 |
  |
|
|
|
|
#1 |
|
:: كاتبة مميزة :: |
ا خيرا دخلتو تكسرت ايديني وانا اكتب لأن مواضيعي دايم انقلها بس هذا الموضوع لا انا كتبته بأسلوبي وع الله تفهمون وطبقون ياحبايب ..
اولا افتتح موضوعي بـ ,,, بسم اللهـ الرحمن الرحيم ,,, اخواتي وحبيباتي بمنتدانا الغالي > ازيـــــــــــــــــــاء< كــل عـام وانتـم الى اللهـ اقــرب و مباركـ عليـــكم الشهــر في البدايه حبيباتي بتكلم بشكل عفوي وبعيد عن التكلف والمبالغه عشان اوصلكم فكرتي سيـــــــــــدا ( على طول) ماعندي موضوع معين بس بخليه شامل للي يطري ع بالي بخصوص رمضان ابدئها اولا ب ( الصـدقــات ) : وانتي بيتك تسوين الصدقه والله ياأجره كبير عند ربك لا وبعد برمضان شـــــي والله ..... تبين تصدقين يابعد تسبدي عندي لك كم طريقه حلــوه وسهله بس ماعليك إلا تروحين ابوريالين أو محل رخيص بالأصح وتجيبن الأشياء اللي بقولك عليهن عشان ماتكلفين وتقولين ييييه مشوار وش اللي يوديني وبيكلف وووو الخ الطريقه الأولى روحي للمحل وجيبي كراتين مناديل ( فاين ) كبير ومناديل صغير حقات الجيب ، و كرتون عصير مجموعه حقات المدارس أو الافضل ماء ، وأكياس لحم متوسط الحجم ، وكرتون تمر طلعيه من فريزر يالغلا الطريقة بارك الله فيك : حطي او ( ضعي داخل كل كيس علبة ماء وحده و مناديل صغير و5 حبات من التمر اوسبع او9 المهم صيبي السنه الوتر بالأعداد الفرديه بالتمر وغلفي الكيس الله لايهينك يالغاليه ,, وسوي 20 كيس المهم فضي الأغراض اللي جبتيها وأعطي اخوك ولا ولدك يعطي العمال اللي بالشارع منهم يفطرون عليهم يوميا طلعي بعض الاكياس ووزعيهم وبالتالي كسبيتي اجــــــــــــــر يالغاليه اطعام صائم . 2_ جيبي علب فاين كبيره واعطي ولدك ولا اخوك يوديهن للمسجد ( الله اكبر تعتبر صدقه ولك الأجر بارك الله فيك 3_ اكيد انتي برمضان قاعده بالمطبخ ان مو كل النهار ثلاث ارباعه ياعمري كثري كمية صنف واحد على اساس انك بتصدقين فيهن وحطية بصحن بلاستيك وخلي أحد من اهلك يوديه لمساجد افطار صائم او المسجد القريب يمكم او عطوه عامل ( كسبتي اجر افطار صائم ) 4_ روحي للمكتبه واشتري مطويات دينيه أو اعمليها عندك بالكمبيوتر ع البرامج اللي عندك بس تأكدي من مصادرها الشرعيه السنيه واطبعيها 10 نسخ او50 او 100 بما تجود به نفسك وعطيها اخوك ولاصديقه لك تعمل بالمستشفى توزعها او تحطها بغرفة الانتظار ياقليبي . 5_ ضعي صندوق صغير في بيتك وقولي لبزرانك ( اطفالك ) يحطون فيه يوميا او ع حسب ريال ريالين اللي هو وفي نهاية رمضان طلعيها عشان تصدقين فيها وعدي المبلغ انتي واطفالك عشان تغرسين فيهم حب الصدقات واعطي كل طفل عندك مبلغ منه وشاوريه ( عايز تعمل فيها ايه تشتري خبز للفقير ولا لبس للعيد ولا العاب ولا ووو) صــــــــــراحه ام مثاليه والله تكونين لمستي فيهم اشياء كثيره وكذا وخلصــــــــــنا من موضوع الصدقات ............................ اوووه تعبت وانا اكتب بس اتمنى اني افدتكم يالغاليات والله الله بالعبادات والبعد عن المسلسلات اااااااااخ من المسلسلات والله دمرت بناتنا وشبابنا صدق غزو فكري حتى علينا ياكبار بليز شيلو الدش وخليكم فقط مقتصرين ع البرامج الدينيه لنستفيد ترى كلها ثلاثين يوم ومفارقين رمضان يعني الصبر والاحتساب عزيزاتي , خاصة حنا يالسعوديين بإجازه مخربطين وقتنا ليلنا نهار ونهارنا ليل ,, اوجه كلامي لك كأم ولك كأخت كبيره وعاقله من الأن ابدائي مع ابنائك رغبيهم بصلاة الترويح وقراءة القران ع الاقل يوميا جزء والله الله بكظم الغيظ والصبر وخاصة لك ايتها العزيزه اذا لك مشكله مع احد من اقربائك بليز ياعمري اصفحي وتسامحي لاتقولين انا مظلومه معليش منتي احسن من محمد علية السلام في تحملة للأذية ع قولتهم ( يابخت من نام مظلوم ولا ظالم ) ,, يعني اذا بنتك ياأمي لها مشكله مع زميلتها مع زوجها مع عمتها او خالتها كلميها بكل هدوء وعلميها عن فضل الصبر والحلم وكظم الغيظ خاصة برمضان في حديث فيما معناه ان في رجل اشتكى للرسول من بعض اقاربه يوصلهم ويروحلهم وهو مايوصله بس تدرون وش قال حبيبنا محمد ماقاله اتركه , طنشه مصيره يلحقك لالالا إلاقال عليه الصلاة والسلام روحله واوصله ( فيما معناه) ,,, والله يصلح النفوس . الحين بضربلكم ع الوتر الحساس : خاصه حنا كبنوتات ياحبنا للدجه والهوذله بهالأسوااااااااق بس نشري مانمل ولانكل يهبو علينا طيب خلونا نفكر شوي بعين العقل ,, طيب شرينا وشرينا ونقهرت من قميص بنت خالتي وطبيت بالمحل واشتريت مثله وعجبتني سلسله معلقه ع رقبة بنت اخوي وع طول سيدا يبه عطن قروش ابشتري واشتريتي ,, طيب والنهايه دفيتي الدولاب بالملابس وادراجك ماتصكك من شنطك واكسسوارتك وبعديـــــــــــــــــــــــــ ـــن فكرتي بأهل السنه بالعراق ماهمهم لالبس ولاكشخه ولا اهل غزه المحاصرين ماعندهم اللي ياكلونه بهالرمضان ولا المسلمين الصينيين اللي يتذبحون هناك والله اعلم بحالهم ,, لوحطينا قيمة شنطه ولا ع الاقل قيمة شباصه حولتيها ع حساب الشيخ السميط للتبرع فيها ,,,, المهم لالالالا للاسراف والبذخ بالملابس واغراض العيد هذا اللي حبيت اوصله يالغاليات ملاحظه / احس اسلوبي اسلوب عجايز ع الله يعجبكم , بس يالله مومشكله لازم نذكر بعضنا ..... ااخ يايدي بس خلصنااااااااااااااااااااااا والنهاااااااااااااااااااااايه كل عام وانتم بخير و إلى الله اقرب اختكم ومحبتكم / حــــــــــــــــــــــــــور |
|
|
#2 |
|
|
رد: اووه رمضان جاء بسرعه ادخلو بخاطري شي مهم بقوله
لا يا اختي اسلوبك حلو وواضح انه طالع من القلب وهذا احسن شي
جزاكي الله خير والله يقدرنا على صيام وقيام رمضان على الوجه الذي يحبه الله ويرتضيه |
|
|
#3 |
|
|
رد: اووه رمضان جاء بسرعه ادخلو بخاطري شي مهم بقوله
الله يسلم ايديكي وعينيكي على هالموضوع الرائع وجزاك الله خيرا
وافكار ما كانت على بالي نورتيني فيها الله ينور حياتك وتسلمي وكل عام وانت بخير |
|
|
#4 |
|
|
رد: اووه رمضان جاء بسرعه ادخلو بخاطري شي مهم بقوله
جزاكي الله الف الف الف خير
|
|
|
#5 |
|
|
رد: اووه رمضان جاء بسرعه ادخلو بخاطري شي مهم بقوله
zenadonia
مرورك الأروع غاليتي وكل عام وانت بخير basoom الله ينور عليك يالغاليه ولاتنسيني من دعائك والشهر عليك مبارك هديل اليمن ربي يحفظك من كل شر وكل عام وانت الى الله اقرب غاليتي .............................. .. لااله الا انت سبحانك اني كنت من الظالمين |
اووه رمضان جاء بسرعه ادخلو بخاطري شي مهم بقوله لكم