رد: مواقفنا الحلوة/ايام الدراسة
مواقفنا الحلوة/ايام الدراسة
ههههههههههه
مره كانت ريحه الصف لواعه خايسه مدري البنات مايتبحن ولا وشو
المهم عاد انا رئيسه ( قائدة ) الصف المهم قلت حق بنت روحي جيبي
دخون ( بخور ) قمت وبطلت كل الدرايش ( الشبابيك ) المهم وشغلت المراوح فل
ترا عدنا مراوح فالمدرسه بس شي مكيفات .. انزين يابت البنت الدخون وقمت
ودرت على الصف كامل ماخليت بقعه الى وانا مدخنتنها عاد يوم شفت الصف
استوى كله دخان خليت البنت ترجعه وسرت خفيت علمراوح وقل حق البنات
سكرن الدرايش خلاص عشان الريحه ماتطلع ه هههه بغيت اخنقهن من الريحه
المهم في دريشه ماطاعت تسكر معلقه عاد قامت البطله الي هي انا تسكرها
وكانت بنت يالسه عدال الدريشه عاد قمت ومطيتها بكل ماعطاني الله من قوه هههه
شويه الا طاحت الدريشه ما قدرت امسكها ثقيله عنبوه انزين انا مادري كيف ماشفت
البنت بعدين سألتها طاحت عليج قالتلي لا شليت الدريشه وياي وحطيتها عطاولت الابله
الين ما تيي الابله واخبرها انه الدريشه طاحت المهم شويه الا يقولولي البنت يالسه تصيح
رحتلها قلتلها يعورج << بله يعني طاحت الدريشه الثقيله وعلى راسها وما يعورها ..
المهم ماردت عليي .. يت ( جت ) الابله قلتلها الدريشه طاحت على فلانه الابله خافت
قالت حق البنت تروح تغسل وتشوف جان طلع دم قالت حد يسي وياها عاد انا حسيت
ضميري يأنبني ورحت وياها احمدلله ماطلع شي دم بعدين رحنا عند الاخصائيه وقلنالها
السالفه طبعا بدون ماخبرهم اني انا الي عاقتنها ولحسن حظي البنت خجوله ههه
المهم كل الابلوات خافن اتصلت على اهلها وشلوها المستشفى وطلع فيها شي
فرقبتها بس الحمدلله ما صار شي على مخها والحمدلله البنت الحين سليمه معافاه
مابيها اي مكروه ههه وأسأل الله ان تسامحني هالبنت على فعلتي الشنيعه
ولو انها مسامحتني :)
وبس هذا كان موقفي
|