفيه مسوي نفسه ملتزم ؟
ام ماجد: امشي تلقينه سوا البلاوي في الخارج وجاي يسوي نفسه قدمنا ماقول الا مالت عليه دامه ماخذك
رهف بحسره : شفتي يمه كل شي فيني حلو وجذاب ليه ماخطبني ؟
ام ماجد : وربي لازوجك اللي احسن منه وتقولين قالته حنان
ام صقر وهي عند الباب :ياهلا يامرحبا حياكم الله تفضلوا
سلمت عليهم وهي للحين محتره من رهف بعد الكلام اللي قالته لكن مهما كان هي ضيفه وغير كذا راح تشوف من هي اللي تستاهل ولدها بعد شوي
دخلت ام ماجد هي ورهف وكل مادخلوا بان تصميم الديكور والارضيه الخشبيه اللي تحسسك انك فعلا في مزرعه لان تصميمها روعه ويناسب المكان
ام ماجد بتصنع : مبروك عليكم المزرعه يستاهل ولدك
وقف الكل عشان يسلمون عليهم
ام صقر : هذي سعاد ( ام جراح ) واظن غنيه عن التعريف
ام ماجد : هلا سعاد اخبارك ؟
ام جراح : اهلين بخير الله يسلمك عاش من شافك؟ هذي بنتك ماشاء الله عليها تهبل

رهف وهي رافعه حاجبها وتنافخ ( غصب عليك) : سلمت عليها ومشت
وبدت تعرفهم العنود بعد ماسلمت عليهم : وهذي زوجه ابو لافي هاجر وضحى بنت ابو لافي الكبيره وهذي الريم شوق والكتكوته غلابنات لافي
التفت بسرعه رهف باتجاه الريم والغيره بانت بوجهه ( طاح حضك يارهف وش هالجمال ونعومه ) : هلا تشرفنا
شوق تهمس للريم : شوفيها حاطه كيلو مكياج ومخربه شكلها وربي
الريم وهي تدق شوق بكوعها : طيب اسكتي خلاص
الجازي : وشلونك رهف
رهف : فري قود الا ابي اتضبط وين ؟
الجازي ودتها القسم فيه كله مرايات وبعدين يدخل على المغاسل والحمامات
رهف وهي تفسخ عبايتها :توقعت خطيبة اخوك اجمل من كذا
الجازي فتحت عيونها لانه عارفه حركات رهف وغيرتها :
بس نعومتها واخلاقها ماتقاوم لو تعرفينها
( وش ذي الفضيحه والجرئه لايكون بتجلس كذا ): اقول رهف فستانك حلو بس كأنه قصير اكثر من اللازم
رهف بضحكه غنج: دام هالجسم معي أي شي اللبسه حلال
بخت نص العطر وضبطت شعرها وكثرت الروج : يالله
والجازي مستغربه منها
/
/
/
في مجلس الرجال
ابو لافي ماهو مرتاح لبو ماجد لانه يعرف قلبه الاسود :هلا يابو ماجد وشلونك ؟ وشلون المؤسسه معك
ماجد بطيبه مصطنعه : الحمدلله تمشي الحال
ماجد : يبه وش رايك بمزرعه صقر ؟
ابو ماجد ( جعله مايتهنى فيها ) : الله يهينه فيها مبروك ياصقر
صقر كان جالس يقارن اخلاق عمه واخلاق خاله شلون ماصدق اني كنت بدمر هلي والسبه واحد حقود ؟ اصلا كيف صدقت كلامه في عمي هذا هو قدامي ومثل عقرب الرماد ويسوي نفسه انه مافرق بينا
جراح : وش فيك ياصقر وين رايح ؟خالك يبارك لك
صقر: هاه.. الله يبارك فيك ياخالي
ابو ماجد باهتمام مصطنع: سلامات وش فيك سرحان ؟
صقر: لالا بس راسي مصدع بطلع اجيب بندول عشان وراي سهره مع الحبايب
ماجد : احم احم
صقر: خير ؟
ماجد : لا بس تعال شوي
ماجد بهمس : العنود ماترد وبصراحه مشتاق لها ودي اشوفها ياليت تناديها
صقر: لاحوول شف يالله بعتبرك تبي تشوف ولدك بعد عشان احطلك عذر بعدين انت وخشتك ليه ماتتصل عليها
ماجد : أي لو اني ماتصلت ولاردت ماكان طلبت منك ياذكي شكلها رايحه ملح مع الاهل
صقر : خلاص لايكثر شوي وبناديها
/
/
رهف وهي تقز الريم من فوق لتحت : اجل بتدخلين الجامعه ؟
الريم وبحضنها طارق : ايه سجلت في الطب لاني من صغري وانا احلم اني اصير دكتوره اطفال
رهف ماهتمت : وقالت بغيره : طارق تعال سلم على رهفوي
طارق : لا يع انتي ماحبك
غلا: هههههههههههه
الريم : عيب غلا عن الضحك
رهف : قله ادب بعدين التفت على طارق يعني انا اللي احبك
الريم استغربت : طارق حبيبي عيب هذي عمتك روح سلم عليها
طارق : مابي انا احبك انتي وابتسم لها
هنا رهف غارت يعني صقر وخذته ولد اخوها لفت مخه وش بقى ماسوت
الريم : اذا مارحت تسلم عليها ماعطيك حلاوه
طارق رفع وجهه :طيب بروح بث تعطيني حواوه
غلا: أي طبعا وانا معه
ابتسمت الريم بحب
راح طارق يسلم على رهف بس تفاجأت بحركتها طبعا كان الجازي وشوق يوزعون الحلا بالمطبخ واضطرت انها تجلس الريم مع رهف عشان ماتحس انها غير مرغوبه > ياطيبه قلبك يالريم
رهف خذت يده وضربتها : مره ثانيه تجي لعمه بسرعه فاهم
طارق راح للريم وضمها وجلس يبكي
وانتبهوا لصياحه الحريم
العنود : يوه وش فيه يالريم ؟لايكون طاح ولاشي ؟
الريم : لا قلبي هدي وربي مافيه شي بس ولدك دلوع
رهف وهي منترفزه : الا قليل ادب بعد
غلا: الاهي ضربته بيده كأنها بزر بعمره
رهف : مالك دخل يالبزر
غلا: انت...
الريم مسكت فم غلا وسكتتها
العنود ناظرت في رهف : الله يهديك توه صغير وش هالكلام؟
كل الحريم انقدو رهف فوق ماهي مغروره وقحه وبعد ماعندها احترام لاي احد
ام ماجد تفشلت من بنتها : هههه الله يهديها عصبيه هذي البنت
العنود: عطيني طارق يالريم
الريم : لا والله ماعطيك ياه وهي يبكي خليه عندي شوي
وشالته وهي تبوسه وتكلمه بهمس : حبيبي طارق يالله نروح نجيب حلاوه
ابتسم طارق من بين دموعه
ام ماجد: ( جمال وثقل وذوق ) عز الله انكم شفتوا حالكم علينا
غلا: انا بطلع اللعب في الحديقه بس!!
الريم : بجيب لك معي لاتخافين هههههههه
غلا : حبيبتي ريموو
/
/
/
طلع يدور بسيارته مع دخول سياره راكان ابتسم
صقر : ياهلا يامرحبا نورت المزرعه
نزل راكان وتفاجأ بنزول سلطان وحس بضيقه بس ماهو صقر اللي يبين اللي فيه
سلطان وهو متفشل انه جا بس وش يسوي براكان اللي اصر عليه : بوجود ياصقر الف مبروك اعذرني جاي وداخل عرض
راكان وهي يسلم على صقر رجع وضرب كتف سلطان : وش فيك الله يهداك ؟
صقر: افا عليك غالي واللي جابك واعزمك غالي حياكم الله تفضلوا بس اجيب لي بندول لاني متأكد حطيتها بالسياره لكني شكلي نزلتها بغرفتي
سلطان: توني ماخذ حبه قبل ماجي من راكان
راكان: اخر حبه للي تحبه راحت عليك ياصقر ههه
صقر: هههههه ادخلوا الكل مجتمع واشرلهم لقسم الرجال
وانت ياسلطان المزرعه مزرعتك وخذ راحتك ولايهمك
سلطان : تسلم يابو سالم
سلطان اعجب بكرم صقر وطيبته ، وشي طبيعي ان صقر يتضايق لانه سبق ان خطب الريم وغير كذا الرساله اللي بجوال الريم للحين مزعلته لكن طالما هو كسب الريم فمو مهم الماضي عنده اهم شي مستقبله مع الانسانه اللي خذت قلبه
سكر سيارته وراح من القسم الخلفي عشان يطلع غرفته وياخذ بندول لان راسه يعوره ماهو قادر يستحمل
/
/
/
الريم وهي ماسكه ايد طارق : اذا صرت عاقل اعطيك حلاوه واااجد امسك طروق حق غلا
طارق : لا حقي علا لا ابي اثنين
الريم :ههههههه ياويلي عن النذاله طيب خلاص وهذا لغلا
طارق : انتي حوه ( انتي حلوه)
الريم وهي تحرك شعرها وطالعه من الغرفه : وانت احلى
لكن طاح السلسال والؤلؤه تدحرجت ودخلت من تحت الباب
الريم : لااااااااااا وش ذا عاد ماقدر هذا العقد من ليان خذت السلسال ومن غير شعور فتحت الباب اللي دخلت فيه الؤلؤه
الريم وهي تمشي : تعال طارق دور معي
طارق يمشي وراها وفي عالم ثاني مع الشوكلاه يبي يفتحها
فتحت النور وتفاجأت بالغرفه اللي داخلتها كانت ملكيه بجد بدايتها جلسه عباره عن كنب جلدي باللون البني القاتم مفروش عليها جلد النمر كامل ومقابله تلفزيون بلازما كبير بعدين السرير الفخم واللي مبين عليه من افخم انواع الخشب كانت الغرفه تغلب عليها الوان البني والاسود واللي توحي بغموض راعي الغرفه وعلى جنب مكتبه صغيره فيها كتب مرتبه بطريقه منظمه ، كانت الغرفه مو عاديه تدل على نظام وترتيب صاحبها

الريم وهي مبهوره من الغرفه وكبرها واثاثها : ماشاء الله
غمضت عينها واستنشقت بقوه وحست برائحه عرفتها على طول ناظرت التسريحه وكانت مليانه عطورات ومبين انها من العطورات الغاليه
الريم :ياربي وين القاه فشله شكل هذي غرفه صقر لفت بوجهها للجهه الثانيه تلقى صوره كبيره معلقه لصقر وكان اول مره تشوفه بدقه
الريم وقلبها يدق بسرعه رهيبه وكأنها وهي تتفحصه يشوفها وبدت تغزو ملامحها الاحراج وناظرت بالارض من الخجل وتشوف الؤلؤه : اشوى الحمدلله
........: وش تسوين بغرفتي ؟
الريم عرفت صوته المهيب وبدت ترجف ايدها لا اردي وبردت اطرافها وماهي قادره حتى تلف وجهها مسكت الؤلؤه وشدت ايدها ونزلت راسها
صقروهي شايل طارق وشاك ان اللي داخله الغرفه الريم لكن هي معطته مقفها
صقر
هذا شعرها متأكد ، نفس الطول و النعومه والسواد ، تفحص جسمها أي وربي الريم ابتسم من قلب وعرف انه مستحيل راح تتكلم لكن حلف انه يخليها تتكلم
صقر بعصبيه مصطنعه: اظن عيب عليك تدخلين غرفتي من غير اذن
الريم الوان الطيف في وجهه رفعت راسها ( يوه لايعتقد اني افتش ولاشي كيف اقوله اني ادور عقدي ياربي وش هالفشله)
صقر وهو حاس بالمتعه باحراجها وخصوصا مافيه قيود لانه خطيبها وملكتهم الاسبوع الجاي ولو ان ماعنده حق يشوفها الحين بس ماقدر يمنع نفسه
صقر سكر الباب واسند ثقله عليه : ماراح تطلعين لين تقولين ليش داخله غرفتي ؟ انا ماحب احد يدخلها فيها اوراق مهمه لا ومدخله هذا النتفه
الريم : ياويلي وسكر الباب بعد
لفت بسرعه تبي تشوف عالاقل طارق هو الشي الوحيد اللي بيطمنها انها معها
صقر انبهر بشكلها وفتح عيونه ( فعلا قمه الانوثه والنعومه ) كان الخجل يداعب خدودها ومعطيها شكل ماشفته بحياتي والخصل اللي نازله بشكل عشوائي معطيه شكل ناعم
الريم بتوتر وصوت باين انها خايفه : لو سمحت ابي اطلع
صقر ( يالبيه عالصوت ) وباصرار: ماجاوبتي ؟
طارق : ريم حوه صح حالي عطتني حواوه واجد
صقر: ايه حلوه
الريم( ياويلي ويتغزل ماتوقعت انه جرئ كذا ) وهي منزله راسها وبترجي : خلني اطلع والله اسفه ماكان قصدي ادخل
صقر : طيب ؟
الريم ارفعت راسها ( وش يعني طيب )
هنا صقر خق على عيونها وهام فيها بس الريم خافت من تقاطيع وجهه اللي تغلب عليها الحده والقسوه ونزلت راسها بسرعه
الريم : هذا شكله ماراح يتركني لين اقوله وهي تمد يدها عشان توريه العقد: بس طاح عقدي ودخل بغرفتك من تحت الباب ولاشعوري دخلت ومانتبهت انه غرفتك
صقر ( يابرائتك تبرر من جدها ) بابتسامه مايله : طيب حصل خير
الريم وهي تقرب وشوي تبكي : ابي اطلع ؟
صقر بما انك جيتي برجولك لحظه شوي
الريم خافت بقوه وبانت رجفتها
صقر وهو يفتح درج الصغير : خذي جوالك نسيته بجيبي وماجات فرصه ارجع لك الا الحين والمعذره قريت رساله بالغلط
الريم وهي ماهي مصدقه : جوالي اسبوعين وهو معه وانا قالبه الدنيا عليه : خذته بسرعه
فتح الباب صقر وابعد شوي عشان تقدر تمر وقال لها : قولي للعنود تلقى ماجد بالقسم الخلفي وطارق بيكون معي ، وعلى فكره حبيت العقد اللي جمعني فيك بالصدفه
الريم على طول نزلت ماصدقت خبر وراحت وهي بالسيب اللي يودي المطبخ وقفت عشان تعيد توازنها وتخف رجفتها
العنود : يووه وين طارق .؟
الريم بارتباك : أي ماجد يستناك من الباب الخلفي
العنود : وش دراك انتي ؟
الريم توهقت : هاه لا ايه اتصل على التلفون
العنود وهي مستغربه من الريم : وش فيك ؟ بعدين وين طارق
الريم : خذته غلا ودته عند صقر > عاش مصرف
العنود : طيب ياحبي لك انا بروح الحين وربي مشتاقه لماجد حيل
الريم : الله يخليكم لبعض يارب
العنود : امين ويخليلك صقر هههههههه
الريم طاح وجهه اكثر
دخلت المطبخ وشافت الجازي وشوق يرتبون ويضحكون حاولت تتداخل معهم لكن هيهات والموقف يدور في بالها
/
/
/
صقر جلس على الكنبه ويحس الصداع راح بشوفتها وللحين طابع على مبسمه ابتسامه
طارق : حالي ابي بابا
صقر: الحين نروح لبابا شاله وباسه وضمه وشم ريحه عطر الريم وغرق في شعوره اللي ينتابه واول مره يعيشه
( وش سوت فيني هذي البنت ، دخلتني بعالم ماعشته في حياتي كلها ... ياخوفي اغرق فيه ومافيه احد ينقذني منه )
/
/
/

الجزء التاسع
/////
عند الرجال كان الكل مبسوط ومستانس خصوصا خالد اللي اندمج مع سلطان بسرعه بالرغم من انه من النوع الانطوائي مو بأحد يخاويه
شاف الادب والالتزام والطبيه والمرجله اللي تدل على تربيته الطيبه
ابو ماجد كان عينه على المكان اللي جالس فيه وعيونه شوي وتطيح من الحسد اللي يحمله في قلبه
صقر بعد موقف الريم يحس انه بعالم ثاني الابتسامه ماغابت عن فمه
بعكس الريم اللي كانت متلخبطه ومفهيه وماهي قادره تجمع وكل من تكلم معها قالت . هاه وشو ؟
الجازي : يووووه الريم مو بطبيعيه انتي
شوق حست ان الريم فيه شي ليه هي كذا وجهه مخطوف وكل شوي سارحه : ريمو حياتي اذا على رهف شوفيها يوم ماعطينها وجهه سكتت وجالسه تضغط بجواله مدري وش عندها
الجازي : أي والله وش فيها مخاويه الجوال من يوم جينا
رهف وش فيك ؟
رهف وهي تقوم : لا بس زهقت شوي وش رايكم نطلع تعشينا وملينا بطونا وجلسنا عالاقل نهضم شوي
الريم : أي والله اقتراح حلو
اصلا الريم بعد الموقف ماجلست ،ترتب ويوم جا العشى ماعرفت تاكل وكل ماتذكرت الموقف انخطف لونها اذا دقايق ماتحملته اجل وش بسوي اذا تزوجته ، هذا وانا خطيبته يعاملني كذا ياربي ربي بلاني بواحد عكسي ماعنده لارومنسيه ولامشاعر جامد اف اف
قاموا البنات وطلعوا يتمشون كان من جهه الفله حقت المزرعه واللي انبهروا البنات يوم شافوها مزرعه كبيررررررره على جنب فيها مراجيح وألعاب للاطفال وكانت مرتبه والاناره بكل مكان معطيه جو شاعري وخصوصا المسبح اللي على اليسار بالجهه المقابله للالعاب
الجازي : واااااو تصدقون ماتوقعت ان المزرعه بهذا الكبر
شوق : ماشاء الله بجد جنان
رهف واللي ناظرت بالريم بحقد لانها بتعيش في خير:ولا انا فكرت مافيه شي من وراء بس طلعت مساحه اللي وارا اكبر

كانت الريم مغمضه عيونها وتتنفس الهوا بروقان جاها شعور رائع ذيك الحزه لان الهدوء يخيم المكان والجو شاعري يخلي الواحد يدخل في عالم ثاني والريم من النوع الرومنسي يعني اثرت فيها هالاجواء وبلاشعور شالت التوكه اللي كانت ماسكه جزء من شعرها وهبت نسمه حركت شعرها بنعومه وصار شكلها اجمل واجمل
رهف هنا غارت : الا اقول ريم ؟
الريم وهي بعدها مغمضه عيونها : سمي
رهف : للحين ستايلك قديم ليش ماتقصين شعرك وتغيرين شوي من شكلك
الريم فتحت عينها مستغربه : والله ماحب افرط في شعري ومررت اصابعها بكل نعومه ودلع غير مقصود احس تعودت عالشعر الطويل ماتخيل نفسي بقصير
رهف وهي متعمده : يوووه كأن كلامك كلام جدتي هههه
الجازي بحره : ياختي حريه شخصيه بعدين صقر يحب الشعر الطويل لو يسمع انها راح تقصه بيزعل منها لانه يدري ان شعرها طويل
الريم ارفعت حاجبها المرسوم ( نقطه اول مره اعرفها )
شوق : بصراحه كل ماجيت اطول شعري شفت قصه تعجبني واقص بس شوفوا مو حلو طوله
الجازي : لاحلو مو قصير يعتبر طويل شعرك بس مو مثل شعر ريمو
رهف وجاها اتصال من مشاعل : هلا وغلا عيوني
وكملت طريقها يووووه انقذتيني كنت زهقانه وادق عليك ماتردين ، أي نايمه مالت عليك احد ينام هالحزه ، اها تبين تسهرين ، اجل نلتقي بالليل ، لا بقول لابوي يوه ماتحمل زياده اجلس هنا
كانوا البنات مستغربين من وقاحتها ماتقدر ولاتجامل او تحترم احد
الجازي : امشوا ماعليكم منها بس
شوق : ماصدق ان فيه وحده كذا
الريم : استغفر الله ياربي شوفي غلا الخبله شلون طايره وهي تتمرجح ههههههههه
شوق : يالخبله بتطحين
غلا: انتي الخبـــــــــــــــــلا
الجازي : ياحبي لها اللسانه مافيه اطول منها
شوق : بلاها مو اختك ماورتك اللي توريني اياه
الجازي : هههههههه ياحليلها
الريم : بروح اجيب طارق ودي امرجحه
شوق : يابنت علامك مطفوقه على الاطفال ماشفتي خير ؟
الجازي : شكلك تحبين الاطفال حيل ياحظي
شوق وهي تميل فمها : وش دخلك انتي يامسعده؟
الجازي : ههههه عشان اصير عمه بسرعه
الريم : صدق بايخين ماعندكم سالفه غيري انقلعوا يالله
وراحت الريم عنهم
شوق : شكل الاخت مطوله وهي تكلم
الجازي : امشي بس خلينا نمشى يازينك ياصقر محلى ذوقك
/
/
/

