بنات المدينة
يحبيبتي التخن مو عيب و لا تنحرجي من نفسك
نبا شويه سقه ياعسل
في محل اسمو فنسي عندو سبورات ماره جونان للتخان
والهي كم مره اشوف عندو ملابس جونان اتمنى اكون دبدوبه عشان اشتري منو هع
و ازا تبي فساتين سهرات للفرح
انا اقترح انك تخيطي
بصراحه الجاهز من المدينه ماانصحك بيلو حتلاقي ميه وحده لابسه زيك
و اغلب الجاهز شغلو كتيير مااره و انا بصراحه مااحوب الشغل الكتير احسها عفاشه << احلى ينعومه
بس انا اشوف انو تختاري موديل عاجبك و تطبعيه و توديه عند خياط يسويلك هوا
لنو بصراحه انا دايمن المشاغل تعدملي اقمشتي و شغلها ما يكون مزبوط مره
ازا تبي خياطين كويسين و اسعارهوم كويسه قوليلي و اديكي عناوينهوم
اما ازا تبي جاهز و مالك خلق خياطه فعندك سوق في سلطانه اسمو الدخيل بلازا عندو فساتين حلوه و في مقاسات
و في سوق الكعكي عندو فساتين مااره روعه
|