2-الدرس الثاني في الفوتوشوب

**أم أيـــوب** · 06-08-2008, 06:41 PM

السلام عليكم ورحمة الله وبركاته

اليوم بيكون في درس وشوية معلومات عن بعض خفايا الفوتوشوب.

الدرس خاص بكيفية عمل اطار لعمل او صورة

وايضا كيفية وضع بعض التاثيرات على الكتابة

بسم الله نبدأ

نفتح عمل جديد بنفس الطريقة اللي في الدرس الاول

نختار اداة الكتابة ونكتب اي شي

بوكس الليرات بيكون بها الشكل

الحين نبغى نحط بعض التاثيرات للكتابة

نضغط على الحرف اف اللي عليه السهم عشان تفتح لنا نافذة التاثيرات

نختار اول خيار اللي عليه السهم ويعني الظل

ممكن نتلاعب في القيم حتى نحصل على اللي يرضي ذوقنا

من بعض الظل نروح لآخر خيار اللي هو وضع حد للكلام

نختار اللون اللي يعجبنا وممكن نغير القيمة 3 الى قيمة اصغر او نحتفظ بيها وممكن نكبرها.

بتشوفون تفاصيل اوفى في الصور لما اشرح طريقة وضع الاطار.

الحين خلصنا الظل والحد... لكن ممكن نضيف تاثيرات ثانية حسب ذوقنا

والنافذة هذي كلها تاثيرات.. يكفي اننا نجرب واذا ماعجبنا شي نكنسل.

نقطة اخرى مهمة وهي اننا لما نبغى نحط ظل مثلا فاحنا بنحط علامة في الخانة

وايضا ضروري نضغط جملة الظل ككل حتى تفتح لنا خصائص التاثير.

انتهينا من تاثير الكتابة ونبتدي نعمل اطار لعملنا.

نروح لبوكس الليرات ونضغط اللير اللي تحت يعني لاير الصورة

لو لاحظنا بنلاقيه باسم خلفية وعليه قفل

احنا نبغى نشيل القفل كيف نعمل؟ نضغط عليه مرتين يعني دبل كليك

بتطلع لنا نافذة نضغط على اوكي وخلاص الخلفية صارت لاير.

نضغط حرف الاف اللي عليه السهم ونختار آخر خيار اللي هو الحد

بتفتح لنا نافذة التاثيرات.. احنا مهم عندنا الحد عشان نعمل اطار

نخلي القيمة 3 ونغير البوزيشن الى انسايد

ونختار اللون اللي بدنا اياه من المستطيل الاحمر

يكفي اننا نضغط عليها ونختار اللون.

نقطة تفسير: اذا حبينا نحط لون بعينه للاطار.. مثلا لون الكتابة

فنروح اول شي وقبل نفتح نافذة التاثيرات للالوان اللي في شريط الادوات
وضغط اللون الوردي بتفتح لنا نافذة الالوان.. ونضلل كود اللون ونعمله نسخ مثل مافي الصورة

ولما نجي نحط لون الاطار ماعلينا غير نعمل باست او لصق للكود في نفس مكان الكود

الحالي اللي عملنا له مسح طبعا.

وبتكون النتيجة هكذا

ان شاء الله يكون مفهوم

واي استفسار ارجو طرحه

يتبع

**أم أيـــوب** · 06-08-2008, 06:44 PM

اما القسم الثاني من درس اليوم فهو شوية معلومات عن بعض خفايا الفوتوشوب

~*¤ô§ô¤*~*¤ô§ô¤*~.~*¤ô§ô¤*~*¤ô§ô¤*~

1 اذا اردنا تصغير صورة نذهب الى قائمة image ونختار image size

ستظهر لنا نافذة نغير الرقم اللي يشير اليه السهم بالرقم اللي نبغى

وبشكل تلقائي راح يتغير الرقم اللي اسفل

اما اذا حبينا يكون عندنا مقاسات خاصة للصورة فما علينا غير بالقص واللصق

يعني نروح للاداة

ونعمل تحديد للصورة ونروح لقائمة Edit ونختار كلمة cut

بعدين نروح لقائمة file ونفتح عمل جديد بالضغط على New

ونحط المقاسات اللي نبغى ونضغط اوكي

بعدين نرجع لقائمة Edit ونضغط كلمة paste

يمكن تطلع لنا الصورة غير مضبوطة مع المقاسات

وعشان نضبطها نروح لقائمة Edit ونختار free transform

بيطلع لنا حول الصورة اطار فيه مربعات عند كل جانب

يكفي اننا نحط الماوس على المربعات ونمدد الصورة حتى تاخذ الحجم المناسب

او العكس يعني نصغر الصورة حتى تاخذ المقاس اللي نبيه.

