لما مدح زوجها البنانيه شوف ايش ردت عليه

11-14-2009, 01:29 AM

a"]السلام عليكم ورحمة الله وبركاته

كيفكم صبايا انشاء الله تكون باحسن الاحوال
طبعا انا جديده في هذا المنتدى الرائع واتمنى تقبلوني "]

"]تنهد محمد بشدة و هو يقود السيارة و بجانبه زوجته ..
وسألها ' شفتي ذيك اللبنانية اللي في المحل وشلون تحاكي الرجال اللي معها؟؟
تهقينه رجلها ولا مخاوتيه؟؟

إلا رجلها شايفته يوم يلبس الولد جزمته بعد ما قاس عليه البنطلون

.

تجاهل ملاحظتها بالنسبه للتلبيس و تسائل بغباء:
وشلون؟؟
وش قصدك ..وشلون؟؟
ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح آلبي.
وش يضركن يا السعوديات لو تسوون مثل هالأجنبيات..
لطافة و شياكة وحكين يالله من فضلك

أولا :لو أقول لك ياحبيبي في المحل وطيت رجلي ..
ثانيا: الحريمه لابسه بنطلون جينز محكك ماشفت فيه أي بادرة شياكه
و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..
ياما قاس اللبس على الولد ياما لبسه جزمته ..
ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...
مهوب مثلك إن كانك ذاك اليوم رايق و ذابحتك الرومانسية قلت إذا قضيتوا تراي واقف برا أحتريكم..

ياعمري وقلبي أنت تبي من يقول لك ياحبيبي و ياروح ألبي.. ؟ ما يحصل .. !!
اللي أوله شرط آخره نور ..شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها من باب السخرية و التهكم و لا أقصد فيها المدح إطلاقا..ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا... [ حقيقة مع اني أبنه سعودي و زوجة سعودي و أم سعودي و في يوم ما بإذن الله سأكون (جدة ) سعوديين و أفتخر بهم جميعا .)
إلا أن الشغلة فيها بجاحة شوي . لا والله مهوب شوي إلا ' بجاحة بلا حدود'
.* أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك.

صراحة ...أشك أن السالفة سالفة أنكم بحاجة لكلام ناعم و ألقاب فقط (وأدري أن كل الموضوع حجة لتبررون به حبكم للأجنبيات الجميلات فقط ).. ولا هذي فوزية الدريع طول برنامجها وهي يا عيوني و ياعيوني ..'كن منكب فيهن رماد 'و ما شفناكم مقابلين برنامجها.. القضية قضية وش شكل قائل الكلمة ؟؟
* تبي زوجتك تحترمك وتغنج لك و تقول لك سم ولبيه و انت ردك عليها 'ههااه ؟؟بمعنى نعم ' أو وش هنا ؟؟
أنا أعرف ولد في المتوسط إذا ناداه أحد رجال او أمرأه رد ' سم ' ما يدري ان يقال لها 'سمي ' ليس لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة ' سمي '

يا حليلك يالرجل ا السعودي عجيب وغريب و جرئ
*غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..و اقدامك الشطب الواحد ممكن توزي فيه سكينة

( أمتعتني قراءة هذا الكلام حقيقةً )

لكم ودي
[/COLOR][/CENTER]

11-14-2009, 03:21 AM

جد ممتع يعطيك العافية حبيبتي واهلا وسهلا بيكي نورتي المنتدى :-)

11-14-2009, 10:21 AM

الله يعفيكي يالغاليه
منور بوجوك

11-14-2009, 01:55 PM

حبيبتي هاذي مشكلة كل الرجال
بيشوفو النت و المحطات الفضائية و غيرها وبيطلبو من زوجاتهم انهم يقلدو في الوقت اللي هما ما بيكلفو نفسهم حتى كلمة حلوة للزوجة
الله يصلحهم
مشكوووووورة

01-09-2010, 02:52 PM

الله يسعدك ياشيخه ضحكتيني
من جد رجالنا يتشرطون وينسوون نفسهم
عموما مو كلهم والله في ناس ينشروون بالذهب واغلى كمان

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
"قصة إنسان"	غسق الكويت@	روايات مكتملة	62	01-25-2012 07:45 PM
صورة نادرة لسيدنا محمد صورة مرسومة	شمس الكويت	سيرة النبي وزوجاته والصحابة	5	09-24-2011 04:43 PM
موسوعه الرسل كامله أرجو التثبيت للأستفاده	بسمهـ’ـغلاآ55	سيرة النبي وزوجاته والصحابة	12	09-12-2011 06:26 PM
أبوة الرسول عليه الصلاة والسلام للبنات	قلب ناعم	سيرة النبي وزوجاته والصحابة	3	07-21-2011 04:36 AM
صفات الرسول عليه الصلاة والسلام	قلب ناعم	سيرة النبي وزوجاته والصحابة	2	07-07-2011 05:02 AM

أدوات الموضوع
مشاهدة صفحة طباعة الموضوع أرسل هذا الموضوع إلى صديق