العنود: ياقلبي عليك ياوضحى وربي انك ماتستاهلين الا الخير
وضحى : الله كريم بس اللي مصبرني انه يحبني وكلامه مثل العلاج لي
العنود: وخالتك شلونها معك ؟
وضحى : شوفيها ياحلوها اليوم تجنن ؟ بس ايام تقلب علي مدري ليه يمكن لانها تبي تشوف عيال عيالها وهذا من حقها
العنود: الله يرزقك ياقلبي بالذريه الصالحه
كانت ام عبدالله تسولف وشكل النوم غزها
وضحى فزت من مكانها وراحت لها : يمه اجيب لك مخده تنامين
ام ماجد : اعصابك ماتبينها تسولف معنا تبين الفكه منها
ام جراح: علامك ياام ماجد وش فيك ماقالت شي مبين انها نعسانه وش فيها لاسألت ؟
ام ماجد وهي ميله فمها : ولاشي
ام عبدالله : وراء ماتكلمين عبدالله ياوضحى نمشي
وضحى : يمه احنا بنبات هنا صقر معزم على عبدالله
ام ماجد : طيب يمه انا ماشيه الحين تعالي معي بكره عندي عزيمه استانسي فيها
ام عبدالله بصراحه : لا مافيني لعزيمتك اللي تحوم الكبد ودي بعبدالله وبيته الله لايعوزني لاحد
ام صقر : خلاص يالعنود افرشي لها بغرفه الضيوف الصغيره اللي جهتك اليمين وخليها ترتاح
ام عبدالله : مايحتاج ياجعلك العافيه بكلم عبدالله نمشي بس لشفتها معزم افرشوا لي
وضحي كلمي وليدي
وضحى : ابشري
كلمته ومارضى قالها ان صقر بيزعل اذا رحنا وهو حاب يغير جو ويشوف المزرعه زين الصباح
ام عبدالله : ياوضحى ساعديني اروح للغرفه
ساعدتها ودته للغرفه ترتاح ، كانت ام عبدالله على لقافتها الا انها تحب وضحى ومتعوده عليها اكثر من بنتها وهنا انقهرت ام ماجد وكلمت ابو ماجد عشان يمشون وراها تنظيم لحفله بكره وياكثر حفلتها اللي مامنها الا الحش والفشخره
/
/
/
راكان : ودي اشوف المزرعه ماخلي مكان الا وروح له
سلطان : متعودين على طفاقتك ماهو بشي جديد
خالد وهو مستغرب من علاقة سلطان القويه براكان ضحك عليهم لانهم من يوم جا وهم يتناقرون
ماجد: اقول اشوف كشرتك اليوم فالها وش عندك ؟ وين الصداع اللي تحس فيه قبل مده
صقر : ههههههه ماحد كاشفني غيرك
ماجد وهو يتربع ومتحمس : انا اقول هالابتسامه العذبه وراها شي
جراح وهو ينط بينهم : من ذا اللي يتغزل برجل اختي
ماجد : ارتاح ولا تخليني اضرب صقر بسبتك
صقر : وش دخلني ههههههههههههههه
جراح: اقول انه مصرقع مسكينه يالعنود عز الله انك طحتي في واحد فاصله معه
لافي اوبو لافي : كانوا يسولفون في امور الشغل وابو ماجد راح مع هله لان بنته كلمته وماردها وهو مجنون يرد وحيدته ودلعوته؟؟؟؟
صقر: وش رايك تقولنا شعر دامنا مستانسين مع بعض
جراح : أي والله ودي بس تعرف يعني لازم اعدل المخ شوي
صقر: للحين انت تشفط من ذا السم ياخي انتبه لنفسك والله مامنه فايده
جراح وهو يقوم: ان شاء بقطعه بس مدري متى ؟
ماجد: مانه رجا لا الزواج ولا التدخين ماراح نقدر نقنعه هذا مخه لوح مايفهم
الكل : ههههههههههههههههه

الريم : الا طارق وينه ؟
العنود: نايم اخيرا فكني من شقاوته
الريم وجوالها يدق : هلا راكان بخير أي تبيه الحين ؟ يوه راكان يعني لازم ارقى واجيبه طيب خلاص يالله القاني برا اذا دقيت عليك باي
/
/
/
الجازي : يوه شكل الريم زعلت علي تأخرت حتى من يوم راحت رهف اللي مضايقتها ماجات
شوق : لا ماتزعل اصلا مافيه شي يزعل
الجازي : بروح اشوفها
شوق : انا بجلس هنا الجو مايتفوت
الجازي : ايه ماراح اجي الا وهي معي
شوق راحت عند غلا وجلست تمرجها بقووه وغلا تصارخ
سمع صوتها جراح اللي كان يدخن برا وراح باتجاه الصوت ولقاهم وجلس يسولف معهم
/
/
/
راكان خرج من الفله ودخل الخيمه اللي قريب من قسم الرجال وكانت الخيمه تصلح لشله شباب فيها عود يعني حق سهرات
والحقه خالد وسلطان لكن سلطان جاه اتصال من ليان وجلس يتمشى وهو يكلمها
ليان : ياربي زهقانه وانت هناك مبسوط يالتني ضليت عند ريناد
سلطان : ياعيون اخوك انتي والله ماقدرت ارد راكان عنده وسيله غصب يقنعني انفذ اللي يبيه
ليان : طيب بروح اكلم النذله اللي قالت بتتصل على ولادقت شكلها مستانسه مع الجمعه
سلطان بتنهيده: الله يسعدها يارب
ليان وهي ندمانه انها اطرتها: والجميع يارب
يالله اخليك الحين لاتحاتي انا بسلي نفسي بس ممكن اخذ الاب توب حقك
سلطان: اكيد خذيه حلالك
ليان : طيب باي يااحلى اخو
سلطان وهو مبتسم : باي
خرجت الريم وهي معها شريط راشد الماجد اللي طلبها راكان وجلست تنتظره ، شافته مقفي وسرحان
الريم وهي تحس نفسها مبسوطه لانه تبي تسوي نذاله فيه ولانه كله يخوفها قالت خلني اخوفه
مشت بشوي شوي لين وقف وراها وتو بتمسكه من ورا الا تشوف صقر خارج ومتجهه للخيمه وشافها على طول حطت يدها على فمها وهربت سلطان مانتبه الا لصقر المقبل عليه
بسم الله خوفتني
صقر : عن اذنك شوي مستعجل
دخل سلطان الخيمه مستغرب من صقر بس ماحط باله قال يمكن هله يبونه ضروري

صقر وهو مسرع بخطواته
لا ، ليش خرجت يالتني ماشفت اللي شفته وش تسوي عنده ليه يالريم ليه يابنت عمي ، ماحترمتي عمي ولاحترمتي المكان اللي انتي فيه انعمت عينه من كثره الغيره والموقف اللي قدام عينه وحس نفسه ان السعاده اللي عاشها فيها تحولت الى نكد
من جهه ثانيه
الريم كانت ترجف الله يهديك ياراكان مالقيت الا المكان هذا توقف فيه الله يرجك ، كم مره يشوفني شبع مني الرجال
وهي تمشي من بين الاشجار اللي بجنب الفله الا وتمسكها يد
الريم شهقت : يمه
صقر وهو عيونه شرار مسكها من ايدها ولفها جهته بقوه : انتي ماعندك احترام عالاقل احترمي عمي اللي رباك اذا مانتي محترمه خطيبك
الريم ولاول مره تجي عيونها في عيونه وهي ترتجف لان عيونه حمرا من العصبيه : صــ....قر
صقر بصوت غاضب بس واطي عشان ماحد يسمعه: ايه صقر يابنت العم يامحترمه اول قلت ماعليه مراهقه والحين انخطبت واكيد بتعقل لكن شكل مالك نيه ياخساره ياخساره بس
الريم وعيونه تلمع : وش تقول وخر عني اوجعتني
صقر: وربي يالريم ماراح اسامحك وزواجي منك راح يكون تأديب لك لأكثر يالمراهقه وعشان هلك اللي هم هلي اللي ماصنتي شرفهم خساره انك اخت اغلى صديق
الريم وهي فاهمه شي : وش س...ويت ؟ ليش تقول كذا؟؟
صقر بعصبيه وارتفع صوته شويه : وتسوين نفسك بريئه ؟ وتسألين وش سويتي ؟
الجازي وهي تدور الريم اللي ماحصلتها في البيت طلعت وسمعت صوت وتفاجأت بأخوها وهو ماسك الريم وباين عليه الغضب
الجازي باستغراب : صقر وش تسوي ؟
الريم وهي تناظر الجازي ودموعها على خدها : الـجــ..ازي شوفي اخـ....وك
صقر بعصبيه : الجازي ادخلي داخل مالك دخل وياني وياك تعلمين احد
الريم وهي تحاول تهرب منه وتفك يدها: مايحق لك تمسكني وتتكلم عني كذا وخر مني
صقر وهو يمسكها اقوى : لي الحق لاتنسين اني خطيبك وحسابك عندي وربي وربي ان اخليك تندمين على سواتك
الريم جوالها يدق احساس الريم يتصل بك
صقر : خذه وقرا الاسم ماشاء الله توصلها الاخبار اول باول مو هذي اخته حبيب القلب
الريم وخلاص ماهي قادره تتحمل اتهاماته جرت يدها بقوه

وفكها وركضت للجازي اللي للحين واقفه مو مستعوبه اللي يصير
الريم حضنتها وهي تبكي
صقر: دخليها لا اسوي فيها جريمه
الجازي خذت ريم ودتها المطبخ عشان تهديها وتفهم السالفه منها وصقر ماتحمل راح لسيارته وحاول يهدا وينسى الموقف
لكن الموقف كله ينعاد ، لا وفاله شعرها كله عشان تغريه ، ليش وش ناقصني تدورين عليه عند سلطان ، وانا هايم فيك واقول انتي الانسانه اللي بتسعديني ، وانتي تحبين سلطان هالكثر
لكن احلمي اني اخليك له لو تنطبق الارض عالسماء ماخليتك تاخذينه انتي لي حتى لو ماتبيني وراح اعذبك لانك طول الايام اللي حبيتك فيه عذبتيني
/
/
/
ليان وهي تكلم شوق
شوق : مادري اذا صقر عنده انترنت بس جبت الاب توب حقي افا عليك انساه اصلا مشتاقه لك واسوله

ليان : انا قول هو مثل ولدك وين ماتروحين معك بعدين ماني مرتاحه لاسيلك هذي اللي تبربرين فيها
شوق : هههههههه الله يقطع ابليسك بالعكس تجنن لو تعرفينها
ليان : وعمتك المفهيه ادق عليها ماترفعه اظن رايحه ملح في مزرعه الخطيب
شوق : ولله ياليان فاتك قبل شوي عاشت رومنسيه في الاجواء تمنيتك تشوفينها وهي داخله جو تهبلين فيها
ههههههه
ليان : تعلميني فيها ام القصص والاحلام الورديه ، ماهي مضيعتها الا رومنسيتها الزايده تحسب ان الرجال طول الوقت كذا
شوق : وانتي صادقه هههههههههه
جراح وهو يلاعب غلا
غلا: عمي من اكثر وحده تحبها؟
جراح يجاريها : اكيد انتي
غلا وهي عارفه يتطنز عليها : عممممممممي
جراح : طيب من تبين اقول ؟
غلا: يعني اذا تزوجت ماراح تحب زوجتك كثري
جراح : يوووه غلا ياكثر اسالتك وش تبين توصلين له ؟
غلا: ابيك تحب الجازي وتتزوجها عمي تهبل لو تشوفها تحبها على طول
جراح ( بلاتنا هذي بالجازي ):طيب وش معنى الجازي يعني ؟
غلا: لانها تناسبك
جراح وهو مل من السالفه : ماتعبتي وانتي تتمرجحين
غلا: الا بدخل بس خل الدوبه تخلص مكالمتها
جراح : طيب يالله انا بدخل الشباب ينتظروني
/
/
/
الجازي : خلاص ريمو هدي حبيبتي خليني افهم السالفه
الريم وهي تصيح : وش اهدي ؟ اخوك مو طبيعي شلون يتكلم معي بهذي الطريقه انا وش سويت له
الجازي : بصراحه اول مره اشوف صقر معصب لهذي الدرجه انتي متأكده ماسويتي شي
الريم بصوت متقطع : وال...له ماســ...ويت شي
الجازي : وش ذا الشريط اللي في يدك
الريم وهي تمسح دموعها : هذا حق راكان قالي اجيبه له والقاه برا بس ورجعت تبكي
الجازي وهي تفكر ( وش اللي خلي صقر معصب ويقول هالكلام ، صقر مايعصب الا اذا شي يمس ثقته ونفسه واكيد الريم سوت شي ( استغفر الله) اخوي واعرفه غيور بس وش سوت : يالريم علميني السالفه كلها ؟
رفعت راسها الريم وجلست تحكي لها بالتفصييل وهي تبكي
/
/
/

