حطموك يا قلبي كاملة
البارت السادس
جالسه تبكي وتحاول تقنع أمها : يمه
تكفين مابيه مابي أروح معه يمه
أنتي حياتي كلها ماتخيل أجلس يوم وماشوفك
حنان : يايمه يارغد لاتقطعين قلبي
أنا اللي ماتخيل تبعدون عني لحظه وحده
رغد : أجل مانبي نروح معه يمه أنا ماحسه أنه أبوي أصلا تكفين
أقنعي خوالي
حنان بحسره : خوالك أي خوال اللي تحكين عنهم
يابنتي في هالدنيا كل نفسي نفسي
رغد ولا زالت تبكي : يعني خلاص ....؟؟؟؟
حنان ماقدرت تشوف دموع بنتها طلعت وتركتها بحالها <<<
: يمه يمه
حنان : هلا يمه شهد فيك شي ؟؟؟
شهد : لا بس ألاحظ أنك أنتي اللي فيك شي ؟؟؟
حنان : وشرايك يابنتي أبوي ماصار ألى موته أسبوع حتى
وتبيني أضحك وأنبسط وخوالك يبون يحرقون قلبي ويدونكم لأبوكم
شهد بعصبيه : أيش ومن قالك أني بروح معه أنا بجلس هنا طيب بالغصب بأجلس هنا
حنان : إذا تقدرين توقفينهم عند حدهم حاولي عشانك وعشان أخوانك
شهد : كل واحد فيه لسان ويعرف يحكي عن نفسه وتعالي لايكون راضيه
وتبينه ياخدنا ؟؟
حنان بحزن على بنتها اللي موب قادره عليها : أنا أقدر أستغني عنكم عشان أرضى
شهد : أمممممممممـ وراحت إلى غرفة خالتها ليالي وتركت امها >>
حنان : الله يديهك يابنتي مدري متى بتحسي فينا وتكبرين عقلك آآه ياربي ألاقيها
من الزوج والا البنت أو الأخو يارب أيش عامله أنا أسغفر الله العظيم أستغفر الله
$$$$$$$$$$$$$$$$$$$$$$$$$$$$$$ $$$$$$$$$
: وينه نواف جابك هنا وراح
ملاك : مدرب يقول واصل مشوار وراجع
سعاد : وإنشاء الله مرتاحه معه مايزعلك قوليلي إذا مضايقه أومزعلك..؟؟
ملاك بابتسامه مخبيه خيبة أمل وراها باللي صار معاه من خلاف عند أول لقاء لها مع شيماء
وتفاؤل بالأحسن انه مايتتكرر : لانواف مافي مثله ومايزعلني أبد
سعاد : الحمدلله طمنتيني
ملاك والفضول يآكلها : باسألك
سعاد : عن أيش
ملاك : يعني أنا محتاره كيف اللي عملته وسامحها ولا سوالها شي؟؟؟
سعاد : المشكله هي موب مره ولا مرتين في أول زواجهم وبعد ماولدت برياض
أذكر كان عمره يمكن سته او سبعه شهور الظاهر كان شاك أنها تكلم حد في التلفون
سجلها وتخيلي ولدها يبكي وهي موب مهتمه
يقول لها اللي تحكي معه روحي لولدك شوفيه تقول خليه يولي
ملاك : شهقت >> يالله لهالدرجه
وبعدين
سعاد : وشو اللي وبعدين وكل مره كذا ولما شافها مع احمدو ضربها
وماخلى فيها عظم صاحي ووداها بيت أهلها أسبوعين بس
ملاك متعجبه : ايوه وماقال بيطلقها بعد اللي شافه !!!!!
سعاد : أول ماصارت السالفه قال بيطلقها بعدين طلبت عمتي تشوفه رجع من عندها
مقلوب فوق تحت ومن ثاني رجعها ولا كأنه شي صار
ملاك : تتوقعي وش اللي غير رايه فجأءه ؟؟؟
سعاد : الكل محتار وموب عارف إيش المخبى لآنو كل مره يوديها بيت أهلها كم يوم ويرجعها
ملاك : معقوله فيه واحد يشوف زوجته تخونه وعادي عنده صدق أنسان غريب
سعاد : يمكن يحبها
ملاك بغيره : حبتها ال ..........
