 |
  |
|
|
|
|
#31 |
|
|
رد: رواية سعوديات في بريطانيا / كاملة
طلال يدق على نواره وهي ماترد ( شكلها نست المتحف اليوم هذي مفهيه انا الغلطان اللي صرت معها بالبحث ) بالسعوديه وبالتحديد في المنطقه الوسطى " باحد احياء الرياض " ...بعد مالم شمل الحبايب ورتمى مسفر بحضن امه وابوه ..وبعد ماجلس مع خواته ومازحمه علشان بكره ملكته على الريم حلم حياته اللي ماشاف لابعدها ولا قبلها واللي الكل يدري انه يبغاها ..طلع مسفر من الحمام بعد ماخذ دش سريع كانه ماتروش من شهور.... المويه المالحه احلى واغلى على قلبه من المويه الحلوى ناظر غرفته كانه يحتضنهابعيونه على كثر بساطتها الا انها احلى مكان بالعالم كله .. ندق باب غرفته مسفر : تفضل دخلت رنا بخجل غير العاده يمكن لانها من زمان ماشافته : بتنام مسفر: ايه والله تعبان حيل رمى نفسه على السرير رنا : بس حبيت اسلم عليك و( رجعت لطبيعتها قالت بسرعه ) واقولك وين الهدايا وين الساعه اللي وصيتك عليها مسفر: ههههههههههه قولي كذا من الفجر .. قام ورفع الشنطه وحطها على السرير جلست رنا قبال الشنطه متحمسه مسفر:ههههههه ليه متحمسه رنا وهي تفكر يدينها م الحماس: يله بسرعه فتح الشنطه وكان بالبدايه لاب توب ... وتحته ملف فيه صور جماعيه للشله ...حطها طلال من غير لايحس علشان ماتضيع رنا وهي ترفع الملف: الله صور فتحته .. مسفر : والله انك ملقوفه رفعت رنا صوره جماعيه ..شهقت مسفر : وش فيك رنا تاشر على لوجين : الله هالمزيونه مسفر: وين ..( بعد ماشاف الصوره وكيف كانت لوجين مميزه بين الكل بابتسامتها الحلوه وشعرها الاسود قبل لاتصبغه ) ايوه هذي سعوديه معنا بالكلاس رنا : والله معكم سعوديات مزايين مسفر يضحك على براءة اخته :هههههههه ايوه رنا وكانها تحاول تذكر شي : ياربي احس اني شفت هي البنت ..بس وين مادري مسفر: وين شفتيها وهي طوال عمرها ببريطانيا رنا : والله وجهها مو غريب علي هذي القمر مو غريبه ... ( صرخت فجاءه وهي ترفع صوره كبيره للوجين واضحه ) : بنت الكاسر ايوه لوجين راشد الكاسر مسفر: من وين تعرفينها رنا : في حد مايعرفها ..؟؟ مسفر: وين شفتيها رنا: مره بالعام الماضي رحت لحفلة نواره بنت عمة هنادي صاحبتي وكانت هذي موجوده وكانت مره مع نواره مسفر: اها حتى نواره تدرس معنا رنا : احلف حلوه صح مسفر: انت مهبوله انا رايح ادرس والا اقزقز بنات خلق الله وبعدين هذي صورة نواره رنا وهي تشوف نواره : ايوه هيييييييييي بس هذي ضعيفه .. مسفر: رنا شكلك مطولتها وانا ابغى انا خذي اللي تبغي واطلعي بره رنا: والله تعرفني على بنت الكاسر مالي دخل اليوم الثاني وهم جالسين .... بكوفي بعيد عن الشقه والجو الموتر اللي صار فيها محد داوم من البنات وذوق اللي عرفت اللي صار من نواره بعد مانومت البندري وهي تبكي .... الالجوري هدت شوي بعد ماقالت اللي بنفسها للوجين جاء وليد مع بشار بالصدفه .وشافوهم جالسين كائيبين بشار: طاع مناك لوجين والالجوري اشر لهم وليد: آف من قالك تاشر وليد حس ان الالجوري جرحته بعد ماردته وهو يعبر لها عن مشاعره الالجوري وقلبها يدق بسرعه : يالله لجونه هذا وليد وصديقه بشار لوجين : اسمعي اذا كنتي جد شاريه 17 سنه صدلقه واخوه دوسي على قلبك وطنشيه الالجوري وهي تبلع ريقها لانهم صاروا وقفين عندهم بشار: قوة لوجين شخبارج لوجين : كويسه وانت كيفك بشار: تمام ...ها لالجوري شلونج الالجوري بدون نفس : كويسه .. وليد وقف ساكت يناظر الالجوري وهو حاس ان فيها شي لان اثار الدموع على خدها والالجوري تهرب من نظرراته بالكوفي اللي قدامها لوجين: تفضلوا.. وليد: لامره ثانيه طلال ينتظرنا بالمتحف لوجين فلت لسانه قلقها ماخلاها تست : بشر مسفر وصل بالسلامه وليد استغرب لوجين تسال عن مسفر اكيد الدنيا فيها شي : ايوه وصل وقرت عين اهله ههههه واليوم هو معرس ابتسمت غصب ومجامله : لا كويس ...( من ورى قلبها ) الله يتمم عليه بشار: امين ... وليد : يله بالاذن لوجين: حياكم الله بعد ماراحوا لوجين: وش فيك انطرمتي الالجوري ودموعها تنزل : احبه لوجين ماعرفت وش تسوي مع الالجوري اللي ضايعه مع قلبها اللي فيه حب لشخصين ماينجمع حبهم مع بعض ... بالسعوديه ... مسفر على اعصابه ينتظر ان الريم تدخل علشان يشوفها بعد ماوقعوا ...من زمان مالبس ثوب وشماغ ... عبدالله ولد عمه ماسك الكاميرا ياخذ لمسفر صور مختلفه ومسفر متوتر مررررررررررره مسفر: انت وش جالس تصور عورت عيني من الضوء عبدالله : ههههههه يالعريس ... مسفر: اخلص علينا وين اختك ... عبد الله : هذا هي جائه بروح اناديها طلع عبدالله ومسفر جاس ينتظر تخيل ان لوجين هي اللي بتدخل كيف فكر كذا مايدري عبدالله : ادخلي دخلت الريم منزله راسها ..مسفر وقف مو علشانها حس بالصدمه .. وين لوجين ..ماستوعب لثواني اللي يصير لما صحاه صوت عبدالله عبدالله : هههههههههه يالمعرس استريح جلس مسفر وهوحاس ان الريم مو حلوه ..غير اللي تصورها ..بعد لوجين مافي بنت حلوه بعينهه مسفر: عبدالله فارق عبدالله :هههههه الريم الله يعينك عليه الريم ارفعت عينها بحقد على عبدالله طلع عبدالله وهو يضحك مسفر : مبروك الريم بدون نفس : الله يبارك فيك مسفر استغرب من لهجتها : الريم نرفزك عبدالله الريم تحط رجل على رجل : لا عادي مسفر يدور شي يسولف فيه لكن الريم ماساعدته ...تهز برجلها وتناظر الساعه... طلعت الريم وهو يفكر ..مو هذي اللي يحلم فيها 5 سنوات ويتمنى هذا اليوم ليه كل شي غير الفصل الحادي عشر طلال: انتي مع وجهك ..ادق عليك من امس ماتردين نواره: لاتصارخ انت مع وجهك كانت عندي ظروف طلال : وانا وش دخلني بظروفك انا ابغى اخلص البحوث الاسبوع اللي بعد الجاي الاختبارات نواره : اعصابك يالدافور اعزمني على الغداء واقولك وش صار طلال هدى شوي : اوكيه تعالي ..الا ووين باقي الشله .. نواره: لوجين وذوق يدورون معلومات للبحث لان مسفر مسافر و البندري تعبانه طلال: وش فيها ..؟؟ نواره: معها فلونزا ودني للمطعم وانا اقولك بالمطعم نواره: وهذي السالفه طلال: اوه وليد معذب قلوب العذاراء نواره:هههههههههههه طلال: صحيح قبل لانسى مسفر ملك وخلص نواره: هههههه على البركه ... طلال : الله يبارك فيك عقبالك نواره : اتفل من فمك تو الناس طلال : هههههه متشائمه خالد كان توه داخل المطعم مع ساره زوجته وشاف نواره وهي مندمجه بالسوالف والضحك مع الشاب اللي بياكل نواره بعيونه ... حس باعصابه تثور طلال : تتوقعين وليد يحب مين فيهم ..؟ نواره توها بتتكلم سكتت فجاءه وناظرت قدام بعيون مصدومه طلال كانت عينه على الاثنين اللي داخلين للمطعم وتناظرهم نواره بارتباك وحزن ولامره شافها كذا متخربطه غريبه من هذولا الاثنين شكلهم واحد وزوجته وش فيها نواره عليهم .... خالد انتبه ان نواره انتبهت فيه ..ابتسم وكلم زوجته وتقدم لعندهم نواره قلبها يدق بسرعه مرتبكه ..وترتجف : لا جاء جاء طلال : من هذا و سكت لان خالد وقف يسلم خالد: مساء الخير طلال: مساء النور نواره جئتها شجاعه ماتدري من وين ردت من غير نفس بعد ماردها يوم طلبت تقابله وهي ذلة نفسها له : خير ... خالد: كيفك نونو نواره: اسمي نواره مو نونو .... اعرفك طلال خطيبي (قالتها بنصر ) خالد فتح عيونه لاخر حد وناظر طلال بحقد : خطيبك طلال مثل الاطرش بالزفه ..مايدري من هذا وش السالفه نواره: ايوه بعد الا ختبارات بنرجع لسعوديه نملك ..( بحقد) وطلول عنده شجاعه يقول لهله اني ادررس ببريطانيا ... ومايخاف من شي واهله واعين وماعندهم نظره سطحيه خالد سكت وظل يناظر نواره بحب واضح : بت... بتتز...وجين طلال وقف ومد ايده يعني روح عن وجهنا : تقدر تتفضل فرصه سعيده خالد عصب : اسمع هذي اللي انت مرررره ميت عليها وتفكر تخطبها كانت صديقتي كانت تجمعنا علاقه .... نواره انصدمت من النذل اللي قدامها طلال : والله لو انك نايم معها باخذها نواره عجبها رده وسكت خالد مصدوم هو يعرف نواره ماترضى يتتمادى معها احد .. نواره وقفت : انت حقير ... خالد : انا م طلال: تتفضل بالطيب والا كيف خالد : اسمع انا حاب انبهك ان هذي ( عوره قلبه وهو يتكلم عن نواره بهذا الاسلوب بس علشان يبعد طلال عنها ) هذي اللي انت حاب تأمنها على عيالك ... وتحمل اسمك عندي لها ص نواره مشت عنده بعصبيه..وقفت قباله وبينت قصيره بالنسبه له : انت شتبغى بالضبط انا احترمت رغبتك وماخبرت ساره عن علاقتنا ( شجاعتها اختفت ونزلت دموعها ) وتركتني وماتكلمت وشتبغى اكثر ولاتتبلى على احد ولاتقول حكي ماهو فيني... انت عارف انا كيف محافظه على نفسي ( رفعت اصبعها بوجهه ) ولاتظلمني اكثر ..ياخالد تركته وطلعت من المحل ..بعد ماحتقرت زوجته ساره اللي تناظر وماهي فاهمه شي ... طلال يناظر خالد المصدوم من كلام نواره واللي واضح عليه يحبها .. طلال: اسمع اذا سمعتك تحكي عن زوجتي بهذي الطريقه مره ثانيه ياويلك تراك ماتعرف من طلال السجي خالد يستوعب : السجي طلال : اعرف قدرك ومع مين تتعامل .. تركه ومشى .. طلع يدور وين نواره وين راحت وتركت شنطتها معه : لاحول وين راحت هذي .. نواره تمشي مقهوره اخر شي توقعته ان خالد نذل كذا ..والله ماتستاهل ياخالد ولادمعه نزلتها لك اوضحكه طلعتها معاك كل الناس |
