 |
  |
|
|
|
|
#1 |
|
:: كاتبة جديدة :: |
بسم الله الرحمن الرحيم وبه نستعين أخواتي المسلمات الغيورات على دينهم وصلني هذا الموضوع قبل فترة على ايميلي https://vb.7ot.com/t4376/ اليوم وأنا في عزيز مول الا وأشوف المحل اللي اسمه كليرز وتذكرت الرسالة اللي سبق وأشرت ليها وشعارات الصليب اللي انوجدت عندهم وقلت في نفسي خليني أجرب وأشوف إيش عندهم وأتفقد البضاعة اللي عندهم وأتأكد بنفسي هل في صليب فعلا في بضاعتهم .. المهم يا حبيباتي المفاجأة اني أول ما دخلت محلهم لفت انتباهي شعار كنت قريت عنه قبل كدا بإنه مسيحي علماني وهو دين من لا دين له دين يدعو للحريه والشعار منتشر في اكسسوارات كثيره وشنط أنا طبعا ما سكت وأخذت كم غرض قدامي ورحت للكاشير اللي كان شاب سعودي ومافي عامل تاني غيره بالمحل -لو سمحت - نعم وأخذ الأغراض وقام بيحاسب عليهم أنا طبعا ما خليته وكملت -انت تدري ان هذا الشعارنوع من أنواع الصليب -أيوه أدري وترى على فكره هذا مو صليب هذا شعار لعبدة الشيطان .. -ومع ذلك تبيعوه ! -لأ انا والله أحذر الناس منه... -تحذر الناس منه ونتم عارضينه في المحل !! ترى تدري لو درت عنكم الهيئه بتسحبه اكيد من المحل -لا أنا والله ما أخلي أحد يشتريه ومع ذلك بعض البنات يصروا حتى بعد ما يعرفوا انهم يشتروه -طيب يا أخي جزاك الله خير لم البضاعة دي على أقل اللي تقدر تسويه وحطها على جنب ماله داعي تعرضوها ولك مني الشكر وطالما انعرضت اكيد بتلقى من يشتريها اما بجهل أو بقصد لأنه كل ممنوع مرغوب عند بعض الناس وهو أكييد لا حذرني ولا قلي لا تشتريها بس أحرجته لما بينت له بأني عارفه هالشعار والمصيبه بيقوللي لعبدة الشيطان طيب والله يمكن صليب أهون طبعا خرجت من عنده وهو يحاول يبرر والمحل دا طبعا ماراح أدخله أبدا لأنه محل اللي يموله أعداء الدين يبغوا تنتشر فينا شعاراتهم الملعونه ورغم ان بضاعاتهم مطلوبة من الكثير وأنا كنت أحد المعجبين بها إلا انهم عرفوا يلبسونا بلاويهم والله أعلم ايش راح يجيبولنا كمان بعدين يمكن النجمة السداسية تبع اليهود والرقابة نايمه عنهم والشعار اللي شفته موجود على الرابط التالي https://www.taymaa.com/vb/showthread.php?t=22570 فياليت الأخوات الكريمات يقاطعوا بضاعات كليرز اللي ما لقت للحين من يوقفها عند حدها وأنا والله ناويه أبلغ عنهم وما راح اسكت ولا راح أرضى ان أعداءنا يستغفلونا ولا يلعبوا علينا زي ما نتوا أخواتي أكيد ما يرضيكم اننا نكون مسخرة لمحل وضيع زي كليرز فياليت نكون يد وحده ضد الأعداء وضد بضاعاتهم الموبوءة أختكم أم رائـــــد |
كليرز تستغفلنا وتلعب علينا