العنود: هلا ماجد هلاحبيبي
ماجد: اطلعي برا ترى وحشتيني ؟
العنود: توك شافيني قبل العشا يانصاب
ماجد: هههههه عادي وش فيها تعالي اشتقت لشهد
العنود: يوه من شهد؟
ماجد: بنتي لاتخافين احد عنده العنود ويفكر بغيرها
العنود: ههههههه بس خلاص فشلتني عند الحريم
ماجد: طيب اخرجي ولا ادخل وافشلك صدق
العنود وهي تقوم خايفه يسويها : لا جيتك يالله من الباب الخلفي اللي يودي على الالعاب بس لاتجي الا اذا دقيت عليك لان البنات برا
ماجد: طيب حياتي
العنود: باي وناظرت في ووضحى هذا ماجد ههههه
وضحى : روحي انا اصلا تعبانه شكلي ببدل واعطي ام عبدالله علاجها ونام
لان اكثر الحريم تسحبوا يوم شافوا ان الليل نصف
العنود: اشوفك في الغرفه ترى ماعلي منك بقومك ماعندنا الا هاليومين ننام مع بعض
وضحى وهي تصعد الدرج : هههه اوكي ياللا
/
/
/
الجازي : متأكده انه راكان
الريم : أي نفس جسمه بعدين من بيكون اذا ماهو هو؟
الجازي: ياخوفي يطلع خالد ولد خالي
الريم : لا اقولك راكان اخوي اعرف جسمه زين
الجازي : طيب وش دخل صديقتك ؟
الريم وهي تتذكر وشهقت : ياويلي يالجازي ورجعت تبكي
الجازي : وش فيك وش تذكرتي؟
الريم : لايكون سلطان جا مع راكان هو نفسه يشبه جسمه وطوله
الجازي : طيب تأكدي من راكان كلميه على انك بتعطينه الشريط
الريم وهي تبي تتأكد مسحت دموعها ودقت عليه : هلا راكان
راكأن : يوووه اسف نسيت وربي كله منك ياشين الوجهه
الريم وهي تبلع ريقها: من تكلم انت؟
راكان: كله من سلطان الله يقلعه
الريم وتأكدت خلاص : طيب اذا تبيه برسلك غلا
راكان: تدرين لا خلاص مايحتاج هذا جراح دخل بيقوم بالواجب مع السلامه
الريم : مع السلامه
حطت ايدها على راسها : طلع سلطان وصار اللي خايفه منه يالجازي
الجازي : خلاص بفهمه ولايهمك
الريم واتضح لها كل شي وتذكرت جوالها اللي كان مع صقر والرساله اللي شافها ورجعت تبكي اكيد يفكر اني على علاقه معه ياربي بليتني بواحد شكاك وكل شي ضدي مالومه
الجازي : ابي افهم قولي وش ماحد يغلط يعني ، بس لازم اقولك يالريم اخوي ترى غيور حيل واظن من حقه يغار عليك
الريم : من حقه بس مايشك فيني ويتهمني ، انا بنت عمه متربيه احسن تربيه يالجازي
الجازي : خلاص حبيبتي هدي الحين راح افهمه ولايصير خاطرك الا طيب
الريم: لا يالجازي انا اللي بفهمه احسن لاتدخلين فديتك
الجازي ضمتها وتعلقت فيها الريم وهي تصيح
( انا كنت حاسه انه بيصير شي ، ليش تفكر كذا ياصقر ليش ماخليتني ادافع عن نفسي ، وتذكرت كلامه وزاد بكيها اكثر
حست انها انهانت ، كرهت تصرفه ، كرهت انها عطت نفسها فرصه وفكرت فيه بعد الموقف اللي صار في غرفته )
/
/
/
(صقر )
تعب وهو يفكر ، تخيل لو فسخ الخطبه وخذها سلطان اوجعه قلبه مجرد انه فكر تكون لغيره ، ضرب الدركسون بقوه وقال : مستحيل تكون له ولا لغيره مستحيل هي لي لي حتى لو كرهتها عذبتها
شال عقاله وشماغه وفك ازارا ثوبه مسح وجهه وقال : ماهو صقر اللي يتأثر والبنت لك ياصقر والاسبوع الجاي بتكون تحت جناحك
نزل من سيارته وشاف الشخص اللي اكثر انسان يتمنى مايشوفه ذيك اللحظه
سلطان وهو مبتسم : زين اني شفتك قبل لامشي
صقر ويحاول يجامله( الرجال ماله دخل ، هو في بيتك وماسوى شي بنت عمك اللي رايحه له ) : هلا وين ؟؟
سلطان: والله ماقصرت والله يبارك لك على المزرعه بس ماقدر اتأخر الوالده عندها موعد في المستشفى ولازم اوديها
صقر: الله يحيك باي وقت وكان ودي تستانس مع العيال لكن مره ثانيه ان شاء الله
سلطان: الله يسلمك كفيت اليوم وفيت
صقر: بتروح في سياره راكان
سلطان: ايه يستاهل ورطني وجابني من غير مايشاورني تخيل ماقالي انه جاي المزرعه الا يوم مسكنا الطريق
صقر: هههه ولد عمي راعي مقالب بس زين خلاك تجي وتغير جو
سلطان: تسلم يالله مع السلامه
صقر: مع السلامه
ناظر فيه لين طلع من المزرعه وارتاح مدري ليه ؟ يخاف يشوف الريم ويقلب الدنيا عليهم ، بعدها ركز نظره في الفله وراح للمكان اللي مسك الريم فيه ، ليه كذا ليه يالريم ؟
قرر يدخل لعمه لكن شاف عمه ولافي يبيون ينامون والباقين سهرانين في الخيمه
ابو لافي: صقر الله لايهينك ياولدي ابي ارتاح تعرف انا شايب ويني وين السهر وانا عمك
صقر: أي ياعمي تفضل
لافي: وانا تعبان على قومتي الفجر
صقر: ادخلو خذوا راحتكم العيال ينامون يافي الخيمه ولا هنا في المجلس وانتوا ادخلو في الغرفتين اللي تحت
لافي: مايحتاج يمكن ضيق عليكم ولاشي خلاص انام هنا
صقر: لا والله تنامون داخل الغرف مجهزه والمكان وسيع وكل شي مخططين له البنات في الدور العلوي مكفيتهم الغرف
وصل عمه وقرر يروح عند الشباب يغير جو وماحصل ماجد وجلسوا ينكتون عليه انه يغار ويتمنى يتزوج عشان يصير مثله مادروا انه مهموم وتمنى انه قلبه خالي وماخطب
/
/
/
الريم : ماعليه يالجازي عطيني رقمه انا بكلمه وامري لله ولو اني خايفه
الجازي : ماعليه انتي على حق وان شاء الله تتوضح له السالفه كلها
الريم : ان شاء الله
وضحى كانت فوق وكلمت عبدالله مع دخله العنود وسكرت
العنود: ههههه أي تكلمين من وراي هاه
وضحى: وش اسوي وربي اشتقت له من العصر ماشفته وخليته مع الشباب يستانس بس شوي كلمته
العنود: شكل زوجك خجول مو مثل اللي عندي لو اني في السند قال تعالي ولا طبيت عليك هههههه
وضحى : ههههههههههه الله يسعدكم
العنود: تحرك طارق لايصحى يدقه سهره وانا مالي خلقه
وضحى : اجل بدلي ونامي يالله
/
/
/
الجازي : مايرد على رقمي مالك الا تتصلين من رقمك
الريم بخوف : طيب بروح الغرفه وانتي روحي لشوق لاتحس
الجازي : علميني بكل شي يالله الله معك حبيتي
الريم وهي ترتجف : يارب
طلعت الغرفه وسكرت عليها
حست انه غلط تدق عليه وتبرر له لكن ماعليه اهم شي تبين له انه ظلمها وتفهمه ، مايصير يشك فيها سمت بالرحمن ودقت
/
/
/
صقر وهو جالس مع الشباب وباله مو معه بس يتبسم عشان مايثير شكوك للي حوله جاه الاتصال شاف الرقم بس ماعطاه أي اهميه
وش السالفه قبل شوي الجازي مزعجتني والحين ذا الرقم
دق للمره الثانيه وقرر يرفعه وعشان الضحك والازعاج اللي في الخيمه رد وطلع برا
صقر : الو
الريم وهي بتموت من الخوف والحيا: ......
صقر بعصبيه :من معي ؟
الريم خافت وبصوت واطي: ألوو
صقر: نعم خير اختي فيه شي
الريم وقوت قلبها : صقر انا الريم ؟
صقر انهبل ودق قلبه بس للحين معصب منها وداقه الحين : سكت شوي وقال بكلمه استهزاء : وش عندك داقه؟
الريم وهي تبلع ريقهاوتحاول انها ماتبكي : ادري مايحق لي اتصل عليك بس..
قطع كلامها صقر وقال بستهزا: زين تعرفين شوي بالاصول؟؟
الريم واوجعها كلامه: صقر؟!! عيب عليك انا بنت عمك
صقر وهي واصله معه: وبنت عمي انصدمت فيها ولو سمحتي احفظي باقي كرامتك وسكري
الريم وهي تصيح: حرام عليك ليش مو راضي تسمعني
صقر: اقسم بالله العظيم ان ماسكرتي مايحصلك طيب
هنا الريم ماتحملت جلست تبكي شوي بعدين سكرت
صقر وقلبه اوجعه ومستغرب ليه ماسمعها ؟ ليه قسى عليها ؟ ليه عاملها بالاسلوب هذا ؟ لهذي الدرجه اذا غلط انسان غالي ردت فعلك تكون قويه ، ضاق صدره اكثر يوم سمع صياحها
وجلس يتمشى مايبي يدخل ماله خلق احد
من جهه ثانيه
الريم جلست على السرير تبكي هو ماعطاهافرصه اتهمها وحكم عليه ، بس اللي مالاحظته الريم انها مفروض عطته فرصه يهدا مو تكلمه وهو معصب
قامت من السرير وتحس ان كل قوه في جسمها اختفت خذت ملابسها ودخلت تاخذ دش عشان يريح نفسيتها شوي
/
/
/
الجازي : سوري تأخرنا عليك
غلا: تعبت بروح انام
شوق : ولو ان مالكم داعي مخليني برا لكن مسامحتكم وين عمتي؟
الجازي : بالغرفه وهي تفكر( اكيد امداها تخلص معه ) : يالله نروح للغرفه نبدل ونطلع لوازم السهره هههه
شوق : مشينا
/
/
/
طلعوا فوق ولقوها متلحفه ونايمه
شوق : شوف النذاله نايمه
الجازي وقلبها قبضها: طيب تعالي خليها ترتاح خلينا نسهر بغرفتي ونخلي غلا تنام عندها
شوق : طيب الا بغيت اقولك عندكم نت
الجازي : هههههه يالمدمنه مادري بس بكره اقول لصقر اليوم خلينا نسولف
شوق : وهو كذالك
الريم كانت صاحيه بس سوت نفسها تعبانه ، هي الحساسه اللي ماتحب تأذي او تجرح احد انجرحت بكت لين قررت انها ماتفاتحه وتخليه دامه ماسمعها ، ماهمتني ياصقر واسلوبك كرهته وبعدني منك اكثر ، وتذكرت ان ملكتهم بعد اسبوع وتمنت انها تكنسل كرهته وحقدت عليه وتمنت انه مارجع من الخارج وانها ماشافته ولاربي خلاه بطريقها بس هذا النصيب ماحد يقدر يصده

اما صقر
استاذن من الشباب وراح غرفته خذله دش جلس يفكر لين غلبه النوم ونااااااااااااام
بعد يوم كان بدايته حلو ونهايته حلو على الكل باستثناء صقر والريم
صحت الريم بدري وراحت للحمام شافت نفسها وجهها منتفخ من كثر مابكت وعيونها ذبلانه
لالا يالريم ماله داعي تنزلين دمعه عشانه هو اللي ماسمحلك تدافعين عن نفسك مايستاهل دموعك غسلت وجهه
والبست بنطول برموا بيج وتشيرت برتقالي ناعم الرفعت شعرها وحطته ذيل الحصان واكتفت انها تحط واقي عشان تبي تطلع تشوف المزرعه في الصباح وقلوس برتقالي خذت نظارتها واللبستها عشان تغطي عيونها

وشالت معها عبايتها وشيلتها عشان تخاف احد يقابلها
غلا: صباح الخير
الريم : صباح الورد
غلا : بنزل معك
الريم : يالله غسلي وجهك وبدلي وتلقني تحت ماراح افطر لين تجين
افتحت الغرفه القابله لقت الغرفه معفوسه بعد السهر وارحمتهم قالت الساعه الحين 9 اذا جا الظهر صحيتهم غصب عنهم
البست عباينها وحطت شيلتها على كتفها لانها ماهي ناقصه تشوف صقر الحين
بس لقت طارق يهرب باتجاهه : ليم ليم
الريم : هههههه عيون اليم انت ؟
العنود وهي تخرج من الغرفه : اللي يهديك تعال اللبسك
الريم : صباح الخير
العنود: صباح الورد بس بقا البنطلون مارضى يلبسه
الريم : انا اللبسه روحي خلصي انتي وانزلي لاتتاخرين وضحى انزلت؟
العنود: أي من زمان كلمها عبود هههه ونزلت تتمشى معه
الريم : الله يسعدهم
العنود: ويسعدك مع اخوي
كان صقر يسمع اصواتهم وده يشوفها بعد اللي صار لكن مايبي يضعف سكت وينظرها ترد على العنود لكنها قالت : الله كريم
يالله طروق حبيب ريموو اللبس عشان نفطر
طارق : ليس لابثه نطاله ( ليش لابسه نظاره)
الريم : عشان ماتشوف عيوني الحلوه وتخق عليها ههههههه
صقر ابتسم على كلامها ( معك حق في هذي ) وش قاعد اقول انجينت انا اكلم نفسي ؟
رجع شوي مايبي يسمع شي واستنى لين حس انها نزلت ونزل على طول عند عمه اللي ينتظره لانه كان موصيه يجيب تصميم للشركه يعني امور شغل
/
/
/
وضحى : يالله عبدالله بدخل روح افطر حبيبي
عبدالله : بس كذا مافيه بوسه كفايه اني امس مانمت معك
وضحى بخجل: ليه اشتقت لي؟
عبدالله وهو يقرب راسه لخدها: حيل
وضحى عيونه دمع: وش بسوي لي رحت عني اجل ؟
عبدالله وهو يمسح دموعها: لاتبكين ترى اهون عن السفره
وضحى وهي عارفه انها مهمه له: لا خلاص بس بتوحشني
عبدالله: بكلمك كل يوم واكيد حتى انا بتوحشني لكن كله فتره وبأذن الله ارجع
وضحى : يارب
الكل افطر باستثى الجازي وشوق وخالد وراكان اللي كانوا نايمين
/
/
/
الريم هي وغلا راحو برا حطت طارق بحضنها وراكبه المرجيحه وهو ماسكها بقوه خايف وسمعت صوت جراح وهو يكلم صقر وتغطت بسرعه
جراح: صباح الجوري لاحلى ملاك
الريم : صباح النور
طبعا صقر وقف بعيد ويسمعهم وتمنى انه ماصار لي صار او بالاحرى تنمى انه سمعها يمكن كان برد قلبه شوي
جراح: يالله شوفيني بركب الخيل
الريم وهي متجاهله وجود صقر: واي صدق والله فيه خيول؟
جراح: أي انا وصقر بنركب وماجد بجي بعد شوي خلي غطاك عليك
الريم وهي قاصده تعلي صوته: لاتوصي اخوي وتربيتك
صقر كان عارف انها قاصده ( اوريك على تلميحاتك هذي )
صقربملل: يالله جراح كانك اول واحد تركب خيل
جراح وهي يلتف بتجاهه الفله: هههههههه شوف ماجد
كان ماجد يجري ورافع ثوبه لانه مارضى يلبس بنطول ومتلثم بشماغه> داشر
اما صقر واللي المحته الريم كان لابس لبس روووعه وكأنه فارس صدق ولاول مره تشوف شعره كان اسود وكثيف ومرجعه كله على ورا ومخلي شكله شي ولابس نظارات شمسيه مغطي عيونه الحاده
اما جراح لابس تشيرت بيج وبنطلون برمودا اسود وراحو كلهم للخيول الريم وغلا كانوا يراقبونهم وهو يخيلون واشكالهم جنان
بس اللي خوف الريم شكل حصان صقر كان اسود في اسود وفيه لمعه وباين انه عنيد مثل راعيه وانطلق فيه وكانت الريم تراقب تصرفاته اللي غلبت عناد الخيل
ماجد: فديت هالخيل انا اول ماشفته دخل فوادي
جراح: امحق تعبير بس شوف خيلي اشقر على اشقر
ويمر من جنبهم صقر وهو منطلق في الخيل : ورا ماتطلقون الخيل نشوف مهارتكم
ماجد وهو يأشر على ايده : مجنون انا مثل صقر ياخي للحين ابي نفسي بعدين وراي ام العيال ماتستغني عني
جراح وهو يضرب الخيل ويضحك: الحمدلله والشكر بس

(الريم)
صقر جاه اتصال واستاذن منهم شوي وشكله موضوع يخص الشغل دخل خيله وراح للفله مر من جنبي وحسيت انه يناظرني من ورا النظاره كنت متلثمه ولابسه نظارتي وماسكه طارق واسولف معه واضحك يعني متجاهله وجوده
اما ماجد كان تحفه شكله مع الخيل وجراح فارس زمانه فديته
تعبت وقررت ادخل شلت طارق مارضى اشرلي ماجد اخليه وقلت لغلا تنتبه له لانها تبي تجلس
وانا بدخل الفله خرج صقر ارتجفت بس سويت نفسي عادي وانا من داخلي بموت مدري وجوده يسبب لي خوف وتوتر
(صقر)
مدري ليه شفتها جاني شعور ودي اغايضها ، واتكلم معها ، ابي اعرف كيف مزاجها هل زعلي اثر عليها ولاعادي
صقر بستهزأ وبرود قاتل: الناس تسلم
الريم ماهتمت وكملت طريقها :
صقروهو يتكلم بملل: الله يعيني عليك مراهقه ودلوعه
الريم تنرفزت هي شايله عليه وجالس يهينها كل مره تكلمت وهي ترجف ودمعتها شوي وتطيح: لو سمحت الى كذا وخلاص ، لاتتدخل فيني رجاء
صقر ورفع حاجب ورد برود: اتدخل فيك غصب عنك !!ناسيه اني ولد عمك وخطيبك ؟
الريم بتهور: مانسيت ياليت لو تتكرم وتفسخ الخطبه قبل لاتندم على اختيارك مو انا مراهقه ودلوعه مش قد المقام ؟؟
صقر: عجيب يابنت العم ضامنه فيه غيري بيخطبك هاه؟؟
الريم وصلت معها: لاتخلط الامور وكملت برجاء : لو سمحت صقر الزواج مسئوليه واخذ وعطاء وحب واستقرار واحنا مانصلح البعض
صقر: اذا بفسخ بكيفي ومزاجي ولا بعد ماأدبك ويكون في علمك اللي في بالك انسيه فاهمه
الريم بقهر: تدري انا ماكنت احس باتجاهك شي واقول يمكن بكره بتصرفاتك تحببني فيك لكن الحين اكرهك اكثر من أي شي ثاني وذنبي في رقبة ابوي واخواني اللي غصبوني عليك تعرف انا مابيك هم اللي اصروا عليك وبكت
صقر انصدم
الريم صح وش تبي بي وهي تحب سلطان بس تقول مابيك بوجهي لا ... مسك يده بقوه لانه خاف يعطيها كف وانشدت ملامحه
لكن اللي صار اكبر من هذا الموقف
.... : قليله ادب
ارفعت راسها على الصوت الا بكف لف رقبتها وطاحت الغطا من قوته
/
/
/

الجزء العاشر
: . . . .قليله ادب
ارفعت راسها على الصوت الا بكف لف رقبتها وطاحت اللثمه من قوته
مسكت خدها وهي تحس انها تحلم ماهي قادره تستوعب من اللي ضربها اخوها الغالي ، اللي نادر مايعصب واللي عمره ماجرحها بكلمه وشلون يضربها نزلت راسها وطاحت دموعها وسط دهشه صقر اللي ارخي يده ولف عينه اتجاهه صديق عمره ولد عمه المقرب له
صقر : جراح وش سويت انت ؟
جراح وعيونه شرار من العصبيه : اعتذري منه لا قسم بالله اوريك وش بسوي ؟
صقر وهو يحاول يتدارك الموضوع: ليش تمد يدك عليها ؟
جراح وبصوت عالي : هذي قليله ادب شلون تكلمك بهذي الطريقه ناسيه من تكون مو أي احد انت ياصقر
انت خطيبها ولد عمها تفهم
الريم تسمع صوته وهي ميته خوف جرحها اخوها بكلمته ، طيب هو اللي استفزني ، هو اللي ماسمعني اتهمني ماحترمني ولاحترمكم حتى شك في تربيتكم
جراح بحزم : الريم اعتذري منه بسرعه والكلام ياصقر اللي سمعته امسحه في وجهي هي منقهره بس لاهي مغصوبه ولاشي
راح جراح ومسك ايدها ويهزها : اكلم مين اعتذر لي له
الريم وهي في حاله صدمه :........
جراح بعصبيه: يعني ماراح تعتذرين له؟
صقر : خلاص جراح وش فيك انت مكبر الموضوع اعتبرها بزر وماتدري وش تقول
الريم رفعت راسها بغيض اتجاهه صقر وشالت ايدها بقوه من جراح ودخلت بسرعه
يبي يلحقها جراح بس صقر مسكه بقوته وجلس يهديه
جراح ماحط عينه بعين صقر كان متفشل منه وكلام الريم يتردد في باله(( تدري انا ماكنت احس باتجاهك شي واقول يمكن بكره بتصرفاتك تحببني فيك لكن الحين اكرهك اكثر من أي شي ثاني وذنبي في رقبة ابوي واخواني اللي غصبوني عليك تعرف انا مابيك هم اللي اصروا عليك))
فيه وحده تقول كذا ؟ ياخساره تربيتنا فيك يالريم هذا اخر الدلع لك لكن ماراح اهدا لين ارجع كرامته
صقر وهو يداري جروحه: يابن الحلا وش بلاك ؟ صدقني ماهز كلامها شعره فيني اعرف البنات ودلعهم يالله نقوم الشباب بس
جراح بانكسار: اسف صقر مادري ليه قالتلك كذا ؟ الريم اختي ماعمرها ارفعت صوتها علينا ؟ تجي ترفعه عليك انا مستغرب منها ليه سوت كذا ، انا سمعتها باذني تقول لابوي موافقه عليك
صقر والضيقه تملكته ويحاول مايبنها كالعاده: حصل خير اقول وين ماجد ؟
جراح : للحين عند الخيول
صقر وهو يحسس جراح انه عادي عنده: امش طيب نصحي الشباب ونرجع للخيل
جراح: مالي خلق بدخل اريح قبل الصلاه شوي
احترم صقر رايه وهو بعد حس نفسه وده يجلس لحاله
/
/
/
الريم دخلت البيت وعلى طول راحت للغرفه وسكرت الباب وجلست تبكي وهي للحين ماسكه خدها
( وش سويت انا ؟ انا تماديت بكلامي معه ياربي اول مره احس اني قليله ادب ، هو اللي جبرني هو اللي استفزني خلاني اعصب عليه ، ولو مفروض مارديتي عليه كان انطميتي مثل ماتسوين مع الكل ، آآآه ياجراح آه ياخوي سامحني غصبا علي انا ماتقبله واسلوبه جرحني كنت ابي ارد عليه بس عشان اقهره بعد مادريت بوجودك ياليتني مت ولانهنت قدامه ماعمر احد ضربني والحين انضرب واسبه انسان اناني حجر مايحس آآآه ...)
واستمرت تبكي لين نامت من كثر مابكت
في الناحيه الثانيه
كان صقر يفكر في اللي صار كلامها جا في الصميم جرحه ، اصعب شي على الانسان انه يحب شخص والشخص هذا مايحبه ولايبادله الشعور ، ضحك صقر مقهور تحبك وهي اصلا تفكر في غيرك ؟
بس ماهانت علي يوم ضربها جراح ، ماهانت علي يوم عيونها هلت دموع ، لهذي الدرجه احبها ، وش تحبها ياصقر؟
هي اجرحتك قالتها في وجهك ماتبيك
مسك راسه باطراف اصابعه وضغط عليه
تعبت ..خلاص ..اول كنت جاي ابي انتقم من ابوها وبلحظه شفتها فيه نسيت كل شي وطحت في هواها شفت ان حبها وضح لي ان عمي مظلوم ، حبيتها وقفت بطريق اللي تحبه والمفروض انها تكون زوجته ، ماقدرت اتصورها لغيري ، اذبح نفسي ولا اشوفها مع احد ثاني !!
معقوله انا اناني لهالدرجه ؟ ولا ايش بالضبط يمكن هذا عقاب من ربي لاني فكرت ااذي عمي وهله