|
|
#32 |
|
|
رد: رواية سعوديات في بريطانيا / كاملة
تهون وتقول اللي تقول الا انت انت غير ...ياخسارة سنتين بحياتي معاك ..بس هذا القلب وش يفهمه بس اشوفه انسى كل اللي سواه واعطيه امل .. طلال: نواره نواره نواره تذكرت طلال وانها تركته ..مسحت دموعها بطرف كمها بسرعه طلال: لحضه انقطع نفسي .. نواره تكابر: ههههههه يالبط اسرع طلال: انا بط تحركي بس تحركي نواره : اسمع ماعليك من الحقير ( كانت بتقول خالد بس خنقتها العبره وسكتت ) طلال: من هذا كان حبيبك نواره: من خالد لا كنا ...( استسلمت لان مافي مجال تكذب ) ايوه كنت احبه وهو يحبني والعشق لايق علينا على قولتهم ...بس انت شفت وش قد هو نذل ..ومايستاهل سنتين بحياتي له طلال يناظرها وهو ساكت ماكان واضح على نواره الحب ماتوقعها تحب شاب وهي اللي دايم ماخذه موقف العداوه ضد الشباب والدفاع .. نواره تبتسم بكبرياء والحزن بعينه : بس هذي حكايتي ياطويل العمر طلال: انت تحبينه وهو يحبك ليه تزوج نواره وهي تمشي وتناظر الناس بالشارع وكل معه همه وتحس ان محد مهموم كثرها : لانه جبان ومايدر يوقف بوجه اهله ويقول مابغى بنت عمي انا ابغى بنت سعوديه ببريطانيا ..اليوم بس اكتشفت انه جد مو رجال طلال: هو قبيلي نواره بحزن : ايوه طلال:اها نواره : ممكن اغني طلال لف عليها : اكيد ( وهو عارف ان صوتها حلو ورومنسي ..) نواره بحزن : تعبت من الوله والشوق ... تعبت وطول الهجران تعبت من الفراق اللي..... ابد ماشفت له اخر مسحت الدمعه اليتيمه علشان ماينتبه لها طلال ..بس على مين هذا طلال اللي تخصص قز بالبنات طلال: يعيني على الصوت الحلو نواره: ههههههههههههههه طلال: يله اوصلك لشقتكم علشان نلتقي الساعه 6 نواره : كنت احبها وهي تحبني ..والعشق لايق علينا كانت تسميني حبيبي ..وانا اسميها الحنونه طلال سكت يسمع صوتها الحزين ( حركات نواره رومنسيه هذي البنت يوم عن يوم اكتشف فيها شي حلو ) نواره: ايوه تذكرت بكره حجرت ببوسطن بساحة هاردفر طلال: والمتحف نواره : انت اليوم روح للمتحف مو لازم اروح معك فيني النوم ناظرها اني كاشفك لاتكذبين ....شوفتك لخالد هي السبب نواره تضيع الموضوع : ياي ريحة ذره طلال: ايوه ذره ها ..ذره ..تعالي نرجع لشقه نواره :هههههههه يله البندري : لا يالوجين لاتدخلين ..هذا شي بيني وبين الالجوري مالكم دخل ...انا خسرت صداقة وحده مابغى اخسر الثلاثه لوجين: لا يالبندري تبعين 15 سنه كذا علشان واحد ماي البندري : لوجين انتي مو فاهمه ... طول اسبوع كامل وهي تضحك علي تنافقني اقولها عن مشاعري وهي تضحك علي بداخلها حسافه 15 سنه معها كانت اقرب لي من حنان اختي ومن اي احد امنتها على اسراري قتلها كل شي بحياتي خليتها مرايتي ...صرت لها الاخت والام والخدامه وصرت عصاها اللي ماتعصاها وبالاخيرررررررررر تطلع مو قد الثقه ... لوجين: لا ياالبندري نسيتي من مسح دمعتك لما تبكين ...من صبرك لما مات ابوك ودخلت امك لسجن ... من فرح لك لماتزوجت حنان اختك ..كل هذا نسيتيه لانها ماقدرت تقولك الحقيقه باسبوع الالجوري طلعت من الغرفه تبغى تشوف رد البندري على كلام لوجين البندري وهي واقفه بتدخل الغرفه : انتي خنتي ثقتي فيك كنتي اقرب لي من نفسي خساره يالالجوري عطيتك اكثر من حجمك الالجوري : لا يالبنددري انا اكثر من اخت مست البندري دخلت الغرفه الالجوري : لوجين انا ماكنت اقصد انا لوجين : خليها كم يوم تزعل وبعدها ترضى الجوري: لا انا بروح اكلمها راحت الجوري ولما جئت بتدق الباب سمعت صوت راشد الماجد ماعاد قلبنا ذكرى نسيناكم ... ولا لايام ذكرى نسيناكم ... مدام انتو تغيرتوا بعد حنا تغيرنا .... ولابه شي يرجعنا خلاص اليوم نسيناكم ... الالجوري تبكي : لوجين والله ماكنت اقصد انا مالي ذنب لوجين : والله داريه .. خلاص مسالة وقت لااكثر الالجوري : يارب دخلت نواره الشقه وهي رايقه وتغني .. ســـــــعـــوديــــه والـــكـــل يبــــينـــي وشــ اســـوي دامـــ الــــحلا مــبتـــلينــــي لوجين : ياعيني ماقدر على الرايق ... نواره: هههه طلال الاهبل رايح للمتحف ويصور الحريم بدل المناظر الالجوري تمسح دموعها : رحتوا للمتحف نواره: ايوه ونبسطنا مره لوجين : انا شامه ريحة حب جديد نواره: لا تف من فمك مابقى الا طلال انا قلبي مايملكه الا خالد ......تذكرت اليوم شفت خالد الجوري: وين حكت لهم نواره اللي صار بالتتفصيل الجوري: عاد طلال ينفع لهذي المواقف لوجين : والله رده حلو نواره: الحقير خالد ماتوقعته كذا لوجين: الحمد لله ان الله فكك منه نواره وهي مبسوطه : صحيح ...مسفر يحليله ملك اليوم لوجين عبس وجهها وتغيرت ابتسامتها : ملك نواره استغربت من رد لوجين : ايوه الجوري:هههه نفسي اشوفها نواره: وانا بعد ..هانت مابقى الا شهرين ونطير للسعوديه الجوري: بتحضرين زواج مسفر نواره: اكيد الجوري: وانتي لجونه بتحضرين لوجين : ها ..... لا ماتوقع الجوري: ليه خلينا نشوف شكل مسفر بالبشت لوجين : بشت ...؟؟ نواره:هههههههه اكيد عندنا المعرس يلبس بشت الجوري: يوه ماتخيله بالثوب فكيف البشت اليوم الثاني مسفر جالس بحديقة بيتهم يفكر ..ليه ماعجبته الريم وهي اللي يتمنى ...ليه ماشافها مثل كل مره يشوفها فيها ..ليه يفكر بلوجين ويقارنها فيها ...اصلا حتى الريم كانت طريقة كلامها معه ماعجبته .. وليه مارضت ياخذ رقمها مثل اي مخطوبين .. رنا : ها المعرس وش تفكر فيه مسفر: ههههههههه بعرس اللي جنبك .. العنود: انا ...وش دخلك فيني فكر بالريم مسفر : افكر فيكم اثنينكم ...ها يازوجت عبدالله بشري عجبك الفستان رنا : جنان ذوقك رهيب مسفر: انتي محد سالك العنود: هههه تستاهلين ..تسلم يامسفر جنان مسفر : البسيه اشوفه ليك العنود استحت رنا : لاتستحين هذا مسفر مو عبدالله العنود: كلي تبن مسفر : ههههه خلاص وجهك صار طماطم رنا : ههههههه سمعتي اخوك الخكري طماطم ..طماط ياطويل الشان مسفر تذكر اسلوب نواره مثل اسلوب رنا مسفر: تصدقين رنو في وحده معنا بالكلاس تشبه اسلوبك رنا: اكيد بنت الكاسر مسفر: لا لفت العنود بسرعه : الكاسر لاتقول ان لوجين تدرس معك مسفر: ايوه العنود: وع ..ليكون اللي كانت بحفلت هنادي مسفر استغرب : ليه وع رنا: ماعندك سالفه انتي اللي وع العنود : قليلة ادب ومغروره وماتنطاق مسفر عصب: انت من وين تعرفينها علشان تتكلمين عنها كذا العنود: مره رحنا لحله وشفتها ... مغروره وماتحكي مع احد ... وماتعرف تحط الغطى على راسها ... وماعندها حياء مسفر حس ان اخته معها حق بس في شي بداخله تنرفز من العنود ليه تتكلم عن لوجين كذا رنا : ياحبيبتي عايشه بره اكيد بتصير كذا مسفر: حرام ظلمتوا البنت ..هي معنا ولافيها شي ن اللي تقولونه .. العنود: جد ..بس انا متاكده كانت لابسه لبس الله يستر علينا تذكر مسفر شكلها بعيد ميلادها بالفستان الوردي : ايوه لبسها لكم عليه شوي رنا باهتمام : تتكلم معاها مسفر: يعني شوي هي ملكه رنا: ايوه ومات خطيبها مسفر رفع حاجبه : مشاء الله عندك التقرير العنود: لاتفكرها مشهوره كثير بس حنا عرفناها من الحفله رنا: ماعليك منها زين ...( وطت صوتها كانها خايفه حد يسمعها ) يقولون اب لوجين قتله لانه ضحك على بنته مسفر : كيييييييييييف رنا: هنادي بنت عم نواره تقول كذا بس انا مادري مسفر باهتمام زايد: وش هالكلام ..