إلا بدخول نواف ومعاه نوريه <<
ملاك تكلم سعاد : مين هذي
سعاد : نوريه أخت شيماء يعني بنت عمتي
ملاك معصبه : خير تكشف له وجهها
سعاد : أسكتي وأهدأي شوي
ملاك الأخلاق قفلت عندها <<
نواف : السلام عليكم
: وعليكم السلام
نوريه : مرحبا كيفك ملاك
ملاك ببرود معاه أبتسامه : أهلين
نوريه : لا ماشالله ونعم الأختيار يانواف
نواف طول الوقت من يجلس معي يحكي عنك هبلتي بولد خالي
ملاك تبتسم وفي داخلها قهر >>
كملت مابرتاح من شيمو جتني اللي اسمها مدري إيش
نواف : يعني ذوقي حلو ؟؟؟
نوريه : أنا أشهد لك من زمان
ملاك >> ماشالله يمونون على بعض
نواف : ملوكه شفيك ساكته شاركينا بالحكي
ملاك : لا عادي أسمعكم
**********************
نواف : ها تبين أوديك هالحين
نوريه : أيوه عشان يمديني أعملك العشاء
نواف : أجل قومي
نوريه : تصبحون على خير وعاد خلينا نشوفك ملاك
ملاك بابتسامه مجامله : إنشالله
***
: شفيك مضايقه ترى نواف أنتبه لطريقتك بالحكي انك مضايقه
ملاك بانفعال : يعني عاجبنك اللي شفته
سعاد : موب عاجبني من زمان بس شتبينا نسوي نواف مايحب حد يتحكم فيه
ملاك : ياسلاااااام أنا مايعجبني هالطريقه وين جالسين حنا في أمريكا هي موب أخته عشان تجلس معه بدون غطا >> بعصبيه أكثر ...
ولا بيتعشى معها بعد
سعاد : هدي أعصابك أنا حاسه فيك وهذا الشي مايرضي حد بس شنسوي هو دايمآ
معها ومايسمع إلا حكيها
ملاك : ياربي بموت قهر
**********
: شفيك حبيبتي اليوم حسيتك متضايقه
ملاك : مافيني شي يتهيأ لك
نواف : ملاك صار شي
ملاك موب قادره ماتفجر القنبله : فيه شي اليوم ماعجبني
نواف : اي شي
ملاك : بنت عمتك نوريه
نواف بنفاذ صبر : ملاك لاتتكلمين بالقطاره الحكي اللي داخلك قوليه
ملاك : كيف تكشف لك ودايمآ تجلس وتحكي معها ولا تتعشى عندها ومدري إيش وهي حيالله بنت عمتك
نواف : أنا كذا مع بنات عماتي هذي حياتي كذا من زمان
ملاك : بس انا ماقبل بهالوضع
نواف : وأنا ما اقبل بمرأه تتحكم فيني
ملاك : أنا ماتحكمت فيك بس هالوضع اللي شفته مايرضي حد
نواف بعناد : المهم يرضيني
ملاك : ل ......
نواف يقاطعها : ملاك أبعدي غيرتك عن بنات عماتي أو بالأحرى أهلي سواء
زوجتي بنت عمتي بنت خالتي مايحق لك تغارين وتعملي مشاكل
ملاك : هالحين صرت أنا اللي أجيب المشاكل
نواف : بليز خلي الليله تعدي على خير تصبحين على خير
ملاك نزلت من السياره بدون ماترد عليه وقفلت الباب بأقوى ماعندها تطلع حرتها فيه >>
****
أتصل عليها وهو معصب ...
