ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الطبخ > حلويات و مشروبات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
حلويات و مشروبات تورتة عيد ميلاد بسيطة وشيك بجناش الشوكولاته للمبتدئات من مطبخ الشيف مونى بالصور يوجد هنا تورتة عيد ميلاد بسيطة وشيك بجناش الشوكولاته للمبتدئات من مطبخ الشيف مونى بالصور حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف


 
قديم 11-18-2015, 11:34 AM   #1

الشيف مونى

شيف منتدى ازياء

الملف الشخصي
رقم العضوية: 182664
تاريخ التسجيـل: Feb 2012
مجموع المشاركات: 394 

تورتة عيد ميلاد بسيطة وشيك بجناش الشوكولاته للمبتدئات من مطبخ الشيف مونى بالصور


تورتة عيد ميلاد بسيطة وشيك بجناش الشوكولاته للمبتدئات من مطبخ الشيف مونى بالصور

السلام عليكم ورحمة الله
عملت تورتة عيد ميلاد بسيطة تقدرى تعمليها فى اى مناسبة بسهولة
مكونات الكيكة الاسفنجية:
5 بيضات كبار
فانيليا
كوب سكر
2 كوب دقيق ناقص معلقتين كبار
ملعقة ونصف صغيرة بيكنج بودر
2 ملعقة كبيرة كاكاو خام
(وطبعا الكيكة الاسفنجية مفيهاش حليب او اى مادة دهنية زى زيت او سمنة)
مكونات الحشو:
800 جرام شوكولاته مقطعة
400 مللى فريش كريم
مكونات التغطية:
كريم شانتى وهنحتاج لعمله:
كوب ونصف كريم شانتى خام
كوب ونصف حليب بارد
5 ملعقة كبيرة سكر بودرة
2 ملعقة كبيرة كاكاو خام
جناش وهنحتاج:
450 جرام شوكولاته مقطعة
200 مللى فريش كريم
وانا حبيت اعمله تقيل شوية بس الاساسي فى الجناش ان كمية الشوكولاته تبقى ضعف كمية الكريمة
وللتزيين:
كريز احمر
شوكولاته احجار
شوكليت شيبس
لولى الوان
لون طعام دهبى
وطبعا التزيين حسب رغبتكم
الطريقة:
اول حاجة هنعمل الكيك
فى اناء هنحط البيض والفانيليا

ونضربهم بمضرب البيض لمدة متقلش عن دقيقتين

وهيعملوا رغاوى ونضيفلهم كوباية السكر

ونضربهم على اعلى سرعة لمدة متقلش عن 10 دقايق متواصل

لغاية الخليط مايبقى لونه فاتح ويتكاثف وكريمى ويعمل علامة زى الشريط او رقم 8 لما نشيل من عليه المضرب


وهنضيفله الدقيق والبيكنج بودر والكاكاو بعد ماننخلهم


وهنضربهم بالمضرب لغاية ماتتجانس المكونات وهنحط الخليط فى صينية مبطنة ورق خبز مقاس 40 وممكن حجم صينية اصغر عادى

ودخلتها فرن حرارته منخفضة لغاية ماإستوت واختبرتها وطبعا كل فرن بيختلف عن التانى عشان كده مكتبتش درجة حرارة الفرن
ودى اسهل طريقة ممكن تعملوا بيها الكيكة الاسفنجية فى البيت وبيبقى طعمها حلو جدا زى اللى فى المحلات

وانا عملت 3 كيكات فهكرر اللى فات مرتين وطبعا نقدر نعمل كيكة واحدة ونقسمها ل3 طبقات بس انا معنديش صينية الحجم ده غير صينية السويسرول فمكانتش ينفع تاخد كمية اكبر من دى
وهنحط الكيكات لى ورق خبز ونحطهم فى مكان بارد ممكن خارج التلاجة عشان احنا فى شتا

وهنعمل جناش الحشو هنحط الفريش كريم فى كسرولة

ولما يغلى نطفى ونضيفله الشوكولاته المتقطعة واستخدمت
الشوكولاته دى


ونقلبهم لغاية ماتدوب الشوكولاته

وهندخله التلاجة عشان يجمد وتانى يوم طلعته عشان ابدأ احشى الكيك لقيته جمد والمرحلة اللى وصلها دى هى اللى بنعمل منها التروف الفرنسى(ان شاء الله هعمله فى موضوع منفصل)

