بخور الفم....؟؟؟؟
--------------------------------------------------------------------------------
بكتب لكم اليوم بخور الفم ويارب ينال اعجاب الجميع
واحلا مافيها انها كلها طبيعيه يعني مامنها ضر ابدا
المكونات
ملعقه كبيره قرنفل اللي هو المسمار
ملعقة كبيره مستكه
فنجان هيل وهو حب هان
بشر ليمونه مبشور ناعم بقياس ملعقتين كبيره
فنجان دارسين وهو القرفة
فنجانين سكر بني النوع الجيد الاصلي
ماء الزهر ليس ماء الورد لان ماء الورد خفيف وماء الزهر يجي قوي ومركز وتحسون فيه من طعم العطر
الطريقه
تطحن جميع المكونات بشكل ناعم جدا جدا جدا ماعدا السكر حيث انها تصير مثل البودره وتخلط مع السكر البني الناعم المذوب بفنجان ماء الزهرويوضع معها بشر الليمون وتعجن جيد لين ماتتكون عندك مثل العجينه ولاتسيحينها حيل لان السكر البني يختلف عن بعض بعضه يسيح ويصير عندك خليط طري جد وهذا اللي مانبيه وبعضه يصير مثل العجين وهذا هو المطلوب وكل ماشفتي الخليط لين زيدي شوي من المقادير والسكر لين تصير عجينه وبعدين تاخذين العجينه ويكون عندك قدح فيه ماء الزهر تحطين ايدك فيه وترطبينها قليلا علشان مايلزق فيها العجين وتكورينها صغار مثل بخور المعمول بس اصغر شوي وتحطينها بمكان جاف مثلا فوق الثلاجه يومين لين تجف وبعدين ترصيها بعلبه محكمة الاغلاق
وتاخذين منها كل ماحتجتي
بخور الفم....
طب هو كويس بس مش سيجنال 2 اسهل واسرع ويوفر وقت ومجهود انتى عارفه انى كسلانه