طالع ساعته حصلها وقت صلاه تعوذ من ابليس ونزل يصلي ويجلس مع الرجال عشان مايفكر كثير
/
/
/
كان الكل مجتمع للاكل الا الريم استغربوا وينها كانت معنا وفجأه اختفت ،
ام جراح: ماشفتي الريم يالجازي؟
الجازي صحت على وحده الظهر هي وشوق صلت ونزلت وتوقعت تلاقيها لانها نايمه بدري اكيد بتصحى بدري
: مدري خالتي بس توقعتها صحت
وضحى : أي هي صاحيه من تسع يمكن رجعت تنام ؟
غلا: أي كانت معي وتكلمت وهي تناظر شوق والجازي
فاتكم ركبوا خيل ماجد وجراح وصقر
الجازي ( ياخساره فاتني ) : ياربي كان بخاطري اشوف صقر وهو يركب الخيل
شوق : يووووووووه فاتتنا لحظات سعيده
ام صقر: طيب روحوا نادوها مايصير نتغدى من غيرها
العنود بابتسامه: ابتدينا يومه بدلعيناه قبل ماتأخذ صقر رسمي
ام صقر: تستاهل مرة ولدي
شوق : ياحظك يالريم بس
الجازي وهي تقوم وتضرب راسها: قولي لااله الا الله
شوق: هههههه
ام جراح: خليها تقوم غصب حتى فطور ماكلت
الجازي : ان شاء الله خالتي
/
/
/
صقر وهو يروح لجراح لانه مارضا يتغدى
صقر: وربي ان ماجيت تتغدى ان ازعل منك احنا جايين نغير جو مو نكد على بعض
جراح وهو للحين متضايق من الريم : مالي نفس ياصقر ماعليه خلني اريح
صقر: اجل قسم بالله مادخل لقمه بفمي اذا ماجيت تتغدى
جراح: يابن الحــ....
صقر: قطع كلامه: حلفت ترى يالله عمي بدا يشك ان فيك شي
اضطر جراح يروح مع صقر بعد ماحلف عليه
/
/
/
الريم وهي تسمع صوت الباب يدق عقدت حواجبها وهي تحس راسها يعورها من كثر مابكت ، تذكرت وش صار لكن سرعان ماختفى تفكيرها مع صوت الجازي تناديها تفتح الباب
الريم بصوت مرهق : نعم يالجازي
الجازي : فتحي الباب حرام عليك تعبت و اناادق عليك كل ذا نوم
الريم :وش تبين يالجازي؟
الجازي : يالله الكل مجتمع عالغداء مو ناقص الا انتي
الريم :كلوا انتوا انا مابي بقوم اصلي
الجازي : طيب افتحي الباب
الريم افتحت لها الباب تفاجأ ت من شكلها الجازي كانت عيونها حمرا ومنتفخه ،
الجازي وهي تشهق : الريم ليش كذا وجهك؟
الريم وهي تحاول ماتبين شي لانها اوعدت تفسها ماتفتح الموضوع الا مع صقر اذا ناقشها : مافيني شي بس تعبانه مصدعه شوي
الجازي بشك: خلاص صلي وان بقولهم انك بتلحقيني بعدين لي جلسه معك
الريم وهي تهز راسها راحت للحمام وتوضت وصلت ونزلت تحت
كان الكل مستغرب منها لكن ماشكو ان السالفه فيها صقر لانها قالت لهم مصدعه وشكلها بدايه انفونزا
/
/
خالد وهو يكلم فارس
خالد : تخيل تعرف غسان راعي الاستراحه اللي خبرك
فارس : ايه وش فيه؟
خالد: مزرعه ولد عمتي قريب منها
فارس : بالله ؟
خالد: أي والله ماشاء بصراحه روعه
فارس : اجل القاني هناك عنده وش رايك ؟
خالد: صار بعد المغرب نلتقي لاني بروح البيت على الساعه عشره تعرف صارلي يومين عندي أووف
فارس: اوكي يالله ياخي عندي خط انتظار
خالد: ههههه روح بس الا والخط ادري بنت من اللي متعرف عليهم
فارس : أي هذي اسيل ولا تبيني اكنسل
خالد: كان فيك خير سوها
فارس : هههههههههههه طيب باي
خالد: باي
وقف يتأمل المزرعه ويفكر في تصرفاته ، انا لي متى بظل كذا اكلم بنات خلق الله، لازم اعيد حسباتي واحاول قد ماقدر اتزوج العام بتكون بقا لها سنين وتخلص
اااة يالجازي مدري متى اتزوجك وتهتمين فيني وتعوضيني الحنان اللي ناقصني
لكن قطع تفكيره ضحك بنت وشكلها قريب من عندها
مامداه يتراجع لانه كان يمشي وهو سرحان الا شوق تجري بسرعه تبي تلحق غلا اللي ماخذه توكس حقها
وقفت شوق من الصدمه اول مره تشوفه كان الشاب مملوح وله جاذبيته
شوق وهي متغير وجهه لفت بسرعه: أوه اسفه
خالد تعجب من البنت كانت كيوت حيل واكثر مالفت انتباهه الغمازه اللي فيها
خالد وهو راجع للخيمه من هذي ؟ معقوله تكون خطيبة صقر ، الله يهنيك ياصقر فيها بصراحه حلوه حيل وكفايه ابتسامتها حس على نفسه استغفر الله العظيم اتغزل بخطيبة صقر الله يخسك يافارس اعديتني من كثر ماتغازل بنات خلق الله
/
/
/
حاولت الريم تمشي هاليوم على خير وتخفي كل احزانه وتحاول قد ماتقدر تضحك وتسولف بالرغم انها تخفي العكس حتى يوم حاولت فيها الجازي تعلمها قالت انه مارد عليها وهي كنسلت فكره انها تكلمه بالموت اقتنعت
انتهى اليوم والريم ماحتكت بجراح وتحاول ماتكثر الخروج عشان ماتقابل صقر بالصدفه
وفي عصريه الجمعه الكل جهز اغراضه ومشى بيته
صقر تمنى ان التمشيه هذي ماكانت كذا ، وتمنى لو تحمل ذكريات حلوه لكن اللي صار عكس ماتمناه
اما الريم تحاول ماتناظر اخوها اللي كان متضايق ومشى قبلهم لانه قالهم انه يبي يرتاح قبل يدوام بالشركه
/
/
/
بعد مرور ثلاث ايام كانت متعبه لاربعه اشخاص
الريم خوفها من قرب الملكه وان صقر ماثر فيه كلامها ولا براضي يشيلها من باله وكلامه وتهديداته وشكه وظلمه لها
شكله وهو معصب للحين كلها ماراحت من بالها كانت كل ليل تبكي وتدعي ان ربي يخلصها منه اذا ناوي عليها بشر
صقر
اللي مزاجه كان معكر ودوم يهاوش الموظفين بسبب ولابدون سبب تفكيره بالريم وشلون يعاملها وهو مابقا شي على ملكته ، هو مايقدر يفسخ الخطبه لامور كثير انه مايبيها لاحد غيره يحبها وفي نفس الوقت يكرهها ، والامر الثاني عمه وش يقوله ؟ يقوله بنتك ماتبيني ولا...تحب ثاني ، والاهم صديق عمره للي حمل جزء من همه

الشخص الثالث
وضحى وخوفها من ابتعاد زوجها عنها لمده ماهي سهله ، والامانه اللي حملها لها امه اغلى الناس على قلبه هو كان اخذ وضحى معه بس امه لاهي راضيه تروح معهم ولاهي راضيه تروح لاخته ام ماجد قرب موعده بيكون يوم السبت بعد الملكه بيومين لان ملكة الريم يوم الخميس

الشخص الرابع
جراح وموضوع اخته اللي فشله ولو عرف ابوه يمكن يتعب وراح تخلي صحت ابوه تتراجع ، وموضوع اخوه راكان اللي فتحه لهم ابوه بعد العزيمه
جراح وهو يتذكر اللي صار
راكان: يبه انا ماقدر اخذها صدقني
ابو لافي: هماك قلت انك تبي تتزوج ومستعجل ؟
راكان: يبه ماهي الانسانه اللي ابيها زوجه لي
ابو لافي: وش فيها بنت اخوي وربي انها تسوى عشره رجاجيل
راكان : يبه والنعم فيها بس انا اعتبرها اخت لاكثر انا في بالي وحده وهي اللي اتمناها
ابو لافي ماتكلم ومعناته انه ماهو مقتنع في اللي باله
تذكر يوم ترجاه اخوه وراح له بالغرفه وقاله السالفه

راكان:تكفى ياخوي حرام اظلم البنت اخذها وانا في قلبي وحده غيرها
جراح: يابن الحلال الحب بيجي بعد الزواج ومصيرك تنساها
راكان: جراح تكفي طلبتك ياخوي انت مافي بالك احد خذها وربي وربي لو مافي قلبي وحده ان اخذها يكفي انه بنت عمي واخت صقر
جراح هزه كلمة انها اخت صقر وسكت
راكان: انت مصيرك تتزوج مستحيل بتظل بدون زواج احسن تأخذ اخت اعز اصحابك ولد عمك
جراح: بس ماعمري فكرت اني اتزوج الحين ماني مستعد للمسئوليه والجازي ماعمري شفتها ماذكر حتى شكلها
راكان : ياخوي انت رجال كامل والكامل وجهه سبحانه وظيفه زينه الحمدلله ماسك اهم قسم في الشركه بعدين فرح امي وابوي واستقر شوف ماجد اللي بعمرك عنده ولد والثاني بالطريق
وصقر خطب اختنا يعني لاتصعبها على نفسك وتوكل
جراح : ابوي يدري ؟
راكان: لا لانه غاسل يده منك
جراح : خلاص يصير خير
راكان والفرحه ماهي سايعته: الحمدلله مشكور ياخوي الله يفرح قلبك مثل مافرحت قلبي
رجع له تفكيره
الجازي والله مايندرى عنك ، سبحان الله الكل تمناه لي وجات الفرصه لعندي بروح اكلم ابوي واشوف وش شوره
/
/
/
ليان : يالله سلطان الله يخليك ابي اروح السوق تخيل ملكة اعز صديقاتي وماعندي لبس اكشخ فيه
سلطان تحركت مواجعه: الله يوفقها بس البسي من اللي عندك
ليان: مابي ابي شي جديد
سلطان : طيب بشرط
ليان وهي تمسك يده وتحركها بقوه: اشرط قول اللي تبي
سلطان وهو مبتسم : امممم امر راكان لاني مواعده اليوم
ليان هي تلف : ياذا الراكان اللي ناشب في حلقي
سلطان: اجل مافيه سوق
ليان: طيب خل الريم تجي معي تقول انها بقالها شويات ماخلصتها
سلطان: خلاص كلميها واتفقي معها
ليان: بس
سلطان : لاتخافين ترى تصرفاتك بتحسسني اني للحين ابيها وانا بديت انساها
ليان: وهي فرحانه لان واضح من سلطان انه استسلم ورضى بالنصيب : اوككككككككككككي بس عشر دقايق
/
/
/
شاف امه وابوه يتقهون وحس براحه بقراره وقرر يفاتحهم
جراح : مساكم الله بالخير
ردو عليه ومدت له امه فنجال مع دخله الريم
ايو لافي: هلا بابوي هلا عيوني
طالعت في جراح ونزلت راسها :هلا يبه وناظرت في امها

يمه ابيك شوي
جراح من غير مايناظر فيها : شوي ابيها في موضوع
ام جراح: خلاص يمه اخلص من اخوك واجيك
طلعت الريم وهي محتره من اخوها وحاقده على صقر هو السبب عمر اخوي ماكلمني بهالطريقه كله منه
نرجع لجراح
ابو لافي: خير ياولدي اشوف في فمك كلام
جراح وهو مايدري شلون يبدا: خير يبه ان شاء الله
يمه وش رايك بالجازي تناسبني لو تزوجتها؟
ام جراح بفرح: الجازي بنت عمك ؟
جراح واللي ارتاح من رده فعل امه وطالع في وجه ابوه اللي استبشر بخير: أي يمه الجازي
ام جراح: أي بالله تناسبك اكثر وتصلح لك انت ولدي واعرف اطباعك ومن اللي تفهمك وتسعدك
ابو لافي: ليه مايبيها راكان؟
جراح: يبه انا الكبير وانا اللي اولى فيها ، بعدين يشرفني اناسب صديقي ولد عمي صقر
ايو لافي: ربي يرضا عليك ياولدي
ام جراح: فرحتنا جعل الجنه فالك ياولد بطني
ابتسم جراح لهذي الدرجه شي مثل هذا فرحهم ، يارب اكتب لي الخير وسهل امري
ابو لافي: كلم صقر وقله اليوم جايين له
جراح: اليوم يبه؟؟ مأكنه مستعجلين
ام لافي : خير البر عاجله
/
/
/

راكان: يالله يالريم عشان خاطري فرصه وجات لعندي اشوفها
الريم وهي متخوفه عشان صقر في بالها لو يدري وش بيسوي : لالا مابي اروح مابقا شي اصلا وبخلي وضحى تجيبها
راكان: افا تردين اخوك طيب ماتبين تجمعين بينا انا وصديقتك ؟
الريم وهي تفكر ( طيب ياليان توهقني وتخلين سلطان يقنع راكان يوم رديتك اوريك ؟ ماتدرين ان لو يوصل الخير لصقر يسوي يوم لي :
راكان: هاه دامك سكتي بشغل السياره وانتي اجهزي
الريم : طيب خل وضحى كمان تروح معنا
راكان : لا مافيني امر عليهم بنتأخر
الريم : طيب بسيارتين ولا تمر عليهم؟
راكان: ولله افكره ليه مانمر ونروح بسياره وحده
الريم: لاااااااا
راكان: بسم الله وش فيك؟
الريم : لا اقصد يعني ليان ذوقها صعب واخاف نتأخر وانا حدي لي صلاه العشا
راكان: اوكي فديت اللي ذوقهم صعب
الريم بنص عين : اعصابك
راكان: هههههههههههه
بعدين جات ام صقر وجهه منور من الفرحه وقالتلهم عن جراح وخطوبته
راكان: الف مبروك وربي يستاهل بقا انا يمه البنت وتعرفونها زين بس اخلص قضيه مهمه وافضى...خطبوها لي
الريم : هييييييييييا جراح بياخذ الجازي وربي يلبقون لبعض بروح ابارك الله
تذكرت انه مايكلمها وانه بعد السالفه ماتحتك فيه وتراجعت
نزلت راسها بحزن
ام جراح: دخلت قلبي من يوم شفتها وتمنيتها لجراح مدري ليه احسهم يناسبون بعض
راكان: الله يومه لنا الله يعني وانا ماني بولدك تتمنين لي من البنات المزايين اللي كل يوم تشوفينهم
الريم وهي تتوعد: تراك تلعب بذيلك ولي خذت اللي خبرك وعرفت انك تقول هالكلام تأكلك وانت حي
راكان: بل بل حشى الحانوتي وانا مادري
الريم : هههههه
راكان: يمه انا باخذ الريم السوق تامريني بشي
ام جراح: سلامتك انتبه على اختك ، وش بقا لك ترى خلاص مفروض تروحين للمشغل وتأكدين على الحجز
الريم وهي تلبس عبايتها : لا انا مخلصه بقا اشياء خفيفه
ام جراح : الله معكم
/
/
/
العنود والجازي يخططون وش يلبسون
الجازي : انا اشوف ان هذا يناسب اكثر للملكه خصوصا انك حامل ويناسب شكلك
العنود: يعني يناسب بشرتي مدري احسه مسمرني
الجازي: بالعكس روعه عليك
العنود: وانتي وش رسيتي عليه
الجازي: بلبس الفستان هذا وش رايك
العنود: اممم حلو بس مو تحطين مكياج حيل خفيف مثل كل مره تراها ملكه اخوك ابيك تثقلينه شوي ، يمكن احد يعجب فيك
الجازي: وووووووويه صدق كلام حريم ياختي اهم شي انا مقتنعه باللي اسويه
العنود: ربي يوفقك بالرجال اللي يستاهلك
الجازي بخجل : الله كريم الا وين طروق
العنود وهي تسند المخده ورا ظهرها : خبرك اذا جيت استلمه صقر دلعه علي الحين كل مايشوف ابوه يقول ودني البقاله
الجازي : ياحليله حتى الريم تصدقين مدلعته كل ماشافني قال عطيني حواوه مثل ليم هههههه
العنود: هههههههه تصدقين احسهم مكملين لبعض اذا تخيلتهم مع بعض
صقر : من اللي مكملين بعض؟
العنود وهي يدها على قلبها : بسم الله خوفتنا ؟
الجازي:هههههههه الطيب عند ذكره
صقر وهو يجلس على طرف السرير ومعه طارق اللي يبي ينزل يجري لمه: وش تحشون فيه اعترفوا ؟
الجازي وهي مستغربه من تغير مزاج صقر لانه من يوم المزرعه ماكان يكلم احد بس اليوم احسن :والله نتكلم عنك ومدام المستقبل
العنود: عاد انتوا احسكم ثنائي راااااااائع
صقر واللي تذكر الريم تضايق مايدري ليه : الله يكتب اللي فيه خير
العنود والجازي ناظروا بعض
طارق : ماما ابي حواوه
الجازي: شفتي ههههههههه
العنود: حسبي الله على ابليسك يالريم عودتي ولدي وانا من وين لي حواوه ياروح امك
صقر يقوم: المهم عمي وعياله بيجون في الليل ياليت تجهزون كل شي مع امي ترى تحت مختبصه
الجازي: العنود مافيها حيل اسئلها عن بطنها والبيبي
العنود: وجع ان شاء الله
الجازي وهي تكمل وتضحك : بنزل انا اللي بنفع امي ههههه
العنود خذت المخده اللي وراها ورمتها بس جات في وجهه صقر اللي كان يفكر بهذي الزياره المفاجأه: بسم الله
العنود ويه تحط ايدها على فمها : بغيتها في الجازي سوري مستر صقر
صقر وهو متعمد يحرجها : لو مانتي بحامل وريتك شغلك لكن عند ماجد هو اللي بياخذ حقي بطريقته
العنود تغير وجهه وحمررر: .......
صقر : هههههههههههههه
/
/
/

