 |
  |
|
|
|
|
#1 |
|
:: كاتبة جديدة :: |
مسلسل ( آللعبة )
سناريووو وحوآر وآخراج : جوجو ... ــــــــــــــــــــــــــــــ ــــــــــــــــــــــــــــــ ـــــــــــــ < البداية > الحياة مليئة بكل أنواع العلاقات .. و من أوضح أمثلتها .. العائلة .. ... و في العائلة نجد العلاقة بين الأخ و الأخت من أقوى تلك العلاقات فالأخ هو الحامي الوحيد للفتاة بعد والدها .. ... ينتظم كل ذلك في تناغم جميل لا يزعجه شيء .. و لكن .. هناك قوى قد تحطم كل العلاقات .. إنها قوة الحب .. الحب .. ذلك الرابط العجيب الذي يجعل الفتاة تتحدى مخاوفاُ هربت منها لسنوات في لحظة .. و منها تبدأ حكايتنا .. < الحلقة 1 > تررنتن .. تررنتن .. تررنتن .. تن .. تررنتن .. تررنتن .. تررنتن .. تن .. ( نغمة نوكيا و كده ) ألووو أهلين أبوي كيفك ؟ إنه وليد .. 21 عاماً .. ذلك الشاب المثابر .. الجاد .. قليل الإبتسام و لكنه يحمل قلباً صافياً جداً .. عاش حياته بين منزله و دراسته .. أما من ناحية الحب .. فهو لا يعيره إهتماماً .. أو بالدراجي .. ( ما عندو شي لأي بنت ) .. و هو الآن يسكن بأحد مساكن الطلاب ( الداخليات ) بتنقل ما بينها و بين الجامعة .. و اليوم تفاجأ بإتصال من والده .. الأب : أسمعني السمستر الجاي ما تسجل في الداخلية لأنك حتمشي تقعد مع ناس عمك أحمد وليد : عمي أحمد منو ؟ الأب : ديل ناس قرايبنا من بعيد و أبوهم كان دفعتي زمان و لاقيتو صدفة و هو ما شاء الله بيتو واسع و أصر علي إنك تجي تسكن عندو كإكرام لي وليد : حاضر يا أبوي ما عندك مشكلة كان العم أحمد رجلاً ميسور الحال عائلته مكونة من الإبن الأكبر .. خالد .. خالد ذو الـ 22 عاماً .. فعلى الرغم من أن مظاهر الوسامة و الراحة و الغنى تظهر عليه فهو يملك قلباً لا يملكه أقسى الرجال .. فلا فرق لديه أين يعيش أو ماذا يلبس .. فهو قد تدرب على البقاء في أي مكان .. يعني بإختصار كده وحش عديل .. و مع ذلك فهو يتصف أيضاً بالهدوء و الحكمة .. يملك من الأصدقاء الكثير .. ممن هم على إستعداد لفعل أي شيء لأجله حتى القتل .. و على الرغم من كل تلك القسوة فخالد يكون في أجمل حالاته و أسعدها بالقرب من ميادة .. أخته الصغرى .. ميادة ذات الـ 19 ربيعاً .. فتاة غاية في الجمال .. يمكن وصفها بجوهرة العم أحمد الثمينة .. إلا أنها عكس أخيها تماماً .. فهي دائمة الضحك و الإبتسام و دائماً ما توقع أخيها الوحيد في مقالب طريفة و الطريف في الأمر .. أن خالد يقع فيها في كل مرة .. فميادة كثيراً ما تتعمد التمثيل بأنها مريضة أو مصابة مما يثير فزع خالد .. و عندما يقترب منها تضحك في وجهه قائلة : ههههههههههههههههههـ غشيتك .. إنت ما بتتعلم يا ود كل مرة بتصدق !! خالد : و ليه ما أصدق يا حبيبتي ؟ عارفة إنك أغلى حاجة عندي ؟ و كان زول لمس شعرة منك حيكون آخر يوم في حياتو و أنا بوعدك إني طول ما عايش الإبتسامة ما حتفارقك :) ميادة : الله يخليك لي يا أحلى و أطيب و .. أممممممم أغبى أخ في الدنيا ههههههههه بالجد ما قادرة أصدق إنك كل مرة بتصدق نفس المقلب هههههههههه و تركض ميادة مبتعدة في حين يلحقها خالد .. أنا غبي يا شينة ؟ تعالي هنا !! هههههههههه و لكن للأسف .. فخالد يعني كل كلمة قالها لميادة .. فكثيراً ما أصيب العديد من الناس بسببه .. حتى أن ( ناس الحلة ) لا ينظرون لميادة عند خروجها للجامعة في الصباح .. فمن نظر إليها أو حتى ألقى عليها تحية .. لا يسلم من خالد و أصدقائه الشرسين .. فكل الرجال عند خالد ذئاب .. تملك قلباً قذراً لذلك فإن غاليته ميادة هي حياته التي يدافع عنها .. يعني أخوها صعب شديييييييييييييييييييييييييييي ييييييييد !! مع بداية السمستر الجديد وصل وليد لمنزل عائلة العم أحمد .. رحب به كثيراً و عرفه على العائلة .. سلم على عمتك .. أهلين يا ولدي .. وليد : أهلين عمتي ده خالد ولدي الكبير ، و دي ميادة آخر العنقود قلت لي بتقرأ وين يا وليد ؟ وليد : جامعة السودان يا عمي العم أحمد : بالجد ؟ ميادة برضو بتدرس هناك لكن تاني سنة ليها وليد : تمام نظرت ميادة إليه و إلى أسلوبه المختصر و ملابسة التي تبدو و كأنها لبس موحد لأحدى المدارس .. و هي تقول داخل نفسها : " مالو جااااادي كده الولد ده ؟ شكلو عامل زي الدكتور بتاع مادة الإستاتيكا .. ما حببتو خاااااااااالص " بعد عدة ساعات إستقر وليد بالمنزل و جلس بالغرفة المخصصة له .. سمع صوت طرق في الباب و كان خالد .. وليد : أهليييييييييين خالد إتفضل خالد : عاين عايزك في موضوع كده لأنك هسي بقيت واحد من ناس البيت وليد : جداً إتفضل خالد : ما تقول أنا ثقيل و لا عشان إنت ضيف عندنا أنا حتحكم فيك .. أنا بس في حاجة واحدة عايزك تخلي بالك منها .. ميادة صاح نحن في زمن متحضر و ما بعرف شنو و البنت عادي ممكن تصاحب أولاد .. لكن أختي دي أهم عندي من كل شيء في الدنيا .. ميادة دي غير كل البنات البتعرفهم او العرفتهم او الحتعرفهم .. يعني حركات الأولاد بتاعت اليومين ديل ما بتنفع معاي هنا .. و زي ما شايف ما شاء الله ميادة ما ناقصها شيء و ممكن تكون أجمل بنت حتشوفها في حياتك عشان كده ما عايزك تمشي بعقلك بعيد .. حدك السلام عليكم و بس معاها يعني ونسة و حنك و ضحك و الكلام ده ما بنفع معانا هنا .. و السلام ده زاتو بس قدام أبوي عشان ما يلاحظ حاجة .. لأنو لو بيدي ما كان خليتك تسلم عليها زاتو .. و ديني يا وليد أسمع في يوم إنك خنت ثقتي دي .. حيكون آخر يوم في حياتك و بيتنا ده ما حتطلع منو على رجلينك .. يتبع .. غدآ الساعة ( .ص 10) مواضيع ذات صلة |
آللعبة