انتي متاكده رنا : ايوه هذا اللي سمعته هو كان يضحك عليها ياخذ فلوسها مايحبها مسفر : وم دق جوال مسفر ..( طلال يتصل بك ) مسفر لف على رنا : نكمل كلامنا بعدين عندي مكالمه ضروريه طلال : ياشباب بكلم مسفر ابارك له لوجين بس سمعت اسم مسفر صار قلبها يدق بسرعه ورجلها ترتجف ..تحمد ربها انها جالسه والا كان طاحت وليد: ايوه تسوي خير .. علشان نبارك له كلنا طلال: اسكتوا رد ..الو هلا والله مسفر : اهلين هلا ببريطانيا واهلها طلال:هههههههههه يالحلو لك وحشه مسفر: تسلم طلال: على البركه الخطبه مسفر يناظر دبلته اللي يحس مالها طعم : الله يباررررررررك فيك وعقبالك طلال: لا اعوذ بالله نواره: تراك مصختها عطني اكلم المعرس سحبت التلفون منه : الو هلا والله بالمعرس طلال: هلا نواره كيفك نواره: تمام ...ها بشر كيف الريم حلوه مسفر: اوه احلى من القمر الالجوري : الو مبروك مسفر: الله يبارك فيك وعقبالك الجوري: تسلم وليد: الو شيخ الشباب على البركه مسفر: هههههههههه الله يبارك فيك وليد: 4 ايام ماسمعنا صوتك كل هذا من العروس مسفر: هههههه لا انشغلت لان بكره عرس اختي وليد: لا على البركه مسفر: الله يبارك فيك ووليد : خذي ذوق تاخرنا على المحاضره سكري وتعال ي ذوق بهدوءها : مبروك مسفر: الله يبارك فيك وعقبالك ذوق: تسلم ...يله مسفر استاذن المحاضره بدت وكلهم دخلوا مسفر بسرعه من غير تفكير: ولوجين .. ( تدارك الموقف) والبندري ماسمعت صوتهم ذوق: البندري بالشقه تعبانه شوي اما لوجين هذا هي جالسه تفطر وكالعاده مالها خلق المحاضره وحالفه ماتحضرها مسفر ضحك بصوت عالي لانه تذكر لوجين وهي تهاوش مع طلال ونواره على انها ماتبغى تحضر المحاضره ..وكيف انها تتمدد وتجلس بالكافتريا وماتحضر لوجين لما سمعت ذوق تتكلم عنها حست قلبها بيوقف وماقدرت تكمل لقمتها .. ذوق: خذ لوجين ....لوجين سكري وتعالي للمحاضره لوجين مسكت السماعه وذوق راحت داخل ..مسكت الجوال وهي ترتجف مع دقات قلبها وحست بحراره بكل جسمها طلع صوتها مرتجف :آلو مسفر يوم انه سمع صوته توتر ودق قلبه طبوول ( يالبيه هلا بالصوت وصاحبة الصوت ..) حس انه قد شي وهاللحين حصله : الو سكتوا لوجين متخربطه نست اللي بتقوله مسفر حس ان السكوت طول : الو لوجين انتي معي لوجين: ايوه ...وش كنت بقول .. مبروك نزلت دموعها ..دموع حاره ماتدري ليه وشسببها ولمين المهم نزلت مشتاقه لصوته 4 ايام ماسمعته .. مسفر من ورى قلبه: الله يبارك فيك ..عقبالك قال عقبالك كثير لاكن هذي المره غير كان يقولها ويتمنى انها ماتصير لوجين بتوتر ضحكت علشان مايبين بكيها :هههههههه ماعرف وش يردون مسفر مسك قلبه يهديه بعد ضحكتها : هههه يقولون تسلم لوجين تمسح دموعها بس معييه تسكت دموعها تزيد: قالت لي نواره بس نسيت ..المهم ع مسفر حس انها بتسكر وهذا اللي مايبغاه قاطعها : وش عندك مانتي بحاضره ..؟؟ لوجين وهي تلعب بخصله بشعرها : كذا فش امس ماخصت البحث بدري مسفر: صحيح بالنسبه للبحث انتظري علشان نكمله مع بعض لان باقي مجال اسبوع لوجين بصوت واطي مره : اوكيه ... اخليك هاللحين باي مسفر/ باي بالجزيره ذوق : ها فصول وين سرحت فيصل بهدوء : لاسلامتك ..بس جالس افكر انا ماعرف عن حياتك كثير ذوق: ايوه ...انا يا طويل العمر اممممم..دلوعت بابا بالمره و بنته الكبيره بس فيه قبلي اخ اسمه راشد ..احبه حيل بس هو يغار مني فيصل: لان ابوك مدلعك ذوق: ايوه و الحبشيه .. نادبه هي مربيتي لان ماما مشغوله مره بالعزايم والحفلات وغيرهم ...وعندي اربع خوات اصغر مني كلهم توم توم ...ريم ورشا ...ونواف ونايف ..اعمارهم البنات 4 سنوات والشباب سنتين صغار مره حتى مايعرفوني كثير فيصل: اها وماعندك عيال عم ذوق: شباب لا كلهم صغار ..محد بعمري الا راشد اخوي ..لان اصلا ماعندي الا عم واحد فيصل: اريح ذوق: ههههههه ليه فيصل: كذا .. طلال: شوفي نواره الطيور عنهم دبل نواره : سبحان الله كل هذا طير ..كانه وجهك طلال: لا انا احس انه يشبهلك اكثر نواره: لا احلف عاد مع هالوجه نواره وطلال خلاف مستمر الللللللللللللى مالا نهايه البندري طبعا بالشقه بغرفتها وليد: ها الجوري وش ت الجوري بعصبيه : بليز وليد انا قتلك لا تفكر تكلمني حتى وليد: طيب انا وش سويت حبيتك بس وانت تحبين ولد عمك سعود احترمت هذا الشي بس انك تتحاشيني وماتحكين معي ليه اعتبريني مثل طلال ومسفر الجوري بعصبيه: وش سويت ..؟ انت فرقت بيني وبين اعز انسانه بحياتي .. وليد : انا الجوي تركته ومشت لوجين طول الوقت بالجزيره تناظر البحر وتتذكر كلامها مع مسفر الصباح ...تحس بغصه وقهر .. ( اكيد هذي الريم حلووه والا ماكان مات فيها لانه مغرور ومايعجبه شي .. وش كانت لابسه لما شافها .. شعرها حلوه والا خشن ...اكيد هي اللحين بجنبه تضحك معه اوتكلمه تسولف معه ؟...؟؟....؟؟؟ الفصل الثاني عشر الجوري: 21 سنه ... دلعها " جور " لوجين: 21 سنه ... دلعها "لجو " البندري : 21 سنه ... دلعها "بنو " نواره : 21 سنه ..... دلعها "نونو " ذوق : 21 سنه ... دلعها "ذوذو " الساعه 7 الصباح مسفر متمدد على سريره يتقلب اليوم بيرجع بريطانيا واخير حس ان هذا الاسبوع كان ثقيل مره عليه مشتاق لبريطانيا اول مره يصير معه كذا ... طول الاربع سنوات ماشتاق لها اذا صار بالسعوديه وش معنا هذي المره ( شكلي مشتاق لاهل بريطانيا ...) تذكرت لما لبست العنود الفستان كان حلو عليها لكن مو احلى من لوجين اللي كانت تدور فيه مثل الحوريه ..او الفراشه الحره ندق الباب مسفر سوء نفسه نايم يدري ان هذي رنا وبتبكي لانه بيسافر . بمانشستر علي بعد ماقالت له لوجين انها مستحيل تتزوجه صار مايجي لعندهم ... وطبعا سعيد وحمدان على شوره البندري داومت بالجامعه لكن ماتجلس مع الجوري ووليد ..طول الاسبوع اللي فات كانت لوجين عصبيه لان مسفر مو فيه بس اليوم غير مسفر بيرجع واللكل بيستقبله بالمطار نفسيتها تعبانه مره ...حست انها فقدت احمد وامها وتركي و هاللحين مسفر بالمطار طلال: هذا مسفر وصل طلع مسفر وهو لابس بنطلون جنز خصر واطي وبلوزه برتقاليه كت . وليد: شوفو وش لابس على باله حر بالسعوديه لوجين قلبها صار طبول طلع من مكانه من كثر الدق حتى العرق اللي برقبتها صار ينبض .. "والل ه واحشني موت اخاف بعدك اموت " هذا اللي جاء على بالها وهي تناظره يمشي بالبدله الخفيفه اللي بيينته اضعف ويتلفت يدور علييهم |
|
|
#33 |
|
|
رد: رواية سعوديات في بريطانيا / كاملة
مسسسسسسسسسسسسسسسفر لف عليهم مسفر وهو يضحك وماهمه منهم كلهم الا واحده .. ماكان مشتاق الا لعيون وحده ..عيون سود كبيره رموشها كثيره .. يدور عليه بعيونه ... كانت واقفه ولابسه فستان وردي لنص الفخذ وكات ... ونظاره ورديه رافعه فيها شعرها اللي صبغته بلون الباذنجان ومقصرته كثير عن الاسبوع اللي فات قاصته لحد ظهرها .. وماكانت ترفع ايدها ولاتتكلم معهم بس تناظر بمسفر ..( يالبيه يا عيونك العذاب ) فيصل: هلا والله بالجيكر مسفر والفرحه مو سايعته كل ربعه جئو يستقبلونه : هههههههه مالجيكر الا انت لوجين حسست بمغص ورعشه بجسمها وهي تسمع صوته طول شهر ونص تسمع صوته وماركزت انه فخم وفيه بحه كذا الا لما فقدته اسبوع واحد بس عرفت صوته وحفظته وليد وهو يضمه وبينهم الحاجز الحديد :الحمدلله على سلامتك يالجيكر مسفر : وش فيكم علي من اول ماجيت الجيكر نواره : ماعليك منهم غيرانين لانك معرس ناظر نواره وبعدها لوجين كانه يقول اسكتي مابغى لوجين تعرف . طلال: انتي مشكلتك الذكاء الزايد مسفر:ههههههه لحد هاللحين نواره: للفجر مسفر: والله فقدتكم لوجين بخاطرها : ماتفقد غالي طلال: وحننا بعد ذوق : بنوقف كثير يله مسفر: قولي الحمدلله على السلامه على طول يله نواره : ذوق مع الاسف ماتعرف الذوق وليد: وانا معها فيصل : انتم اللي مره عندكم ذوق مسفر: شالسالفه اشوف في تطورات ..؟؟ يناظر ذوق المستحيه وفيصل اللي بعينه نظره شيطانيه البندري بهدوء على غير العاده : مبروك الملكه والحمد لله على السلامه مسفر استغرب من البندري شكلها دايخه وفيها النوم : الله يبارك فيك وعقبالك ... والله يسلمك وليد : شكلنا مطولين يله للشقه مسفر مارفع عينه عن لوجين اللي كانت تتحاشى تناظره علشان ماتفضحها عيونها لوجين مدت ايدها من ورى نواره ../ الحمد لله على السلامه مسفر: الله يسلمك ماترك ايدها اللي كانت بارده مثل الثلج بعكس ايده الدافيه من التوتر ... حاولت تفك ايدها هو ماسكها توترت وجسمها ارتفعت حرارته لوجين بتوتر تكلمت علشان وهي تناظر الدبله اللي باصبعه البنصر : كيف الجو هناك . مسفر انتبه انها تناظر خاتمه : اوه مت من البروده ..