قصة قصيرة ولكن جميلة..

كان يا ما كان في قديم الزمان

، ملك عنده ثلاث بنات .حب في يوم من الايام انه يختبر حبهم اله. جاب الكبيرة وقالها**: يابا يا حبيبتي قديش بتحبي ابوك الملك .البنت من غير تفكير**: بحبك قد ما السمك بحب البحر .الملك فكر وقال في باله**: ايهو**السمك**بقدر يعيش بدون بحر .هاي البنت بتحبني كتير . وقال الها**: انا كنت عارف انك بتحبيني بس مش لهدرجة وقام اعطاها قصر كبير ومجوهرات .» **
جاب البنت التانية وسألها نفس السؤال . فقالتله**: بحبك قد ما الطير بحب السما انبسط الزلمة وكيف . واعطاها قصر جنب اختها ومجوهرات .**بعدين جاب البنت الصغيرة ( اخر العنقود اللي بموت فيها ) وسألها نفس السؤال .قامت جاوبته**: بحبك قد ما الدقة ( يعني زعتر ) بتحب الشطة .الزلمة زعل وعصب وقام لفحها كف. ومسكها من شعرها وزتها برة القصر.وما رضي يسمع منها ولا نص كلمة .**البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة .**ودارت الايام ومرت الايام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة دور على المرافقين .*ولا هم هون . طب الحرس . فص ملح وداب ؟؟؟ .
ضل الملك يمشي ويمشي لغاية ما لقي هالكوخ لصغير . قال بفوت برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة . مرته مش خافي عليها الصوت . قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟
واضحة بنت الملك الصغيرة .**بدت تشتغل بالجاجات وخطر على بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله**: اتفضل يا عمي على بين ما يجهز الاكل . الملك ميتجوع**وهو بحب الدقة ( كمان يعني زعتر ) كتير . ما بلع اول لقمة ولا صار بده يستفرغ . وصاح بالزلمة**: ولك شو هاد دقة من غير شطة ؟؟؟
كيف بتاكلوها هاي ؟؟؟؟**
وفجأة اتذكر بنته الصغيرة وصار يعيط . قاله الزلمة**:. شو مالك يا زلمة انت العاقل . كل هاد مشان شوية دقة ( زعتر يا جماعة ) هسة الجاج بخلص. راح الملك حكى للزلمة القصة . وهو خلص من هون نطت البنت وقالت**: بخ كيفك بابا ؟ عرفت اديش بحبك ؟وهيك عرف الملك قديش بتحبه بنته . وجابتله دقة بشطة . طبعا ما اكل منها ولا لقمة لانه نزل بالجاج جرد , واعطاها قصرين ومجوهرات .

بلا من تستخرج العبرة من هاد كلو

عدم التسرع والحكم؟؟

شكراا حبيبتي ع القصه

الشطه هي الحره او لا؟؟
قصه معبره بان لا نستعجل بلاحكام

تسلم ايدك

اقتباس:

المشاركة الأصلية كتبت بواسطة ♥نسمة حريه♥

الشطه هي الحره او لا؟؟
قصه معبره بان لا نستعجل بلاحكام

تسلم ايدك

صراحة مش عارفة يعني ايه الحرة :

بس الشطة تقريبا هي الفليفلة الحمراء بس سائلة download

	#2
فخآإمهہ جيزآإنيهہ	رد: قصة قصيرة ولكن جميلة.. قصة قصيرة ولكن جميلة.. عدم التسرع والحكم؟؟ شكراا حبيبتي ع القصه

	#3
♥نسمة حريه♥	رد: قصة قصيرة ولكن جميلة.. قصة قصيرة ولكن جميلة.. الشطه هي الحره او لا؟؟ قصه معبره بان لا نستعجل بلاحكام تسلم ايدك

	#4
عاشقة الاسلام هدهد	رد: قصة قصيرة ولكن جميلة.. قصة قصيرة ولكن جميلة..