السلام عليكم ورحمة الله وبركاته
بصراحه انا عادةً ما أرد على مواضيع الفنانات والمذيعات يعني مجرد ادش اطلع على الموضوع وأرد
بـ يسلمو ولا شكراً لكن الموضوع هذا اثار تعجبي مع الشكر لـ صاحبة الموضوع على طرحه
لكن الصراحه ظلمتوا حليمه وايد ! مع اني ما احب دلعها ولا تصنعها ولا اسلوبها لكن !!! شكلها
وجمالها هذا شيء لا غبار عليه !!! ولا يختلف عليه اثنان !!!
ظلمتوها يالي قلتوا الأوروبيه احلى في شيئين اولاً صورة المذيعه الأوروبيه ألتقطت لها في اثناء
تأدية العمل وشيء طبيعي يكون ميك ابها خفيف وتظهر بـ اللوك الناعم هذا ، بينما التقطت صورة
حليمة في حفل سهره !!! وشيء طبيعي يكون ميك اب السهره ثجيل شوي !!
يعني لو يبتوا صورة حق المذيعه الأولى في حفل سواريه وقارنتوا بيكون في نوع من العدل !
(مع العلم انه ميك اب الأوروبيات بالأطنان لكن يخلون اللوك النهائي ناعم )
والشي الثاني انه حليمه بـ نفس الميك اب الخفيف اللي حاطته الأوروبيه أجمل بـ كثير لاحظوا
هاي صورتها في زياره لها لحفل أطفال السرطان في مستشفى بنك الكويت الوطني ،، اعتقد
رغم الحر والرطوبه والتعب وآثارهما على ويها طالعه قمر 14 ماشاءالله عليها .. الحين تقدرون
تقارنون صح !!
وبالنسبه لنا الخليجيات اعتقد في أنطباع خاطئ سائد عن حبنا للـ ميك أب الثجيل ،، هو صحيح
كل بيئه ومنطقه لها ثقافتها واسلوبها وطابعها الخاص اللي يميزها عن غيرها والخليج منطقه
غنيه عن التعريف فتياتها متميزات بالجمال الفخم المتميز اللي يحتاج انواع معينه من الميك أب
والألوان ورسمات العين < ماشاءالله عيونا كبيره صلوا على النبي من جذي تتفنن الفتيات في وضع
الميك اب وبشكل خاص ميك اب السهرات ..< وهذا أكثر شيء يطبقه الفنانات والمذيعات والمطربات
الخليجيات واللاتي يظهرن على أغلفة المجلات والتلفزيون يعني ممثلينا _ وعلى فكره هذا الميك اب
وبخاصة رسمة الكحل العربيه
الثقيله يفضلها اغلب الماكييريه ويسمونه ( المكياج العربي الجذاب ) في أوروبا وامريكا
وله دورات و أقراص
تعليميه خاصه_
والأعتقاد السائد كما قلت بأنه أغلب الفتيات الخليجيات يفضلن الميك اب الصارخ فـ هو ليس صحيح
ويرجع للذوق الخاص لكل بنت في اختيار لوكها ومكياجها سواءً حبته ثجيل او ناعم .. <
هذا بالنسبه
لـ عامة البنات الخليجيات اللي مايمثلونا في الأعلام ولا حد يدري عنهم في بيوتهن ^_^
وسامحوني على الأطاله لكن يليت تكون عندنا ثقه اكبر بأنفسنا وجمالنا كـ عربيات ..
تقبلوا مروري
رد: شوفو الفرق بين اجمل مذيعه اوروبيه واجمل مذيعه