حرررررررررر ترك ايدها بعد ماعطاها من دفى ايده ... نواره : واضح لانك بهذي الملابس اكيد بتثلج.. مشوا لشقة الشباب اللي تعودوا البنات في الفتره الاخير يدخلونها يتغدون علشان يكملون بعدها للبحث ... نواره بعد ماطردت كل الشباب وضلوا البنات مع مسفر لوحدهم ماعدا البندري اللي رجعت لشقه بحجة الم براسها : ها بشر عساها حلوه مسفر:ههههههه وانا اقول ليه مصرفه الشباب الجوري: بتقول والا كيف اخلص علينا 0( بحماس) حلوه مسفر ناظر لوجين بتوتر : امممم مادري نواره: اها علينا ..قر بسرعه ذوق: طويله مسفر زاد توتره وهو يشوف لوجين تلعب باطراف شعرها ومسويه نفسها مو مهتمه : ايوه مثل طول نواره تريبا نواره: ياحضك زوجتك مزيونه اجل مسفر: ههههههه لوجين وقفت وبغرور بعدت الخصل اللي كانت تلعب فيها: اوكيه الحمدلله على سلامتك حنا نستاذن نواره: لااااااااااااااااااا ...وين مابعد شفنا صورها مسفر وهو يناظر لوجين من فوق لتحت شكثر شتاق لها ياحلوها بالوردي كانها فراشه : صح بدري لوجين وقلبها متخلبطه دقاته : لا نروح علشان ترتاح يله بنات نواره : روحي لوحدك انا ماني طالعه الا لما اشوف صوره للريم جلست لوجين لان عندها فضول تشوف الريم مسفر: واثقه اني بعطيك ذوق: اكيد لاتخاف بنرجعها لك مسفر : يحقلي اخاف الريمقمر واخاف عليها من الهواء كان يقول كذا علشان يدوس على مشاعرها اللي كلها متجهه للبنت الجالسه على الكنبه وتناظره بفضول .... لوجين حست بقهر وغيره ( ويتكلم عنها قدامي ...على شنهو خايف عليها اكيد انها شينه ) الجوري : بتورينا والا كيف مسفر : نواره تقول لكم نواره: انا ...؟؟ انا وش يدري عنها .. مسفر: تعرفين هنادي مادري ناهد بنت عمك .. نواره: هنادي بنت عمي وش فيها ومن وين انت تعرفها مسفر:هههههه ورائك خفتي .. لاتخافي ماعرفها بس اختي رنو اقصد رنا تعرفها لوجين لفت مستغربه وش يتكلم عنه مسفر شهقت نواره : لاتقول ان رنا عمر اختك مسفر وهو يبتسم : ايوه نواره : ايوه عرفتها جون رنا طلعت اخت مسفر لوجين تناظر مسفر: من رنا ماعرفها نواره بحماس: رنا عمر اللي كانت بحفلة هنو الاجازه اللي فاتت ... رنا اللي اختها العنود المغروره لوجين عضت شفايفها يعني اسكتي اكيد ان العنود اخته .. نواره ماحست تكمل : العنود اللي كانت جالسه مع البدويه ام العنابي والبيج .. لوجين تذكرت : ايوه دادي قصدك مسفر توقع انهم يتكلمون عن الريملان العنود دايم مع الريمولان الريمملامحها بدويه وغير كذا العنود قالت له انها هي والريمتهاوشوا معهم بالنظرات نواره بحماس زايد مسكت ايد لوجين توقفها : ايوه هي ...تذكرتيها سكتت لانها استوعبت انها قالت على العنود مغروره ...لوجين فهمت نظرت واره المتفشله لوجين:ههههههههههه مسفر يمثل العصبيه والزعل : الله يسامحك العنود اختي مغروره نواره وهي متفشله :هههههههه ماقصد .. مسفر : تشبهني رنا ( ناظر لوجين بخبث ) لوجين: ................. نواره: لا ابدا انت احلى مسفر( الملقوفه هذي من قالها ترد ) ذوق: جد والله شفتوا خوات مسفر نواره : ايوه ..لجون مايشبهونه صح لوجين ارتبكت : ها ... مادري مادققت نواره : الا تذكرين ... وهذا مسفر قدامك دققي به للفجر لوجين وسعة عينها مفجوعه من كلام نواره : نونو وش هالحكي مسفر قرب من وجه لوجين الجالسه على الكنبه مسفر بهدوء وصوت ساحر : ها كذا اشبها ارتكبت لوجين من قربه منها قلبها طلع من مكانه خافت يسمع دقاته ...... وهو حس بمشاعر غير ريحة عطرها الهاديه اللي تصرخ انوثه وحركت ايدها الخجوله وعينها اللي فيهم بريق مختلف ( مالوم علي يوم انه ضمك انت تجننين بلد ) لوجين تبغى تبعده ..باي طريقه قالت متخلبطه : لا ماتشبهك هي احلى مسفر بعد وهو يتنهد : يمكن .. وجهة نظر نواره : انا هاللحين شفت خواتك بس ماشفت الريم مسفر ابتسم : الا بعد قلبي هي اللي لابسه عنابي وبيج البدويه على قولتك شهقوا نواره ولوجين وبنفس الوقت قالوا : دادي مسفر تسعت ابتسامته ويدقق بعين لوجين : وشرايكم مو مزيونه لوجين :................ نواره من غير نفس : ايوه بالمره مسفر كان بيضحك لان اشكالهم واضحه مايحبونها ذوق : اوصفيها نواره : اممممم وش اقولك طويله بس انا اطول ماعليك من مسفر و.......... لوجين شبه مصدومه ان دادي ( لقب نواره ولوجين على الريم) ..تكون حبيبة حبيبها ..كرهتها اكثر مسفر : لوجين لوجين لفت مستغربه : نعم مسفر يبغى يتكلم معها باي طريقه لان واضح عليها لسرحان :بكره بالبحث من وين نبداه لوجين : انا عامله جدول بنمشي عليه مسفر : حلو الساعه 7 الجوري تدق الباب متردده البندري بهدوء : مين ..؟؟ الجوري : انا البندري تصارخ : خييييير الجوري: ممكن دخل البندري: لا وفارقي اطلعي من حياتي الله لا ير( ماكملتها قلبها ماطاوعها تدعي على تومها الجوري ) الجوري جلست على طاولة الاكل بضيق نواره وهي تاكل الفروله مع الشكولاته : ليه الحلو زعلان الجوري: بالبندري طبعا ماصارت زعله ذلتنا اسبوعين وهي ماتحكي معي ... نواره: مردها لك وبيطيح اللي براسها الجوري : ما ذوق تقاطعم بحماس : شوفوا شوفوا وش جاب لي فيصل نواره والجوري راحوا بسرعه يشوفون اللي بيد ذوق كانت علبه صغيره داخلها" حلق " للاذان كان يبرق من حلاته نواره: واوووووووووووو الجوري : جنان ذوق بفرح: وشرايكم خيال نواره تضربها مع كتفها : حركات ذوق:هههههههه الجوري : اوعدنا يارب ذوق: لا ياحبيبتي هذا للحلوات فقط نواره : ههههههه تكفين ذوق: وين البندري ولوجين الجوري بضيق : البندري داخل ...ولوجين كالعاده مع مسفر للبحث لوجين : لا مسفر وين نروح هناك المكان يخوف والوقت ظلم مسفر:ههههه ياخوافه ... لوجين : لا مو عن كذا بس ..(سكتت لوجين تعودت على مسفر 3 ايام وهم مع بعض مايفارقون بعض الا وقت النوم كل واحد فيهم مبسوط بالثاني مسفر بخبث : اجل شنو غير الخوف لوجين: ايوه اخاف ارتحت مسفر:ههههههه داري ...تعالي ناكل لنا شي انا مت من الجوع لوجين : يادوبنا تغدينا مسفر: متى صار لنا اكثر من اربع مادري خمس ساعات لوجين: ايوه حتى الاكل ماهضمناه مسفر: من كذا أنتي جلد على عظم يناظرها من فوق لتحت ..لوجين استحت وحطت ايدها على خصرها : لا مسفر: تنكرين لوجين : خلاص ناكل شي اكلتني مسفر:ههههههه وع ماصخه لوجين رمشت بعيونها مستغربه: وش هذي ماصخه مسفر: ماتعرفين لوجين وبوجهها علامة استفهام كبيره: لا مسفر ابتسم وهو يمشي علشان تلحقه : احسن ..بعدين تعرفين لوجين : لا اللحين ابغى اعرف مسفر: اذا كبرتي تعرفين لوجين تضغط على اسنانها بعصبيه : لاحول بتقول والا كيف هز راسه " لا " مستمتع بعصبية لوجين اللي صار وجهها احمر لوجين : اجل شف من يتغدى مادري يتعشى معك قربها منها مسفر بسرعه وملامحه صارت جد ...لوجين قلبها زادت دقاته خافت انه يسمعه من قوتهم مسفر بجد وهو قريب منها : من جدك ماتعرفين وش تعني ماصخه لوجين تبلع ريقها بتوتر وهي خايفه : لا مسفر حاول يمسك ضحكته ( مسكينه تنرحم شكلها يكسر الخاطر وهي خايفه ) بعصبيه مصطنعه: لاتستهبلين لوجين فجاءه تضايقة و ابعدته من كتفه عن وجهه قالت وهي عاقده حواجبها وتلف للجهه الثانيه : لا ماعرف زين ...وخلاص مايحتاج اعرف مسفر لانت ملامحه اللي كان معقدها علشان يضبط العصبيه وابتسم على برائتها : ماصخه يعني .. بدون ملح مالها طعم لوجين لفت : ابغى ارجع لشقه مسفر مستغرب من نرفزتها المفاجاه ..ومالها مبرر : ليه مابعد خلصنا لوجين: حتى ولو ابغى ارجع مسفر ماقدر يسكت : ليه لوجين: كذا كيفي توتر الجو بينهم وصاروا يمشون وهما ساكتين لعند السياره اللي وفرها ابوها لها مع سايق لان البحيره بعيده عن الشقه .. لوجين( ليه انا ماعندي مشاعر ماحس تضحك وتسولف معي تصبيره لحد ماترجع لحبيبة قلبك الريمالخايسه ...ماني لعبه بين ايديك يا مسفر ...ولازم اوريك حدودك ) وهي تفكر جاء بزر بسرعه يركض وضم رجلين لوجين ...وقفوا ( بعد الترجمه) البزر : انهم يتبعوني لوجين تحاول تبعده : من ...؟؟ البزر: ارجوكي ابعديهم لوجين ماتحب البزارين ينرفزونها...