رد: جروحي تنزف احزاني رواية طويلة
جروحي تنزف احزاني رواية طويلة
الجزء الثامن....
كان في السياره عايش صراع داخل نفسه....ويفكر في بسمه...وردة فعلها لما تدري....
وهي مالها ذنب في كل اللي يصير...بس لما تذكر عبير حس ان بسمه بتنظلم اكثر لو تزوجها وهو يحب عبير هالحب الجنوني...في الاخير اقنع نفسه ان الطلاق اللحين احسن من عقب...وبسمه بنت حلوه واكيد بتحصل اللي يسعدها اكثر منه...
ما يدري ليه ضايقه لما فكر ان بسمه تكون لواحد ثاني...
انتبه على مازن ولد اخته يأشر له من برى السياره......
نزل من السياره...
خالد:"هلا مازن"
مازن"هلا خالي...اشفيك قاعد في السياره؟؟؟"
خالد:"انتظر الاذآن حتى انزل اصلي"
مازن:"من زماااااان اذن واللحين بتقام الصلاه...حتى شف الناس رايحين للمسجد"
التفت خالد وشاف ياكثر اللي رايحين للمسجد...وهو في عالم ثاني...
خالد:"صادق....ياللا مشينا للمسجد..."
**********
|