كيف تصطادين المعرس دون اللجوء إلى الاساليب السقيمه من المغازلات والترقيم والتلميح الى ماله سنع والترزز
بالاسواق .... آلخ
=اهم شي نشني على العجوز الي حاطهعينك على ولدها تم نفذي مايلي:
1:خليكي مع امك ولا تروحين مع البنات وتتهيبلين اصبري عنهم كم شهر لين تتم العمليه
2:امشي وانتي حاطه راسك بين كتوفك ولا ترفعينه ابد حتى لو عورك خلي الفكس في متناول يديك
3:كامة خاله خليها دايما على لسانك خاصه لام المعرس عشان تحس بنوع من التمييز عن باقي العجايز
ملاحظه#لا مانع تنادين عجوز ثانيه بخاله عشان اذا ما نجحت الخطه مع العجوز الاولى تنجح مع الثانيه الاحتياط واجب وانا اختك
4:اذا بدت امك تتكلم انغزيها بكوعك عشان تدخلك فالسالفه حتى لو مالك داعي تطبيقا للمثل <كثر الدق يفك اللحام > داريه المثل ماله داعي بس مالقيت غيره
5:اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي مهعم كأنك امهم عشان العجوز تاخذ فكره انك حريصه على ذريتك
6:كل ماكلت امك من اكله زينه خليها تقول:نفس الاكله الي تسويها بنتي حتى لو الاكل من مطعم صيني او مكسيكي
7:اذا جيتي تمدين ايديك توجعي وخلي امك تقول:قايلتلك وانا امك ماله داعي تنظفين جدران البيت الخارجيه {اقول نظفي غرفتك اول الي تقولين ثايره
فيها قنبله ذريه }
8:اذا تكلموا الحريم عن العرس اكتمي نفسك لين يحمر وجهك عشان يقولون البنت تستحي مالنا حق تكلمنا عندها {بس لاتكتمي نفسك
مره اخاف تروحي فيها واصير قتلت نفس بغير حق}
9:مهما كان الموضوع الحوار حماسي لاتبدين رايك خليك مثل البكما لان اللقافه تجيب اجل الخطه
10:شعرك افرديه لا تخلينه طاير ولا تجعدينه مهما كانت الموضه لان العجايز مايدورون الا الي شعورهم ناعمه
11:اذا ادلت العجوز {ام المعرس المتوهق } بأي رأي سواء سياسي او وطني او اقتصادي وافقي عليه حتى لو انه ماسخ وماله داعي
#مثال: تقول العجوز: بوش متقهوي عندنا البارح قوليلها: وليه ماعلمتينا ياخاله نجي نساعدكم؟!
12:في العروس اضغطي على نفسك واقضبي ارضك ولا ترقصين واعتبري الرقص عيب وشق جيب
13:اذا جاء طاري السوق وهو لازم يجي لانه الطاري لانه من شروط الجلسه عند الحريم خلي امك تقول: بناتي مايحبون يطلعون السوق ابوهم يجيب اغراضهم
=الحين العجوز يتكون زقعت فالفخ
نروح للمعرس الحين...
1:اهجدي في بيت اهلك ولاعاد تطلعين واذا جا المعرس بيشوفك خلي ابوك يقول:والله ودي تشوف البنت بدون ماتدري عشان تاخذ راحتك واناعمك
وبعد تشوفها عالطبيعه ماتقول غشيتوني {ايه هين يالشايب والله لو بيدك ان تحط مكانها باسكل مشعلاني }
2:قبل يجي اليوم الي بيشوفك فيه بحوالي اسبوع او اكثر {حسب شين الوجه }طامري من صالون لصالون صبغ فرد تنظيف البشره ..آلخ
3:اذا جا المعرس خلي يوقف جنبه عشان مايطيل التبحلق ويبان المستخبي وذلك تطبيق لنظرية {اللمحه ذبحه}
4:في نهاية المشهد خلي ابوكي يقول: معليش وانا عمك ترى البنت شوي محيوسه {معليه يالشايب تنصب عالمسكين}
وبهاللحظه الولد بينط على الوالد ويبوسه لين يشفط مخه ويقول متى العرس ياعم
{تحذير مهم }
#ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى
اي بنت تتهاون عن اي فقره لها خيارين :
1:تبحث عن صيده جديده
2:تنضم الى قائمة العوانس
##البنات الحين عرفتو وش تسون يله تدربو والخميس الجاي طبقو مني لكم 3 شهور عايشين في القفص الاسود قصدي القفص الذهبي ##
كيف تصطادين المعرس
