ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > منتدى اسلامي
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
منتدى اسلامي مصر .....والدين الاسلامى عاااااااااجل يوجد هنا مصر .....والدين الاسلامى عاااااااااجل منتدى اسلامي, قران, خطب الجمعة, اذكار,

فساتين العيد


 
قديم   #1

(ام حبيبة)

:: كاتبة قديرة ::

الملف الشخصي
رقم العضوية: 178124
تاريخ التسجيـل: Dec 2011
مجموع المشاركات: 3,998 
رصيد النقاط : 25

مصر .....والدين الاسلامى عاااااااااجل


مصر .....والدين الاسلامى عاااااااااجل

فى البداية ادعوا لجميع موتى المسلمين فى مشارق الارض ومغاربها بالرحمة والمغفرة والصبر والسلوان لاهلهم
وادعوا لمصر باصلاحها وصلاح اهلها وان يحميها الله من كل الظالمين الطامعين




انا حاتكلم بالعامية عشان اكون قريبة منكم ومحدش يقول هو ده وقت دين احنا فى اية ولا فى اية؟؟؟؟؟


هو اية واجبنا اتجاه ما يحدث فى مصر وفى هذه الظروف العصيبة والفتنة التى تمر بها مصر




كل المسلمين فى الايام دى منشغلين بالتكلم وسماع الاخبار وكل واحد فى حاله وبيدوروا ياترى اية السب؟؟؟؟ نعمل اية عشان ربنا ينصرنا عالظالمين دول ومش بيبصوا ابدا لسبب الهزيمة الا هما فيها وان هما ازاى يعالجوا الاسباب دى فالانسان المريض بيروح لطبيب يكشف عليه ويحدد المرض وسببه وبعدين يكتبله الدوا المناسب له

فالمريض الآن هو المسلمين



اما الطبيب فوصفلهم سبب المرض والعلاج قبل 1400 سنة .....بس هما نسوا وانشغلوا فى ملذات الدنيا وشهواتها وتركوا وسابوا الادوية الا بتشفيهم...........؟؟؟ اتعلمون من هو الطبيب؟؟؟



هو رسول الله صلى الله عليه و سلم و صدق في دوائه و هو الصادق

فقال

وعن حذيفة مرفوعا:

{ والذي نفسي بيده لتأمرن بالمعروف ولتنهون عن المنكر أو ليوشكن الله أن يبعث عليكم عقابأ منه ثم تدعونه فلا يستجاب لكم } [متفق عليه



فكانت معادلة حسابية رائعة و هي كالتالي لكن مش ده هدفنا بل الهدف معرفة السبب و نوع المرض و من ثم العلاج



فالسبب هنا هو ترك الامر بالمعروف والنهى عن المنكر
و المرض هوالعقاب وعدم استجابة الدعاء
و العلاج هوالامر بالمعروف والنهى عن المنكر




متجيش واحدة تقولى هو انا شيخة ؟؟ ولا انا اصلا مش متدينة قوى عشان ادعو الناس ؟؟؟


ياستى ياعالم ممكن كلمة منك تاثر فى الملتزمة اكتر منك

وحاقلها مش الشيخ بس الا يدعى

ومحدش فينا ملتزم ومبيعملش ذنوب

وبعدين مش حاقلك سمعيلها قران وهاتيلها دليل لا؟؟؟؟

بقلك قليلها كده غلط والصح اية وبطريقة مبسطة جدا ومنتحرجش ومنخافش وطبيعى تقابلك طريقة وحشة فى الرد بس انا عملت الا على وهى ربنا حايحاسبها










تعالو نشوف الا يترتب على ترك الامر بالمعروف والنهى عن المنكر




وقوع الهلاك والعذاب

عدم إجابة الدعاء

تسلط الفساق والفجار


مش ملاحظين يابنات اننا واقعين فى التلاتة دول؟؟؟؟؟




يبقى لازم نتعلم دينا ونعرف الغلط من الصح ونعلم الا ميعرفش ومنبخلش بالمعلومة ونقول انا مالى ولالالالالالالالازم نصبر عشان ربنا ينصرنا على الظلم والظالمين



حاديكى مثال ولله المثل الاعلى





لوليكى واحدة صحبتك علاقتكم قوية ببعض وبعدين انتى بتقدميلها خدمات كتير ويامة كنتى بتقفى معاها فى المواقف الصعبة وهى كانت قليل جدا جدا لما كانت تسال عليكى وطبعا انتى زعلتى منها قوى قوى وغضبتى منها وشيلتى جواكى منها .......... بتبصى فى يوم لقيتيها بتتصل بيكى تطلب منك خدمة؟؟؟؟ ياترى رد فعلك حايكون اية