# مو بس أحبك آنا أموت عليك #
# الأمر أمرك و آنا مابين إيديك #
# وياك أمشي بهواك .. أمشي بهواك #
# ويهمني والله رضاك ..
: خير
نواف : حسني أخلاقك أحسن لك وعلى ضربك للباب بتشوفين جزاك
ملاك وصلت حدها من العصبيه : أسألك بالله كم لنا من ملكنا ذبحتني أبي أرتاح
نواف : ليه وش سويتلك
ملاك : أبدآ ياقلبي أنما كل يوم تجريح وأهانات ياخي حس فيني
نواف : أنتي الحكي معك ضايع وقفل في وجهاا <<
%.. أبكيتني وأنا أحسبك تكره بكاي ..%
%.. أثرك تتلذذ في دموعي وأنا أبكي ..%
أما ملاك أخذت الموبايل ورمته على الأرض وبدأت نوبة البكي اللي ماوقفت من ملكتها
: آآآآآآه ياليتني ماتسرعت وقبلت فيه آآآآآآآآآآآآآآآآآآآآآآآه مابسامحك يانواف على العذاب اللي معيشني فيه
وأخذت تضرب صدرها على جهة القلب : كله منك أنت السبب أنت سبب عذابي
%%%%%%%%%%%%%%%%%%%%%%%%
دخل بيته معصب وماصدقت شافته بهالوضع الا لازم تستغل الموقف لصالحها >>هه ياكثر مشاكلكم مبين عليهم فاهمين بعض زين هههههههههههههههه >> تتظاهر بالخوف عليه : شفيك معصب في شي
نواف : ألبسي عبايتك بنطلع
شيماء : وين
نواف : بيت أختك
شيماء : نوريه
نواف : في غيرها خلصي ألبسي
شيماء : طيب دقايق
****
: غريبه ماقاللي نواف أنك بتزورينا
شيماء والحقد مكتوم داخلها : جا معصب مدري شفيه وقال بنزورك
نوريه تبي تستفزها : من ساعه كان معي مافيه شي نواف شفيك
نواف << ماشاءالله عليه مايخبي شي نهائيآ عن هالثنائي رغم تناقضهم >>: مع ملاك مختلفين شوي
نوريه : توكم مافيكم شي والحب يشع منكم << تعرفين كيف تحطين على الجرح >>
شيماء << لساتك تتحدين يانوريه تراك مافزتي بالتحدي أنتظري للنهايه >>
نواف : ذابحتني بغيرتها حتى لما شافتك غارت وعملت مشكله
نوريه : ههههههههههههههه تحبك ولازم تغار عليك الغيره عنوان الحب
نواف : تبي تغار بالمعقول ذبحتني
شيماء بشماته : هو أغلب الأوقات مشاكل معها وهذي البدايه أجل بعد الزواج كيف
نوريه : والله ياشيماء شي طبيعي اي أثنين توهم متزوجين بتصير بينهم مشاكل لانهم مايعرفون طباع بعض
شيماء : مشاكل بسيطه موب كل يوم
نواف : مشاكلي مع ملاك تسعدني لو قارنتها بمشاكلي معك << أخيرآ
نشر -
مشاركة هذا الطرح في
DiggDel.icio.usTechnoratiadd to facebook
{[ اللهم نسألكـ الهدى والتقوى والعفاف والغنى والحمد لكـ والشكر لكـ ]}16 19-06-2009, 07:03 AM
حرامية شباصات
©؛°¨غرامي جديد¨°؛©
رد: حطموك يا قلبي . رواية سعودية روعة
--------------------------------------------------------------------------------
نواف : مشاكلي مع ملاك تسعدني لو قارنتها بمشاكلي معك << أخيرآ حسيت ورديت بالرد الصح >>
%%%%%%%%%%%%%%%%%%%%%%%%%%%%%% %%%%
: أوووووووووووووووه الأخوان كلهم متجمعين
راشد : جينا نحل قضية أختك
محمد : وكيف بتحلوها
راشد : سعد بيجي يآخد عياله
محمد عصب : أيش وكيف ترضون تعطونه العيال أنهبلتوا
راشد : ياخي ليه معصب حنا رحناله وقلنا يجي يآخد عياله حنا موب مكلفين فيهم
محمد : وأنتو معاه
طارق : أنا شلت يدي منها ماأدخل فيها
محمد : وحامد طبعآ مع راشد دايمآ في الراي
حامد : شهالحكي يامحمد بس المنطق يقول كذا
محمد بحكم شخصيته القويه على الجميع صغير وكبير : كلمه ومابثنيها العيال بيظلون هنا و .........
قاطعه صوت جرس الباب ودخول سعد المجلس : السلام ولما أنتبه لوجود محمد أرتبك
راشد : تفضل ياسعد
سعد : لا بس بآخد العيال وباروح
محمد : مو أول تصير رجال بعدين تحكي عن عيالك
سعد منزل راسه خوف لانو محمد مستحيل يسكت عن اللي يصير لأخته : شهالحكي يا .....
