ازياء, فساتين سهرة

العودة   ازياء - فساتين سهرة و مكياج و طبخ > أقسام عامة > قصص و روايات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
قصص و روايات هذا ما جنتة نفسى {الجزء الثامن} يوجد هنا هذا ما جنتة نفسى {الجزء الثامن} روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية


 
قديم 04-30-2009, 12:08 PM   #1

@صمت المشاعر@

عضوة شرفية

الملف الشخصي
رقم العضوية: 14107
تاريخ التسجيـل: Apr 2008
مجموع المشاركات: 45,654 
رصيد النقاط : 0

هذا ما جنتة نفسى {الجزء الثامن}


هذا ما جنتة نفسى {الجزء الثامن}

كانوا يالسين في المقهى ويدقون سوالف وكل واحد منهم ميود الشيشه وقاعد يدوخ..
خالد: ههههه افهم من كلامك انك تقريبا يبت راسهاا يا بو عسكور
سعيد: هههه اممم هي تقدر تقول جيه
خالد: اووووو بهالسرعه والله انك خطيييييير يا بو عسكوور قولي كيف؟؟
سعيد: ههههه والله انه البنات مال مقصه حفظتلي كلمتين ويلست اسمعها لها ..وطبعا هذا يعتمد على الاسلوب دايما خلها تفهم من اسلوبك انك واحد تخاف عليها
خالد: هي عاد انت ماشاءالله عليك خبره في هالسوالف مب انا مالت علي
سعيد: هههههه يا ريال عالاقل احسن من غيرك عندك وحده
خالد: وحده متزوجه شو ابغي فيها اففف مليت وانا اجاملها .. انا مب قاهرني غير هذا ريلها الاهبل الي هادنها ومب داري عنها يوم بتنفضح وسيرتها بيكون في لسان كل شاب بعدين خله يتحسف عالي خذاها
سعيد: ههههههه اشعليك انت المهم انك تستانس
خالد: هههه هي والله صدقت انزين قولي بعد هالكلام الي قلتلها كم تتوقع بتاخذ لين ما تتصل
سعيد: اممممم قول يمكن اليوم او باجر
خالد: يا سلاااااام علييييك صج محظووظ
سعيد: ههههههه قول ماشاءالله
خالد: ههه ماشاءالله لا تخاف عيوني مب حاره
سعيد: المهم قوم يالله خلنا نسير ميغا مول
خالد: شو تسوي اهناك
سعيد: انسير يمكن نحصل لنا وحده من هالغراشيب الحلوات
خالد: هههه بسك يا ريال انا ابغيك تفضى حق هاي عفرووو ابغيها تركض وراك
سعيد: افاااا عليك يا خلووود بتركض وراي وبتشوف بعد مب انا الي البنات يتخلون عني بسهوله
خالد: بنشوف

.............................. ..........