انتى لسة فاكرة ياهانم يابتاعة المصالح اسفة متلزمنيش لانك استغنيتى عنى ومكنتيش بتسالى على



طبعا ربنا احسن بكتير ربنا لما نلجأ له بيقرب مننا اكتر ما احنا مقربين على الرغم اننا مقصرين كتييييييييييير






طيب لية منقربش ؟ لية مننهضش بنفسنا عشان مصر تنهض ؟ لية منحبش لغيرنا الخير زى ما بنحبه لنفسينا؟ لية مبنصاحبش حد لله ؟

طبعا كلنا لينا عبادات يومية نتقرب بيها لربنا فانا بندعو كل من تقرب لله بعبادة ان يحسنها وان يدعو لمصر واصلاح حالها


مين فينا كان بيدعى لمصر قبل ما يحصل فيها كده؟؟؟ بصراحة

انا اولكم كنت اه بدعى على مبارك والظلم بتاعه بس عمرى ما فكرت ادعى لمصر فى صلاتى واصلاح حالها







اما انتى حبيبتى
الا بتكسل عن الصلاة ازاى حايوصل دعائنا لربنا واحنا عمرنا ما صلينا ؟؟ ممكن يجى علينا يوم ونتصاب ومنقدرش حتى نقوم من سريرنا ؟؟؟ فليه منصليش واحنا قادرين قبل ما يجى اليوم ده ونقول ياريتنى؟؟؟؟ حبيبتى لازم نقرب من ربنا عشان يقرب مننا ويحبنا
اختى حبيبتى يالا ممكن يفوت عليكى رمضان واتنين وتلاتة ولسة مصومتيش الايام الا فطرتيها فى رمضان ؟؟؟؟؟؟؟مش ممكن يجى يوم علينا ونصوم غصب عننا عشان مفيش لا اكل ولا شرب ؟؟؟؟؟ ايوة ممكن ربنا قادر طيب لية منصمش واحنا قادرين عشان ربنا ميحرمناش
اختى الحبيبة يالا دورتى على بنك تحطى فيه فلوسك عشان تزيد وتبنى مستقبلك ومدورتيش بقى البنك ده فيه ربا ولا لاء واهم حاجة المستقبل .... ونسيتى مستقبل الاخرة لو تعرفوا اد اية الربا ده مصيبة والله ما كنتوا تاكلوا لقمة من ورا كسبه
كاااااااااااام بنك فى مصر به ربا؟؟؟؟
طيب لوكل مسلم ساب البنوك دى والله حاتقفل او حاتحول نفسها بنك اسلامى وتمنع الربا

اختى يالا عمرك ما دعيتى ربنا غير لما يحصل مصيبة طيب لية مندعيش فى وقت الرخاء عشان ربنا يستجيب لنا لما ندعى فى وقت الشدة ؟؟؟؟؟
مش عايزين ينطبق علينا الاية دى

قوله تعالى (وَإِذَا مَسَّ الإِنْسَانَ الضُّرُّ دَعَانَا لِجَنْبِهِ أَوْ قَاعِداً أَوْ قَائِماً فَلَمَّا كَشَفْنَا عَنْهُ ضُرَّهُ مَرَّ كَأَنْ لَمْ يَدْعُنَا إِلَى ضُرٍّ مَسَّهُ) (يونس:12)






يالا عاملة علاقة حرام مع شاب ؟؟ تخيلى بتدعى.. يارب مصر .............ياترى ربنا حيستجيب؟؟؟

طيب بلاش نتخيل نفسينا فى الدنيا ووقت الدعاء

نتخيل نفسينا متنا مكان الا ماتوا وطبعا الموت ميعرفش كبير وصغير ؟؟؟؟؟؟؟؟ ياترى حانكون فين؟؟؟؟؟




يالا موراكيش غير سيرة الناس غيرى من نفسك واصلحى اولادك وجيران واصحابك فانشغلى بعيوبك قبل عيوب الناس





وانتى يالا ابوكى وامك ناس كبيرة فى السن وانتى مستغلية ضعفهم وكبرهم وبتعامليهم بطريقة وحشة ويكونوا غضبانين عليكى
ياترى ازاى بتدعى لمصر وانتى ابوكى وامك غضبانين عليكى؟؟؟
وانتى......... وانتى......... وانتى............