محمد : أسمعني زين ساعة تكون قد المسؤليه وأب عن حق نعطيك عيالك اما هالحين ماعطي عيال أختي لواحد مستهتر زيك ومايعرف معنى الأبوه وطلع عنهم >>
ناظر رغد وهي تبكي عند امها : حنان دخلي بنتك وكفايه بكي بيظلوا هنا
%%%%%%%%%%
: أووووه أووووه ملوكه هنا
ملاك وعينها حمراء من كثر البكي تبتسم لأخوها لانها حريصه أهلها مايعرفوا باللي يصير بينها وبين نواف : أهلين أنا اللي مفروض أقول نور البيت لأنك هنا شلونك ياخوي
فيصل : يسرك حالي جاي أطلع معاك أمشيك شوي
ملاك : هالحين
فيصل : أيوه هالحين يالله ألبسي عبايتك
ملاك : لا ماقدر أطلع بدون أذن نواف
فيصل : وليه أتصلي عليه أستأذني
ملاك أرتبكت : ها أأأ لا هو عنده أجتماع وماقدر أتصل عليه
فيصل : اها يالله خسرتي الطلعه
ملاك : ليه في شي
فيصل : لا بس أبيك في موضوع
ملاك : آمرك ياخوي
فيصل : تعالي الغرفه أحسن
ملاك : يالله
****
: ألا شفيها عينك حمراء
ملاك : مافيني شي بس توي جالسه من النوم المهم شالموضوع اللي تبيني فيه
فيصل يتظاهر بالتردد : والله موب عارف كيف أفتح الموضوع
ملاك : شدعوه قول
فيصل : بالصراحه أنا مديون ومحتاج مساعدتك
ملاك : بأيش أقدر أساعدك
فيصل : أبيك تحكي مع نواف
ملاك : ها لا لا مابقول لنواف
فيصل : ويرضيك أخوك يكون مسجون؟؟
ملاك : أكيد مايرضيني شوف أنا اللي أقدر عليه راح أعطيك مهري هذا اللي عندي
فيصل : تسلمين ياختي وإنشالله بأعطيك إياهم أول مايصير عندي
ملاك : موب مشكله أهم شي أنت تكون مرتاح وبكره مر علي نروح البنك نسحب الفلوس
فيصل : أجل أشوفك بكره مع السلامه وسلمي على نواف
&&&&&&&&&&&&&&
: صحى زين الحمدلله وهالحين كيف حاله
أبراهيم : مثل ماقال الدكتور مشلول تمامآ
نواف : وش بتسوي
إبراهيم : حجزت له للعلاج بألمانيا وبيروح معه ولدي طلال
نواف : في أمل من العلاج
إبراهيم : بيني وبينك الدكتور يقول مافي فايده بشي بس نشوف مابيضرنا شي
نواف : خير توصيني بشي
إبراهيم : سلامتك
*******
: ألو
نواف : السلام عليكم شلونك عمتي
أم فيصل : يسرك الحال وأنت شلونك
نواف : بخير الله يسلمك إلا ملاك وينها
أم فيصل : في غرفتها بناديها لك
نواف : لا بس قوليلها تشغل موبايلها لانه مغلف
أم فيصل : إنشالله
نواف : سلمي على عمي
أم فيصل : يوصل
نواف : فمان الله
وراحت تنادي ملاك : يمه ملاك نواف يقول شغلي موبايلك
ملاك : طيب
>> ماظنتي حس بغلطته الله يصبرني عليك يانواف <<
دورت موبايلها شافته مرمي على الأرض وكل قطعه منه بجهه ركبته وأول ماأشتغل
دق عليها كلمتها ببرود وأسلوب جاف : ألو
نواف : هلا قلبي هلا عمري هلا بحياتي وحشتيني موت
ملاك : ساكته
نواف : ماوحشتك ..؟؟
ملاك : لازالت ساكته
نواف : عارف أنك زعلانه لكنك أنتي الغلطانه
ملاك : أهاااااااااا
نواف : تغارين علي بالشي المعقول أنا مع بنات عماتي شي ثاني لاني وأنا صغير معاهم ولا تبين تفرقين بينا
ملاك : أنا شدخلني فيك وفيها
نواف : حياتي خلاص عطينا وجه عاد
ملاك << الله يصبر قلبي عليك : نعم
نواف : بتعدلين أخلاقك ولا كيف
ملاك متنرفزه : أنتهى الموضوع خلاص
نواف بصوت حالم : دام أنتهى يالله عطيني بوسه
ملاك ساكته عنه ...