تكره البزارين بصوت عالي : وماشاني انا بك مسفر انصدم من لوجين قاسيه على البزر اللي يستنجد فيها لوجين تحاول تبعده وهو موراضي يتركها ..لفت على مسفر : ابعده عني ..آف مسفر نزل لعند البزر اللي متمسك بلوجين مسفر: من يتبعك البزر: الاشرار مات وكريستينا مسفر: لاتقلق لن ادعهم يلمسوك البزر ترك رجلين لوجين ورمى نفسه على مسفر : حقا مسفر ابتسم يطمنه: اعدك ولما جاو بنت شقراء سمينه ولد اشقر ضعيف ابعدهم مسفر بنظراته اللي تخوف لحد ماتركوه ورجعوا لعند اهلهم بعدها ترك مسفر البزر اللي قال ان اسمه "ستورين" .. بعد الترجمه مسفر : حسنا الى اللقاء اراك لاحقا ياصديقي ستور ستورين: حسنا وداعا واشكرك لما راح ستورين لف مسفر على لوجين اللي عجبها حنانه على البزر ... مسفر باحتقار: ليه ماركبتي السياره لوجين: انتظر حصة الامومه اوه سوري الابوه لحد ماتخلص مسفر: تتريقين ..وليه البزر لما استنجد فيك تركتيه لوجين: كيفي ..وبعدين انا( بحقد قالت ) اكره البزارين ماطيقهم مسفر.(كل هذي الرقه والنعومه بالجكيت الاصفر ..بداخله هذي القسوه الطفل ماتحن عليه ) مسفر : اول مره اسمع ان في وحده ماتحب البزرين لوجين تحس بضيق وان العبره خانقتها : ايوه انا ركبت السياره بعد مافتح لها السايق دخل مسفر بجنبها وسكر الباب بقوه مسفر:مفر قاطعته بعصبيه وايها ترتجف : انت عندك ابو مسفر استغرب السوال اللي مو بمحله : ها لوجين تناظره مقهوره من غباءه : انت ابوك عايش معكم بالبيت ... يعني عشت بحضن ابوك ؟؟ مسفر: ايوه اك لوجين وعيونها مغرقه : اجل لاتتكلم لفت وجهها بسرعه تناظر اللي برى قبل لاتخونها دموعها وتنزل مسفر استغرب هذي اول مره تصير فيها لوجين كذا باستثناء يوم المستشفى ويوم عيد ميلادها لوجين ( لا ياربي ليه اضعف قدامه ليه ...ماصار الا قدام مسفر قدام اللي احبه وسلمته قلبي وانا عارفه انه لابس خاتم يربطه باللي يحبها وتحبه ..هو وش عرفه بفقدان الحنان .. مسفر: انا كن لوجين حطت ايديها على اذانها :مابغى اسمع شي حس انه جالس مع وحده مايعرفها اول مره يشوفها ... هم قالوا له ان زعلها كبير لكن مو كذا كانها بزر تسد اذنها عن اللي ماتبغى تسمعه قبل لاتنزل قالت : كمل البحث لوحدك . مسفر : لوحدي وانتي ك لوجين : اذا تبغى تنجح كمله ....( لفت عليه بكره وغرور ) انا مايهمني نجاحي من رسوبي .. توها بتطلع مسك ايدها بعصبيه هذي محد ربائها ولا علمها من قبل : اسمعي بتكملينه وانتي ماكله تبن ..محنا بزارين تزعلين وماتكملين تناظره مستغربه من هو علشان يكلمها كذا او يمسك ايدها بهذي الحقاره جلست تناظر ايده اللي على ايدها ..وتذكرت هذاك اليوم اللي عطاها فيه كف ..حست باهانه .. لوجين من طرف انفها تحكي : اترك ايدي ... مسفر استوعب انه ماسك ايدها ..زاد ضغط عليها: بكره من العصر تجي نكمل تصوير ونطبع التقارير وترك ايدها بقوه لوجين : اسمع انت ياحشره ( طلع الكلام من بين اسنانها ) مره ضربتني على وجهي وحلفت اردها بس قلت حرام مسكين ماهو قد بنت الكاسر ..لكن هاللحين غيرتي رايي والله لاخليك تندم على اليوم اللي سجلة فيه تجي لبريطانيا ... والله يامسفر لارد لك الصاع صاعين بس مو فيك باغلى ناس عندك رفعت شنطتها وطلعت قبل لايتكلم مسفر مسفر كلامها يتردد باذنه ( ... والله يامسفر لاردك الصاع صاعين بس مو فيك باغلى ناس عندك) ... اغلى ناس عندي من تقصد ...ليكون الريملا ماتوقع هذي كلام على الفاضي ..يمكن تقصد رنا ايوه رنا اختي ..لالا البنات كلامهم كثير بس انا شفت بعيونها كره ماشفته مره فيها اول مره تناظرني كذا ..آه ياقلبي مكتوب عليك الشقى مع اغلى انسانه .. دقات قلب مسفر زادت لماا قال" اغلى انسانه " حط ايده على قلبه مسفر : الله يلعنك يابنت الكاسر حركتي هذا .. يالله مالقيت الا هذي احبها ...آف..انا اللي احب الريم واضحك على نفسي واهلي بحبها احب هذي جد لوجين دخلت الشقه معصبه وعلى طول غرفتها .. تبكي ( احبه والله العظيم احبه ..ليه هذا الوحيد اللي ماقدر اكلم بابا عليه ..ليه ..؟؟ آه يامسفر لوتدري ياحقير وش كثر احبك ....) نامت بملابسها اليوم كله كان بالنسبه لها متعب الفصل الثالث عشر اليوم الثاني فتحت لوجين باب غرفتها بعدد ماتروشت ولبست شورت وبلوزه نص وتركت شعرها مفتوح ..جيعانه بس صوت الضحك شدها ..فتحت الباب شافت فيصل وذوق جالسين على طاوله ياكلون .....وبشار مع وليد يسولفون مع الجوري اللي ماتعطي وليد وجه كل سواليفها مع بشار ... والبندري طبعا في غرفتها تسمع ضحكهم مقهوره ...نواره وطلال يلعبون بلاي ستيشن ومسفر جالس يناظرهم ويناظر الساعه كل شوي لحد مانتبه ان غرفه انفتحت وطلعت لوجين بالشورت قلبه زادت دقاته نواره وهي مندمجه : تعالي لجون صيري الحكم بدل مسفر المفهي لوجين وهي تناظر مسفر بعين قويه : يالله صباح خير فيصل : اوه شكل النفسي واصله توب لوجين مالها خلق شي : نونو اليوم بيجي ناصر تروحين معي نواره بحماس: ناصر قولي والله اروح ونص الجوري: غريبه لجون ابوك فيه شي لوجين: لا لازم يكون فيه شي علشان اشوفه الجوري سكتت واضح ان لوجين فيها شي كبير ومو سهل مسفر( شكلها بتنفذ تهديدها الله يستر هذولا عيال الفلوس حقيرين مايعرفون احد وعندهم يهدمون مستقبل اي شخص على حساب غرورهم ) ذوق : خذيلك كوفي لوجين راحت لعند غرفة البندري تدق الباب : مالي خلق ابغى بندول البندري: مين لوجين: انا البندري تفتح الباب : هلا تعالي لوجين: احصل عندك بندول البندري: ايوه تعالي ليه واقفه بره ندق الجرس .. لوجين : اكيد هذا ناصر نواره ركضت للمرايه تتتعدل : ها شكلي حلو فيصل وبشار وذوق ووليد والجوري :هههههههههه طلال تنرفز منها مسفر عيونه على لوجين اللي تحاول ماتناظره ناصر : السلام عليكم اللكل : وعليكم السلام مسفر عرف الصوت نفسه اللي رد عليه بالمستشفى ناصر يناظر الشقه وهو مستغرب بالعاده مافي شباب عندهم . طلال ومسفر يناظرون بعض هذا مدير اعمالها ورزه كذا كيف ابوها |
|
|
#34 |
|
|
رد: رواية سعوديات في بريطانيا / كاملة
نواره : كيف الحال ناصر ناصر : تمام وانتي نواره : انا عال العال لوجين بنفس شينه: ايوه ناصر وش عندك ناصر: طال عمرك العم راشد يبغى يقابلك لوجين: قوله بعدين انا مشغوله بالاختبارات ناصر: لكن طال عمرك هذي اوامر العم بوراشد لوجين: وانا بنته انت لاتتدخل ناصر: سمي طال عمرك لوجين: تعال ابغاك شوي دخلت معه لغرفه مسفر وطلال ووليدوبشار اول مره يحسوا انها بنت بطرى من طريقة كلام ناصر له مسفر: هذا ناصر نواره:آه يهببببببل وليد: مو مره فار قدام لوجين طلال وهو حاقد على نواره: الا خشخيشه ذوق: الفلوس ترز طلعت البندري: وين ناصر سمعت صوته نواره: فاتك راح البندري بعد ماقررت انها تطنش الاثنين الجوري ووليد وترجع مثل قبل مع الشله : لا راح لييه نواره: لاتخافين بيطلع بشار: اللحين هذي الشقه باسم مين مسفر: وربي سوال مو بمحله بشار: لابس عندي فضول انتم من وين لكم مني بهذا الحي الراقي نواره: لا حنا قدها وقدود الجوري: هذي الشقه حقت لوجين الشباب :لوجين...؟؟ ذوق: ايوه وحنا جالسين ببلاش وليد: شكلي بجي عندكم نواره: حياك طلال : والله انها مو سهله بشار: بعد اللي جفته اليوم توقعت ...والله من زمان وانا متوقع انها مالت لوجين طلعت لوجين مع ناصر :اوكيه اذا جلصت عطني الو ناصر: حاضر طال عمرك مع السلامه اللكل: مع السلامه لوجين وهي تناظر مسفر: قلتلك تراني مامزح مسفر وقف : وانا ماخذ على كلام بزارين توتر الجو فجاءه نواره اللي تعرف باللي صار: مسفر لوجين خلاص تفاهموا بعدين طلال: شالسالفه...؟؟ لوجين: محد له دخل هذا وعد بيني وبين مسفر ولازم انفذه .. مسفر: اعلى مابخيلك اركبيه وليد يعرف وليد اذا عصب مايعرف ابوه: اوكيه هما براحتهم لاحد يتدخل بفترة الاختبارات اللكل انشغل مع الاختبارات واللكل ذاكر بذمه ...علشانها اخر سنه ويبغوا يرتاحوا من ادارة الاعمال والتسويق والمحاسبه كانت دراستهم شامله لكل هذا ... بعد الحماس وتقديم يوم حلو ويوم شين وتفرقوا بقاعات مختلفه ولوجين ومسفر يتحاشون بعض ونفس الحال البندري والجوري اما طلال ونواره حكايه ثانيه نواره: بالله اليوم اخر يوم بالاختبارات واخيرررررررررررا طلال: حفل التخرج وبعدها نطيييييييير للسعوديه نواره : لووووووووووووووووللللللل بروح لامي وخواني طلال: من قدك ..