 |
  |
|
|
|
|
|||||||
| قصص و روايات يوميات زوج عبقرى يوجد هنا يوميات زوج عبقرى روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة فضيّـة :: |
بقلم كاتب كبير اسمه ممدوح اتمنى تنول اعجابكم
البارت الاول طبعا الفرح بكرة و انا طاير م الفرحة أخيرا جت اللحظة اللى الواحد مستنيها ياااه الحمد لله .بعد يوم شاق نمت ع سريرى وودعتة و انا فى قمة الفرح و قولتله بالرغم من العشرة الطويلة اللى بينا يابن الفقرية الا انى هسيبك و انا فرحان و روحت ف النوم و مجرد م غمضت عينى افتكرت نصيحة واحد صاحبى متجوز ف قاعدة قعدناها مع بعض من فترة كبيرة . قالى فيها( يا ممدوح ياخويا أنا هنصحك نصيحة البنت من دول ففترة الخطوبة تشوفها قمر و لا يوم الفرح تلاقيها ملكة جمال تانى يوم على طول تصبح تلاقيها واحدة تانية فجأة تلاقيها اسمرت و عيونها اللى كانو خضر أسودو و شعرها تلاقيه أكرت و فجأة تلاقيها تخنت متفكرنيش دى كانت ليلة سودا . عشان كده انت لازم تعمل حاجة مهمة جدا قبل الفرح قولتله قول يا صاحبى أخرج مافى جعبتك قالى لازم تشوفها وهى لسة صاحية م النوم قولتلوا ياراجل أزاى دى معجزه دا الواحد عشان يشوف خطيبته ف فترة الخطوبة بيتصل قبلها بيوم ع الأقل قالى أديك قولتها بلسانك قولتله أيه دى اللى قولتها بلسانى قالى انك بتحدد معاد قبلها بيوم خلال الفترة دى البنت من دول بتتغير 360 درجة قولتله أزاى يعنى قالى لو كانت تخينة بتلبس حزام الوسط و لو كانت رفيعة بتلبس جيبونة وهدوم كتير تحت الفستان و عينيها بتركبلها لينسيس و رموش و لا الميكب تعرف الدراسات أكدت أن احسن نقاشين بنات.و لا المكوى اللى اصبحت من أساسيات كل بنت مصرية البنت من دول تقعد تكوى ف شعرها طول فترة الخطوبة على م تيجى تتجوزها تكون شاطت و البس يا ابوسريع . قولتله طب أيه الحل يا زميل عيب أوى أما الواحد يكون مغربلها شارع شارع و زقاق زقاق و عرف بنات الأرض و يحصل معاه كده قالى الجيش قالك اتصرف ) قومت م النوم مفزوع طبعا و قولت استغفر الله العظيم كابوس مش ف وقته خالص ورحت متصل بـ عروستى و قعدت الوك معاها شوية لحد م نمنا احنا الأتنين . مواضيع ذات صلة |
|
|
#2 |
|
|
رد: يوميات زوج عبقرى
البارت التانى
الفرح انهاردة الفرح ياااه مش مصدق نفسى أخيرا الخطوبة خلصت الواحد كان بيشوف حبيبته كل خميس زى م يكون رايح ياخد تطعيم و ابوها ماسكله التايمر عامل زى حكم الكورة و كل حاجة ممنوعة أحمدك يارب أخيرا أسقطنا النظام نقوم بقى نتصل بالعروسة و بعدين نروح نظبط نفسنا و نروحوا للحلاق يعمل معانا الصح شعر و دقن و ماسك و بخار ياللا مش خسارة ف العروسة أكيد هى هتعمل اكتر من كدا . أتصلت بعروستى حبيبتى سمعت صوتها و صبحت عليها و حبينا ف بعض شوية و بعدين لبست و نزلت للحلاق قولتله بقولك أيه عايزك تبدع خد راسى و هاتلى واحدة جديدة بس و حياة أمك لو دقنى اتخربشت و انت بتحلقلى هشمعلك المحل و أربطك ف العمود اللى بره لحد م يظهرلك صاحب انهاردة الفرح و مش عايزين أصابات سمى الله كدا و أستعيذ بالله م الشيطان و أبدأ . قعد اكتر من ساعتين كأنه بيعمل عملية جراحية بس الحمد لله انهى مهمته على خير خلصت و طلعت الشقة أخدت الحمام المظبوط و روحت خارج متصل بـ عروستى