القتوا الريم وليان في مجمع فنيسيا مول راكان وسلطان جلسوا في القهوى لين يخلصون والبنات بداو ياخذون احتياجتهم ، تعمد سلطان انه مايحتك فيهم لانه ماله حق خلاص الامل مقطوع فيها وماهي من اخلاقه وصقر بعد نشمي ويستاهلها ، اما الفارس المغرم عيونه كانت تراقبهم
ليان وهي تخرج من المحل معصبه: الله يقرفه ياشيخه شوي ويبوس ايدك
الريم : وانا وش علي منه اهم شي اخذ اللي ابيه بعدين ماتعرفين اللبنانين كذا كلامهم
ليان: مالت عليه يتغزل ماخلى شي ماقاله شكيت انه صقر وانا مادري
الريم وطرت صوره صقر في بالها وارتجفت : خلاص ليان وانتي ماقصرتي فيه سفلتي فيه
ليان: ههههههههههه يستاهل وش رايك في وجهه تغير يوم قلتله وش رايك تجي وتلبسني العقد احسن
الريم : هههههههههههههههههههههههه فضيحه صدق
ليان : ياربيه من اخوك وش له يفز الحين
الريم وهي تشوف راكان : ههههه امشي بس عشان يتطمن علينا
ليان: ريمو حلو اللبس حقي بالله عليك ؟؟؟
الريم : أي بصراحه مره روعه بتحطميني
ليان: متحمسه اشوف لبسك تصدقين
الريم: نو ووووووي بتشوفينه يوم الخميس خليها مفاجأه
.......: خلصتوا انتوا وياها هذره
ليان: بسم الله سكنهم مساكنهم من وين طلع هذا مو توني شايفته هناك
راكان: لا والله شايفتني جني
الريم وهي تضحك : ههههههه خوفتنا صدق
راكان: والله شفتكم مانتوا بناوين تجون قلت اطب عليكم
ليان وهي تهز رجوله : وين حبيبي اخوي سلطان المؤدب
الريم وهي تدق اخوها وتضحك : هههههههه
راكان: وش قصدك يعني بس اخوك المؤدب شوفيه هناك يرقم البنات
ليان وهي تشهق وتبي تروح له صدقت : ايا ياسليطين تلعب بذيلك من وراي
راكان: ههههههههههههههههههه تعالي امزح
واستمر التسوق مع الضحك والوناسه نست الريم همومها وخوفها من المستقبل مع صديقة عمرها اما احساسها اتجاهه سلطان كان اخوي وغير كذا للحين تحس بتأنيب الضمير انها جرحته من غير قصد
/
/
/
في الليل وصقر يكلم الجازي بعد مازاره عمه ومعه ام صقر والابتسامه الحنونه راسمتها والعنود اللي فرحانه الجازي وهي منزله راسها متفاجأه هي تحلم( ياناس و شلون جراح خطبني ، جراح اللي استبعدت انه يوم من الايام راح يكون زوجي ، جراح اللي يوم كنت صغيره احب اني اجلس معه واسمعه وهو يغني اثناء طيشه ومراهقته ، جراح الشاعر الحساس ، الحالم الرومنسي يخطبني انا )
ام صقر: السكوت علامة الرضا
والله يابنتي ماراح تلقين احسن من ولد عمك ، وهذا هو اخوك قدامك ييمدح فيه
صقر : والله يالجازي شهادتي فيه مجروحه يعني لو امدحه لك احس اني بقصر بعد ..عمري ماكنت متصور ان خواتي وجواهر ابوي يرحون لاعز اصحابي ماجد وجراج
العنود واللي لمعت عيونها: الله يخليك لنا ياصقر
الجازي وللحين منزله راسها : الراي رايك ياخوي
صقر: لا مو انا اللي بتزوجه اذا تبينه ومقتعه فيه وهذا اللي اتمناه قولي موافقه واذا لا اذكري السبب اللي مخليك ترفضين واقنعيني فيه
الجازي ناظرت في امها واختها اللي شوفتهم تعطيها القوه والامل بعدين ناظرت في اخوها ونزلت راسها: موافقه ياخوي
ام صقر وهي تضم بنتها والعنود: لولولولوش
مبروك يابنتي الف مبروك
صقر: الف مبروك يالجازي حب راسها وطلع وهو مرتاح وتمنى لو ابوه حي يشوف وش قد فرحان بخواته ،
تنهد وفتح باب غرفته : آآآآه ياقلبي المهموم متى بترتاح،
تذكر الريم مايدري شلون يتصرف معها اول مره يحس انه ضعيف ، وش معنى هالانسانه اضعف عندها واحس تفكيري مشلول لما اشوفها
تذكر كلمتها ( اكرهك مابيك ) ترددت باذنه رفع ايده على اذنه تلقائيا عشان يبعد الصوت عنه
بس انا احبك يالريم ، وش ذنبي اني حبيتك واغار عليك ، وش ذنبي اني ماتخيلك لشخص ثاني
خذا ملف كان جايبه البيت عشان يراجعه بس ماله خلق ، سمع العنود تدق الباب وتقوله ان ماجد تحت
راح لماجد وبشره وسولف معه مايحتاج جلسه ماجد بلسم للروح نساه همه مؤقت واستأذنوا وارحووو
/
/
/

بعد ماعلنوا موافقه الجازي تحددت ملكتها بعد اسبوع ولانها تبيه من قلب ماعارضت ولو انه بدري ماراح يمديها بسهوله تخلص اغراضها
الكل فرح بخطبه الجازي حتى جراح كان مبسوط لكن يحس بقلق ويستمد فرحته من فرحه هله واللي حوله
كلا فرحان الا شخص واحد يوم دري حس ان الدنيا توقفت فجأه ، قالوا له الخبر ومن قاله : امه وتقولها من غير اهتمام مادرت ان الخبر مثل القنبله اللي حطمت مدينه حزينه
خالد
مستحيل شلون تنخطب وانا اللي بنيت حياتي من صغري معها ، يعني الجازي خلاص بح راحت ومن اللي اخذها جراح ، ليش ياحظ ليش كانت مصدر الحنان اللي ارتجيه
سالت دمعه يتميه خلاص وش تنفع الدموع والجازي راحت
وبتهور دخل السياره ومشى بسرعه جنونيه وراح لملاذه اللي يفكر انه ملجأ همومه مايدري انه هلاكه وابتعاده من رب العباد ، بدال مايرضى بالنصيب راح للخراب والشله الفاسده ، ليه ؟ عشان ينسى همه وهذا من ضعف الايمان
استمر خالد في الشقه مع فارس اللي كان يحاول يطلعه من اللي هو فيه عن طريق الشرب والسهر ومكالمة البنات
لكن وش نهاية هالتصرف هرب من همه بطريقه غلط ماندري وش بيصير فيك ياخالد ؟؟؟؟

(((يوم الملكه )))

وضحى : بعدين معك يالريم الوقت تأخر وانتي مفروض تكونين جاهزه
الريم وهي تصيح : خايفه حرام عليكم احد يحس فيني
وضحى : كل البنات كذا وصدقيني بتتعودين عليه وتتمنين وجوده معك طول العمر
الريم وهي تخبي وجهه بيدينها: الا انا ياوضحى ياليتني وقفت وقلت مابيه يالتني ماقلت لبوي اني موافقه يمكن كان حن علي ورحمني
وضحى : بسم الله عليك ، وش جرا لك مو اسبوعين عادي ماهمك حتى اغراض اشتريتيها وش معنى يوم جا الجد ماتبين
الريم : مادري وضحى تكفين قولي لبوي يكنسل اقنعيهم الله يوفقك
وضحى : انتي مجنونه تدرين ان اللحين مابقا شي ويوصلون المعازيم وانتي تقولين كنسليها
لاتفشلينا يالريم وتطيحين وجهه ابوي بالارض ، اذا على الخوف صدقيني طبيعي وشوي شوي يروح منك
شوي الا يسمعون صوت الجازي والعنود جايين
الجازي : اخبارك شوووووووووق ؟
شووق : بخير ربي يسلمك هاه وش رايك ؟
الجازي وهي تفسخ عبايتها : سبراااااايز
شوق : ماشاء الله جنان
العنود: اقول انتوا وياها عن النفاق تراني احسن منكم تدرون ليه؟
الجازي واشوق وهو يضحكون : ليش؟؟؟؟
العنود: لان عندي دبه مميزه عنكم
الجازي وشوق:هههههههههههههههههههههه
العنود: اقول وين العروسه تهقون خلصت ؟
شوق : لا مابعد وضحى معها
الجازي: امشوا خلونا ننزل نستقبل الضيوف وبعدين نجي نسلم عليها
/
/
/
دخلت ليان لقصر ابو لافي وهي حايسه لانه تأخرت
ليان: ياويلي من الريم كله من هالشعر يبيله ساعه لين يضبط
راكان كان يبي يجيب القهوه لمحها وابتسم
ليان وهي تنزل تبي تضبط جزمته اللي مالبسته زين : ياربي وانا ناقصتك بعد اف
راكان: نعم اختي أي مساعده
ليان انصدمت من ذا الفاضي اللي عينك عين يغازل يوم رفعت راسها خقت بلعت ريقها كانت اول مره تشوف راكان كاااااااشخ كذا لابس الشماغ والثوب الابيض ومسوي سكسوكه
ليان انتبهة انه تقز : اف وخر من طريقي وانت كل ماروح مكان اشوفك قدامي
راكان اللي استانس : جايه بيتنا وتقولين هالكلام
ليان: ماني فاضيتلك ترى.. تعالي بعد الملكه اوريك شغلك
راكان : هههههههههههههه انتظرك
ليان وهي تمر بسرعه من جنبه : صدق فاضي
راكان: لاتنسين الموعد اوكي ههههههههههههههه
/
/
/
وضحى : اذكري الله وعسى ان تكرهوا شيئا وهي خير لكم عشان خاطر ابوي ، لو تشوفين فرحته وربي ان تنسين الدنيا بكبرها ، مسكت ايدها ودخلتها البلكونه
كان ابو لافي واقف وكل شوي يفقد المكان ومبتسم ابتسامه زادت شكله وقار ، شوفيه يالريم مو حرام تبخلين عليه بالفرحه
شوفي اخوانك كان راكان ماسك القهوه وجراح شايل كراتين ومبين انها كيك لان الخدامه شالتها منه ،
وضحى وهي تكمل لانه شافت الريم تراقبهم بحب شوفي حتى لافي وعياله ناظري فرحتهم بعيونهم
الريم ( أي ليش انا انانيه بس افكر بنفسي ، انا ليش خايفه منه وانا ماسويت شي غلط، هو اللي اختارني بمحظ ارادته يتحملني اذا يشوفني ماناسبه ) : خلاص وضحى خلي الكوفير بسرعه تدخل
وضحى بفرحه : انا ادري ان عقلك كبير دايم فكري بعقل يالريم ربي يوفقك ويسعدك ودخلت الكوفيرا وهي لبست لان مابقا الا اللبس
وضحى : هاه وش رايك بفستاني ترى ذوق عبدالله
الريم وتحاول انها تبتسم : روعه ، انيق حيل
وضحى : يالله جوليا خلصي شغلك ابيها ملكه زمانها
جوليا : لك تكرم عينك اصلا يخزي العين بتجنن هيك شو بتطلع لما اعمل لها الميك اب
وضحى : لا اله الا الله اقري الاذكار وحصني نفسك وانا بنزل وبعد شوي بجي اساعدك بلبس الفستان
/
/
/

بعد ساعتين من استقبال الناس كانت ملكه عائليه ضمت زياده الجيران
ليان : اف ماصارت ماخلصت
الجازي : ياحليك ياليان ماتوقعتك كذا
ليان بخجل : تسلمين حتى انتي تجننين وهنيالوه جراح
حمر وجهه الجازي وابتسمت
ليان : نفسي اعرف ليه الخجل لو علي اشق وجهي من كثر ماني مبسوطه اني بعرس
شوق: هههههههههههه تحسب الناس مثلك ماعندهم حيا
ليان : ايا قليله المروه تسبيني في بيت جدك هين عند الريم هي اللي ماترضى علي
شوق : افا عاد الا حبيبتي ليان
ليان هي تسوي نفسها زعلانه: مابي روحي اصلا غسلت ايدي منك بعد ماصادقتي اللي يقالها اسيل
الجازي : ماعليك انتي يالله نطلع تعبت من مجاملة الناس
الا رهف قدامهم وكانت فاسخه الحيا صدق
لابسه للبس كالعاده الظهر برا والمكياج اوفر
رهف بمياعه: مبروك
الجازي : الله يبارك فيك تفضلوا
رهف وكان معه وحده ثانيه : اعرفكم على مشاعل صاحبتي الروح بالروح
مشاعل : هااي مبروك عليكم
الجازي وشوق وليان : الله يبارك فيكم
شوق : نفس طينتها هههههههه
ليان: قموا اشكالهم نرفزتني خلونا نروح للريم اكيد خلصت
/
/
/
صقر كان مبتسم ابتسامته المعهود وكل مشاعر الدنيا فيه كان فرحان وزعلان متضايق مايدري كيف يحدد مشاعره
جراح : مبروك انا بروح عشان اخليها توقع
صقر مسك ايد جراح: خل راكان
جراح: لا والله ماحد مخليها توقع غيري اصلا شوفه مع سلطان
صقر وهو يناظر سلطان ولاقدر يفسر وجهه مبسوط ويساعد راكان وبين فتره وفتره يسرح
كان خايف صقر من جراح انه يقسى على الريم مايدري ماحب احد يضايقها بالرغم انه اكثر واحد ضايقها
ماجد وهو يقطع عليه: احلى ياصقر كلها لحظات وتشوف المدام
صقر ماكان خايف قلقان مايدري شلون يعاملها بس سرعان ماخفى قلقه بشوفة عمه وهو مبتسم ويوصيه عليها
/
/
/
وضحى : ماشاء الله تبارك الرحمن حوريه
الريم وهي متوتره : الله يسلمك
ليان: وهي تضمها : مبروووك جونان شكلك
الجازي: حني على اخوي لاتموتينه ترى هو وحيدنا
الريم نزلت راسها
شوق : وخروا دوري خلوني ابوس تؤمي
الريم ابتسمت لهم والصمت ملازمها واللبست قناع الهدوء وضحى : بنات جراح بيدخل لو سمحتوا الحلوين يتغطون
الجازي توترت وتغير شكلها راحوا البنات ودخل جراح
جراح وهو يسمي على خته في قلبه: مبروك يالرييم
الريم وهي منزله راسها : الله يبارك فيك
جراح : وقعي هنا
الريم بهدوء خذت القلم وارتجفت يوم شافت اسم صقر وتوقيعه
جراح وهو يأشر على المكان : هنا وقعي
وقعت الريم وبحركه فاجأتها دمعت عينها باس جبينها وقال الله يوفقك انتي اختي واعرفك من يومك ترفعين راسنا
وضحى اذا دقيت عليك نزلوها بالمجلس الداخلي
وضحى : ان شاء الله
/
/
/
ابو لافي : مبروك ياصقر والله الله بوحيدتي تراها نور عيني
صقر: ابشر ياعمي
جراح وهو جاي : مبروك تقدر تدخل تشوفها
صقر : وين ؟
جراح :المجلس الداخلي
صقر وتذكر ان هذا المجلس كان اول لقى واول ماشافها فيه نبض قلبه بحبها
ابو لافي : روح خل اختك تدخل
ودخلو ا صقر وراكان ولافي ابو لافي المجلس
وجراح راح يدخلها
وضحى : يالله يالريم
الريم ارتجف جسمها : وضحى احس ماني قادره امشي
وضحى : بسم الله عليك امشي اذكري الله
الريم وهي تسمي وتنزل سلمت على الحاضرين جات امها وحضنتها وام صقر معها والبنات وصولها ورجعوا يرقصون
رهف : شفتيها
مشاعل: واااااااااااااو بصراحه ماتوقعتها بالجمال هذا
رهف بغيره: المكياج ومايسوي
مشاعل وهي تضحك: ههههههههه الله كل ذا غيره
رهف: وبعدين معك قومي بس خلينا ناخذ فره في الكورنيش
مشاعل : يالله
كانت الريم لابسه فستان احمر دم الغزال ،وتعمدت تسوي تسريحه فخمه وكثرت من الخصل ومخليتها كيرلي متناثره على وجهه مكياجها كان ظل اسود داخل عليه الاحمر بشكل تدريجي، ورسمة عيونها زادتها حلاوه والروج اللي خلته نفس لون الفستان
كان شكلها وثوبها مخلي انوثتها متفجره ، وحبه الخال اللي استقرت بخدها ميز جمالها اكثر
/
/
/
جراح مسك ايد الريم بعد ماسلم على امه وام صقر
جراح وهو يحس برجفتها : سمي وادخلي
ام صقر : الله يحفطكم من كل شر
الريم
كل خليه بجسمي احسها ترجف لحظه يوم دخلت ، اطرافي بارده ورجلي يالله اقدر اشيلها واخطي فيها ، وانا منزله راسي ماسمع الا صوت ابوي اللي باسني ولافي وراكان اللي مدري وش يقول جلسني ابوي عنده حسيت بالامان حسيت ودي ارتمي بحضنه وانام بس ماصحى
قطع علي تفكيري صوت صقر: الف مبروك يالريم
الريم ابي اتكلم بس صوتي مارضا يطلع هزيت راسي
ابو لافي : يالله ياعيال خلوهم على راحتهم
رفعت راسي وجهته لهم وهم يطلعون كأني اترجاهم لايرحون ويخلوني معه ، لاتتركوني ، جراح همس لي : لاوصيك وتذكري انك بنت ابو لافي اللي ربانا احسن تربيه
طلعوا وخلوني وانا ماني قادره امسك نفسي واخبي رجفتي
ماني قادره اهرب من نظراته اللي احرقتني وهو يطالعني
(صقر)
كانت الرريم منزله راسها ولاشفت شي من ملامحها تفحصت جسمها الرشيق كان ثوبها انيق ولونه الاحمر زادها بياض بشرتها ، كانت جالسه بعيد عني شوي ناظرت ايدها وكسرت خاطري كانت ترجف بشكل واضح ، قررت اكسر الصمت
صقر بهدوء وهو يراقبها : كيفك يالريم ؟ مبروك علينا
الريم وهي تحاول تخبي خوفها وتسوي نفسها عاديه : الحمدلله ، الله يبارك فيك
بعد دقيقه صمت وصقر للحين ماشال نظره عنها ، لاحظ انه حست فيه انه يطالعها لان لون وجهه تغير وحمرت خدودها
صقر وهو مبتسم : طيب ليش بعيد عني كذا
الريم ( مابقا الا هي ):...
صقر واللي تعمد يكسر الخجل: قربي شوي ماقلت تعالي في حضني
الريم( صدق وقح): مرتاحه هنا
صقر وهو يوقف : طيب
الريم لاشعورا وقفت تبي تطلع الا صقر يمسك ايدها : وين وين؟
الريم وبسرعه شالت يده وقفت
صقرقرب من عندها بحيث صارت مقابلته والريم رافعه راسها بس ماتشوف الا صدره
لانها بالرغم لابسه كعب موصله عند صدره
صقر: ليش خايفه؟
الريم تحدت نفسها رفعت راسها لوجهه لكن سرعان ماشتت نظرها : مو خايفه ؟
صقر شاف ملامحها خلاص ذاب ( لو اقولكم . احلى من الحلا شوي عليها ، ولاشعوريا مديت ايدي لوجهه ابي ارفعه ابي ارتوي بشوفتها : طيب مستحيه مني ؟
الريم وهي تبعد ايده: لا .. ابي اطلع
صقر مسك ايدها باصراركانت ثلج بااااارده والرجفه للحين ضغط عليها عشان يبيها تدفا ويطمنها ، يمكن تحس بالاحساس اللي يمر فيه هالحظه ، يمكن تفهم ان يده دافيه من كثر المشاعر اللي فيه
الريم بتوتر وبصوت يرتجف وكأنه بتبكي : صقر لو سمحت اترك ايدي ، ابي اطلع
صقر: اوكي اتركها بس دقيقه شوي شال كيسه حمرا
: هذي هديه خاصه لك ، واذا دقيت عليك ارفعيه
الريم بتسرع: واذا مارفعته؟
صقر وهو يقرب من عندها ويشوف تنفسها يزاد ومبين انها متضايقه وبعناد: بترفعينه !!!
الريم بعصبيه: غصب يعني ؟
صقربهدوء واصرار : بترفعينه وتذكري اني ماقلت بالغصب انتي اللي قلتيها وحطيتها في بالي
الريم ( ياربي وش ذي اللقافه لو منطمه احسن ): وهي متجهه لباب : يصير خير
صقر وللحين ماسك الهديه عصب بس ضغط على نفسه وبهدوء مسك ايدها وحط الكيسه بيدها وقال بابتسامه: نسيتي ماتاخذينها
الريم استحت عشان تصرفها ( لا مو كذا يالريم ماتعودتي تفشلين احد) : شكرا
ومن غير مايسـتأذن وكان صدمه خلتها ترجع بجسمها ورا وتشد بيدها على الكيسه كأنها تحتمي فيه
(صقر)
مدري ليه ماقاومت وسويت هالحركه اللي وترتها وخوفتها مني مسكت وجهه بايدي وبست خدها وتعمدت تكون على حبه الخال وخربتها يوم غمزتلها وقلت لها: تقدرين تطلعين الحين !!
الريم مشت بسرعه وهي تمسح بايدها على خدها ماتدري ليه حست ان حرارة البوسه للحين ،
صقر تنهد وارخى جسمه على الكنبه وابتسم حس بأن اللي سواه ارضى غروره
/
/
/
سلطان: يالليل ياركان اذيتني كأنك الوحيد اللي عزابي
راكان: وش اسوي احس صقر شجعني ودي انا ذا الليل ملكتي
سلطان وهو يفتح عيونها بكبرها : روح شكلك مسخن انقلع من وجهي
راكان وهو يعبس بوجهه: شوف ماكأنه هذا خالد؟
سلطان: أي والله وش فيه كذا وجهه مصفر وعيونه فيها هالات شكله مريض قم بس خلنا نروح له
راحو له وبعد شوي
راكان: عالعموم انتبه لنفسك وانا بروح اخرب على صقر تأخر حضرته ماخذ راحته
سلطان : حشى عدو روح الله يصلحك بس
/
/
/
ليان: وااااااااااااااااااااااااااااي الوجهه احمر وش ذي الكيسه الحمرا مطقم وجهك معها
البنات : ههههههههههه
الريم وهي ساكته وللحين ايدها كل شوي ترفعها مكان البوسه
الجازي : قولي لي وش صار اخوي ادري فيه بارد اكيد انه زهقك بجموده
الريم ( بالعكس ماتوقعته كذا ، جرئ ، هادي ، وتصرفاته تصرف واحد واثق ) ومادري شلون طلع الكلام : مالكم دخل طيب؟؟ هذا شي خاص بينا
شوق وهي تصفر : ايووووااااااا بدينا بالحركات النص كم
الجازي : تكفين وش صار ؟
الريم : اوكي اذا جا الاسبوع الجازي نفس هذا اليوم بتعرفين
الجاازي حمررررررررررررررررررر وجهه ماتتخيل وش بيصير ذيك الحزه مع من ؟؟؟مع الشخص اللي مالت له وفجأه صار خطيبها
ليان وهي تحط رجل على رجل : يارب اوعدنا تعالي ياشوق نعنبوا حظنا حسيت نفسي عانس
شوق: ههههههههههههههه
الجازي : وش دعوه ؟
ليان: كل ماتصلت على بنات فصلي قالوا بتعرس واللي ملكت واللي انخطبت
، مابقا الا انا وانتي ياشوق
الكل : ههههههههههههههههههههههه
الريم وبنغزه وهي رافعه حاجب : ماتدرين يمكن قريب
ليان وهي تففز : ارفعوا ايدكم اتجاهه القبله
والبنات نفذوا : هاقولوا آآآآآآآآآمين
البنات : ااااااااااامين
ليان : هههههههههههه بس وش دعوه كأني اصلي بكم
البنات: هههههههههههه