في بيت قوم بو خليفه ..كانت قاعده ام خليفه وخليفه في الصاله ..
خليفه: عيل عبيرووو وين
ام خليفه: راقده ردت من كليتها تعبانه
خليفه: هييه انزين عيل من اتنش قوليلها انه في واحد خاطبنها
ام خليفه: وامنوا هذا الي خاطبنها
خليفه: ربيعي فيصل
ام خليفه: هي بس البنت بعدها صغيره وتبغي اتكمل دراستها
خليفه: وشو تبغي بدراستها الريال عنده خيييير ياامي اشفيج انتي بيعيشها احسن عيشه
ام خليفه: وانت بس هالي هامنك البيزات وبس ومستقبل اختك مب هامنك
خليفه: اي مستقبل الي ترمسين عنها يا امي مستقبلها في بيت ريلها
ام خليفه: هي بس لازم انشاور البنت اول ..
خليفه: بتوافق غصبا عنها يا اميي بس عاد ابغي افتك من مسؤوليتها اشوي
ام خليفه: ليييييش هي قاعده على جبدك كله انا اصرف عليها من معاش الشؤون .. قول الا مرتك هي الي مخلصه بيزاتك مب نحن
خليفه: اوهووووو امي مايخصج في مرتي كيفها بسويلها الي هي تباااه .. والريااال هذا بتاخذه يعني بتاخذه ..
بعد ماخلص خليفه كلامه تدش عليهم موزه وشكلها توها ناشه من الرقاد ..
موزه: اشفييكم محتشرين انتوا شو السالفه
خليفه: هلا حبيبتي .. تعالي قعدي يمي تعالي
ام خليفه: ماشاءالله كل هذا نوم
خليفه: اميي اشفيج انتي .. واشلج فيها خليها ترقد قد ماتبي
ام خليفه: خلااص خلااص انا رايحه عسب ترتاح
وتسير ام خليفه حجرتها ..
موزه: قولي .. فاتحتها في الموضوع ..
خليفه: هي قلتلها وقالت بتشاور البنت اول
موزه: شو تشاور البنت بعد افاااا حبيبي والله ما هقيتها منك الحين راي البنات هو الي يمشي
خليفه: لاا والله قلتلها بتوافق غصبا عنها
موزه: افففف هي والله جان زين اتوافق ونفتك منهم ونعيش حياتنا احنا
خليفه: قصدج تفتكين منها
موزه: لا منهم منها ومن امك بعد شووو خلها تروح بيت ريل بنتها .. اشفيك حبيبي انا ابغي اعيش انا وياك في هالبيت بس ابغي احس اني حره
خليفه: والله ماادري شو اقولج يا موزه بس مب حلوه اقول حق الريال اذا تبغي تاخذ البنت لازم تاخذ امها وياها
موزه: ليش مب حلوه .. انت اشفيك حبيبي تتحرى امك اتحبك ااااه لو تدري شو تيلس اتقول من وراك وانت محد جان ما قلت هالكلام اصلا امك مااتحبنا يا خليفه
خليفه: وشو تقول من وراي؟؟؟
موزه: اممم لاا لاا خلااص ماشي
خليفه: قوليييلي شو تقول من وراااااي
موزه: سامحني يا رب .. امممم اتقول انه ما عندك شخصيه وانه مرتك هي الي تتحكم فيك وكله تمدح اخوك سالم وتقول انه متوفق في دراسته وانه ساير بريطانيا يدرس وانت بس عندك شهادة ثالث اعدادي وبس ماابغي اكمل طبعا هذا غير الكلام الي تطلعه عني وبعد تقولي خليها تيلس عندنا
خليفه: امي يطلع منها كل هااا!!!!!!!!!!
موزه: هي عيل شو تتحراني اقص عليك حبيبي والله مابغيت اقولك هالكلام بس غصبا عني ماقدرت ايود عمري اكثر عن جيه
خليفه: فديتج والله ماادري شو كنت بسوي من دونج الله لا يحرمني منج ..ان شاء الله بسوي الي قلتيلي عليه ومن اليوم ورايح كلامج هو الي يمشي في هالبيت
موزه ((تبتسم ابتسامة انتصار)): الله يخليك لي حياتي

..............................