حبيبتى اعرف أخر تطورتها عند الكوافيرة و قدامها أد أيه و تخلص عشان أروح أجيبها قالتلى فاضل حاجات بسيطة أعتبر خلصت قولتلها طيب أنا قدامى ساعة و اكون عندك تمام كدا قالتلى تمام قفلت معاها وروحت ضارب البدلة ع البيبيونة حاجة مسخرة البيبيونة دى بس لابد منها أهى أرحم م الجرافته م هو الواحد كدا لازم يلاقى حاجة تخنقه بس برده الأتنين أرحم من خنقة حمايا أيام الخطوبة و بعدين أتصلت بصحابى أطمن ع العربيات و الزفة و روحت نازل أجيب العروسة من عند الكوافيرة وصلت و اديتها تليفون عشان تنزل قالتلى خمس دقايق و انزل قولتلها بسرعة يا حبيتى يا حياتى ياعيونى بسرعة يا بنت الواحد لازم يكون حمش برده و انا و اقف قدام الكوافيرة مستنى واللهم صلى ع النبى أشوف ملاك جاى عليا بغض النظر عن الأحاسيس اللى كانت جوايا ف اللحظة دى بس أنا كنت عايز أخدها و اروح أساسا و بلاه الفرح قولت دى أكيد هتتحسد انهاردة عموما ربنا يستر و يتم الليلة على خير ركبت معايا العربية و طلعنا ع القاعة و كانت أول كلمة اقولها الحمد لله ان ربنا جمعنا وبقيتى مراتى . تانى حاجة قولتلها سنتين يا قادرة مش عارف اخد منك بوسة و يوم م أطلبها منك تزعلى منى أسبوعين دا انا نسيت البوس قالتلى عيب قولتلها لا منهج العيب أتلغى خلاص من انهاردة كل أيامنا الجاية اعتبريها عيب بس تعرفى لو كنت أخدت منك بوسة واحدة مكنتش كملت الخطوبة قالتلى و كنت بتطلبها ليه أساسا انت كنت عايز تسيبنى ؟! قولتلها لا طبعا بس كنت عايز أعرف رد فعلك و انا و انتى لوحدينا هتراعى ربنا و هتراعى أهلك و لا لأ و الحمد لله نجحتى ف الأختبار بجدارة . وصلنا القاعة و عملنا الفرح و الحمد لله الفرح انتهى على خير و جاتلى حماتى توصينى الوصايا ال 10 ع بنتها وروحنا و أول م وصلنا لشقتنا و أحنا على بابا الشقة لقيتها بتقولى شيلنى و قبل م تقول الكلمة كنت شايلها و داخل و قافل الباب ودى فايدة أنك تتجوز واحدة سمباتيك 65 او 70 كيلو لان ازيد من كدا هيجيلك غضروف حتما . اول م دخلنا شقتنا و ارتاحنا قولتلها فترة الخطوبة حاجة و الجواز حاجة تانية الشقة دى واقفة على عمودين انتى و انا هدفنا نعيش ف سعادة و يفضل حبنا لأخر عمرنا عشان كدا لازم نتحمل المسؤلية مع بعض نساند بعض سر بيتنا م يطلعش بره لا ماما و لابابا و لا أختى و لاصاحبتى انتى سرى و انا سرك و اهم حاجة الصراحة لو اضايقتى منى فحاجة تعالى قوليلى انا زعلانة منك عشان كذا و كذا و انا كذلك عايزين نكون صافيين مع بعض دايما دا أول هام تانى هام لا حياء ف الدين لا حياء فالعلم لا حياء الليلة و بعدين غيرنا هدومنا و اتوضينا و صلينا و دعينا و .............................. .................... و الحمد لله فاتت الليلة على خير و عبرنااااااااا |
|
|
#3 |
|
|
رد: يوميات زوج عبقرى
البارت الثالث