استغربت الريم انها نست الخوف والتوتر بمجرد ماطلعت من عنده وكأنها رجعت الريم اول
/
/
/
جراح: له حلالك المجلس حضرتك؟
صقر : ههههه وش فيها لي جلست
جراح: قوم مابقا الا كم واحد برا يالله نجلس عند ابوي
مع دخله راكان
راكان: اشوى احسب الريم للحين عندك بغيت اسوي سالفه
صقر: وانت وش دخلك ؟ الحين متى ماودي اشوفها شفتها
راكان: ماعندنا بنات يطلعون الا اذا تزوجت رسمي
صقر: هين بتشوف وانا صقر
جراح: والنعم فيك بس هو صادق
صقر وهو يرفع حاجب: اسحب كلمتك ترى الاسبوع الجاي ملكتك وربي ان اخليك تعيفها
جراح وهو يرفع يده: لالا معك في كل شي
صقر وراكان:هههههههههههههههههههههه
صقر وهو يقوم : يالله خلونا نطلع
شوفوا ماجد هلكني بالاتصالات يقاله يبي يخرب علي
راكان وهو يسبقهم : ههههههههههه عاد مالقى الا انت يخر ب عليك
جراح وهو يمسك ايد صقر: بشر صقر عسى الريم اعجبتك ؟ لايكون مدت اللسانها عليك قول وانا اخوك لاتخبي؟
صقر وبنتهيده : اختك لاتقول اعجبتك قول هبلت فيك
جراح: هههههههههه افهم من كلامك انك
صقر : خلها على الله بعدين واذا مدت اللسانه على قولتك خلاص مالك سلطه عليها انا بتصرف ولا شايفني ماني برجال؟
جراح: لا افا عليك محشوم ياولد العم
صقر وهو يحط ايده على كتف جراح: لاتشيل همنا انا وياها بنتفاهم حتى لو اخذ وقت مصيري اروضها
جراح اللي ارتاح وكبر بعينه اكثر وابتسم له واطلعوا
/
/
/
مر اليوم على خير الكل راح بيته لكن ثنين مشاعرهم متلخبطه
الريم ماهي مصدقه انها خلاص زوجته رسمي ، ماهي مصدقه ان صقر البارد الجامد سوى معها كذا وتصرف بشكل عكس اللي كانت متخيلته
مدري ليه خافت اكثر ؟ خافت تتعلق فيه وتتفاجأ انه غير بعد الزواج، هو الحين يفكر ان لي علاقه مع سلطان معقول عرف اني بريئه من تهمته ؟ معقول انه اكتشف ان قلبي خالي ماسكنه احد ؟ طيب ليه عاملني عادي وكأن اللي صار يوم المزرعه كابوس وعدى
الله يتسر ياصقر ، شافت الكيسه لكن قررت انها تفتحها بكره لانها تبي تنام وتريح نفسها من الارهاق والتفكير
تروشت واللبست بجامه ناعمه ونامت على طول
صقر
استغرب تصرفه هو مايدري ليه نسى كل شي يوم شافها بالرغم انه حاقد عليها ، تذكر شكلها وابتسم ناظر ايده وهو يحس للحين بمشاعر قويه لها
(آآآه ليتك تحسين باللي داخلي يالريم ، مشاعر حلوه ساكنه قلبي ياليتك تجربينها بس ، غمض عيونه وكأنه خايف انه ينسى شكلها كانت مميزه باناقتها انوثتها واللي اسرني ريحة عطرها اللي خلتني غصب عني اقرب وابوسها
ماني متحمل اكثر من كذا خذ جواله واتصل عليها لانه حفظ رقمها بعد مااتصلت عليه يوم المزرعه
/
/

(( الجزء الحادي عشر ))

(( الجزء الحادي عشر ))

مشاعل : ترى اذانا جوالك ردي عليه وخلصيني
رهف : اف شنو هذا مايفهم يعني اني مابي ارد
مشاعل : طيب هاتي ارد
مشاعل : نعم
....: الله ينعم بحالك عطيني رهف
مشاعل فتحت عينها : انا رهف
..... : ترى مو غبي مامميز الصوت بعدين ترى اشوفكم انا
مشاعل وهي تتلفت بخوف : تشوفنا؟
رهف خذت الجوال : خير ؟
..... : هلا بالصوت وش اخبارك وحشتيني ياشيخه؟
رهف : بعدين معك وش تبي مني ومن انت وش له تراقبنا ؟
.....: وش اسوي احبك ومن انا ؟؟؟ اممم شوفيني وراكم بالضبط هذا انا بنزل من سياره سودا اف جي
رهف ناظرت ورا لانهم جالسين في الكراسي الكورنيش : وشافت شاب لابس غتره وعقال وماسك الجوال بيده ويخرج من السياره طيب اول مره اشوفك انا؟
..... : ,انا دايم اشوفك ؟
رهف وهي تضبط اللثمه: دايم تشوفني ؟
.... : ايه هههههههه لاتخافين باحلامي طبعا
رهف : صدق وقح وسكرت وجرت ايد مشاعل وركبت سيارتهم بسرعه
مشاعل : من هذا رهف؟
رهف وهي ترجف : مادري اول مره اشوفه ؟ الله يستر لايلحقنا ويعرف بيتنا
الا صوت المسج
( انا وراكم ترى .. لان الوقت متأخر واخاف عليك بالليل ، )
رهف وهي تحط ايدها على قلبها : ورانا شوفيه ؟
مشاعل: طيب انا بنام عندكم اخاف يعرف بيتنا بعد
رهف : ليش مانام عندك ؟
مشاعل : هذا شكله عارف بيتكم واثق من نفسه
رهف وهي تفكر وخايفه : ......
/
/
/
عبدالله : افتحي الباب ترى امي بتصحى من كثر ماطقه
وضحى وهي تضبط شعرها وتضحك: يالله حبيبي شوي بس
طشت عطر وافتحت الباب له
دخل عبدالله وكالعاده يشوفها مميزه متجدده ومشاعرها فياضه
وضحى شاريه قميص نوم روعه كان شيفون ومفصل جسمها ولونه تركواز ودرجاته وشعرها بعد الملكه مسويه بف وفالته ومكياجه اللبناني عدلت فيه شوي وزادت من الروج، وطبعا كالعاده الغرفه مضيئه بالشموع
عبدالله وهو مبتسم : ماشاء الله مدري من اللي ملكته اليوم اختك ولاانتي؟
وضحى وهي مشبكه ايدينها ومنزله راسها من الخجل ماكأنها تسع سنين معه : هلا حياتي اسفه ابطيت مافتحت لك الباب
مسكت ايده وشالت شماغه وفكت ازارا ثوبه
عبدالله وهو ماسكها من خصرها : ويلومني اني احبك واهواك ومابي غيرك
وضحى : تسلم حياتي يالله انت مرهق خذلك دش جهزتلك الحمام وهذي البجامه شريتها لك
عبدالله بحب : مشكوره كل يوم تفاجأيني ربي لايحرمني منك
/
/
/

صقر وهو معصب
ليه ماترفعه ؟ وش قصدها تعاندني يعني ؟ طيب يالريم ان ماخليتك تمشين سيده معي ماكون صقر
اكثر من اربع مرات يدق عليها وهي ماترفع في الاخير ارسل راسله ورمى جواله
/
/
/
قامت الصباح وهي تحس نفسها متضايقه مابقا الا اليوم امضيه معك راقبت وجهه وتأملته بحب ولمست شعره بحنان
عبدالله فتح عيونه بشوي شوي وابتسم: صباح الخير
وضحى وهي تمسح عيونها : صباح الفل يالله حياتي الساعه عشره قوم تروش وافطر قبل ماتروح المسجد عشان تلحق خطبه الجمعه
عبدالله مسك ايدها وحظنها : ان شاء الله كلها اربع شهور واذا قدرت قبل بجي تطمني ماراح انساك وبتظلين في بالي وين ماروح
وضحى : الله يحفظك وقامت بسرعه عشان ماتبكي عنده ودخلت الحمام وتروشت وجلست تصيح تعوذت من ابليس طلعت وبدلت ونزلت تسوي له فطور وتشوف ام عبدالله
/
/
/
الريم وهي تحط ايدها على فمها : ياويلي اربع مكالمات وش بيقول اني اعانده؟؟ وربي موقصدي بس صامت من البارحه وفتحت الرساله وهي ترجف
( اوكي الريم ، تذكري انتي اللي بديتي باسلوب العناد ، تحملي اللي بجيك )
الريم خلاص ماتت خوف وش اسوي ادق عليه وافهمه ولا ارسله واعتذر منه
لكنها في الاخير قررت تسحب عليه( يسوي اللي يسوي دايم يسئ الظن فيني )

طبعا صقر كان متضايق وقرر ينطشها حتى لو دقت
جا يوم السبت وسافر عبدالله بعد ماسلم على هله ، كان وده يتراجع لكن وضحى قالتله لاتخاف بس هذي دموع الشوق
وصته على نفسه وعطته هديه وقالتله لايفتحها الا اذا وصل لندن
كانت الريم عند وضحى عشان تشغلها عن التفكير بزوجها
الريم : وضحى وين ام عبدالله ؟
وضحى : تصلي من يوم راح عبدالله وهي متضايقه
الريم : ان شاء الله يرجع بالسلامه
وضحى : اللهم امين
الريم : وش رايك نسوي حلا ؟
وضحى : اوكي روحي جهزي المقادير وانا بروح اتطمن على خالتي
الريم : ماكأني ضيفه ماصدقتي اقول المطبخ
وضحى : ههههههههه خليك تعلمي ولو انك ماشاء الله تعرفين بس زياده الخير خيرين
وراحت وضحى لام عبدالله
/
/
/
فارس : لاحول وبعدين معك انت؟
خالد : وش تبي اسوي ارقص وهو مابقا شي على ملكتها
فارس : اللي خلقها خلق غيرها
خالد : اللي يده في نار غير اللي في الما
فارس : اسمع اسيل عطتني رقم البنت خذه وتسلى معها
خالد : هات يمكن انسى شوي معها
فارس : بس هاه ترى شكلها صعبه ؟
خالد : مافي شي يصعب علي عطيني الرقم بس
فارس : ههههههههههه أي كذا تعجبني
/
/
/

رجع صقر من الدوام ومر على عمه
صقر: هذي ياعم ابو لافي بطاقه صراف باسم الريم وفيها مهرها
ابو لافي: الله يكثر خيرك ياولدي هاه متى قررتوا الزواج
صقر يتكلم بثقه: اتفقت معها الشهر الجاي ان اشاء الله
ابو لافي: الله يسعدكم
صقر وهو للحين متضايق: الله يسلمك ان شاء الله
الا بدخله جراح وراكان اللي كانوا يتضاربون ويضحكون
جراح: هلا يابو نسب اخبارك ؟
صقر : هلا فيك وهذي حالتكم تتضاربون 24 ساعه
راكان: ههههههههه حياك الله اذا تبي اضربك مو مشكله
صقر: اضربني عشان اوريك وش عندي
راكان وهو يسوي نفسه خايف: لاياشيخ كل شي ولا انت فيك عضلات واخاف انفي تختفي لبكستني
الكل: هههههههههههههه
جراح: خساره ماتقدر تشوف الريم
صقر وجاه فضول : ليه عسى ماشر؟
جراح: ليه ماعلمتك شكلها
صقر واللي ارتبك : انا توني طالع من الدوام ومريت جبت مهرها عشان الزواج بعد شهر باذن الله
جراح:ماشاء الله وش عندكم مستعجلين؟
صقر:ابد بس عشان يمدينا نسافر شهر العسل قبل الجامعه
جراح :عالعموم هي عند اختي وضحى تعرف عبدالله سافر العصر وتبي تجلس معها تسليها
راكان وهو يتذكر: أي نسيت ياجراح تعرف ياسر الفلاني
جراح وهو يتذكر : ايوااااااا شو فيه؟
راكان: تخيل لقيته انا وسلطان في المجمع ؟
جراح: والله؟ متى خبري فيه عنده دوره في الخارج متى رجع
ابو لافي: ماشاء الله عليه رجال ولد رجال اعرف ابوه الله يرحمه
صقر وهو يسمعهم : اعرفه انا؟
جراح: كان معنا يدرس ثانوي ماتذكره
صقر: اللي كان ياخذ الاول علينا دايم
جراح: ايه عليك نور الا ماقلتلي متى راكان شفته؟
راكان : شفته يوم رحنا انا وسلطان كنا مودين اخته والريم المجمع؟
صقر واللي فتح عيونها وزم شفايفه يخبي عصبيته: يعني الريم راحت معه ؟ اكيد هذي وش اسوي فيها متأدبت من اللي جاها
جراح: ياكثر ماتروحون متى بالضبط خلني اتصل فيه بسرعه؟
راكان: أي تذكرت يوم رحتوا تخطبون ؟
جراح : ايوا ان شاء الله بس يرد لانه كل فتره يغير رقمه
صقر وهو يقوم والضيقه تملكتها: يالله اشوفكم على خير
ابو لافي: اجلس ياولدي للعشا
صقر: والله ياعمي تعبان ودي اريح واشوف الوالده شوي
جراح : عذرك معك بس لو الريم هنا ماقلت بطلع
راكان : ايه لنا الله كل من ملك سحب علينا والدور جايك ياجراح
ابو لافي ضحك على ولده
واستأذن صقر
/
/
/
صقر كانت متوتر ويحس وده يموت من الغيره ، شلون تطلع معه حتى لو مع اخوها ليش!! اكيد تبي تشوفه اخر مره ماهي مستغنيه عنه سحب الجوال واتصل عليها يبي يبرد حرته فيها
لكن ماترد زاد سرعه كأنه يبي يحط غضبه في السياره
وجلس يلعن استغرب من نفسه ليه يجنن جنونه مجرد مايطرون سلطان معها
/
/
/
وضحى : يمه تعالي للقهوه اختي مسويه حلا
ام عبدالله وعيونه فيها بقايا دموع: الحين بجيك
وضحى : لايمه ماطلع الا وانتي معي وقربت منها ومسحت دموعها وباستها
: بيرجع بسلامته وبتشوفينه ؟
ام عبدالله وهي تضمها: ان شاء الله يمه
وضحى : يالله لاتكسرين خاطر الريم
ام عبدالله : يالله ساعدني يابيتي اوقف
/
/
/
ضبطت الحلا وخلته يبرد في الثلاجه وجهزت فناجيل القهوه والشاي ودتها الصاله
وسمعت صوت مسج جوالها
افتحته تشوف خمس مكالمات لم يرد عليها من صقر
: كملت ياويلي افتحت الرساله بسرعه وتشوفها
( البطاقه مع عمي والفلوس فيها جهزي نفسك لان زواجنا بعد شهر )
: لا مو بكيفه هذا يحدد وكأني جدار عنده
وضحى : وش فيك ؟
الريم : تخيلي صقر حدد الزواج حتى ماخذ راي ؟
وضحى : متى؟
الريم : الشهر الجاي ياوضحى
ام عبدالله : خير البر عاجله يابيتي
الريم ماحبت تتكلم عن صقر قدام ام عبدالله : بروح اكلمه عساني اقنعه
وضحى : بصراحه ماتوقعت يكون بهالسرعه ؟ حاولي معه بالهداوه
الريم : بكلم في غرفتك ممكن؟
وضحى : خذي راحتك
طلعت الغرفه وسمت بالرحمن ودقت عليه
كان صقر توه يوم دخل سلم على امه وقال برتاح لين يجي العشا لاحد يزعجني واستغربت منه امه والجازي وعرفوا انه متضايق
فسخ غترته وجلس على السرير يفك ازار ثوبه بقوه من الضيقه
الا ويسمع جواله يدق خذ جواله وشاف اسمها وتنهد
الحين توك تردين يوم شفتي الرساله؟
صقر : الو
الريم بتوتر : السلام عليكم
صقر وهو يتصنع الهدوء هو لازم يمسك نفسه: وعليكم السلام خير ؟
الريم تبلع ريقها لانه حست انه زعلان ومعصب : وش اخبارك صقر؟
صقر : يهمك تسألين عن اخباري ؟
الريم وهي تضغط على نفسها عشان ماتنرفز: اكيد
صقر وهو يضحك ضحكه سخريه : طيب صدقتك ؟ من الاخير وش عندك متصله اكيد شفتي الرساله؟
الريم : اعذرني كنت مشغوله توني شفت الاتصال و
صقر: ههههه طيب
الريم : صقر ؟
صقر: نعم كملي مبرراتك ؟
الريم تنهدت : ماكأن الزواج بدري بعدين ليه ماخذت راي ؟
صقر بهدوء : لاااااااه وانتي تردين اصلا عشان نتفاهم بعدين انا حددت مع عمي وافق وهو في الاخير راي اللي يمشي
الريم انزعجت من اسلوبه: بس انا مابي الحين مايمدي اجهز
صقر: ومتى تبين حضرتك ؟
الريم: العطله الجايه ؟
صقر: بصوت عالي :و شووووووو؟
الريم بخوف:اقصد في اجازه عيد الاضحى عالاقل
صقر: اسمعي يالريم ماني برايق لتصرفاتك والزواج الشهر الجاي وعمي ومعه خبر وانتي دريتي الحين جهزي نفسك عندك ثلاثين يوم يمديك تخلصين فاهمه؟
الريم وبدت عينه تدمع: ليه تتعمد انك تضايقني بتصرفاتك ؟
صقر: لا والله شوفي تصرفاتك اول بعدين احكمي على غيرك
ومره ثانيه لاتعانديني بشي واذا دقيت عليك ترفعينه من غير ماتحرقين اعصابي
الريم وهي تمسح ادموعها تبي تعلمه ليه ماردت: انا
قطع عليها: انا راجع من الدوام تعبان مع السلامه
وسكر وهي جلست تبكي
ليه يتعامل معها كذا استغربت تصرفاته اللي مابين مد وجز ، كأنه وجهه ثاني غير عن يوم الملكه
وبغضب وتصرف خاطئ منها ارسلت له : اكرهك
وصل المسج وضغط على الجوال بقوووه
وانتي على كثر ماتكرهيني على كثر ماحبك
/
/
/

