|
#1 | |
وعجلت اليك ربى لترضى |
ابنك بيخاف من ايه ؟
ابنك بيخاف طيب ليه ومن ايه ؟
طيب تاثير الخوف ده ايه على شخصيته ياترى جبان ؟ ياترى ضعيف ؟ يلا بينا نتعرف على الخوف عند الاطفال متستغربوش لما اقولكم ان الخوف عند الاطفال شىء مهم ايوة مهم على فكرة لان ده بيحافظ على توازن شخصيته فى حياته يعنى لما ابنى يكون مش بيخاف من اى حاجه وخصوصا لما تكون الحاجه دى يتخاف منها فعلا زى مثلا خناقه ضرب النار ضرب النار ده مخيف جد اجد وهو عادى بالنسبه ليه اذن ده شىء غير طبيعى وده بيعرضه لمخاطر كبيرة فى حياته لما يكبر ويبقى عرضه للخطر دايما لاقدر الله وماينتج عنها من اضرار مستقبليه عليه طيب وفى نفس الوقت مش طبيعى انه يخاف من حاجات تافه مثلا زى قطه صغيرة حشرة صغنونه صوت موتوسيكل فى الشارع ده غلط كمان عليه يطلع شخصيه مهزوزه جد اجد ا طيب حابه اضيف نقطه كمان ان الخوف فى حياه الاطفال عامة ممكن يعمل ليهم اضرار جانيه زى العلاج كده بتبقى اضرارة ايه او بمعنى ادق لحظة الخوف ايه اللى ممكن يحصل لابنى 1_العرق الشديد والرعشه 2-ممكن اعزكم الله يتبول كتير كذا مرة فى وقت قصير 3- زياده ضربات القلب لاقدر الله 4- الغثيان 5- البكاء المستمر 6-فقدان الشهيه رافض الاكل بشكل مستمر 7- الارق طيب فى نهاية الموضوع وتلخيص سريع ليه ... الخوف مهم جدا فى حياة الاطفال بيساعد على توازن الشخصيه يعنى مينفعش ابنى ماخافش خالص ولا يخافو من حاجات بسيطه خالص يعنى الخوف يكون من الحاجات اللى فعلا يتخاف منها وده احنا نقدر نتحكم فيه يعنى لما ابنى يتخض من قطه صغيرة مثلا افهمه بالراحه كده انها مش هتاذيه مثلا ومش يخاف منها وكمان لما يجى يلعب بالكهربا اعنفه طبعا لانها خطر على حياته وهكذا يارب اكون افدتكم واستفادتو من الموضوع مواضيع ذات صلة |