ازياء, فساتين سهرة

العودة   ازياء - فساتين سهرة و مكياج و طبخ > أقسام عامة > السيدات و سوالف حريم > الجادة و النقاش
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
الجادة و النقاش كيف تتعامل البنات مع الفشل مهم جدا يوجد هنا كيف تتعامل البنات مع الفشل مهم جدا تطرح هنا مواضيع للنقاش و معرفة الآراء و طرح أفكار الغير للمناقشة والمحاولة لكسب المعلومات بين العضوات


 
قديم 06-11-2012, 03:47 AM   #1

رذاذ انثى

:: كاتبة قديرة ::

الملف الشخصي
رقم العضوية: 182069
تاريخ التسجيـل: Jan 2012
مجموع المشاركات: 4,571 
رصيد النقاط : 15

كيف تتعامل البنات مع الفشل مهم جدا


كيف تتعامل البنات مع الفشل مهم جدا

الفشل فرصة كتير منيحة عشان نستفيد دروس
وعبر وكمان عشان نستفيد من اخطاءنا الماضية
وما نكررها بالمستقبل ونبلش حياة جديدة كلها
نجاح وامل
بعرف انه كل البنات بكرهوا الفشل وبتجنبنه
لانه بأثر على معنوياتهم وعطائهم
بس في نوع تاني من الصبايا بتقبلوا الفشل
بصدر رحب

وعشان اثبت هالشي سألت 4 صديقات الي
عن تأثير الفشل بحياتهن
رح احكي اسمائهم لانهم سمحولي بهالشي


اول شي اسماء حكتلي: انها ما بتخاف من الفشل
وانه لو فشلت فهاد الشي مو معناته انه الحياة وقفت
لانه بتقدر تعيد التجربة مرة ومرات حتى توصل للي
بدها اياه وبالاخر اكيد رح تنجح وحكتلي انه لو شفت حياة
المشاهير كنت وجدت كتير مصاعب وعقبات اعترضتهم
وكانت رح توقف مستقبلهم المهني بس لانهم كان عندهم
عزيمة واصرار وصلوا لقمة التألق والنجومية

(والله بهاي يا اسماء معك حق)

تاني شي سوسن حكتلي : انها قدمت توجيهي او بكالوريا
3 مرات وفشلت وطلبوا منها اهلها توقف عن الدراسة وتبلش
تفكر بالزواج بس هي رفضت طلبهم واصرت على انه تعيد للمرة الرابعة
وبالمرة الخامسة نجحت وحصلت على المرتبة الثالثة
واخدت بعثة على وحدة من الدول العربية وحكتلي انها بالغربة
لاقت كتير من المشاكل والصعاب بس واجهت هاي المشاكل
وصبرت حتى كملت دراستها وهي اليوم موظفة في شركة خاصة
وبتاخد راتب ممتاز وبتنحسد عليه

(نيالك يا سوسن)

الثالثة شذى حكتلي: انه الوصول للنجاح وتحقيق الطموح مش صعب
بس بشرط نتخلص من شي اسمه فشل والاتكال على الاخرين
والانهزام وحكتلي انه النجاح مش بس لفئة معينة بس هو بده
شوية صبر وجهد وانه ما نفكلا نرجع ولا خطوة وحدة لورا

(والله كلامك يا شذى لا يعلى عليه)

الاخيرة منى حكتلي: انه كلمة فشل مش موجودة اصلا بقاموس حياتها
لانها بس للضعفاء
(كأنها عم تسبني يا صبايا هلأ لانتبهت بعدين بفرجيها)
بس طريق النجاح مش دايما مفروش ورود عشان هيك لازم نصبر

وانتو شو بتحكوا صبايا؟

حزنت عندما قرات قول ابن عثيمين رحمه الله
برودة الجاذبية تنسيقي
حلى البسكويت والسويسرول مع الصور
بالطباشير ادوات منزلك اكثر لمعان
بكينيات مثيرة للحلوات
يأخذني الحنين إليك
اجمل فستان عروس شفته
الاشياء التي تحتاجينها في الصيف
تبين تقرين سوره البقرة كل يوم و ما تقطعين ولا يوم ؟؟ شوفي السر
ملتقانا للدعاء اليومي لرهف (محبة المستقبل)
سبورات بناتية
لا تفوتكوا بيتزتي بالتفصيل تنافس بيتزا هت وتحدي مع طريقة عمل صلصة البيتزا
لكل العرايس.. 8 نصائح للحفاظ على شعرك قبل زفافك
ريحة رفيقتي روعة يا صبايا روعة
اكسسوارات جنان لرقبتك


 

أدوات الموضوع



الساعة الآن توقيت السعودية الرياض و الدمام و القصيم و جدة 11:53 PM.

 

Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0