مرت الايام وصقر اشغل نفسه بشغله والريم بتجهيز نفسها واتفقت اليوم تروح مع الجازي لكن انصدمت ان صقر اللي بيوديهم
خرجت وشافت سيارته (bmw ) عند باب القصر وترددت بس قالت مالي خلق مشاكل فتحت باب اللي ورا سلمت ولقيت الجازي واشرت لي عشان اركب قدام
صقر : ماني بسواق عندكم تعالي قدام ؟
فتحت الباب اللي قدام وانا اتمنى لو الجازي عندي عشان اكفخها توقعت السواق اللي بيودينا بس الظاهر صقر مايحب السواق يوديهم الا اذا امها معها
ركبت بهدوء وانا اطالع ناحيه الدريشه
الجازي: وش اخبارك الريم وش رايك بالمفاجأ ه اللي سويتها لك ؟ وش اسوي امي ماله خلق قلت مالي غيرك
الريم ( اوريك يالجازي ): بخير ، احنا بالخدمه
صقر واللي وده يتكلم معها بس مايبي يضعف قدامها : وين تبون أي سوق ؟
الجازي : وش رايك يالريم انتي من وين خذتي فستانك عشانه حيل اعجبني
صقر وهو يتذكر انها راحت مع سلطان المجمع وقال بستهزأ : أي مجمع رحتوا له مع سلطان وراكان وتعمد يذكر اسمه
الجازي انحرجت تمنت انها سكتت وهي تعرف مدى حساسيه صقر من سلطان
والريم حست وجهه حاااااااار من التوتر : شلون عرف من قاله؟ وانا اقول وش فيه متضايق مني ؟ انا قلت مو معقوله عشان الاتصالات السالفه وراها سلطان
صقر وبهدوء استفزازي يوم شافها شبكت ايدها دلاله انها متوتره: وش فيك ؟ على بالك مادري بتصرفاتك ؟ ماقلتي أي مجمع ؟
الريم وهي تبلع ريقها : فنيسيامول بس فستناني خذته قبل من الواحه اذا تحبون نروح له
صقر وهو يهز راسه ويوقف عند الاشاره شغل المسجل ونقص الصوت وكانت اغنيه عبدالمجيد
مرتاح ولا يتصنع قلبك الراحه
شايل بخاطرك ولا البال متنهني
ميلت راسي واريخيت جسمي على الباب لكن فيه سياره بجنبنا فيها شابين مانتبهت لهم
صقر واللي تنرفز : اجلسي زين وغطي عيونك عدل ماتشوفين الشباب جنبك
وبهدوء نزلت الشيله على عيوني اكثر وجلست زين
( ياربي وشلون اعيش معه وهو يراقب كل تصرفاتي ويعتبرها غلط ، شلون يفهم اني مالي دخل بشي ، وانا كل الامور ضدي شلون افاتحه واعلمه عشان يشيل اللي في باله عني ، لمتى بتحمل سوء الظن اللي بيدمره ويدمرني )

الجازي فضلت تسكت لان ماله حق تتدخل بينهم وصلوا ونزلت الجازي وتو الريم بتنزل الا صقر يكلمها
صقر بحزم: ياليتك تلبسين عبايه راس مره ثانيه
الريم خلاص وصلت : اصلا انا اللبسها بس اذا تسوقت وتمشينا اللبس على كتف لانها اريح وشوفها واسعه ولا فيه تطريز
وفعلا كانت عبايتها اللي يقالها البشت وهي تجي واسعه ماتبين تفاصيل الجسم بس طبعا مافيه استر من عبايه الراس
صقر وهو يرفع حواجبه: انا قلت اللي عندي ونفذيه من غير عناد يالله انزلي
الريم دمعت ماتعودت احد يعاملها بهذا الاسلوب حتى لو غلطت ، ويجي هذا اللي ماله اربع ايام من يوم ملك علي يتأمر
تسوقوا وخذت الجازي كل شي ناقصه اما الريم فضلت انها تتسوق لحالها بعدين لانها ماله خلق
صقر: ماراح تشترين شي ؟
الريم : مايمدي خلنا نخلص من الجازي احسن
الجازي وهي تجي الريم وتهمس لها: شوفي النعال هذي تناسب الفستنان ؟
الريم : أي حلوه بس مو كأنه نازله حيل
الجازي وهي تبتسم من تحت الغطا:مابي اطلع طويله واجد عنده
الريم: بس جراح نفس طول صقر يعني حتى لو لبستي كعب ماراح توصلين له شوفي هذا حلو مو حيل كعب
الجازي : أي صح خلاص اقيسه واجيك
صقر
حسيت اني زودتها معها ، لانها باين انها متضايقه ولا لها نفس تشتري لها شي وقررت اني استغل انشغال الجازي ونروح لمحل قدامنا كان للعطور
ومن غير ماتكلم مسكت ايدها وسحبتها معي برا محل الجزم
الجازي استانست وسكتت وسوت نفسها انها مشغوله
اما الريم مادري ليه مابعدت ايدها عنه بالرغم انها متضايقه منه ومن تصرفاته
الريم : صقر وين رايحين؟
صقر بهدوء : تعالي ابي اشتري عطر وابي اخذ ذوقك لانه حلو
الريم وهي مستغربه : ذوقي ؟
مع مرور ثنين من البنات وسمعوهم وهم يتكلمون
وحده قالت: الله يسعدهم لايقين لبعض
الثانيه ضحكت: ههههه عقبال مايجيني واحد مثله
تفشلت الريم وادخلت معه
صقر: السلام عليكم عطني عطورات رجاليه
الرجل : ان شاء الله بس حاط شي في بالك ؟
الريم بطيبتها نست اللي صار وقالت له: قوله فهرنهايت من ديور روعه ترى
صقر ابتسم وقاله ويوم شمه حس بالرضا لانه مره حلو ويناسب شخصيته: على أي اساس اخترتيه؟
الريم بهمس: انا شميته من زمان واعجبني وحسيت ريحته حلوه
صقر: تدرين ذوقك يشابه ذوقي
الريم وهي تناظر الجازي ومبين انها لقت مقاسها وخلصت: صقر يالله نروح الجازي خلصت؟
صقر عرف انها تغير الموضوع: طيب روحي عندها وانا بحاسب واجي
/
/
/
رهف صارت تخاف انها تطلع كثير لانها كل ماطلعت شافته يراقبها،
من هو ؟ وش يبي مني ؟ انا ماعمري شفته بحياتي كلها ؟ وش معنى انا اللي يلحقني ؟ معقوله احد عطاه رقمي من الشباب اللي اعرفهم بس هم ثنين اللي عرفتهم واحد قطعت علاقتي معه لانه ثقيل دم والثاني يبي يتزوج ، استاهل وش اللي خلاني امشي وار هالطريق .....
/
/
/
فارس : هاه معزم ؟
خالد وهو يأشر لفارس يسكت : أي خلاص
بعد كذا محاوله ماردت
خالد: تلعبون علي انت واسيل ؟ هذي ماترد في كل وقت اتصل ماترد علي
فارس : قالتلك اسيل ماهي من النوع اللي خبرك
خالد : طيب عندي حركه بسويها مو اسمها شوق؟
فارس: ايه
خالد : اوك
كانت جالسه عالنت تتصفح المنتدى هو من ايام مزعجها رقم لكن ماهتمت لانه باختصار ماترد على ارقام غريبه طفشت وقررت تنزل تحت وتشوف امها
وشوي توصل لها رساله
( شوق ردي ابيك ضروري )
عقدت حواجبها وابتسمت اكيد من البنات مطلعه رقم جديد، كان من الاول ارسلت مو ايام تدق اول مادق على طول ارفعته
شوق بصوته الناعم: ألوو اهلين
خالد ابتسم مدري ليه استانس من صوتها: هلا فيك عيوني
شوق ارتبكت يوم سمعت صوت رجال في نفس الوقت تبي تعرف من هذا اللي يعرف اسمها: نعم اخوي من انت؟
خالد بروقان: اخوك؟ قولي حبيبي حياتي
شوق : من انت؟
خالد: انا واحد معجب واسمي خالد أي سؤال ثاني ياشوق
شوق بتوتر : عن قلة الادب وقلي من وين تعرفني ؟ ومن عطاك الرقم
خالد وهو مستانس : امم مافيه شي صعب علي خصوصا للحلوين اللي مثلك
شوق تضايقت: صحيح انسان تافهه وفاضي رجاء لاتدق عالرقم هذا مره ثانيه وسكرت وهي ترجف
من هذا اللي يعرف اسمي ؟ ويقوله بثقه ؟ من وين له رقمي
وربي لو يدق مره ثانيه مايحصله طيب
فارس :هههههههههههههههه سكرت بوجهك
خالد تغير وجهه: وش عليه ؟ لاتخاف اتصل على اسيل ابي اعرف معلومات اكثر عنها
وفعلا اتصل وخساره من تدعي الصداقه وتبي كل البنات مثلها
اسيل: اوكي انا بعطيك ايميلها وعشان تعرف اكثر عنها لانها حريصه ماتقول أي شي لي خله يسوي نفسه بنت وانها تقرب لي
فارس يأشر لخالد: وش رايك؟ترى مالك الا هذي الطريقه عشان توصلها
خالد واللي حس بتحدي في الموضوع: طيب
فارس : ايوه اسوله
اسيل: يسمي خلود والحين برسل الايميل لك عيوني بس مو تأخذه خالد ياخذه ولا تعرف بزعل منك
فارس : وانا اقدر اناظر غيرك
اسيل: حبيبي لاجلك اسوي المستحيل بس اهم شي راضي عني
سكر من عنده وشوي ارسلت الايميل
فارس: يالله خلود سويلك ايميل ثاني وضيفيها عندك ههههههه
خالد: ههههههههه لاجل التحدي اسوي كل شي
/
/
/
الريم : صقر تأخرت الساعه 10 ونص
صقر: عمي يدري انك معي بعدين مانتي مع غريب
الجازي بلقافه: ايه صح هو زوجك الحين يالله قولي وش الاكياس اللي بيدك
صقر: وانتي لازم تعرفين كل شي اذا زوجتي ماسألتني
انتي وش دخلك؟
الجازي: طيب ياخوي ماعليه لنا الله
صقر: هههه هذي عطر رجالي من ذوق الريم وخذت لامي دهن العود اللي تحبه
الجازي: يابختك يام صقر
الريم وهي مندمجه معهم: مسكينه ياخالتي حاسدتك بنتك على ولدك
الجازي: صقر يالله المطعم ميته جوع
الريم : طيب صقر وصلني اول مابي اتأخر
صقر: لا مانزلك وانتي مابعد تعشيتي
الريم بقلق : صدقني شبعانه واذا جوعت كلت أي شي
صقر قطع عليه جواله وكانت امه
أي مابعد نتعشي يمه ، الله يهداك تستنينا مايصير كذا كان كلتي ، لاهي معي مابعد اوصلها تقول شبعانه بس مو بكيفها، طيب اخذيها
صقر: امي تبيك ؟
الجازي: جاك الموت ههههههههههه
الريم : هلا خالتي ، بخير الله يسلمك انتي شلونك؟لا مو مسأله مستحيه بس، ماله داعي مره ثانيه ، خلاص ابشري ولاتزعلين يالله مع السلامه
صقر وهو يمزح: ترى حتى لو ماقنعتك امي ماخليتك من غير عشا
الريم( وش له يطلب راي دامه كل شي عنده غصب اف )
وصل البيت وخذت الاغراض مع الجازي دخلت الا ام صقر مستقبلتنا
ام صقر: هلا والله بابيتي هلا بمرة ولدي تو مانور البيت
الريم وهي خدوده حمرا : هلا فيك
ام صقر: شيلي الشيله ترا مابه حد غريب
صقر وهو يدخل : عاد اذا تعدني غريب مشكله
الريم انحرجت : بس اصعد الاغراض فوق وانزلك خالتي
صقر وهو ياخذ الاغراض منها : اجلسي ارتاحي انا صاعد غرفتي يمه بسرعه ميت جوع
ام صقر: هههه يخسى الجوع
طلع صقر وانا احس باحراج شلون ماني متعوده اول لقا بيني وبينه بعد الملكه حتى ماني متكشخه
ام صقر وكأنها تقرا افكاري : انا بصب العشا وانتي ادخلي غرفتي افسخي عباتك
الريم: الحين بجي اساعدك بس ارتب شكلي
ام صقر : ههههه عيني عليك بارده مايحتاج وانا امك قمر
كنت لابسه بنطلون جينز وبدي ابيض عليها كتابات بالاصفر
قررت اني مافسخ عباتي بس راح افتحها عشان مايزعلون
حطيت قلوس وجمعت شعري على فوق بشكل مبعثر وخليته براحته مدري ليه احب شكلي كذا وكالعاده انا والخصل هواش لانه مايلتم من نعومته تعطرت ورحت اجهز مع خالتي
/
/

صقر
طلعت فوق وخذت لي دش سريع ولبست برمودا اسود وتشيرت بيج وسمعت جوالي يدق باصرار
صقر ارفعه وهو مبتسم : هلا جراح
جراح: لا ماكان رديت حضرتك؟
صقر: ههههه كنت بالحمام وانت بالكرامه امر
جراح: كأنحن عطيناك وجهه وين الريم ؟
صقر : ترى زوجتي لاتنسى
جراح: ياليل عرفنا انها زوجتك بس شوف الساعه تأخررتوا
صقر : وش نسوي كله من الجازي
جراح: هاه؟ اذا كذا مو مشكله
صقر: ههههههههه كلا يدور مصلحته لايهمك بعد نص ساعه راح تكون عندكم بس الوالده اصرت تتعشى عندنا
جراح: أي عشا هذا سحور
صقر: تعرف امي مارضت تاكل لين نجي ويوم درت ان الريم معنا اصرت الا نجيبه
جراح: اوك استناك ماراح ارقد
صقر: ان شاء الله يالله سلام
جراح: سلام
ناظر جراح وهو مبسوط من هالتطور ( الله يوفقكم ، وعقبالي مرتاح بس كيف الجازي بتكون ، ياترى هي الانسانه المجهوله اللي دايم اكتبها في قصيدي ، الله اعلم ؟؟)
صقر مشط شعرها ويحس بروح في البيت : كل هذا عشان الريم هنا ونزل بسرعه وهو يدندن ، وهو في الردج ماحس نفسه الا صقع بشي
الريم : فتحت عيني وانا احس اني في حلم كنت جايه انادي الجازي واستعجلها للعشا وانا طالعه وسرحانه كيف اقول لصقر ينزل ماحسيت بنفسي الا طراااااااخ
صقر وهو لليحن ماسكني من كتفي ويدي للحين محوطه خصره ومغمضه
صقر خاف عليها: عسى ماتعورتي ؟
الريم انتبهت لنفسها مع طلعه الجازي
الجازي: احم احم يالله انا نازله
على طول ابعدت عنه ،وانا منزله راسي ،
صقر: الريم جاك شي؟
الريم وهي تضغط على شفايفها من الفشله: لا عادي
صقر ارتاح وابتسم: حصل خير يالله ننزل
الريم وهي تنتبهه لبس صقر : أ.. صقر
صقر ويطالعها ويتأمل وجهه الاحمر : هلا
الريم بفشيله: اممم .. ماعلليه اسفه بس
صقر يبتسم ابتسامته المايله: عادي بس انا مانتبهت بعد
الريم: لا مو كذا اقصد يعني ..غير لبسك

صقر رفع حاجبه وناظر لبسه وابتسم : اها طيب لاتهتمين
نزلت الريم وهي معتفسه وهو رجع الغرفه فسخ بلوزته وجلس يناظره ويبتسم الريم يوم ضمته عشان خايفه ماتطيح طبع القلوس في بلوزته ورسم شافيفها الصغيره بلون الوردي

