غريبه بالفستق من مطبخ الشيف موني بالصور

06-24-2016, 04:37 AM

السلام عليكم ورحمة الله
كل سنه وانتوا طيبين من النهارده ان شاء هبدأ انزل وصفات العيد وهبدأ بالغريبه
المكونات:
3 كوب دقيق
2 كوب سمنة بلدى(استخدمت سمنة الحلوب وبتكون فى حرارة الغرفة ولو طالعة من التلاجة بردو ممكن نشتغل بيها مفيش مشاكل)
كوب سكر بودرة
نصف كوب فستق
الطريقة:
فى اناء هنحط السمنة والسكر بودرة

وهنضربهم بالمضرب الكهربائى لمدة 5 دقايق او اكتر لغاية مايدوب السكر فى السمنة والسمنة يبقى لونها ابيض وقوامها كريمى ويتضاعف حجمها

ونضيفلهم الدقيق بالتدريج

ونلم العجينة بايدينا والعجينة لازم تبقى طرية وكتلة واحدة يعنى لو اخدتى قطعة تكوريها ولقتيها اتفرتت منك تبقى العجينة ناشفة وانتى زودتى الدقيق ووقتها لازم تزودلها سمنة عشان تبقى طرية وتتشكل معاكى بسهولة وطبعا الغريبة الصح مفيهاش بيكنج بودر ولا نشا ولا بيض(الطريقة الاورجينال) والاحسن تتعمل بسمنة مش بزبدة عشان تبقى انعم

هنبدأ نشكلها هناخد قطعة نكورها ولازم تفضل فترة فى ايدك ده بيخليها متماسكة لما تدخل الفرن ومتتشققش يعنى تعجنيها فى ايدك

ونرصها فى صينية على ونضغط عليها بالفستق

وندخلها فرن حرارته متوسطة لغاية ماتستوى وهى مش بتقعد كتير فى الفرن لو قعدت كتير هتقرمش ومش هتبقى بالنعومية المطلوبة بس لازم تطلع من الفرن لونها ابيض فهنختبر سواها كل شوية ولما تلاقوا ظهرها بقى لونه وردى زى كده طلعوها من الفرن

وده شكلها بعد ماخرجت من الفرن طعمها احلى من غريبة المحلات ناعمة جدا وبتدوب فى الفم

وبالهنا والشفا

06-24-2016, 04:34 PM

كَـآلْعَأدَة أبدَآعْ رَآئِـعّ
وَطَرْحّ يَسْتَحّقْ ألمّتَآبَعَةةّ
شُكّـرَاً لَكـِ
بَأنْتِظَآرْ الْجَدِيِدْ ألقآدَمْ
دُمْتِ بّكلْ خِيَرّ

07-23-2016, 05:10 PM

تسلم اديك حبيبتي

06-24-2016, 04:34 PM	#2
♥ פــﻟاۆھَہّ ﻗ̮ـ̃طـﻧـ ♥ ™	رد: غريبه بالفستق من مطبخ الشيف موني بالصور غريبه بالفستق من مطبخ الشيف موني بالصور كَـآلْعَأدَة أبدَآعْ رَآئِـعّ وَطَرْحّ يَسْتَحّقْ ألمّتَآبَعَةةّ شُكّـرَاً لَكـِ بَأنْتِظَآرْ الْجَدِيِدْ ألقآدَمْ دُمْتِ بّكلْ خِيَرّ

07-23-2016, 05:10 PM	#3
فخآإمهہ جيزآإنيهہ	رد: غريبه بالفستق من مطبخ الشيف موني بالصور غريبه بالفستق من مطبخ الشيف موني بالصور تسلم اديك حبيبتي