ببريطانيا ماخذه راحتك وبدها بتروحي للضيقه البندري : الو ..... هلا والله بمحمد هلا محمد: هلا بنبن كيفك ... البندري:هههههههههه تمام وحشتوني ( بكت ) محمد: لا يابا لاتبكين ...خلاص بكره انا عندك ومراح ارجع الا وانت معي البندري:هههههههه ادري محمد: لاحول بتسكتين والا كيف البندري: لا بسكت انت كيفك وكيف زوجتك مريم ومشور الصغير محمد: كويسين ... البندري: وخالي رشاد ... محمد: تمام ويسلم عليك البندري : الله يسلمه ( بضيق) وكيف امي.... تزورها محمد : ايوه وتسال عنك دايم وانا اقولها انك ببيت صديقاتك او عند الجيران البندري بلهفه : هي كيفها عساها مرتاحه بالسجن محمد: لا ماعليها قصور البندري: مادرت اني ادرس ببريطانيا محمد: لا وانتبهي اذا زرتيها لاتقولين البندري تحاول تغير الموضوع لان صوت اخوها محمد تغير : وكيف تهاني وبنتها نجوج ...لحد هاللحين الكلب يضربها محمد: يخسى الا هو ... لا متادب معها سكرت البندري وهي مشتاقه لسعوديه وجوها ....متحمسه تشوف الريم بنت اختها تهاني ..ومشور ولد اخوها محمد نواره مشتاقه لمروه المعقده ولابوها الطيب بزياده ولكل اخواتها وخواتها وعيالهم .... خلاص اذا جاء الفرج قل الصبر ... بكره ابوها بيكون عندهم ...ببريطانيا ماهي مصدقه الجوري تفكر ( اقول لامي ولا لا ....دام امي مايهمها مراح اقول اهم شي قلت لخالي و لعمي عبد الرحمن وخلاص ... يارب يجي يارب ..اكيد بيجي لان خالتي موضي طيبه وبتضغط عليه يجي ) ذوق ابوها حبيب قلبها كلها دقايق ويوصل ...اضغطت على فيصل يجي معها يشوف ابوها لكنه رفض وبشده ...استغربت بس مافكرت بالموضوع كثير لانها مبسوطه وماتبغى شي يخرب عليها .... واقفه بالمطار تنتظر وحولها صحباتها لوجين والجوري والبندري ونواره .. نواره: غريبه ليه تاخرت الطياره لفت عليها الجوري خزتها ( اسكتي وجع ان شاء الله لاتخوفينها اكثر ) ذوق: ايه والله تاخروا كثير لوجين: لا ماتخروا الجوري: يعني ماتعرفين الخطوط السعوديه دايم تتاخر او تتاجل الرحله ذوق تفرك ايدينها ببعض : الله يستر فيصل كان موجود بالمطار لكن بمكان بعييييييييييد علشان ماتنتبه فيه ذوق يبغى يشوف ابو ذوق يمكن غيره كان يدعو ربه انه يكون واحد ثاني لانه خلال الثلاث الشهور اللي مرت ...شاف شخصية ذوق الخجوله الحبوبه بعكس لمياء الانانيه الحقوده ... ( يارب ...يارب ... يكون غيره .. وتخيب ظنوني يارب ..) دخل المطار بهيبته وقاره و مشى بهدوء عكس اللي داخل قلبه ... كان بداخله شوق وحب وحنان ولهفه على بنوته المدله ذوق ... عيونه تتحرك بالمطار تدور عليها ... وين قلبه واقف وبجنبه ولده رائد اللي يطالع بالحريم نواره: ذوذوا هذا ابوك ذوق تناظر وين ماشرت نواره : وين ..(صرخت ) باااااااااااااااااااااابا لف بوذوق وقال بارتياح : ذوققققق ركضت لابوها..... نسى بو ذوق نفسه وصار يسرع بمشيته .. ذوق وهي تضمه ودموعها على وجهها : بابا بوذوق قطعه من قلبه رجعت لحضنه ...ضم بنته و حس انه يضم سنين الغربه والعذاب بعيد عنها .... بو ذوق...( عبدالعزيز ): مششششششششتاقلتس يالغاليه مشتاق ذوق: الله لايفرقنا ..مره ثانيه وحششتني رائد: وانا مالي حضن ذوق:ههههههه دودي رائد: دودي بعينك ..رائد فيصل خاب كل ضنه نفسه ..نفس الرجال القاسي اللي طرده من ديوانيته لما طالبه بفلوس ابوها ..ولما طرده لانه ترجاه يطلع ابوه من السجن ...تولد الكره القديم بقلبه كره ذوق وكره ابوها وكره البنات كلهم ....( والله لاحرق قلبك فيها ياعبدالعزيز مثل ماحرقت قلبي انا وامي على ابوي ) اللكل ناجح بمعدلات حلوه وطبعا مسفر متفوق البنات والشباب محتاسين بكره حفل التخرج واخر مره يشوفون بعض ... وليد وطلال اباهم واخوانهم جئو لبريطانبا يحضرون الحفل ... والبندري اخوها وصل .... اما لوجين مستحيل ابوها يحضر بس عزمة دادا موضي من السعوديه .... مسفر مشغول باله ابوه واخوه سامي وصديقه تركي مابعد وصلوا وبكره الحفل متى بيرتاحون .... مسفر: لااكيد في شي مايتاخرون كذا الطيارات اللي من السعوديه من زمان واصله ومافيه رحلات الا بكره ومايردون على تلفوناتي طلال: ياعمي ان شاء الله ماعليهم شي مسفر: لا انا مو مطمن حتى رنو ماترد علي طلال: يبه قوله شي يطمنه بوطلال: مايفهم صار لنا اكثر من ساعه نحكي معه مسفر: خلاص ياعمي انت روح ارتاحوخذ معك طلال وانا بحاول اكلم يممكن يردون .. بعد ماطلعوا طلال وابوه لغرفة طلال ظل مسفر يحاول ومع الاسف مافي رد وليد: لايبه ناجح وعلى طول بحصل لي وظيفه بووليد: اشك انت والفاشلين مسفر وطلال ماوراكم وظايف وليد: خبرك قديم الاخ مسفر صار دافور بعد كسل 3 سنوات صالح اخ وليد الكبير : ايوه اسمعه يقول معدله كويس وليد: اتوقع انه بيحصل وظيفه بسرعه بالكافي نواره: ماني مصدقه ابوي جنبي بونواره: هههههههههههههه لاصدقي نواره: يبه انت احلى انسان شفته بحياتي بونواره: ههههههههههه وش هالرضى ...اجل بخليك دايم تسافري نواره بانفعال: لالالالالالالالالالالالالالالا لا بونواره: ههههههههههههههههه البندري اخوها محمد وولده مشاري عندها مشاري: عمه بنو ..متى بترجعي للبيت البندري: والله ياروح بنو بعد بكره معكم مشاري: والله وناسسسسسسسسسسه ...وبتجي معك عمه جور البندري تغير وحهها : لا ومالنا دخل فيها محمد مستغرب: ليه البندري: سالفه طويله مالي مزاج اقولها محمد: يعني انتي مختلفه مع الجوري غريبه البندري: مالغريب الا الشيطان عادي محمد ماحب يتدخل اكثر: اوكيه براحتك انا بخلي مشاري معك وان برتاح بالفندق البندري: وااااااااااو وناسه اكيد البنات راح ينبسطو عليه محمد: ماوصيك انتبهي على مشمش بالموت امه رضت يجي معي ذوق وهي بحضن ابوها : بابا وحشتني مووووووت بوذوق: والله البيت بدونتس مايسوى ذوق: داريه ههههههههههه رائد: الا راحه منك ذوق : بابا شوفه بو ذوق:رائد اترك اختك بحالها رائد: والله انك انت اللي مدلعها يبه ذوق: اكيد وانا بنت عبدالعزيز الباقي لازم اتدلع الفصل الرابع عشر الجوري ولوجين جالسين بالصاله لوحدهم الجوري: آف ماعندنا احد لوجين : الخسيس بابا مراح يحضر والزفت مسفر ابوه واخوه وصديقه بيجون من السعوديه علشانه الجوري: مشاء الله وشدراك لوجين: هههههههههه هاللحين اسمعي وبتعرفين مسفر واعصابه فلتت رمى التلفون على الارض وتمدد على السرير يهدي اعصابه .. فجاءه دق التلفون ..ركض له بسرعه اكيد ابوه او تركي... من غير لايناظر الرقم بلهفه : الو لوجين ببرود: هالو مسفر مسفر استغرب صوت دق له قلبه ...ابعد اذنه عن السماعه وناظر الشاشه ( لوجين) لوجين : هالو مسفر: لوجين نعم لوجين قلبها يرجف : اسمع اليوم ماجاء ابوك ولاسامي ولاتركي بكره ماتدري انا وش ممكن اسوي مسفر سكت يستوعب وش عرفها بتركي وسامي وابوها : شقصدك لوجين: قلتلك ماعاش اللي يهين لوجين وانا للي ماخره اهلك .. مسفر: كيف لوجين : باي حبيبي حبيب الكلمه فز لها القلبين قالتها كذا متعوده عليها بس طلعت بمكان غلط ماسكرت اسكتت وهو سكت الكلمه هذي بلسم لكل اللي صار لوجين تدارك السالفه : سمعت هذا ولاشي سكرت ....مسفر عرف انها وراء كل شي اعصابه ثارت ووصل حده الجوري: الله ياخذك مانتي بسهله لوجين: ههههههههههه الجوري: حرام عليك لوجين: احسن يستاهل ..المهم روحي جيبي شي ناكله من المطعم الجديد الجوري: من عيوني لوجين: تسلم لي عيونك طلعت الجوري وجلست لوجين لوحدها تفكر( حرام حرمته من شوفت اهله وانا مجربه الحرمان صدق اني حقيره ) وكلمت ناصر يخليهم على طيارة بكره يجوا .. بعد ماسكرت من ناصر راحت تسويلها كوفي وجلست بالبلكونه وتناظر الشقه كيف فاضيه وبعد كم يوم بتصير فاضيه على طول (نزلت الدموع من عينها غصب عنها ) حست بالوحده والغربه من جديد .."آه يااحمد وينك مع انك كنت تنافقني بس محتاجتك ...آه |
|
|
#35 |
|
|
رد: رواية سعوديات في بريطانيا / كاملة
