السلام عليكم ورحمة الله وبركاته
النهاردة جبتلكم موضوع حلو أوى ومفيد
بصراحة يستحق النقاش
كل واحدة تكتب فى تعليق عن خطتها للخمس سنين الجايين
وأنا هبدأ
لو دخلت فصل الفائقات ان شاء الله بخطط انى اطلع الاولى ع الثانوية بنات السنة الجاية وفى اختراع فى دماغى عايزة ابدأ اشتغل عليه هو بسيط بس مفيد جدااا هحاول اغير من مظهرى يعنى معنتش هلبس ع مزاج حد بمعنى أصح هشوف زوقى أنا وألبسه هبدأ أوفر فلوس أدبق يعنى عشان تأشيرة الهجرة بعد الكلية ع طول ان شاء الله اه وقبل الدراسة دى هاخد كورس انجليزى وهاخد الاجازة الجاية كمان عشان اكون اتقنته والاجازة اللى قبل تانية ثانوى هاخد فيها كورس انجليزى تانى زى ما قلت وICDL وهشتغل ان شاء الله ع مشروع تانى تانية ثانوى عايزة بردو ان شاء الله اطلع الأولى بس مستوايا يزيد أكتر بكتيييير يعنى اسيب مساحة لذكائى أكتر بحيث ان ميكونش حد لا فى مدرستى ولا فى مدرسة تانية احسن منى عشان استحق ان شاء الله اللى انا عايزاه اممممالاجازة اللى قبل تالتة هعمل اختبارات IQ كتييير عشان أنمى ذكائى اكتر واكتر وهاخد كورس فرنساوى ان شاء الله فى تالتة عايزة اشد حيلى عشان اجيب مجموع الهندسة لو جبت المجموع اللى فى دماغى ان شاء الله يبقى فى الاجازة هاخد دورات كمبيوتر وبرمجة وهدخل جامعة زويل للعلوم والتكنولوجيا بحيث انى أدرس تكنولوجيا صح وناوية اشد حيلى عشان ان شاء الله اطلع الاولى ع الدفعه فى السنتين اللى باقيين من الخمس سنين طبعا مع التخطيط للهجرة أكتر بشكل صح ومع الاهتمام بمشاريع وابتكارات اشتغل عليها عشان ناوية ان شاء الله فى خلال الخمس سنين دول اكون جاهزة لأنى أخد براءة اختراع
دى خطتى للخمس سنين دول
اه واطلع الاولى ع الجمهورية ان شاء الله فى تالتة ثانوى
ودلوقتى بقى دوركم يللا مستنية أشوف ردودكم
#2
~عائشة~
رد: موضوع يستحق المناقشة
موضوع يستحق المناقشة
ما شاء الله ما شاء الله عليك طموحاتك عااليه جدا
ربي يوفففققكك ويحقق كل الي بتتمنيه
اتمنالك النجاح الدائم