((اووووو ياييين مع بعض اشوفكم صرتوا على قلب واحد خلااص))
هالكلام قالته عفراء اول ماشافت ميثه وعايشه ..
ميثه: هلا .. هلا عفاري اشحالج
عفراء: تماام .. خير ان شاءالله؟؟
ميثه: خير بويهجج عفاري اشفيج يايه اطمن عليج
عفراء: انتي يايه تتطمنيين علي وهاي ليش يايه
اهني حست عايشه انه هاي اول اهانه موجهه لها وشكلها هالييه ما بتغير شي بس سكتت ولا قالت شي
ميثه: هييه هاي عايشه حليلها يوم قلتلها اني بسير عند عفراء قالت الا ايي وياج
عفراء: اهاا زين زين
عايشه: اشحالج بعد عفراء
عفراء: زينه
ميثه: اممم عفروووو اشفيج انتي ليش متغيره مب شرات قبل
عفراء: اقووول انتو شكلكم تبون تقولون شي قولوا وخلصوني تراني مب فاضيتلكم
ميثه: افااا عفاري انتي من متى جي ترمسيني؟؟
عفراء: والله عاد يوم بتين بروحج برمسج مثل ماتبين بس يوم اتيبين هالاشكال وياج اسمحيلي
ميثه تطالع عايشه وهي مفتشله منها
ميثه: بس حرام عليج يا عفراء
عايشه: خليها يا ميثه انا مب يايه اسولف معاها انا يايه اقولها كلمتين واروح
عفراء: هاااااا وصلنا خير يالله قولي الي عندج وروحي
عايشه: عفراء .. انتي تعرفين انه اخوي ماقام يرمس ويانا شرات قبل من رفضتييه والله يا عفراء حالته يكسر الخاطر ارجووج فكري في الموضوع مره ثانيه .. هذا اخوي الوحيد وما عندي غيره الله يخلييج يا عفراء صدقيني انتي بس وافقي وهو ان شاء الله مع الايام بيكون نفسه ويلبي لج كل طلباتج وكل الي خاطرج فيه بس اخوي يالس يعاني والسبه انتي يا عفراء ..
ميثه: عفراء .. اذا كان لي خاطر عندج وافقي على سيف والله انه مافي شراته نحن نعرفهم من زماان ومب كل شي البيزات ترى
عفراء: خلصتوا كلامكم؟؟؟
عايشه: هي بس يا عفراء وارجووووووووج لا ترديني ترى اخوي بخطر
عفراء((توقف وهي تأشر للباب)): برع
عايشه: شو يعني
عفراء: يعني برع انتي وياها .. هالي ناقص بعد اخذ اخوج صج ماتستحيين لج ويه بعد اتين اتقولين لي هالكلام اظاهر انج ماعرفتيني عدل يا عويييش مب انا الي آخذ واحد اي كلام مثل اخوج هذا ان شاء الله يصير فيه شو مايصير وانا اشلي .. انا الي بياخذني بيعززني وبيحطني في قصر مب في بيت شعبي ..
عايشه((بعصبيه)): بشوووف متى بيي هذاالي بيعززج ويكرمج يمكن يوم بيظهر الشعر الابيض في راسج وبيطيحن ضرسج ..
ميثه: عاااايشه
لكن عايشه تطلع من البيت وهي معصبه وتبند الباب بالقووو
عفراء: وانتي بعد يالله وراها
ميثه: افااا يا عفراء انا بعد
عفراء: هييه انتي بعد انا ماادري كيف سمحتي لنفسج ترابعين هالاشكال
ميثه: والله هالاشكال ماشفت منهم الا كل خير
عفراء: عيل انا مايشرفني اعرفج يالله برع
ميثه: ان شاء الله طالعه يا عفراء بس انتي الخسرانه في النهايه
وتطلع ميثه من البيت .. شكلها عفراء بدت تتخلى من الكل ..
واتيها ام احمد في الصاله ..
ام احمد: ها راحوا الجماعه امي
عفراء: هي راحوا راحت روحهم
ام احمد: بسس لا تدعين عليهم اشفييج جي شو سوولج
عفراء: اوووه امي انا طالعه فوق بسير ارقد
ام احمد: تعااالي وين رايحه قوليلي اشفييج
راحت عفراء وماردت على امها .. ما صدقت توصل الحجره على طول حطت راسها عالشبريه ..
عفراء: افففففففففففف ما بغيت افتك منهم .. ياييين يبوني آخذ سيف الحافي المنتف هالي ناقص بعد .. اااه يا سعييد والله انك ماخذ كل تفكيري .. فيك كل الصفات الي كنت احلم فيها ..
عاد وهي مب حاسه بعمرها تاخذ موبايلها والكرت وتدق على رقم سعيد .. بس على طوول تسكر وترد مره ثانيه تدق على رقمه وتسكر .. وهي تقول في خاطرها: اووووو هالمره بتصل والي فيها فيها .. تاخذ موبايلها وتدق على رقمه وهالمره عاد طولت لين مارد ..
سعيد: الوو
عفراء((مستحيه)): سلام عليكم
سعيد: وعليكم السلام امنوا؟؟
عفراء: افااا ما عرفتني
سعيد: لا والله ما عرفتج امنوا
عفراء: انا عفراء
سعيد: اففففففففف والل من امس وانا اترياااج يا ربيي واخيرا اتصلتي
عفراء: ههههههه
سعيد: فديييييت هالضحكه انااا
عفراء((مستحيه)): ...................
سعيد: والله من شفتج امس وانا كله افكر فييج ماادري شو استوى فيني اول مره وحده اتأثر فيني جيه اتصدقين امس بالليل موول ما نمت كله من التفكير خلااص انا متأكد من شعوري واتأكدت اني احبـــــــــــــج..
عفراء:.......................
سعيد: الله يخلييج لا تمين ساكته يا عفراء ارمسي قولي شي عشان ارتاح
عفراء: مااعرف شو اقول
سعيد: فدييت هالصوت انا
عفراء: هههههه سعيد بس
سعيد: يا حلوو اسمي على لساانج ياااااااي والله رديتي الروح فيني
عفراء: امممم سعيد .. انت صج تحبني؟؟
سعيد: واموووت فيج بعد ...من حقج اتشكين والله انا ماالومج بس صدقيني انا مو بس احبج انا اتنفس هواج
عفراء: يا سلاااام كلامك عسل
سعيد: انتي العسل والله
عفراء: ههههههههه
سعيد: الله لا يحرمني من هالضحكه ولا يحرمني منج ويخلينا لبعض طول العمر
عفراء: ان شاء الله ..

