1-أول دروس الفوتوشوب

**أم أيـــوب** · 06-05-2008, 01:42 AM

اهلين جميعا ان شاء الله كلكن بخير ومستعدات لاول درس معي

فقط تابعن الشرح وان شاء الله يكون ميسر ومفهوم.

اول شي لما نفتح برنامج الفوتوشوب نلاقيه بهذا الشكل

شريط الادوات على اليسار وبوكسات الالوان والليرات وغيره على اليمين

طبعا الوضعية تختلف حسب البرنامج اذا عربي او انجليزي

شخصيا اقفل جميع البوكسات واحتفظ ببوكس الليرات لان الشغل كله بيكون عليه

مع الشرح بتعرفن دوره المهم.

وايضا اخلي بوكس الهيستوري وراح اشرح لكن دوره بعدين.

المهم اخواتي مابي اثقل عليكن بشرح كل شي من البداية حتى ماتحسون بتكدس المعلومات

لكن ان شاء الله مع الدروس راح تعرفون كل مرة شي جديد.

اما درس اليوم فبسيط ان شاء الله وراح اعرفكن على كيفية انشاء عمل جديد واستعمال

اداة الفرشاة واداة الكتابة .

نفتح عمل جديد من قائمة FILE نختار New

انا اخترت ها المقاسات ولكن الحرية في التغيير

نختار اداة الفرشاة

ونضيف لاير جديد من الايقونة الموضحة في الصورة اسفل

ونختار الفرشاة اللي تعجبنا من المكان الموضح بالصورة اسفل

نضغط المثلث الصغير رقم1 بتجينا قائمة فيها فرش كثير نختار منها

واذا حجم الفرشة كبير نصغره من المؤشر رقم 2

ونروح لمساحة العمل ونعمل ضربات بالفرشاة حسب ذوقنا.

اذا حبينا نعدل الالوان ماعلينا غير نضغط المربع اللي لونه وردي

ونختار اللون اللي يعجبنا

اللون الاخضر يعتبر لون خلفية..لكن المهم عندنا في الفرشاة اللون اللي فوق.

نختار من هذي النافذة اللون حسب ذوقنا ونضغط اوكي

اذا حبينا نتراجع عن ضربة فرشاة ما عجبتنا نروح لقائمة EDIT ونختار undo

لكن المشكل ان البرنامج مايسمح لنا نرجع غير خطوة واحدة فقط,,

بس هناك حل بسيط وهو المتمثل في بوكس الهيستوري اللي تكلمت عنه في اول الدرس

وهو يعطينا فرصة اننا نلغي حتى 20 خطوة..

اذا النافذة مو موجودة عندنا بساحة العمل نظهرها من قائمة Widow ونحط علامة على كلمة History

اي خطوة نبي نلغيها ماعلينا الا نحددها في هذا البوكس وكلك يمين وديليت.

نرجع لعملنا.. الحين خلصنا من الفرشاة ونبغى نكتب اسمنا او اسم المنتدى او اي شي

نروح لاداة الكتابة

ونكتب مثلا منتدى ازياء.. بنلاحظ انه تم اضافة لير خاص بالكتابة في بوكس الليرات اوتوماتيكلي

لما نخلص كتابة نضلل اللي كتبناه حتى نقدر نعدل حجم وخط الكتابة.

الصورة اسفل توضح كيفية تغيير حجم الكتابة

اما نوعية الخط فنختارها من المكان اللي يشير ليه السهم

الحين خلصنا من البطاقة ونبغى نحفظها عندنا بالجهاز

من قائمة FILE نختار save as

ونختار الصيغة اللي عليها رقم 1 ثم اوكي اي رقم 2

بتطلع لنا نافذة نضغط اوكي وخلاص الصورة صارت محفوطة عندنا بالجهاز

هذي صيغة الصور العادية..يعني لو فتحناها مرة ثانية بالفوتوشوب بنلاقي ان الصورة

صارت لاير واحد فقط.

اما لو حبينا نحفظ العمل بكل ليراته وبكل تفاصيله في حالة اننا نبغى نرجع نعدل عليه او نضيف له شي

فنحفظه كملف مفتوح او كما يسمونه بصيغة الفوتوشوب اللي هي موضحة في الصورة اسفل

وهذي نتيجة الدرس الاول.. بسيط ومختصر حتى يكون التطبيق والشرح سهل عليكم ان شاء الله

الدرس القادم ان شاء الله بنتعلم فيه كيف نحط اطار لعملنا وتاثيرات على الكتابة حتى تظهر بشكل اجمل

اتمنى اشوف تطبيقات حلوة

واي شي غير مفهوم اطرحوه وان شاء الله اشرحه

بالتوفيق للجميع

**سندس** · 06-05-2008, 03:23 AM

تسلمين يا الغالية ام ايوب

**blackberry** · 06-05-2008, 08:57 AM

يعطيك العافية
شرح مبسط وسهل الفهم
أفدتينا يا قلبي

**أم أيـــوب** · 06-05-2008, 10:51 AM

سندس , blackberry

مشكورات على مروركن الكريم

واتمنى اشوف تطبيقات منكن

**سندس** · 06-05-2008, 02:29 PM

اهلين ام ايوب و هاذي اول تطبيق مني اتمنى يعجبك

**{}{عذب الكلام}{}** · 06-05-2008, 03:04 PM

يابعد قلبي .. مشكورة الف شكر ..

طبقت الى مرحلة فتح اللير ومارضى يفتح معي .. او اني مافهمت عليك ^__^

::::::::::::::::::::::::::::::::::

لي رجعة بعد ردك .. عشان اطبق الدرس ^_*

**miss_arts** · 06-05-2008, 03:30 PM

ميرسي كتير أم أيوب وان شاء الله بجربها الحين
يسلمو

**أم أيـــوب** · 06-05-2008, 04:00 PM

سندس... الله يعطيك الصحة على التطبيق

تمام 10\10

===========888==========

عذوبة اللير تضغطي المكان اللي يشير له السهم في الصورة

راح يفتح اللير وهو اللي مكتوب عليه لاير 1

وبعدها تختاري الفرشة اللي تبغين وتحطي الماوس على مساحة العمل البيضاء

وتضغطي راح تطلع نفس الفرشة اللي اخترتي

ان شاء الله يكون مفهوم

==========888===========

miss_arts.. منورة اختي

احتري تطبيقك

بالتوفيق للجميع

**صمت المشاعر 32** · 06-06-2008, 11:41 PM

مشكورة ام ايوب انا بحب الفوتو شوب اوى ونفسى اتعلمة بس انا مش عندى برنامج الفوتوشوب بس هحاول

اجيبة واصطبة وامشى مع الخطوات ولو ما فهمت شئ هرجعلك وان شاء الله اكون تلميذة شاطرة

مشكورة يا قلبى

**صمت المشاعر 32** · 06-06-2008, 11:42 PM