~*¤ô§ô¤*~*¤ô§ô¤*~.~*¤ô§ô¤*~*¤ô§ô¤*~

2 اذا حبينا نغير لون الصورة.. عندنا صورة اسود وابيض ونبغى نخليها ملونة شوي

ماعلينا الا نروح قائمة image ونختار مثل مافي الصورة

بتطلع لنا نافذة نحط الماوس على المؤشر اللي عليه السهم ونحركهم في الاتجاهين

حتى نحصل اللون اللي نبغى.. يعني انت وذوقك في الالوان

من نفس قائمة adjust ممكن نتحكم في خيارات كثير مثل الاضاءة والالوان

ماعلينا غير نجرب ونشوف التاثيرات واذا ماعجبنا نضغط كنسل وخلاص.

~*¤ô§ô¤*~*¤ô§ô¤*~.~*¤ô§ô¤*~*¤ô§ô¤*~

3 مرات تعجبنا صورة ولما نفتحها نلاقي عليها قفل وماتبغى تنحط عليها تعديلاتنا ليش؟

لان صيغتها تكون index وماراح نقدر نغير فيها شي حتى نغير مود الصورة

شوفو ا بالصورة السهم يوضح انها مودها index وعلامة القفل في بوكس الليرات

وعشان نغير مودها الامر بسيط جدا

نروح قائمة image ونضغط اول خيار اللي هو mode

ونختار مثل مافي الصورة بالضبط

ممكن مرات حتى لو غيرنا مود الصورة القفل يفضل مكانه والصورة تصير خلفية

وحتى نشيل القفل تماما نضغط مرتين على اللير في بوكس الليرات ونضغط

اوكي في النافذة اللي بتطلع لنا وبكذا بتصير الصورة لاير فقط ومن غير قفل.

~*¤ô§ô¤*~*¤ô§ô¤*~.~*¤ô§ô¤*~*¤ô§ô¤*~

4 نلاحظ في الفوتوشوب عدم امكانية التراجع الا مرة واحدة فقط

يعني مثلا قمنا بعملين مثثاليين وحبينا نمسحهم فما نقدر نلغي غير

واحد بس.

لكن في امكانية اننا نلغي حتى 20 خطوة بالطريقة الموضحة بالصورة

نروح لقائمة Widow ونحط علامة على كلمة History

بيصير عندنا بوكس جديد في مساحة العمل مثل بوكس الليرات

اي خطوة نبي نلغيها ماعلينا الا نحددها في هذا البوكس وكلك يمين وديليت.

~*¤ô§ô¤*~*¤ô§ô¤*~.~*¤ô§ô¤*~*¤ô§ô¤*~

اكتفي بهذا الشرح لليوم وان شاء الله القادم اكثر واغنى

**سندس** · 06-08-2008, 07:13 PM

تسلمين يا الغالية ام ايوب

**تــاج** · 06-08-2008, 09:39 PM

بارك الله فيك حببتي

**{}{عذب الكلام}{}** · 06-08-2008, 11:18 PM

اممم الدرس دسم شوي ..

اصبري علي لتطبيق الدرس ^_*

**أم أيـــوب** · 06-09-2008, 01:15 AM

مشكورات على تواجدكن الكريم

والدرس بالعكس اسهل من الاول عذوبة

هو بس فيه معلومات زيادة

**МίSş όяάηĠe** · 06-09-2008, 10:24 AM

طبقتو
ورح أحطو لتوقيعي عشان تشوفي

**blackberry** · 06-09-2008, 10:43 AM

الدرس دسم
يعطيك العافية يا عمري

**أم أيـــوب** · 06-09-2008, 10:48 AM

اهلين مس

يعطيك العافية على المتابعة

اهلين blackberry

درس التطبيق خفيف كثير

مجرد اطار وتاثيرات

هي بس المعلومات اللي زيادة شوي

مشكورة على المتابعة

**Ashley Tisdale** · 06-09-2008, 12:15 PM

يسلمو أم أيوب وصار المنتدى أحلى بوجودك