.............................. .....

عايشه كانت يالسه في الصاله عند امها وهدتها بعد ماعرفت بالي صار في بيت قوم بو احمد والي سوتها عفراء .... لانها كانت راده البيت وهي معصبه عليها .. وكانت يالسه اتكلم عبير في التلفون ..
عايشه: والله ما تتصورين اشقد كارهتنها ماادري شو تتحرى عمرها متكبره
عبير: انتي الغلطانه لانج سرتيلها
عايشه: شو اسوي يا عبير والله لو تشوفين حالة اخوي جان عذرتيني
عبير: الله يعيينه ماعليه بس هو لين الحين منصدم وماتوقع انها بترفضه ان شاء الله باجر بياخذ وحده احسن عنها
عايشه: ان شاء الله يا عبير الله يسمع منج
عبير تسمع دقات الباب ..
عبير: عواش لحظه .. امنوا
ام خليفه: تعالي ابيج
عبير: ان شاء الله امي بييج الحين .. الوو
عايشه: شو بتروحين؟؟
عبير: هي امي تباني برد اتصلج عقب
عايشه: اوكي بااااي
عبير: بااااي
وتنش عبير من سريرها وشكلها توه ناشه من الرقاد وعلى طول كلمت عايشه والحين سايره اتشوف امها شو تبا منها ..
عبير: هااا اميي
ام خليفه: تعالي يا بنيتي ابغيج في موضوع ..
عبير: آمري
ام خليفه: اخوج اليوم قالي انه في واحد متقدم لج وابغي اعرف رايج

هل بتوافق عبير والا بترفض .. بنعرف هالشي في الجزء التاسع

 

أدوات الموضوع



الساعة الآن توقيت السعودية الرياض و الدمام و القصيم و جدة 04:14 PM.

 

Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0