ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم هااااام للي اول مرة يجيلها عريس .. لازم تدخلي يوجد هنا هااااام للي اول مرة يجيلها عريس .. لازم تدخلي سوالف حريم و نقاشات مواضيع تخص المرأة و المواضيع التي ليس لها قسم خاص بها

فساتين العيد


 
قديم 01-02-2010, 01:03 AM   #1

ايناس احمد

:: كاتبة مقتدره ::

الملف الشخصي
رقم العضوية: 74611
تاريخ التسجيـل: Jul 2009
مجموع المشاركات: 608 
رصيد النقاط : 0

صورة متحركة وجه بنت هااااام للي اول مرة يجيلها عريس .. لازم تدخلي


هااااام للي اول مرة يجيلها عريس .. لازم تدخلي

الموضوع ده مش تزيين عروسه ولا حاجه
بس هو بردو عن حاجه مهمه اوى للعروسه
وهو ازاى تقابل عريسها لاول مره
وتعمل ايه
وتتكلم ازاى
وتتكلم اصلاا ولا لا
بس اا معرفتش يتحط فانهى قسم
بس قلت لازم تقروه يا بنات
يمكن يفيدكم
الخطوة الأولى
جهزي نفسك نفسيا ومظهريا
1-
علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك
2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي
3-
بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جوب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبيّنك أكبر من سنك
واوعي تنسي تختاري الألوان اللي تكون مناسبة عليك وتنور وشك
4-
لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم
5-
ياريت في اليوم ده ما تكتريش في المكياج علشان ما تبقيش عاملة زي البلياتشو.. وخليك بسيطة جدا في مكياجك يعني كفاية أووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي
6-
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده
*******
الخطوة التانية
أثناء اللقاء نفسه
1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدّي
2-
لو مامته جات معاه ياريت تخلّي بالك منها وبلاش تكشّري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها
3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه
4-
لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك
5-
خليكي جريئة ولو وجه لك الكلام ردي عليه بذوق من غير كسوف
*******
كمان خدي بالك أوووي
1-
لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة
2-
لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه
*******
الخطوة الثالثة
بعد انتهاء اللقاء
بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك:icon_arrow::icon_arrow:

 
قديم 01-02-2010, 02:42 AM   #2

زى السكر 0


رد: هااااام للي اول مرة يجيلها عريس .. لازم تدخلي


هااااام للي اول مرة يجيلها عريس .. لازم تدخلي

بصراحه انا لما بتحط فى الموقف ده مش بعرف ابص خالص ولا حتى افتح مواضيع الا اذا اتوجهلى كلام وعامه انا فى الحياه العاديه كده

 
قديم 01-02-2010, 06:23 PM   #3

ايناس احمد


رد: هااااام للي اول مرة يجيلها عريس .. لازم تدخلي


هااااام للي اول مرة يجيلها عريس .. لازم تدخلي

اكيد فعلا كل البنات بيبقوا كده لان الموقف بيبقي محرج اوي وبيبقوا مكسوفين طبعا في الموقف ده بس بنحاااااااااول مرسي ياقمر علي مرورك

 
قديم 01-02-2010, 06:33 PM   #4

فراشة القدس


رد: هااااام للي اول مرة يجيلها عريس .. لازم تدخلي


هااااام للي اول مرة يجيلها عريس .. لازم تدخلي

مرررسسسسي عالموضوع انا متزوجه بس لفت انتباهي عنوان الموضوع

صحيح كلنا مرينا بهالشي وفي منا رح يمر بس يالي ما مرت بجد اتبعو النصايح ياللي في الموضوع

 
قديم 01-03-2010, 01:54 AM   #5

ايناس احمد


رد: هااااام للي اول مرة يجيلها عريس .. لازم تدخلي


هااااام للي اول مرة يجيلها عريس .. لازم تدخلي

مرسي حبيبتي علي مرورك نورتي التوبيك

 

أدوات الموضوع



الساعة الآن توقيت السعودية الرياض و الدمام و القصيم و جدة 05:44 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0