نواف : أفاااا ماتبين لعيونك ياقلبي عدي إلى 10 وجرس بيتكم بيرن أحبك باي
% مثل اللي يقتل القتيل ويمشي ورى جنازته ..
الله يساعدني على طبعك المزاجي ..
&&&&&&&&&&&&&&&&&&&
: شصار
فيصل : بكره بتعطيني مهرها
رهف : حلو وأكيد مهرها راهي زوجها نواف ال........
فيصل : أكيد مسكينه أختي طيبه كثير
رهف : طيب ومابتقول لزوجها
فيصل : مستحيل كرامتها ماتسمح لها
رهف : أجل بهالمناسبه الحلوه ماستاهل نحتفل برا البيت
فيصل : أكيد تستاهلين ياقلبي لاتنسي ولدي اللي في بطنك يبي يغير جو
رهف : هههههههههههههههههه
**************
ترن ترن ترن
: خير اللهم أجعله خير مين اللي بيتصل في هالوقت
: ألو
: السلام عليكم
أبو فيصل : وعليكم السلام
: هذا بيت حمد ال ......
أبو فيصل : ايوه هذا أنا في شي
: الله يسلمك حنا مستشفى ال....... ولدك فيصل عمل حادث مع زوجته
أبو فيصل : أيش فيصل صار له شي
: أنت تفضل المستشفى وبتعرف
***********
: لا تخاف يابو فيصل ولدك صابته رضوض بسيطه وكسر في رجله إنشالله كم شهر ويمشي أحسن من أول بس .......
أبو فيصل : بس أيش يادكتور خوفتني
الدكتور : زوجة ولدك
أبوفيصل : صابها شي ..؟؟
الدكتور : الجنين مات
أبوفيصل بتعجب : أي جنين
الدكتور : ماتعرف زوجة ولدك حامل وفي الشهر السادس
أبوفيصل : لاحول ولا قوة إلا بالله << حتى خبر أنك بتصير ابو حرمتنا منه >> وهي شلونها
الدكتور : ماخبي عليك أحتمال ماتحمل مره ثانيه
لكن كل شي بمشيئة الله (( وعسى أن تكرهو شيئآ وهو خير لكم ))
***************
: ها ياحمد بشرني عن ولدي
أبو فيصل : مابه إلا العافيه كسر بسيط في رجله بس
أم فيصل : ورهف ...؟؟؟
ابو فيصل : أنا لله وأنا إليه راجعون
أم فيصل : خوفتني يارجال أحكي صار في بنت الناس شي
أبو فيصل : كانت حامل والجنين مات
أم فيصل : حامل كيف ..؟؟
أبو فيصل : أنهبلتي كيف حامل يعني
أم فيصل : قصدي ماقالنا
أبو فيصل : الله يهديه بس حرمنا من فرحتنا بأول حفيد وزوجته كانت حامل في الشهر السادس
أم فيصل : الله يعوضهم باللي راح
أبو فيصل : ماظنتي
أم فيصل : أيش
أبو فيصل : الدكتور يقول أحتمال أنها ماتقدر تحمل مره ثانيه
أم فيصل ياسبحان الله مافي شي بعيد عن ربك حرمتني من ولدي سنه وحرمها طول حياتها
%%%%%%%%%%%%%
: قالت أنهم جايين تأخرت كثير
مرام : لا أنشالله مافيهم شي
البندري : مدري بس حاسه أن في شي موب زين بيصير
مرام : لاتخوفيني
البندري : أجل ليه مايردو على مكالماتنا
مرام : مطنشين أكيد مطنشين
***************
: أقولك زوجتي
الضابط : عطني الأثبات
خالد : ماعندي في السياره
الضابط : أجل بأضطر آخدكم معي في المركز
خالد : خير زوجتي ماتدخل مراكز شرطه بوصلها وبجيكم
الضابط : ماينفع إلا باثبات
طنش الضابط وأتصل : ألو بندر
بندر : هلا وينك من متى جالس أنتظرك
خالد : تعال لي .................
بندر : شعندك تعال أنت
خالد : يابندر تعال ضروري
بندر : طيب قول لي شفيك
خالد : لا حول بتجيني والا كيف
بندر : جايك جايك
والجازي بتموت من الخوف ..............
|