 |
  |
|
|
|
|
#1 |
|
:: كاتبة مقتدره :: |
السلام عليكم ورحمة الله وبركاته
درس اليوم مختلف عن الدروس الاولى لاننا راح نتعلم كيف نعمل بطاقة او توقيع بطريقة بسيطة مع تطبيق بعض اللي اتعلمناه في الدرسين اللي سبقوا. بسم الله نبدأ اول شي من قائمة file نفتح الصورة المراد العمل عليها بالضغط على Open  بتفتح لنا نافذة على جهازنا نختار الصورة من المكان اللي حفظنا فيه الصورة.. بعد جلب الصورة نعيد نفس العملية ونجلب خلفية مناسبة للصورة بنفس الطريقة يعني اننا بنفتح صورتين.. بتلاقون بالمرفقات الصورتين اللي انا اشتغلت عليهم لتسهيل التطبيق. الآن نبغى نحط الصورة الاولى فوق صورة الخلفية نختار الاداة  ونسحب صورة البنت فوق صورة الخلفية  أداة السحب موضحة بسهم اسود ممكن تحطون الصور باي مكان المهم تكون عندنا مساحة كافية للكتابة. الحين نبغى نشتغل شوي على صورة البنت..نحط لها شوية تاثيرات. بوكس الليرات بيكون بهذا الشكل.. يعني صورة البنت هي المفعلة  نروح لصورة البنت ونختار الاداة  ونعمل تحديد للصورة وانتبهوا اننا نخلي حوالي مليمتر من كل الجهات ثم نبتدي التحديد لاحظو الصورة كيف ان التحديد ماشمل كل حدود الصورة  بعدين نروح لقائمة select ونضغط كلمة modify ونختار smooth  ونختار القيمة 10.. بتلاحظوا ان جوانب التحديد صارت مايلة وحتى نكمل نروح لتفس قائمة select ونختار inverse  ثم نضغط زر ديليت في الكيبورد وحتى نشيل التحديد من نفس القائمة نختار مثل مافي الصورة  حلو الحين صارت عندنا جوانب الصورة بشكل مختلف واكثر جمالية. وحتى نظهر صورة البنت بجمالية اكثر نحط لها بعض التاثيرات الاضافية مثل التاثيرات اللي شفنا في الدرس الثاني نروح لبوكس الليرات ونختار حرف الاف  نحط ظل للصورة بالضغط على كلمة Drop Shadow ككل حتى تظهر لنا خصائص التاثير نطبق الاعدادات اللي في الصورة  لما نخلص من الظل الخارجي ننزل للظل الداخلي نضغط كلمة Inner Shadow ونحط الاعدادات اللي في الصورة  ونروح لآخر خيار اللي هو الحد ونضغط كلمة Stroke ونطبق الاعدادات اللي في الصورة..  كتبت لكن كود اللون اللي استعملت كحد للصورة.. ولكن حرية اختيار اللي يعجبكن طبعا. الحين خلصنا من الصورة وتاثيراتها. شرايكن نعمل نفس الشي لصورة الخلفية حتى تكون هي بعد حلوة..؟ طيب عشان نشتغل على الخلفية ضروري بالاول نختار لاير الخلفية في بوكس الليرات  يعني نضغط عليه عشان نفعله ولو لاحظتو ان صورة البنت ماعادت جنبها العين مثل صورة الخلفية انا ضغطت على العين واختفت واختفت معها صورة البنت..ليش.؟ حتى اشتغل بوضوح على الخلفية.. ومتى ما انتهيت من التاثيرات بروح لبوكس الليرات واضغط مكان العين الفارغ وراح ترجع بكل بساطة.  طيب نروح لصورة الخلفية ونعمل لها تحديد من الداخل شوي مثل ماشرحت لكم في صورة البنت  تابعن نفس الخطوات اللي عملناها لصورة البنت وطبقنها على الخلفية. بتكون النتيجة عندنا بهذا الشكل  وعشان نكمل بطاقتنا نختار اداة الكتابة ونكتب اللي يعجبنا ونحط له تاثيرات ظل وحد حسب ذوقنا ونحفظ الصورة عندنا بالطريقة اللي شفناها في الدروس اللي سبقت. وهذي النتيجة  انا كتبت بالجليتر,, انتو اكتبوا بخط عادي وان شاء الله الدرس المقبل يكون خاص بكيفية استعمال الجليتر. اتمنى اشوف تطبيقات حلوة وتلاقون بالمرفقات صور الدرس بالتوفيق يارب
التعديل الأخير تم بواسطة ڒوعۂۄفٱٲڪ ; 04-14-2013 الساعة 10:35 AM. سبب آخر: الموضوع ليس في مكانه الصحيح وينقل للقسم الصحيح (نقل من 60 إلى 90) |
|
|
#2 |
|
|
رد: الدرس الثالث: كيفية انشاء توقيع بسيط
طبقت الدرس وطفى جهازي من سوء حظي :(
مشكوووووورة حبيبتي .. وجاري تطبيق الدرس .. ^_^ |
|
|
#3 |
|
|
رد: الدرس الثالث: كيفية انشاء توقيع بسيط
كل الشكر لكِ ام ايوب علي الدرس الرائع وان شاء الله التطبيق كل التحية لكِ |
|
|
#4 |
|
|
رد: الدرس الثالث: كيفية انشاء توقيع بسيط
الله يعينك عذوبة ...مرات كثير تصير معي
انقهر والله في انتظار التطبيق والطشي اللي تبين ^_* |
|
|
#5 |
|
|
رد: الدرس الثالث: كيفية انشاء توقيع بسيط
اهلين زهرة منورة القسم
العفو اختي الشكر لله وحده في انتظار التطبيق :) |
3-الدرس الثالث: كيفية انشاء توقيع بسيط