رن جرس المنبه و انا صحيت م النوم الاول بس حبيبتى مكانتش لسة صحيت .. وقفت المنبه و قعدت الاحظ ملامح روح قلبى و هى نايمة ... بغض النظر عن انى شوفت ملاك نايمه بس أكتر حاجة لاحظتها انها كل يوم بتحلو فـ نظرى عن اليوم اللى قبله .... وقفت عند الموقف دا و سألت نفسى سؤال ... هل هى بتحلو فعلا ؟؟!! و لا دى حلاوة الطريق الحلال ؟ .. فعشان كدا ربنا بيحليها فـ عينى ... و دعيت فـ سرى و قولت ربنا يخليهالى و ميحرمنيش منها و يديم سعادتنا .... وروحت بوستها راحت مفتحة عنيه .... قولتلها روح قلبى صباح الفل .. قالتلى ... صباح الخير يا حبيبى ... قولتلها طالعة من بؤك زى العسل .. تعرفى يا حبيتى انا طول عمرى معرفش انام جنب حد ... قالتلى .... و انا حد !! .. قولتلها .. أنتى حد و أتنين و ثلاث و اربع و خميس و جمعة و سبت و طول العمر ربنا يديينى طول العمر عشان اقدر اسعدك .. قالتلى ... ربنا يخليك ليا يا حياتى ..... قولتلها .. حبيبتى .. حان الأن موعد قضاء شهر العسل حسب التوقيت المحلى لعش الزوجية ... ابتسمت و قالتلى ... ياااه انا ياما حلمت اننا نكون مع بعض فـ جزيرة لوحدينا .. قولتلها ... ياللا بينا بسرعة مش عايزين نضيع دقيقة من شهر العسل . قومنا اتوضينا و صلينا و بعدين فطرنا و لبسنا و سبقتها بالشنط ع العربية و نزلت حبيبتى .. ركبنا العربية و طلعنا ع الساحل الشمالى قالتلى ... حبيبى مش كنا قضينا شهر العسل ف شرم الشيخ ... قولتلها ... حبيبتى شرم الشيخ مش من مستوانا يا عينى كل اللى هناك فقرا لدرجة انهم بيمشوا ف الشارع من غير هدوم .. نروح احنا هناك نعمل أيه ؟!! .... بصيتلى و ضحكت .وصلنا الشاليه قولتلها حبيبتى ... هنتصل بأهلينا دلوقتى نطمنهم اننا و صلنا وهنقفل الموبايلات طول شهر العسل مش هنفتحهم الا عشان نتصل بيهم و نقفلهم تانى ... قالتلى أتفقنا يا روح قلبى و بعدين نزلت الشنط و دخلنا نرتاحنا من السفر ... و بدأ شهر العسل . و ما ادراكم ما شهر العسل 10 ايام ضحك و لعب و جد و حب و الماء و الهوا و الوجه الحسن فاتوا بسرعة و كأنهم حلم ... عملنا فيهم كل حاجة شوفناها ف الأحلام اللى كنا بنحلمها أيام الخطوبة خلص شهر العسل ... ورجعنا عش الزوجية لنبدأ رحلة مع الحياة |
|
|
#4 |
|
|
رد: يوميات زوج عبقرى
البارت الرابع
خناقة لابد منها خلص شهر العسل بس لسة فى عسل .... اول يوم فـ الشغل بقى بعد شهر العسل و الواحد قايم م النوم عامل زى الطالب الخايب اللى مش عايز يروح المدرسة ... بس أحسن حاجة انه صاحى على صوت مراته حبيته ياسلام ع الصوت ... كروان ... صباح الخير يا حبيبى قوم ياللا عشان متتأخرش ع الشغل قوم ياللا ياروح قلبى حضرتلك الفطار و جهزتلك الحمام ... صباح الفل يا حبيبتى أيه الحلاوة دى أيه الدلع دا كله انا هاخد على كدا بقى .... قالتلى روح قلبى كل يوم من دا .... قومت اخدت الشاور بتاعى المعتاد و خرجت فطرت انا و المدام .... ياااه ... أخيرا الواحد بقى عنده مدام ... و قبل م انزل الشغل كافئت حبيبتى ع الصباح الجميل دا ... ببوسة رقيقة ... على فكرة .. أنا بنصح كل راجل غاوى سعادة يبوس مراته كل يوم الصبح قبل م ينزل شغله , اول م نزلت م السلم لقيت تليفونى بيرن .. حبيبتى بتتصل و اول م فتحت قالتلى حبيبى و حشتنى ... قولتلهامتضغطيش عليا أكتر من كدا انا نازل الشغل بالعافية يا روح قلبى انا لو عليا عايز أغمض عينى و افتحها الاقى نفسى ف البيت ... قالتلى أما توصل رن عليا يا روح قلبى طمنى عليك قولتلها .. اوك ... أول م وصلت الشغل و قبل م أدخل رنيتلها و طمنتها ... على فكرة لما حبيبتك تطلب منك كدا هى عايزة تبينلك أنها قد أيه بتخاف عليك