وطبعا لإن الجناش جامد فمش هعرف استخدمه بالشكل ده فضربته شوية بالمضرب عشان يلين

وبدأت احشى الكيكة

ووزعته عليها بالتساوى




تاااااااااااااابعونى
هكمل المشاركة الجاية

شوكليت كيك بأسهل وألذ صلصة شوكولاته من مطبخ الشيف موني (يوتيوب)
العيش الفينو للمبتدئات من مطبخى بالصور
حلاوة الجبن السورية من مطبخ الشيف مونى بالصور
كوكيز الشوفان والشوكليت شيبس من مطبخ الشيف مونى بالصور
الباستا فلورا بالمربى من مطبخ الشيف موني (يوتيوب)
قطايف سورية بالقشطة من مطبخ الشيف مونى بالصور
ايس كريم الكيوى من مطبخ الشيف مونى بالصور
صينية القرع العسلى بالكريمة من مطبخ الشيف مونى بالصور
كنافة مبرومة بالفستق زي اللى بتتباع فى المحلات من مطبخ الشيف مونى بالصور
الكريب الحلو والحادق من مطبخ الشيف مونى بالصور
تورتة الفراشة من مطبخ الشيف مونى بالصور
وردات التمر الهشه بعجينة الزبادي من مطبخ الشيف موني (يوتيوب)
تورتة بصوص الشوكولاته البيضاء والفراولة للمبتدئات من مطبخ الشيف مونى بالصور
بسكويت جوز الهند من مطبخ الشيف موني بالصور
لفائف القشطه بالفستق وعسل النحل من مطبخ الشيف موني بالصور


 
قديم 11-18-2015, 11:35 AM   #2

الشيف مونى


رد: تورتة عيد ميلاد بسيطة وشيك بجناش الشوكولاته للمبتدئات من مطبخ الشيف مونى بالصور


تورتة عيد ميلاد بسيطة وشيك بجناش الشوكولاته للمبتدئات من مطبخ الشيف مونى بالصور

وبعد مانحط اخر طبقة كيك اللى هى رقم 3

وهنساوى الأطراف بالسكينة

وهنجهز الكريم شانتى عشان نغلف الكيك
فى اناء هنحط كل المكونات مع بعض

ونضربهم بالمضرب لغاية ماتتجانس المكونات والخليط يبقى متماسك

ونغلف الكيكة ونساويه عليها كويس


ونجهز جناش التغطية هنعمله زى ماعملنا جناش الحشو بس كل الفرق ان الكمية اقل ومش هنسيبه يجمد
فى كسرولة هنحط الفريش كريم

ولما يغلى نطفى النار ونضيفله الشوكولاته المتقطعة

ونقلب الشوكولاته لغاية ماتدوب

ونسيب الجناش يهدا 5 دقايق وننزل بيه ع الكيك

لغاية مايغطى كل الكيكة والجوانب ونسيبه يبرد ويثبت ع الكيك
ونكمل بقية التزيين
هنسيح شوكولاته على حمام ميه ونفردها ع ورق خبز

وجبت شكل مربع وضغطت بيه ع الشوكولاته وهى لسه طرية وشلته لما نشفت عشان يبقى عندى شكل مربع اكتب عليه

وعملت اشكال بالبلاستيك من الشوكولاته عشان ازين بيها التورتة من فوق

وزينت التورتة ع الوش حطيت اشكال الشوكولاته وكريز وشوكليت شيبس واللولى وشوكولاته احجار وفى الجناب عملت خطوط رفيعة بالكريم شانتى وحطيت بينهم شوكولاته احجار ورشيت عليهم لون الطعام الدهبى
والكيك اللى قطعناه لما ساوينا التورتة طبعا مرمتهوش ضفتله الجناش والكريم شانتى اللى زادوا وخلطهم مع بعض وعملت كيك بوبس عشان مفيش حاجة تترمى من المواد اللى هتزيد عندنا
وده شكل التورتة النهائى











يارب تكون عجبتكم

كب كيك النسكافيه احلى من اللي في المحلات من مطبخ الشيف موني بالصور
كيكة الجزر من مطبخ الشيف مونى بالصور
طريقة وافل بالنوتيلا بدون ماكينة من مطبخ الشيف موني بالصور
شوكليت كب كيك زى اللى فى المحلات من مطبخ الشيف مونى بالصور
الكحك المصري بالعجوه من مطبخ الشيف موني بالصور
العيش الفينو بعجينة العشر دقايق من مطبخ الشيف موني(يوتيوب)9
حصريا من مطبخى البالميه بعجينة البف باسترى بالصور
ايس كريم الشوكولاته من مطبخ الشيف مونى بالصور
الفطير السويدي بالفستق وعسل النحل من مطبخ الشيف مونى بالصور
فطاير مبرومة بالسكر من مطبخ الشيف مونى بالصور
عيش الشيبسى من مطبخى بالصور
البتيفور للعيد من مطبخ الشيف مونى بالصور
تورتة الفاكهة والشوكولاته للمبتدئات من مطبخ الشيف مونى بالصور
تورتة نجوم الشوكولاته من مطبخ الشيف مونى بالصور
صوابع زينب من مطبخى بالصور


 
قديم 11-18-2015, 06:31 PM   #3

اميمة حلوة


رد: تورتة عيد ميلاد بسيطة وشيك بجناش الشوكولاته للمبتدئات من مطبخ الشيف مونى بالصور


تورتة عيد ميلاد بسيطة وشيك بجناش الشوكولاته للمبتدئات من مطبخ الشيف مونى بالصور

ما شاء الله كتير بشهي
يعطيكي العافية على مجهود رائع

 

أدوات الموضوع



الساعة الآن توقيت السعودية الرياض و الدمام و القصيم و جدة 12:53 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0