ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الطبخ > حلويات و مشروبات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
حلويات و مشروبات تورتة فيونكات الشوكولاته من مطبخ الشيف مونى بالصور يوجد هنا تورتة فيونكات الشوكولاته من مطبخ الشيف مونى بالصور حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف


 
قديم 10-13-2014, 11:53 AM   #1

الشيف مونى

شيف منتدى ازياء

الملف الشخصي
رقم العضوية: 182664
تاريخ التسجيـل: Feb 2012
مجموع المشاركات: 392 

تورتة فيونكات الشوكولاته من مطبخ الشيف مونى بالصور


تورتة فيونكات الشوكولاته من مطبخ الشيف مونى بالصور

السلام عليكم ورحمة الله
مكونات الكيكة الاسفنجية:
نص كيلو دقيق سبونش فانيليا
(وطبعا دقيق الاسبونش مضاف ليه البيكنج بودر والمحسن احنا هنضيف البيض والماء ومفيهوش مواد دهنية لأنه اسفنجى)
6 بيضات كبار
نصف كوب ماء
فانيليا
مكونات الحشو:
كوب ونصف كريم شانتى خام
2 الا ربع كوب ماء بارد
3 ملعقة كبيرة حليب بودرة
2 ملعقة كبيرة كاكاو خام
5 ملعقة كبيرة سكر بودرة
(وطبعا ممكن نستبدل الحليب البودرة والماء البارد بحليب طبيعى)
وللتزيين:
ربع كيلو شوكولاته بيضاء
لولى دهبى
كريز احمر
الطريقة:
فى اناء هنحط دقيق الاسبونش

وهنحط معاه البيض والميه والفانيليا

وهنضربهم بمضرب البيض من مدة 5 ل7 دقايق متواصل لغاية مايتكاثف الخليط ويبقى قوامه كريمى ولونه ابيض

وهنحط الخليط فى صينية مدهونة


وهندخلها فرن حرارته هادية لغاية ماتستوى وطبعا كل شخص فرنه بيختلف عن التانى وهنختبر سواها قبل مانطلعها من الفرن

ونقلبها على ورق خبز

وندخلها التلاجة لمدة يوم كامل عشان لما نقسمها تبقى متماسكة وتانى يوم نطلعها ونجهز ادوات التقطيع والحشو

وانا عندى صينية تقسيم الكيكة اشترتها جديد حطيت الكيكة جواها وقسمتها ل3

وقسمنا الكيكة ل3

وهنبدأ نحضر الحشو
هنحط كل مكونات الكريم شانتى مع بعض فى اناء

ونخفقهم بالمضرب لغاية مانوصل للقوام المطلوب

ونبدأ نحشى بيه الكيكة

ونغلفها من برة بالكريم شانتى

وهنعمل فيونكات الشوكولاته للتزيين
هنجيب اى دوسيه بلاستيك بس البلاستيك بتاعه يكون قوى وهنقصه بأحجام متساوية اللى احنا هنحددها ونسيح الشوكولاته على حمام مائى ونحطها على البلاستيك اللى قصيناه ونطبقهم على بعض بالشكل ده

ونحطها فى التلاجة تجمد ولما نطلعها نستنى 5 دقايق ونشيل البلاستيك برفق عشان متتكسرش هتدينا شكل الفيونكة وبالنسبة للشوكولاته اللى فى الجنب بعد مانعمل شكل الفيونكات هنفرد بقية الشوكولاته السايحة على ورق خبز ونسيبها تجمد فى التلاجة ونطلعها نكسرها بإيدينا هتدينا شكل القطع الكبيرة وطبعا شكلها احلى بكتير من الشوكولاته المبشورة
وبالنسبة لإننا استخدمنا دوسيه بلاستيك عشان نعمل شكل الفيونكة ده عشان مفيش حاجة توقفنا لكن طبعا فى بلاستيك مخصص بيتباع فى محلات خامات الحلويات عشان نعمل بيه الاشكال اللى بالشوكولاته
وانا استخدمت الشوكولاته دى بتدى نتيجة هايلة وممكن اى نوع تانى طبعا تحبوه

بالنسبة للدقيق الاسبونش عشان فيه ناس كتير بتسألنى عنه انا بشترى السايب من محل خامات الحلويات ولو مش متوفر فى المحافظة اللى انتوا فيها ممكن تشتروا دقيق سبونش الطحان او بيتى كروكر وفيه نوع تونسى كويس اسمه فنواز كل الانواع دى متوفرة فى السوبر ماركت (طبعا انا بتكلم على داخل مصر لكن خارج مصر مش عارفة الأنواع بصراحة)
وده شكل التورتة النهائى بعد التزيين




وده شكل الحشو من جوة

يارب موضوعى البسيط ده يكون عجبكم

سويسرول بالمربى من مطبخ الشيف مونى بالصور
تارت التفاح (الطريقة الامريكية الاصلية) من مطبخ الشيف مونى بالصور
وردات التمر من مطبخ الشيف مونى بالصور
كيكة التفاح البلوريه من مطبخ الشيف موني بالصور
كنافة بالمانجة من مطبخ الشيف مونى بالصور
بنت الصحن بالبندق وعسل النحل من مطبخ الشيف مونى بالصور
ليالى لبنان بأسهل طريقة من مطبخ الشيف مونى بالصور
الباوند كيك بنكهة الليمون من مطبخ الشيف مونى بالصور
مهلبية قمر الدين من مطبخ الشيف مونى بالصور
غريبة المحلات الدايبة من مطبخ الشيف مونى بالصور
تورتة المربى والشيكولاته بلمسات الشيف مونى بالصور
صوابع زينب من مطبخى بالصور
العيش الفينو للمبتدئات من مطبخى بالصور
الكنافة العثملية بالقشطة من مطبخ الشيف مونى بالصور
محشى كرنب للمبتدئات من مطبخ الشيف مونى بالصور


 

أدوات الموضوع



الساعة الآن توقيت السعودية الرياض و الدمام و القصيم و جدة 11:36 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0