فياريت نصلح من حالنا وحال المسلمين وربنا اكيد حايصلح من حالنا







سامعاكى انتى..........
يالا بتقولى انا الحمد لله بصلى وبصوم وبقرا قران استنى ...................؟؟؟؟
ياترى دعيتى حد من صحباتك ولا جيرانك للخير او عرفتيهم بخطا بيعملوه او رنيتى على واحدة صحبتك موعد صلاة ولا فكرتى تديها شريط دعوى او تقوليلها كلمة حلوة تنصحيها بتغيير ملابسها فى الشارع؟؟؟؟؟



بجد بجد بجد مش عايزة حد يزعل منى والكلام ده بقوله لى قبلكم نفسنا نتغير وتغيير الفرد يعنى تغيير المجتمع
وعشان ننهض بمصر لازم ننهض بنفسنا ونكون للافضل

ومتقوليش هى جات على؟؟؟
اه جات عليكى وعليها وعليه وعليهم وعلينا كلنا
انما الجبال من حصى
يعنى الجبال دى مكونة من حصوات صغيرة جدا
فذنبك وذنبها وذنبه وذنبى وذنوبنا بقيت ذنوووووووووووب






وانظروا معى الى هذه الايات والاحاديث التى تدل على ان الله تعالى لن ينصرنا الا اذا نصرناه بالعبادة وغيرنا من انفسنا

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ



هل غيرنا من نفسينا وعلاقتنا بربنا عشان ربنا يغير حالنا؟؟؟؟؟

وقد سئل صلى الله عليه وسلم

أنهلك وفينا الصالحون؟ قال : نعم إذا كثر الخبث
والخبث هو ترك التناصح والدعوة الى الله وهجر الامر بالمعروف والنهى عن المنكر
قوله تعالى

(يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ)

يعنى لونصرنا ربنا فى نفسينا وفى غيرنا وامتنعنا عن فعل الحرام وفعلنا الحلال ربنا نصرنا على الظالمين والفاسدين






عن أبي بكر الصديق رضى الله عنه قال: "يا أيها الناس إنكم تقرءون هذه الآية (يا أيها الذين آمنوا عليكم أنفسكم لا يضركم من ضل إذا اهتديتم) وإني سمعت رسول الله صلى الله عليه وسلم يقول إن الناس إذا رأوا الظالم فلم يأخذوا على يديه أوشك أن يعمهم الله بعقاب من عنده


عن أنس بن مالك رضى الله عنه أن رسول الله صلى الله عليه وسلم قال: لاتزال لا إله إلا الله تنفع من قالها وترد عنهم العذابَ والنقمة ما لم يستخِفوا بحقها قالوا يا رسول الله وما الاستخفاف بحقها قال يظهر العمل بمعاصي الله فلا يُنكر ولا يُغير


عن جابر رضى الله عنه عن النبي صلى الله عليه وسلم قال: "سيد الشهداء حمزة بن عبد المطلب ورجل قام إلى إمام جائرٍ فأمرَه ونهاه فقتله


كلامى دة لكل دولة فيها خراب ودمار ربنا يعنا وخاصة سوريا معنا ربنا يحررها من الطاغى ويأخذها لبر الامان


وفى النهاية اشكركن على قراءة موضوعى
اتمنى انى مكنش طولت عليكم

مواضيع ذات صلة
نصائح لتقليل إمكانية سرقة أموالك من حسابك المصرفي
تخلي عن أزيائك التقليدية وجربي هذه الموضة
المكسرات.. لذاكرة نشطة وقوية.
أحدث موديلات جواكت الاطفال لشتاء 2015
آثار لا إله إلا الله‏
سبحان الله الحمد لله لا إله إلا الله الله أكبر لا حول ولا قوة إلا بالله
حكم الشرع في الاحتفال بأعياد الميلاد
من قصص الانبياء قصة سيدنا اسماعيل عليه السلام
كريم زيت الاركان لبشرة ناعمة ومشرقة
واصبر وما صبرك إلا بالله
مجموعة أسئلة تهم الأسرة لفضيلة الشيخ / محمد بن صالح العثيمين - رحمه الله تعالى



 

أدوات الموضوع



الساعة الآن توقيت السعودية الرياض و الدمام و القصيم و جدة 11:34 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0