أختى المسلمه قبل فوات الأوان

أخواتى فى الله
السلام عليكم ورحمه اله وبركاته

أمس كنت أشاهد حلقه للدكتور حازم شومان ،جزاه الله كل خير على قناه الرحمة وكانت الحلقه تتحدث عن عيد الحب (الفلانتين) أنا آسفه لو ما كنتش حقدر أعبر عن اللى قاله بالنص .
بس كل اللى حقدر أوصله انى احنا فى زمن الفتن ،زمن كل حاجه فيها مباحه وكما قال الدكتور حازم أمس عندما يسخط الله على عباد عصوه ويعذبهم بذنوبهم سهل لهم طريق المعصيه والعياذ بالله .

وفعلا نحن الأن نجد فتن كثيره حولنا ومن أخطرها على الطرقات الشباب والبنات ماشين مع بعض عادى ومعندهمش أى أستعداد انى حد ينتقضهم ، والله دى كارثه.
وقال أنه يوم القيامه سوف ياتى بالشباب والبنات وكل واحد فيهم سوف يرمى المصيبه على عاتق الأخر حتى يفر من عذاب الله ، ولكن هيهات فان عذاب الله واقع بكره تقول البنت يارب هو اللى خلانى أعصيك وأمشى معاه وأسلمه نفسى فى الحرام .
وهو يقول لا يا رب هى اللى غوتنى بلبسها وعطرها ومشيتها المدلله وجسمها العارى ،ويرمى كل واحد مصيبته على الأخر ،والله هو أتكلم عن حاجات كيره جدا بس أنا أعتذر مش عارفه أوصل المعلومه بجد بس نصحتى الى كل أخت نصيحه أبغى بها وجه الله عز .

أختى فى الله توبى وألتزمى وأرجعى اليه عز وجل والله هو أحن عليكى من أمك اللى ولدتك كله حيتخلى عنك يوم الحساب لكن رحمه ربك وعملك الصالح هى اللى حيبقالك ألتزمى وأعتزى باسلامك عفى نفسك بحجابك ،ألتزمى بصلاتك ،ألتزمى بقولك وفعلك ،توبى الى الله .

صدقينى الرحله قصيره جدا وفى أى وقت ولا تدرى أين ومتى يمكن أن يقضى ربك أمرا كان مفعولا ألحقى نفسك وتوبى الى الله عز وجل .
أستغفريه فهو الغفور الرحيم ،أتركى كل ما فاتك وراء ظهرك ربك غفور رحيم ،جربى تقومى باليل ولو قبل الفجر بنصف ساعه وأسجدى لله عز وجل .
وأستغفريه وأطلبى منه العفو وأطلبى منه أنه يعينك ويسعدك على عبادته وأخلصى لله،وأنت بتسجدى قوليله يا رب أنا تركت كل شهواتى فى الدنيا من أجلك فتقبلنى ، قوليها بندم وخشوع وأسجدى لله عز وجل فى الدنيا يرفعك الله بها درجة فى الأخره .
والله كل مشكلك كلها حتتحل ومتفتكريش أنى ربنا مش حيبعتلك نصيبك من الدنيا ربنا بأمره وعظمته حيبعتلك الراجل التقى اللى يخاف الله ،ويمكن أنت اللى تساعديه على طاعة ربنا عز وجل معلش أنا مش حطول عليكم .

ربنا يتقبل توبتنا أن شاء الله ، ويغفر لى ولجميع المسلمين .
(ربنا لا تزغ قلوبنا بعد اذ هديتنا وهب لنا من لدنك رحمة أنك أنت الوهاب).

بس بالله عيكم كل واحده تقدر تقول كلمه خير لأخت لنا تساعدها وتقدر تصلح من حالها يا ريت تنشرهاوكل واحد بأسلوبها طبعا .
وأن شاء الله توصل المعلومه أحسن من اللى أنا عاوزه أقوله.
وجزاكم الله كل خير باذن الله، بالله عليكم أخواتى فى الله أدعولى أنى ربى يفرج كربى ويجيرنى فى مصيبتى ،وينعم على بالنقاب أن شاء الله . وأن شاء الله عز وجل ربنا يتقبل منكم الدعاء.

جزاك الله خير يااااااااااااارب

	#2
متبرعه	رد: أختى المسلمه قبل فوات الأوان أختى المسلمه قبل فوات الأوان جزاك الله خير يااااااااااااارب