مسفر ح" دق الجرس بسرعه مسحت دموعها لوجين : اكيد هذي الجوري فتحت الباب مبتسمه ..كان مسفر واقف بشرهعند الباب ...لوجين ارتبكت مسفر : لوجين ودفع الباب بقوه لوجين خافت ورجعت لورى مسفر والشر بعينه : انت محد رباك وشكلي انا اللي بربيك لوجين قلبها يدق بقوه وصارت ترتجف ماهي متعوده تسمع حد يصارخ عليها كذا ( بصوت مرتجف): نعم مسفر لاحظ اثار الدموع اللي بوجهها بس ماهتم و لصقها بالجدار وهو ماسك رقبتها كانه بيخقنها : الناس ماهي لعبه بايدك ياست لوجين لوجين والدموع تجمعت بعينهاوخنقتها العبره بعد مابلعت ريقها : ابعد مسفر رحم شكلها الخايف موت ..بس زاد صراخ : انت ليه سويتي كذا ...؟؟ كيف تفكرين لوجين وماقدرت تمسك دموعها اكثر هذي ثالث مره يشوف دموعها وهي اكثر ماتكره حد يشوف ضعفها: اقولك ابعد ...ابعد عني مسفروهو يزيد ضغط: هاللحين تكلمي ابوك يوقف مهزلته والا والله لوجين بضعف: بليز مسفر ابعد تامني مسفر وقلبه ذاب من ضعفها وقلت حيلته ..مايستحمل يشوف هدوءها وانكسار ضل يناظرها بحنان وهي تناظره بضعف والم كان ودها تنرمي بحضنه وتقوله كل اللي بنفسها وتفضفض له لوجين مثل البزارين : مسفر تعورني مسفر ابعد ايده لوجين تدلك رقبتها وتمسح دموعها تلملم باقي كرامتها بهدوء: انا كلمت ناصر وبيوصلوا بكره تقدر تطلع بره مسفر ضل يناظرها كيف تكابر وهي من داخل مجروحه وضعيفه لوجين ترتجف : لاتناظرني كذا اطلع بره انا كلمة بابا وخلاص ..( رجعت تبكي) خلاص اطلع مسفر ابتسم لها بحنان : ليه تبكين ..؟؟ لوجين تمسح دموها اللي معاندتها وتنزل بكثره: كيفي انت مالك دخل اط مسفر يقرب منها وهو يحس بمشاعر غريبه: لا لاتبكين لوجين انفجرت بكي ورمت نفسها على الارض مثل البزر : اكرهكم اكرهكم كلكم ... اصلا ماحد يحبني الا علشان فلوسي اكرهكم مسفر جلس عندها وهو شوي يبكي على حالها بهمس : لوجين لوجين مسكت فيه كانه منقذ او شي غالي عليها: مسفر زادت بكي مسفر: هلا لوجين : انت تحب الريم مسفر صدمه سوالها وشدخل الريم هاللحين وليه تسال .. ناظر بعيونها يدور على جواب لوجين لما طول ومارد ابعدته عنها: اكرهك وضمت رجلينها لصدره وصارت تبكي بزياده مسفر( يابعد هلي لاتبكين دموعك غاليه ... ) : لوجين لوجين بصوت مبحوح : بليز مسفر اطلع بره مسفر راح لعندها : ا قاطعته: مسفر كان لي غلاه عندك خلني لوحدي بليز مسفر ...يليز مسفر مصدوم من اللي يشوفه لوجين نفسيتها منهاره مره ... لوجين باستهزاء وهي ترجف : مو لازم غلاتي.... وغلات امك وابوك وخواتك اتركني هاللحين مسفر: لوجين ليه خايفه لوجين ناظرته برجاء : مسفر ابغى بابا ...مسفر تكفى خله يحضر بكره انا محتاجته ( راح صوتها ) مسفر ليه مايبغاني انا وش ذني ...مسفر انا شينه لهذي الدرجه ....مسفر انا احبه ..والله احبه مسفر نزلت دمعه من عينه غصب عنه مسحها بسرعه ....واضح ان لوجين جالسه تتعذب ومحد داري عنها .. : حنا حولك يالوجين لوجين: حولي اليوم ..... وبعد بكره او اللي بعده وينكم حولي بعد .. مسفر ماعرف وش يرد لوجين: مابغى احد ماني محتاجتكم .... ارجعوا لحبايبكم وانا اعرف كيف اعيش .... لو ...........لو ......حد....ي مسفر قلبه يعوره على حبيبته لوجين : ابغى احمد تقدر ترجع لي حبيبي احمد مسفر حس بقهر بداخله ( ياذا الاحمد خلاص وش لك فيه ) مسفر بقسوه: احمد مات لوجين: داريه (نزلت راسها) ياليتني مت وراه مسفر كل شي ولاتدعوا علي نفسها عصب منها..كيف تدعوا على نفسها بالموت وتخليه : وش هالحكي تموتي وراه استغفري ربك وقفت لوجين وهي تمسح دموعها : سوري شكلي عطلتك بسخافاتي ...ت مسفر: لوجين لاتكابرين ... انتي محتاجه لوجين: محتاجه اجلس مع نفسي واندم على اليوم اللي شفتك فيه (رجعت بكت ) اكرهك يامسفر مسفر ناظرها بعتاب :بس انا ماكرهكك لوجين وهي تضغط على راسها بايد مرتجفه : اتركني لوحدي مسفر: لوحدك ...وصاحباتك اللي ي لوجين لفت عليه فجاءه: مسفر خايفه ... ( دموعها زادت وصارت تحاول تمسك اي شي تخبي رجفتها) مسفر: وش اللي خايفه منه ...؟؟ لوجين: خايفه من بكره.. مسفر: من بكره .....؟؟ ليه تخافين...؟؟ وش اللي مخوفك ..؟؟ لوجين جلست على اقرب كنبه :كل يوم لما اصحى من النوم اخاف ان البنات يتركوني ويرجعون لسعوديه مثل ماتركتني ماما ... خايفه اصحى مالاقي حد حولي بهذي الشقه (تاشر على غرفة البندري وذوق) : خايفه افقد البندري وعصبيتها وحبها الجوري ومثاليتها الزايده ...... ( تبلع ريقها) خايفه ان ذوق تروح وافقد حنانها وبرودها ونعومتها ..افقد كلامها المثير عن السعوديه واغانيها الوطنيه ..... خايفه افقد الجوري وتفلسفها الزايد ونصايحها القديمه ... .. .... ( زادت رجفتها ) والا نواره ( ابتسمت ) اللي ماترضى علي نواره اللي فتحت لي بيتها وغرفتها مع كل الكلام اللي جبته لها نواره اللي بضحكه من صوتها تنسيني همومي....و تقولي ليه خايفه ... كيف ماخاف وبعد بكره بيروح كل هذا مسفر حس ان مابيده شي ولابلسانه كلام... لوجين: انا عارفه ان كل واحد لها حياته بس هم كل حياتي و( ماقدرت تكمل غطت وجهها من البكي ) الجوري اللي كانت واقفه عند الباب من اول ماشرت على غرفة البندري وذوق : ياحياتي لجونه لفوا عليها اثنينهم الجوري تبكي : وليه ساكته ... ؟ لوجين تناظر مسفر : تصبحون على خير دخلت غرفتها الجوري لفت عليه: كنت عارفه ان فيها شي من الصباح وهي تمسح دموعها وتبين ان مافيها شي مسفر: طيب مافي امل انها تعيش مع ابوها الجوري بصوت واطي : ابدا" ...... ولاتفكر اصلا امها كانت ماتبغاها حتى ابوها ... الله يسامحهم حاولوا ينزلونها مسفر: كيف...؟؟ صباح اليوم الثاني نواره والبندري والجوري جالسين يفطرون ومعهم مشاري ولد محمد اخ البندري نواره: يحليه هذا الدبدوب مشاري: انا مو دبدوب صح عمه البندري: صح ياعيون عمه مشاري: عمه الجوري ليه ماتتكلمين الجوري:ها ... شقول البندري بنرفزه : ماعليك منها .... لاتتحكي معها سمعت مشاري: لا عيب هذي جور الجوري: البزر يعلمك البندري عصبت: شقصدك ...؟؟ نواره تهدي الوضع: انتي معها استحوا غلى وجهكم ... بعد ماكنتم خوات تصيرون كذا عاجبكم وضعكم ... جد ناس تسد النفس على الاكل . دخلت غرفتها مشاري: عمه ليه تصارخون الجوري: مافي شي حبيبي كمل فطورك البندري : لاتحكين معه اخاف تاخذينه مني هو الثاني الجوري تستفزها : لا لاتخافين وليد يكفيني البندري عصبت اكثر: حبيبي مشور قوم معي للتلفزيون احسن من الكتمه هنا مشاري ببراءه : بس انا ابغى اجلس مع عمه جور البندري: خلها تنفعك الجوري مسكت ضحكتها لان واضح على البندري القهر من مشور البزر : تعال حبيبي البندري دخلت غرفة لوجين معصبه البندري: لجون لجو ..قومي لوجين وفيها النوم : خير البندري:خير.... ومن وين يجي الخير وهذي الجوري معنا لوجين وراسها كله يعورها : حتى اليوم بتتهاوشون وبعدين معكم ...بنو تراك ثقلتيها الموضوع مايستاهل كل هذي الزعله البندري وحست ان كلام لوجين جد : نامي نامي احسن لك تفتح دولاب لوجين: بكره بنسافر انا واخوي محمد ... وابغى اخذ بلوزه من عندك ذكرى لوجين وهذا اللي ماتغاه انهم يذكرونها بسفرهم ... لوجين وهي تغطي وجهها بالبطانيه / حلالك الدولاب وصاحبة الدولاب البندري: لا مابغى صاحبة الدولاب يكفيني بلوزه وحده رفعت بلوزه موديلها وسيع مرررره ونازل عند الكتف : هذي باخذها ..لانك بستيها باخر يوم اختبارات لوجين : حلالالالالاك كم بنو عندنا البندري: تسلمين ....صحيح قبل لانسى ترى مشور ولد اخوي محمد هنا لوجين: اممم كويس البندري وتعرف حساسية لوجين مع البزارين : جالس مع البندري بره ... طلال دق جواله وهو جالس مع ابوه واخوه صالح ...ارتبك لان نواره هي اللي داقه وهو حالف لابوه انه ترك حركات البنات طلال: آف الغثه هذا بوطلال: مين طلال: مدرب المسيره كل شوي داق بوطلال: كلمه طلال: الو راح بعيدعن ابوه وصالح نواره : الو هلا طلال وينك طلال: اول السلام عليكم مرحبا كيف الحال بعدين وينك نواره: السلام .... وينك ؟؟ طلال:افطر مع الوالد وصالح اخوي نواره: اسمع ابغاك ضروري طلال: خير ماني فاضي لسخافاتك نواره: انا عندي سخافات انت وجهك طلال: احترمي نفسك لاسكر الخط نواره يلعن ابو الحاجه اللي تذل ... طلال:ها ترى اسكر نواره:لالالالالا... اسمع اليوم ابغاك ضوروري طلال وهو مستمتع انها تبغى تشوفه اكيد بتودعه :امممم ليه نواره بخجل: بشوف حسام حبيبي طلال عصب من كلمة حبيبي وقاطعها : وانا وش دخلني..؟؟ نواره: يالله على الغباء ..انت خطيبي نسيت طلال: لا ..توني ادري انا خاطب وماحسيت نواره :آف بيذلني ...(بدلع ) طلول تكفى تعال معي طلال مايقدر على الدلع بس ثقل عمره : واذا قلت لا نواره: عادي بتذلني يعني باي طلال: اوكيه باي سكر ..