الجازي وهي تحط الماي على الطاوله ومبتسمه ( اقص ايدي اذا ماحبوا بعض هههههه ياحليلهم ن يو ربي لايعاقبني خلني اسكت احسن )
جلسوا وبدا الكل ياكل والريم ساكته
صقر وهو يسوي نفسه مشغول عشان مايحرجها : ان شاء الله اعجبتك هديتك يمه
ام صقر بحب : ياجعلك الجنه ياولدي وشلون ماتعجبني ؟
الجازي وهي تطالع الريم اللي للحين منحرجه ابتسمت وماسكه نفسها لاتضحك شكلهم كان تحفه ( طيب يالريم عينك عين تضمين اخوي كاااااك )
ام صقر انتبهت للريم : ورا ماتاكلين زين ترى ماهو بزين البنت تكون عظم الرجال مايحبون الا الراويه كلي وانا امك
صقر( طينتيها يام صقر هههه ) ابتسم
الريم بحراج وهي ترفع الخصل من وجهه وهذي الحركه ماغابت عن صقر : هذا انا اكل تسلم يمينك يمه
الجازي لهنا ماقدرت : هههههههههههههههههههههههه
ام صقر: وهه علامك ؟ قلنا شي يضحك ؟
الجازي: لا تذكرت حادث صار وكل واحد صلح سياره الثاني
صقر والريم افهموا قصدها
ام صقر: قومي اشوف عزي النعمه وش قاعده تخربطين
صقر ابتسم اما الريم جلست توعد الجازي وتناظرها ولانها مقابلها على الطاوله داست على رجولها
الجازي: أأأأأأأأأأأأأاي
الريم بخبث: اووه وش فيك ؟
الجازي : لااااااااه ابد مافيني شي!!! بس شكلي كلت اللقمه وهي حاره
وبكل هدوء قام صقر: الحمدلله
الريم قامت معه : يالله سفره دايمه ييمه وتسلمين
ام صقر: يوه حتى ماجلسنا معك زين ولاكلتي
الريم : سامحيني خالتي بس تأخرت وامي مانتام لين تتطمن علي صقر توديني ولا اكلم احد من اخواني
صقر رفع حواجبه: اكيد بوديك انا الحين مسئول عنك ولا وش رايك انتي؟
الريم وهي تطالع ام صقر والجازي باحراج: لا ماقصد بس لان شكلك تعبان بعد المشاور
صقر: مافيه مشكله يالله انا برا
سلمت عليهم وطلعت
/
/
/
شوق
ياربي وش ذا الزهق ، مسكت شريط ماخذته من ابله الدين وشافت نفسها مالها خلق تفتح النت قررت تسمعه كان شريط ديني مره روعه عن الامل في الله ، وكيف الواحد مفروض مايقنط من رحمه الله وكان من ضمنها اضرار الادمان عالنت وانه سلاح ذو حدين وبعض الاحيان يلهي عن ذكر الله وعن الواجبات اللي مفروض نسويها
قررت شوق تخفف من النت شوي وتخصص وقت لاهلها تجلس معهم وقت تقرا فيه قران لانه حست مقصره في حق ربها واهلها،و ان الحياه ممله اذا كانت نت في نت
ابتسمت بفرح عالقرار اللي اقتعت فيه وشافت ان الوقت متأخر قرت جزء من القران وسبحان الله الزهق والضيقه راحت بمجرد ماقرت قران
جلست شوق تفكر يالله وانا كنت غافله ولجأ للنت ويزدني ضيقه
وبارتياح حطت راسها ودعت ان ربي يحميها من كل شر لانها من بعد سالفه الرجال اللي يعرف عنها جاتها وسوسه وضيقه لكن نست كل شي ونامت وهي مرتاحه بعد قرارها
/
/
/
في السياره كان الهدوء يسكنها الا من شعر سعد علوش
اخذيني اللي عجبتس بس رديني
وانا ماعجبتس خلاص مابيني
مادامني شفت فيك الطهر والعفه بعيف نفسي اليامنك تركتيني ....
صقر وهو يشوفها سرحانه: الريم ؟
الريم: هلا
صقر: وين سرحانه؟
الريم: ابد بس في كلمات الشعر ، يعجبني سعد علوش
صقر وهو ويهز راسه: وانا بعد فيلسوف الشعر شوي عليه هاللقب
الريم شافت انها دخلت سور القصر وبفرحه : وصلنا
صقر: لها لدرجه كنتي متضايقه ؟
الريم : لا بس احب بيتنا حيل ، لو اغيب ساعتين اشتاق له
صقربقصد: بتتعودين على غيابه بعد كم شهر بتشرفين بيتنا
الريم وماعجبها الكلام : عالعموم مشكور يالله مع السلامه
صقر: مسك ايدها : تفضلي هذا هديه واتمنى تعجبك
الريم وهي متفاجأه ومنحرجه في نفس الوقت: مشكور بس وش المناسبه ؟
صقر بهدوء : من غير مناسبه وقطع عليهم جراح اللي مبتسم
انحرجت الريم وشالت ايدها بهدوء
اما صقر ابتسم على خجلها وجلس مع جراح شوي واستأذن لان وراه دوام
/
/
/
الريم حست بشعور اول مره ينتابها، شعور حلو وفي نفس الوقت مخيف ، سلمت على امها اللي ارتاحت يوم شافتها وسألت عن ابوها وقالت لها انه نام
طلعت غرفتها وهي ضامه الهديه وللحين دقات قلبها تدق اكثر الله يالريم على كل ماسوى فيك بديتي تحسين اتجاهه بحب ، لالا وش حب يمكن طبيعي لانه خلاص ارتبطنا ، راحت للمرايا واسدلت شعرها وافسخت عبايتها غمضت عينها وهي للحين ضامه الهديه وتذكرت المواقف الحلوه معه من اول لقا الى موقف الدرج والهديه
تذكرت انها للحين ماعرفت وش الهديه حقت الملكه اسرعت وافتحت الدرج اللي حطتها فيه وافتحتها وفتحت فمها يوم شافتها ساعه مرصعه بالالماس كانت فخمه ومبين انها غاليه وطلبيه من برا
قرت البطاقه ( اتمنى ذوقي اعجبك
زوجك وابن عمك / صقر )
لاشعوري ابتسمت زوجي هالكلمه صدها قوي في قلب الريم ومثل ماهو اقوى على صقر تعمد صقر مايبين حبه لها لين يتأكد انها تحبه وقلبها ملكه
افتحت الهديه اللي شرها اليوم وتذكرت انه شرا لامه
يالله .. ماجا في بالي انه يفكر يهديني مثل امه فتحته ولقته عطر من باربري وهذي من العطورات المفضله للريم طشت على يدها واستشقته ولاول مره تفكر بشكل ايجابي اتجاهه صقر
خذت الجوال واكتبت رساله من قلب وماحلاها لما تكون طالعه من صميم القلب
صقر وهو تو يحط راسه عالمخده ويفكر باللي صار اليوم سمع صوت المسج
فتحها وطارت عيونه ماصدق الريم مرسلة له هالكلام
( اممم مادري وش اقولك بس سمحت لقلبي يعبر لك براحته ويقولك مشكور على الهديه الذوق )
فتح رساله جديده يبي يرسل لها كلام حب لكن تراجع وقال بدري يمكن من فرحتها بالهديه رغم انها هزته الرساله ودخلت قلبه لان الكلام اللي من القلب يدخل القلب الا انه عاند مشاعره وكتب ثلاث كلمات فقط ماتوقعت رده فعله الريم كذا ، ابتسمت بألم وعادت وقرتها ( تستاهلين يابنت العم )
ليه احس تصرفاته غريبه مرات قريب مني واحس بتصرفاته انه يحبي ومرات يعاملني عادي ومرات يكرهني .
الريم لايروح فكرك اته يحبك ماراح يحبك وهو يشوفك البنت الدلوعه المراهقه
تعوذت من ابليس وحطت الهدايا عالتسريحه ونامت اما صقر شاف ان اللي سواه صح وحاول ينام لكن ماقدر جلس يعيد برسالتها لين تخدر ونام

مضت الايام بهدوء على الكل وخصوصا الريم وصقر وجا اليوم اللي تحلم فيه الجازي وكانت الملكه بمزرعه صقر ومنها اوسع ومنها يقضون الجمعه فيها
وقعت الجازي وهي مرتاحه وتحس بتوتر طبيعي لانها بتشوفه
كانت الجازي جميله وللي زاده جماله لونه البرونزي واللي اكثر البنات يتمنونه ، سوت شعرها كيرلي ومكياج لبناني دامجين اللون الترابي على اللون التركواز اما فستانها كان خيال لانه مشترك ذوق الريم فيه وهو بلون التركواز وتصميمه جنان
الريم فلت شعرها الطويل وتركته بطبيعته الناعمه ولبست فستنان اخضر بلون علم السعوديه ناعم مره لتحت الركب وعليه جزمه ترتبط لساق
وجات لحظه اللقاء بين شخصين واحد منهم مايعرف عن الانسانه اللي اختارها غير انها بنت عمه والثاني تمناه واستبعد الارتباط فيه لكن النصيب اقوى ونصرها
جراح متوتر لابعد الحدود مايعرف هو رسمها في خياله لكن يخاف ينصدم فيها رسم انسانه مشاعرها تغطي جمالها ، جذابه باسلوبها ، طيبه في معاملتها لكن ياترى هي نفسها اللي في باله ولا لا
كان كل هالافكار تدور في مخيلته
صقر : مبروك يالجازي يالله ادخلي
دخلت الجازي وهي متوتره وخجلانه كان جراح جالس ويوم دخلت وقف مذهول ماعرفها سبحان الله تغيرت وينها الطفله الشقيه صارت امراه كامله
استدرك الوضع وسلم عليها وجلست وهي للحين مختبصه وبعد ماسلموا عليها تركوهم وراحوا
/
/
/
غسان : اشرب وانسى همك ياشيخ
خالد: آآه ياقلبي اليوم ملكتها آآه يالقهر
فارس : يابن الحلال فيه ملايين غيرها
خالد : وهو يشرب تخدر وجلس يهذر بكلام لين نام
رهف مارضت تجي وقالت لانها مسويه حفله ومجمعها صديقاتها عندها وهي من متى تهمها الجازي اصلا
/
/
/
وضحى كانت تكلم عبدالله يوميا واذا كان مشغول يرسل لها ويطمنها كان الحزن يسكن عيونها ماتعودت على فراقه تسع سنين وهم مع بعض ماعمره فارقها وتصبر نفسها وتصبر امه اللي من راح ولدها وهي تعاملها احسن معامله
شوق استمرت على عزمها وسلطان صار لها حلم اذا تحقق بتفرح اما اذا ماله نصيب فيه بترضى وتفكر بالجامعه ومستقبلها
ليان مهتمه بسلطان وشلون تقنعه بريناد اللي زادت علاقتها بها وعرفت ان اصابع اليد مو سوا
الريم : يالله بنات خلونا نرقص زهقنا
ليان: افا عليك ماطلبتي شي بس حطي على موضي
شوق : لالا العنود احسن
الريم : الحمدلله والشكر اقول خلوكم رومنسيا شوي وخلوها تحط راشد الماجد
ليان وهي تكش عليها: يالله يالمايعه نبي طق نتحرك فيه
الريم: هههههههههه دفشه من يومك
وبدوا البنات يرقصون وانواع الوناسه
نرجع لجراح اللي ماشال عيونه من الجازي
جراح : وشلونك الجازي؟
الجازي : بخير الله يسلمك
جراح: الف مبروك وان شاء الله اسعدك يابنت العم
الجازي وهي ترفع عيونها عليه شوي وبسرعه نزلتها: الله يبارك فيك
جراح اعجبته جميله حيل حتى لونها حلو جسمها طولها وبعد تفحص: أي مستوى الحين؟
الجازي : ثالث
جراح: ماشاء الله والقسم ؟
الجازي ابتسمت: احياء
جراح خق على ابتسامتها: حلو الله يوفقك يارب عالعموم تفضلي هذا هديه صغيره بمناسبه هاليوم المميز عندي وفيها بطاقه فيه ارقامي اذا ماكان عندك مانع اخذ رقمك من صقر وادق عليك
الجازي ابتسمت وهزت راسها: مشكور ماقصرت
جراح وقف وهي بدورها وقفت احترام له واعجبه تصرفها قبل جبينها وراح وهي جلست ماهي مصدقه انه كانت معه ابتسمت بحب وعلى طول خرجت البطاقه اللي اطبع اغلى اسم على قلبها وضمتها مع دخله غلا
غلا: انا فرحانه مرررررررررره انك بتاخذين عمي
الجازي : شكرا حبيبتي
غلا: لقاني وصاني على شي؟
الجازي بحماس : على شنو وصاك؟
غلا وهي تتحرك وتبوس خدها: قال اعطيك بوسه على خدك
استحت الجازي وباست غلا كرده فعل طبيعيه

/
/
/
جراح وهو يمشي ويفكر في الجازي ماتوقعها بهالجمال ، كان وجهها يعكس طبيتها ، طق راسه بخفه شلون انا فكرت انها ماتكون اخلاقها ماتعجبني وهي اخت اغلى صديق ابتسم وشافه ماجد اللي كان واقف مع صقر
ماجد: شف الرجال انهبل
صقر : ههههه بالله عليك نبي نقهره ونخليه يقول توبه اجلس معكم
ماجد: ماوصيت على شي ابشر
جراح وهو مبتسم
ماجد: عسى الابتسامه دوم الا صقر يقولون فيه واحد كان يقول مستحيل اتزوج ، ابي حريتي ، يوم ملك اشوفه جالس عندها اكثر من ساعه ولا شاق الابتسامه تتوقع مريض نفسيا
جراح فتح عيونه وهو جالس يسمع على باله سالفه من جد
صقر: اكيد مادامها اخت صقر احم احم قلبت راسه
جراح وهو يضربهم على خفيف: اقول عن المزح الثقيل يالله اخلوني مستنانس ولاتخربون علي يومي
صقر واللي انقلب وجهه للجد: الا جراح كيفها معك؟
جراح ابتسم : مايحتاج ياصقر ترى الجازي بنت عمي واعرفها قبل ، لكن تغيرت حيل
ماجد: عاد شفت ياجراح صقر لعب بعقولنا واستغل صداقتنا لصالحه
صقر: ههههههههههه اوريك يادب مو كأنه هو اللي طايح عند بيتا عشان العنود
جراح: هههه لا ويقولي ايام الخطوبه متى بيجي صقر نملك ابي اشوفها ترى ضيع علي ايام من حياتي
ماجد: وش نسوي هذولا خواتك يسحرون مدري وش فيهم ؟
صقر: بسم الله على خواتي
ماجد : والله بذره طيبه الله يخليكم لبعض
جراح وهو يكمل: التربيه الصالحه اللي غرسها عمي ومرة عمي ام صقر الحمدلله يارب
صقر: الحمدلله عساني ماقصرت معهم كنت مهموم شلون اسعدهم وانا بعيد لكن كنت متأكد اني تاركلهم اخوان ينشد بهم الظهر ومد اذراعه صقر بحيث ان جراح على يمينه وماجد على يساره
راكان: خير خير؟
ماجد: جا المطفوق .. ورا ماتروح هناك مايصير تجلس معنا بينا اسرار
راكان: الله اكبر .. ماعليه اقول صقر ورا ماخليت امك تعرس بعد ماتوفى عمي الله يرحمه..تجيب لي اخت ثالثه لك يمكن الحين كان ملكت عليها
جراح وهو يرمي عليه علبه المويه: روح اللي يقطع ابليسك
الكل: هههههههههههه
/
/
/
الجازي وهي تجلس على كنبه الصاله: بصراحه يالريم رومنسسسسسسسي
الريم: تعلميني لخوي حبيبي
شوق : كملي وش صار بعد ؟
غلا وهي تخش بالموضوع: وقالي روحي بوسيها بخدها
الريم وهي تشهق : يوووه من متى انتي هنا يالنتفه
غلا: اصلا انا كبيره ولاماكان عمي سمع كلامي وتزوج الجازي
الجازي ابتسمت
شوق : ليان تسلم عليك
الجازي: يوووه وينها صدق؟
الريم: مشت قبل ماتجين لان امها تعبانه ومافيها للسهر
شوق : يالله خلونا نكمل رقص
العنود وهي جايه جهتهم : تكفون لاتحطون طقاقات احس ودي ارقص وانا ماقدر امي بتخاصم
وضحى: هي صادقه ماعندك سالفه
الجازي: احسن لك ياغبيه مو تقولين بعد يومين بتدخلين الثامن اختصري الوقت ولديالحين
وضحى وهي تحط ايده على راسها: ياويلي منك تدرين انتي خطر علينا وعلى نفسك بقول لجراح
الجازي واللي تغير لونها: يوووه ماقلت شي
البنات: هههههههه
/
/
/
مشاعل : حفله حلووووه لك تسلمي تؤبريني
رهف: هههههه وش فيك قلبتي ؟
مشاعل: وش اسوي من كثر ماتابع مسلسلات السوريه
الا ماقلتي لي وش رايك بنت خالي اسيل ؟
رهف : نعومه بس ماجلست معنا حيل كل شوي تكلم
مشاعل وهي تضحك: خبله تحب واحد منهبله عليه
رهف: يوووه طلعت مثلك
مشاعل: لا طبعا ماحد يوصل بجرأتي
رهف : الحين علميني شلون تتجرئين وتطلعين معهم
مشاعل: الدعوه فري يابنت الحلال لفه بالشارع ، ولاربع ساعه في الكوفي
رهف : ولو انا ذاك اليوم قالي بس اشوفك بالسوق مت خوف وقطعت علاقتي فيه
مشاعل: الا وش صار معه ذاك اللي يلحقك؟
رهف : ابد مارد عليه ومرات ارد بس غامض مافهم احسه يعرفني ، كل شي خاص فيني يدري فيه الله يتسر
مشاعل: يالله السواق وصل
رهف : باي
اسيل تجي وهي تضحك: مشكوره رهوفه على الحفله
رهف : تشرفنا فيك
مشاعل: يالله لانتأخر اكثر من كذا
/
/
/
راح الكل مابقا احد غير عايلة ابو صقر وابو لافي الجازي اللي كانت تعبانه وقررت تروح ترتاح ، وضحى كلمت عبدالله وتطمنت على ام عبدالله اللي نامت تحت
العنود مع الحمل نامت من بدري الا شوق والريم اللي كانوا سهرانين
شوق: يوه من زمان ماجلسنا مع بعض لحالنا
الريم هي تنسدح بعد مابدلت ملابسه وشالت المكياج: انتي اللي تغيرتي ياربي تذكرين ايام المدرسه وش كنا نسوي انا وانتي وليان؟
شوق : اف احد ينساها ذيك الايام
الريم: الحين احنا في جامعه وحده بس مختلف قسمي عنكم احاتي شلون بسوي من دونكم ؟
شوق : انتي مفروض سجلتي معنا وقسم بالله حلو القسم اللي اخترناه
الريم : بس حلم طفولتي صعب اتخلى عنه عشان بس نكون مع بعض
شوق: المهم اختبارات القبول يوم الاحد لاتنسين
الريم : الله يعين
شوق: اقول ريمو وش اخبارك مع صقر؟ ياليته شاف كشختك اليوم؟
الريم: لا بالعكس اصلا على طول راحت الغرفه الجازي انا بدلت خفت اجلس تحت شوي يجي ويشوفني
شوق : بس عادي زوجك الحين
الريم: استحي تدرين شوق ؟
شوق : هلا
الريم : مادري وش صقر بالنسبه لي
شوق : عمتي تحبينه؟
الريم: للحين شعوري اتجاهه عادي بس مرات تصرافته تقربني منه
شوق : اخسسسس وش سوى غير الهديه ؟
الريم: مابعد شفته وربي من ذاك اليوم
شوق : امممم طيب وهو يكلمك وش محور حديثكم ؟
عقدت الريم حواجبها وتذكرت انه مره كلمته وتخانقت معه بس هو مايكلمها واذا ارسل بس شي رسمي : عادي اصلا مايكلمني كثير
شوق : احسه ثلج الله يعينك عليه
تنهدت الريم وقامت تغير الموضوع: يالله ننزل الكل نايم الحين جايعه
شوق: يوووه الساعه 3 وش ننزل وبعدين قسم بالله رجلي متكسره من الرقص
الريم :طيب بروح اجيب لك شي؟
شوق وهي تتثاوب: ايه انتظرك
الريم: ويلك لو تنامين
/
/
/
رهف : طيب قولي عالاقل اسمك عشان يمكن اقدر اعرفك ؟
......: اسمي غسان الــ
رهف شهقت كانت معروفه هذي العايله:
غسان: ارتحتي الحين ؟
رهف: طيب من وين لك المعلومات هذي ؟
غسان: والله ياحبيبتي مافيه شي صعب علي
رهف : بس انا ماخذت رقم احد ولاعطيت رقمي احد بس
غسان: ههههههه عارف لاتبررين
رهف: غسان خلاص لاتتصل علي خلني بحالي اصلا هي مرتين جربت ولاترتحت كله من صديقتي ولا انا وش عرفني بهالسوالف
غسان: شوفي رهف امشي معي مضبوط وعن الكلام وتهديد ترى مايمشي علي واذا سكت لك بالبدايه فهذا كان بمزاجي
رهف وهي شوي وتصيح: وش تبي فيني ؟ والله فيه بنات يحبون يكلمون ويطلعون روح لهم
غسان : بس مابي الا انتي
رهف وهي فيها صيحه : ماقدر اكلمك تفهم انا مابي
غسان بهدوء: وبعدين ....
رهف صاحت
( ياربي وش هالبلشه اللي ورطت نفسي فيها ، ماقدر اسفل فيه هذا ولد عز بكلمه منه يوديني بستين داهيه ،
طيب وش عرفه فيني ؟ وش يبي فيني ؟ وليه انا بالذات؟ )
غسان: خلاص رهف اخليك ترتاحين الحين ولي مكالمه ثانيه معك
رهف ماصدقت من غير مع السلامه سكرت
/
/
/

الجزء الثاني عشر
/////

	#7
aroOoOoga	رد: روووووواااايه شكيت من حضي،، وخيبتني ظنوني رووووووووعه روووووواااايه شكيت من حضي،، وخيبتني ظنوني رووووووووعه اهييييييييييييييييي اهييييييييييييييييييي ماعجبتكم روااايتي اهييييييييييييييييييييي

	#8
مصممة أزياء إسلامية	رد: روووووواااايه شكيت من حضي،، وخيبتني ظنوني رووووووووعه روووووواااايه شكيت من حضي،، وخيبتني ظنوني رووووووووعه الرواية حلوة يا قمر يلا كمليها بسرعة لأن صبري بيخلص بسرعة ههههههه يلا انا متابعاكي