|
#1 | |
:: كاتبة محترفة :: |
تخيلوا البنات يخطبون الاولاد !
بلآ مقدمآت بلآ هم :d
بنبدأ على ـآ طوول :d ونتخيل شلون الحال لو البنات هم الي يخطبون الاولاد ! يعني يتفاجأ الولد في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامه على السيسي الابيض.. الا و امه داخلة عليه و توها جاية من الاستراحة و تقوله: يا ولدي ودي اكلمك في موضوع. . يرد هو بكل خوف : خير يمه؟ .... تقول امه: ترى جارتنا ام ريم تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ .... ثم ينزل راسه في الارض و يلعب باصبعه او في شعره (او شنبه)و يرد و هو مستحي و خدوده حمرة (هذااذا كان محلق اللحية) و يقول: .... الراي رايك والشور شورك يايمه.. تقول امه: انا بصراحة ما اشوف في البنت شي. . ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت .. ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. . يقول : بس يا يمه هي ما شافتني من اول. انا دايما متلطم بشماغي (والله عيب بس بكمل) :d تقول امه: هي شافتك و انت نازل من باص المدرسة (الله واكبر يالروز رايز)...:d بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس شسوي بكمل) وتراها هي و امها جايين يوم الخميس علشان يشوفونك. . يسال هو: طيب يا يمه ابوي وش رايه؟ تقول امه: ابوك ما يدري خليه حايس في المطبخ الله يعينه.. يقول:اللي تشوفينه يمه. .وتطلع امه من الغرفة وينط قدام المراية و ياخذ نص لفة يمين و نص لفة شمال يشوف جسمه و يمشط شعره و شنبه بدلع (ياعمري) :d و يقول : اه اخيرا حسَت و خطبتني. ( لا لا لا والله ما يصير بس بكمل) و قبل يوم الخميس يروح لكوافيير رجالي و يكون مسوي حجز و يقعد و يصبغ شعره(هاي لايت) و يزين حواجبه و يشيل شعر يده و رجله بحلاوة و يطلع زي فلقة القمر :d ويجي البيت ويلبس الثوب اللي فصله عند المصمم( عبده شولق) لثياب الاعراس و الحفلات و العطر اللي يشق الخشوم ينزل للصالة ويقوله ابوه : يا الله دخل العصير على خطيبتك ترى امك ذبحتنا تسال عنك يقول بكل خجل: واي واي يا يبه انا استحي ابوه يقوله وهو يطق على كتفه و يضحك يا ولد روح لعروسك إهئ إهئ يقول : يا يبه دايما تحرجني انت واي واي و ياخذ صينية العصير و يدخل المجلس اللي فيه البنت بكل نعومه ورقه ودلع وأدب و يقول بصوت ناعم: احم احم الس سسسلام عليكم(صاير حكيم على غفلة) :d ترد هي بعد ما وقفت و عليكم السلام ( و هي تناظر فيه و في كل قطعة فيه) ... و يقولها تفضلي.... تقول هي: وش الاحلى العصير الاحمر و لا الاصفر؟ بزعمها تبي تلطف الجو معه <...تتلصق. يقول هو: كله حلو تقول هي: اكيد كله حلو لانك انت اللي مسويه ثم يحط الصينية بسرعة و يده على فمه و يضحك و يروح داخل بسرعة ياربييييييييييييييه :d الا اخوانه يستنونه و يقولون: ها وشلون شكلها يقول : واي واي تهبل تهبل حلوة و دمها خفيف و ذوق اهههههااي الاابوه من المطبخ يزغرط لللللللوووولللللوووووشششششششش مبروك يا ولدي .. الا بدخلة اخته العربجية من بره و حاطه عبايتها على كتفها و تقول : خير وش فيه !! يقولها ابوه : قصري صوتك في وحده داخل خطبت اخوك .. تقول اخته: وهي وين شافت اخوي علشان تخطبه هاه؟؟؟؟ و تعطيه كف و تصرخ والله لالعن شكلها اللي جايه تخطب اخوي بدون لا ادري ؟؟؟ وفجآة يقوم من الححلم ويحمد ربه انه ولد :d النهايهـ :d اتمنى تكون عجبتكم مواضيع ذات صلة |