طلال بالفتره الاخيره صارت نواره هاجسه الوحيد دايم يفكر فيها ...ويطلع معها ( البحث سوا عمايله خخخخخ)... رجع دق عليها قلبها يسيره مايخيره نواره معصبه ترمي الجوال : مالت عليه اللخايس انا للي مره ميته عليه مسكت قلبها: يالله بشوف حبيبي اليوم ههههههه دق جوالها (ردوا وقالوا لبعضهم ...حنا فترقنا اكيد) نغمه خاصه لطلال هو حطها لها لانها ماتحب ديانا كرزون عناد لها حطها نواره: اف شيبغى هذا ... خير طلال:هههههههه انتبهي لاينط لك عرق نواره: نعم شتبغى بعد طلال: متى بتشوفينه نواره: على الفطور بعد دقايق طلال: وتوك تحكين على ماتجهز تكوني واصله لشقة الشباب نواره: خير يابو الشباب وين اروح ...شقة الشباب ..ياعمي خلاص ابوي هنا ماقدر انا بالموت ضحكت عليه اني بفطر مع البنات طلال: اوه نسيت ...اي مطعم ذوق والجوري يلعبون مع مشاري ولوجين والبندري بالغرفه يسولفون .. وليد ومسفر جالين يتكلمون عن بنات عمهم اللي يحبونهم ...( شفتوا شلون الجوري والبندري يتهاوشون على واحد يحب بنت عمه ههههه ) طلال وهو يشوف نواره تمشي لعند بمرحها المعتاد ورجاجتها ..وتدق عليه بالجوال وهو يناظر الشاشه مبتسم ....عز الله ان القلب في حبكم صاب مراح للي غي المحبه يدله ... ان قلت ماغليك فانا اليوم كذاب القلب لاشاف رقمك تغير محله ..... لوبمد حكي والله لخلص كتابي وكل من عذلني فيك الله يعله.... نواره: يالمفهي ادق عليك ليه ماترد طلال: كيفي وين نجلس نواره وهي تاشر عللى طاوله جالس فيها حسام يناظر الساعه: معه مشوا شوي وقفت فجاءه طلال: يله وشفيك مسكت ايده : خايفه حس بكهرباءء بجسمه من لمستها: وش قلتي نواره: خايفه طلال مقهور بس ساكت: لا نواره خايفه .. نواره تيلع ريقها: احبه ياطلال احبه طلال حس باعصابه تثور وبطعنه بالقلب يحبها وتحب غيره : بس هو مايحبك واليوم لازم توقفيه عند حده نواره حست بالراحه لانها تحس ان طلال معها : صح لازم اوقف هذي المهزله طلال: يله نواره: شكلي عدل طلال عصب : ولاهو داري عنك جرحها كلامه : يله نروح قبل لاقتلك جلوا وطلال لى اعصابه يهز رجله( لا وانا بنفسي موديها لحبيبها ) حسام: هلا نواره نواره: نعم وش بغيت لف عليها طلال ( شالقدره الفضيعه على التمثيل ولا كانها خايفه ولاكانها تحبه ... ) حسام: بكره بترجعي لسعوديه(سكت لانه مو عارف شيحكي ومعهم طلال) نواره: شرايك يعني اجلس هنا حسام مرتبك يناظر طلال وهو ساكت نواره: هاللحين داق علي تبغى تقابلني علشان هذا السوال حساميناظر طلال ماقدر احكي قدامه ....نواره فهمت عليه نواره: لا عادي قول قدام طلال ماخبي عنه شي ..وهو متفهم طلال( متغم بعينك لو اني خطيبك جد كان غطيتك من هذا اللي بياكلك بعيونه) حسام : بس حبيت اعتذر لك على كل شي انا نفسي ماكنت ادري انهم خطبوا لي م نواره تحط رجل على رجل بملل: اوه بتعيد السالفه القديمه ..خلاص لك طريقك ولي طرريقي انت تزوجة وحبيت وانا حبيت وانخطبت هلاص لاتعلقني بدربك .. حسام توه بينطق قاطعه طلال : اتوقع كلام نواره واضح ولاعاد اشوفك داق عليها او مقرب من عندها اوحتى تفكر تحضر حفل التخرج ..والله ثم والله اذا شفتك نطقت باسمها عند حد ماتلوم الا نفسك انت فاهم حسام ونواره مستغربين من انفعال طلال اللي لفت كل اللي بالمطعم .. نواره: سمعت عن اذنك وقفت وقف معها طلال راحوا وتركوا حسام المصدوم ان نواره نسته كانت عينها ماتناظره مثل قبل بحب وامل لا عيونها كانت تناظر اللي جالس بجنبها نواره تفكر انها تحب حسام بس اليوم لماشافته حست انه ماضي وماتبغى تعيده ..ماضي راح بخيره وشره تذكرت رد طلال وعصبت : انت كيف تقوله هذا الكلام طلال: خلاص هاللحين اوعدك ماراح تشوفينه مره ثانيه نواره: ومن قالك اني مابغى اشزفه طلال عصب : تبغينه روحي له نواره: لاتستاهبل انت عارف اني ماقدر قهره ردها : تبغين شي بروح لابوي نواره بعصبيه: لا مشكور تعبناك معنا طلال : تعبك راحه ياانسه نواره : ايوه تتريق علي انت اصلا شمتان فيني طلال وقف ولف عليها: لحول انتي شتبغين ...؟؟ نواره: مشكور مابغى شي تعبتك معي طلال( تعبك راحه ... واحبك مهما تتعبني ... شفت الغلا كيف سوى من التعب راحه ...) نواره: هيه انت اكلمك طلال انتبه: ها وشتبغين بعد روحي لحبيبك وتاسفي منه نواره: ودي بس كرامتي طلال مستغرب: ودك ...لهذي الدرجه تحبيينه نواره بهدوء: واكثر حتى هو يحبني ماشفت عيونه كيف مشتاقه لي طلال: لا والله انا شفت عيونك انتي المشتاقه مو هو تركها وركب السياره ...لان ابوه مايقدر يروح مكان الا بسياره نواره: شفيه هذا علي من الصباح وهو معصب الفصل الخامس عشر الساعه 6 بتوقيت جرينتش اليوم هو اليوم اللي أنتظره اللكل .. واخيرا بيتخرجون .. نواره واقفه عند المرايه تسمع اغنية ( اي الكلام دا) اغنيه شعبيه وترقص ذوق: خلصت شكلي حلو لوجين: واوووووو جنان بس تعالي اعدلك حجابك في شعر مين ذوق: والله ..... تتوقعون فيصل بيعجبه شكلي نواره:ههههههههههه انتي عاجبته من زمان البندري: يله لانتاخر ... الجوري: البندري البندري لفت عنها: آآآآآآآف الجوري: البندري انتظرنا هذا اليوم من زمان ...بليز لاتحرمينا من البندري وقلبها ضعف شهر ونص قويه زعله خلاص مصختها ... والجوري مالها ذنب ان وليد حبها هي ... طول هذي الفتره والجوري تتقرب منها وترسل وسطات بينهم البندري: نعم خير وش المطلوب لوجين: البندري... لاتحرمين نفسك الفرحه بهذا اليوم مع الجوري علشان شي تافه البندري تناظر الجوري اللي بعيونها توسل : تافه ...هذا سبب تافه الجوري تبلع ريقها : انا البندري ضمت الجوري بقوه: وحششششششششششششششتيني البنات:؟؟؟؟؟؟؟؟؟؟؟؟ الجوري ودموها تنزل :ههههه كنت عارفه انك عسل البندري: بلا دموع بلا خرابيط ورانا مسيره وقف اللكل يستعد للمسيره المرتب لها من اسبوع .. نواره : اوف قلبي بيوقف لوجين:ههههههه ليه نواره: مادري ... هذا الشباب جئو : بسرعه مسفر وقف يناظر لوجين باعجاب كانت مسويه لك جديد (غجر بريطانيا) قاصه شعرها قصير مره ومخصلته بالوان مختلفه احمر وبني واسود واشقر وازرق .... وعامله مكياج بنفسجي غامق عكس بشرتها البيضاء الفاتحه ...حاطه تحت فمها مثل الحلق وعلى حاجبها مثله شكلها كانها مغنية روك طلال: لوجين وش مسويه لوجين تحرك الحاجب اللي فيه حلق: وشرايك طلال: ها ... وليدك كانك مغنية روك لزجين: ياسلام هذا اللي كنت ابغاه بعد الترجمه المدرب: تفضلوا على المسرح تنظموا كلا بمكانه لوجين تكزن بجنب طلال ونواره بجنب مسفر بس طلال ومسفر اتفقوا يبادلون نواره: نعم خير طلال: تبادلنا انا ومسفر نواره: لا على كيفكم طلال: ليه عندك مانع او اعتراض لاسمح الله ننواره: لا بس حرب البسوس بينهم بتقوم تاشر على مسفر ولوجين اللي واقفين بجنب بعض مرتبكين بعد ماعزف السلام الوطني البريطاني تكلم مسول بالجامعه (بعد الترجمه) اننا اليوم نخرج طلاب دفعة 2007 فليتفضل الطلاب مشوا الطلاب وكل يبتسم لاهله وياشر له الا لوجين ماعندها احد حتى الجوري خالها حضر الا هي ماعندها احد اتبهت وهي تمشي مسقر ياشر لرجال كبير بالسن واضح عليه الطيبه وبجنبه شاب بالثلاثين من عمره يشبه مسفؤ بس هذا ملامحه اكبر من ملامح مسفر....... ومسفر اوسم واجذب منه ( ايد هذا سامي اخو مسفر ) وبجنبهم واحد ياشر متحمس وشكله غرييب شوي اسمراني وطويل ( هذا شكله تركي) مسفر : هذا ابوي اللي لابس كحلي لوجين ابتسمت: ماتشبه له هو احلى مسفر:هههه حرام عليك انا احلى لوجين: اكيد اللي بجنبه سامي اخوك مسفر: ايوه العريض امما الضعيف غهذا صديق طفولتي واخو دنيا ..تركي لوجين : شكله غريب من وين سعودي مسفر:هههههههه بلاك ماشفتي اشكال السعودين لوجين: يعني سعودي مسفر توه بيتكلم الا وقفوا بد عزف الموسيقى ..... نواره : هاللحين بينادوا الاسماء طلال: وليه خايفه نواره: مو خايفه مرتبكه ...ليكون اطيح وانا استلم ال طلال:هههههههه وين تطيحين صار لنا اسبوع نتدرب على الستيش ...وانتي تقولين بطيح نواره : اذا طحت بتضحك علي طلال:ههههههه اكيد لا ..وانا اقدر نواره : اجل ياربي تطيح انت علشان اضحك عليك طلال: يالنذله نواره: يله طلال طيح خلنا نضحك طلال: من عيوني بس ماطلبتي ههههه نواره: شوف ابوي بيذبحني لاني اهذر معك |