فمتحاولش انك تاخد الموضوع على انه تأييد او تتفه منه و تقول انا لازم ادبحلها القطة ... راعيها و قدرها هتديلك عنيها و من غير م تطلبهم المهم وصلت الشغل و دخلت المكتب طبعا كل الزملاء بيباركو و يهنوا ... و من بين الزملاء طلع واحد ... قاللى الف مبروك يا عريس رفعت العلم احكيلنا بقى عن ليلة الدخلة .... قولتله طب م تحكيلنا انت عملت أيه ليلة دخلتك ... قالنا .. دانا عملت ... و عملت ... و عملت ... قولتله ... طب أنت راجل واطى و بطلع سر أهل بيتك عايزينى أبقى واطى زيك .. اه اسف انى نسبتك للرجال .. أنت مش راجل أساسا و بعد كدا أحترم نفسك و اعرف انت بتقول أيه ... المهم الزملاء سلكوا وخلص الموضوع ... خناقة لابد منها لكن نعمل ايه فى شخصيات واطية كدا لازم توقفها عند حدها ... !!! خلص اليوم و روحت البيت لروح قلبى بعد يوم غلس لكن قبل م أدخل البيت رميت اى حاجة ضايقتنى ف اليوم .. ودخلت عش الزوجية بأبتسامة لقيت حبيبتى فـ انتظارى و الاكل جاهز و ريحته واصله لأخر الشارع و دا كان معاد البوسة التانية اللى نسيت بيها اليوم بكل ما فيه |
|
|
#5 |
|
|
رد: يوميات زوج عبقرى
البارت الخامس
ازمة وعدت انهاردة الجمعة يوم الاجازة ... صباح الخير يا حبيبتى ... صباح الفل يا روح قلبى أيه اللى مصحيك بدرى كدا قولتلها حبيبتى انا رايح السوق هجيب شوية حاجات للبيت ...... قالتلى انا عايزة أجى معاك .. قولتلها .. حبيبتى السوق زحمة و مش هينفع تيجى معايا .. لو فتح الله او كارفور ممكن نروح مع بعض انما السوق لا .. و بعدين كفاية عليكى توضيب الشقة و المطبخ .... عموما اكتبيلى اللى انتى عايزاه فورقة و انا هجيبهولك . . قالتلى طب عايزين نخرج نتمشى شوية انهاردة ... قولتلها كدا كدا أنا كنت عامل حسابى اننا نخرج انهارده باليل ... قالتلى تماموز .. قولتلها طب ياللا يا حبيبتى يا لمضة نفطر عشان الحق اروح و ارجع قبل الصلاة قالتلى ماشى يا حبيبى هقوم احضر بسرعة .... فطرنا و كتبتلى عريضة الطلبات و نزلت جبت الحاجة و رجعت أخدت شاور بسرعة و نزلت صليت الجمعة وروحت كانت المدام لسة بتعمل الغدا ..قولتلها ريحة أكلك واصلة لأخر الشارع .... حبيبتى طباخة مع مرتبة الشرف ... قالتلى .. اعتبر دى مجاملة ... قولتلها لا طبعا .. كله الا اكلك تسلم أيدك يا قمر .. ياللا بسرعة حضرى الغدا عشان نتغدا و نناموا شوية و نصحى نخرج .. قالتلى .. حبيبى على م تغير هدومك اكون حضرت الغدا ... دخلت غيرت هدومى و طلعت كان الاكل جاهز اتغدينا و شربنا الشاى و دخلنا ننام شوية و بعدين صحينا ... لبست انا بسرعة و قعدت مستنيها نص ساعة على م خلصت لبسها .. قولتلها .. أموت و اعرف دا كله بتعملى أيه ؟!! قالتلى حبيبى مش أحنا خارجين .. يبقى لازم أكون أحلى و أشيك واحدة ف الدنيا و بعدين أنا عارفة أن جوزى حبيبى عينه زايغة من زمان .. فلازم أكون مالية عينه بنسبة لا تقل عن 500 % قولتلها .. مجبتش حاجة من عندى أنا أديكى قولتيها بعضمة لسانك .. من زمان و الحمد لله توبت على أديكى يا روح قلبى .. و بعدين حد يبقى معاه القمر و يبص للنجوم ... حبيبتى أنتى أحلى و أشيك و أرق و أجمل زوجة ف الدنيا .... ابتسمت و قالتلى حبيبى هنروح فين ؟ .. قولتلها اللى انتى عايزاه .. حبيبتى تحب تروح فين ؟.. قالتلى .. مممممم أيه رأيك لو ندخل سينما و بعدين نتمشى ع البحر شوية .. قولتلها .. و هوكذلك .. ياللا بينا .... نزلنا و روحنا السينما لحقنا حفلة 6.30 و لحد دلوقتى الحمد لله اليوم ماشى زى الفل و مبسوطين و أخر حلاوة ... خلص الفيلم و خرجنا نتمشى ع البحر شوية و نفتكر المواقف اللى كانت بتحصل بينا أيام الخطوبة .. و نضحك عليها ... وبينما نحن نسير فوجئت بحاجة مش لطيفة و مش وقتها خالص ... الصندوق الأسود بتاع ايام الكلية اللطيفة .. طب الواحد غير خط التليفون بس مش معقول هيغير أسكندرية كلها يعنى !! ... ببص قدامى شوفت زميلة مايصة من شلتى الفاسدة أيام الكلية ... اول م شوفتها .. قولت .. رحت ف داهية ... ربنا يستر و هى أول م شافتنى ... كأنها شافت كنز و من على بعد 5 متر لقيت اللى بتنده أسمى .... ممدوح .. مش معقول .. فينك يابنى واحشنى موووت لاحس و لا خبر و لا تليفون من ساعة م أتخرجنا كدا ... انا بتصل بيك بيدينى خارج الخدمة ! هو انت غيرت رقمك و لا أيه ؟ ... قولتلها .. هو انا غيرت رقمى و غيرت حاجات كتير معاه و الحمد لله ربنا هدانى ووفقنى و اتجوزت واحدة زى القمر ملت عينى و قلبى و عقلى و أكتفيت بيها .. احب اعرفك .. مراتى .. بصت لمراتى و سلمت عليها و قالتلى .. فعلا .. مراتك زى القمر م انت دايما تقع واقف .. و كان رد مراتى عليها ... أبتسامة صفراء مصحوبة بنظرة أحتقار من فوقها لتحتها .... ثم قالت أهلا و سهلا .. ردت المايصة عليها و قالتلها .. اهلا بيكى.. و لسة هتتكلم ... قطمت معاها ف الكلام و قولتلها ..بعد اذنك يدوبك نلحق المشوار اللى رايحينه السلام عليكم و سبناها و مشينا ... طبعا المدام وشها جاب ألوان و حسيت انها ماسكة دموعها بالعافية ... و قالتلى لو سمحت عايزة أروح ... و ياريت منتكلمش ف أى حاجة دلوقتى ... ممكن أما نروح نتكلم ... قولتلها اوك ياللا بينا .. و طول الطريق انا محاولتش اتكلم معاها ودا كان لسببين الأول : لأنى حاسس باللى جواها ف اللحظة دى . الثانى : أن أى أنسان و هو متعصب مش بيقدر يفكر لان عقله بيكون مغيب و بيفكر ف الجانب السئ فقط ف أنا أديتلها الفرصة أنها تفكر ف الموقف و تحلله بكل هدؤ عشان اما نتناقش مع بعض نتناقش بالعقل و محدش فينا يطلع منه أى كلمة تجرح الثانى . وصلنا البيت و أول م دخلنا و اتقفل الباب قولتلها ... أعملى حسابك انى مش هسيبك تنامى زعلانة منى أنهاردة و لازم أشوف أبتسامتك قبل م أنام بصيتلى .. و حنفية دموع اتفتحت ... بصراحة مقدرتش اتمالك نفسى و أخدتها ف حضنى .. و هديتها قالتلى انا مش زعلانة منك ... انا صعبت عليا نفسى لمجرد أنى حسيت ان ممكن واحدة غيرى تشاركنى فيك انا بحبك أكتر من نفسى ... قولتلها دا لا يمكن يحصل و لا يمكن أبص لغيرك مهما حصل ممكن تهدى بقى يا روح قلبى .. دموعك دى غالية عندى جدا ... ومعنديش أستعداد أنى أشوفها تانى أو أكون سبب ليها ... لو هقولك بحبك دى كلمة قليلة جدا ع اللى جوايا ناحيتك انا اللى جوايا ناحيتك م يتوصفش ف كلام و يالا بقى أدخلى أغسلى وشك لحسن أنا هموت م الجوع ابتسمت أخيرا و قالتلى ... بعد الشر عليك يا أحلى أرق راجل ف الكون كله ربنا يخليك ليا و ميحرمنيش منك أبدا . |
يوميات زوج عبقرى