 |
  |
|
|
|
|
#1 |
|
:: كاتبة نشيطة :: |
القصه المؤثرة اللي والله اشوف فيها مضمون يهز الأفئدة ويحرك ضمير وقلب كل شخص مقصر في حق قريب له اوحتى له فيه علاقة معرفة قصيده يرددها كل من في المستشفى فهي قصيده على لسان سيدة وقورة ترقد احد المستشفيات منذ سنوات قصتها مبكية الحقيقه .. تقول هذه السيدة قبل سنوات جاء زوجي وطلب مني اروح معاه السوق وقالي اشتري اللي تبين وبأي سعر واشتريت افخم الثياب واجملها وجميع المستلزمات للبيت وغيره ..ورجعت للبيت مسرورة وفرحانه.. فجأة ... قالي زوجي كل هالاغراض مو لك .. هذي لزوجتي الجديدة وانتي الحين طالق .. بعد هالحادثة اصيبت الزوجة بجلطة وغيبوبه جلست في المستشفى .. ولا احد يزورها غير اخ لها زارها كم مره وبعدين بطل لما طالت المدة ولازالت وجودة في المستشفى والكل يعرفها وحافظ قصائدها وكلماتها ولما تسألها عن قصتها تبكي بحرقه وتردد قصائد توجع القلب لانها ولهانه حيل على اولادها ولا تدري عنهم شيء فالكل هجرها .. وهذي احد قصائدها تقول فيها:
ياتكفيـن طيـور حـرار افزعيلـي ابي عن اديار الاهل منـك الاخبـار تكفين حومي فوقهم وارجعـي لـي والا ان حصل لك حومة داخل الدار تكفين حـول ابيوتهـم دوري لـي سبعة فروخ يـوم اخليهـم صغـار شوفي ضناي وعودي وانكفي لـي وشلونهـم ياعلهـم صارواكـبـار نسيوادفاي ونومهـم فـي شليلـي وش علمهم ياعلهم طول الاعمـار قولي لهـم أن امكـم لـه عويلـي خمسة سنيـن دمعهـا دوم مـدرار وقولي لهم اني علـى طـول ليلـي انـوح ولياقـرب الصبـح انهـار وقولي عيونـه دايـم لـه هميلـي تبكي لياشافـت مـن النـاس زوار كل يوم اقول اغدي حديهم يجي لي راحـت سنيـن مابهـم واحـد زار وانا اللي من سبة سوات الحليلـي حالي تـردت كـل مالـه وتنهـار وفرقى ضناي اللي تـردت بحيلـي كني على شوفتهم اصلى على نـار ياويلـي كـان الله عجـل رحيلـي وانالي سنين ابـي لوهـي اخبـار ياعونة الله الله من يبي يتكـي لـي جارت علي بامرالولي كـل الاقـدار تنكـروا مـن يدخلـون الدخيلـي واللي بوسط ديارهم يامـن الجـار قولي لهم ياطيـور قلبـي عليلـي الله يكافي قلوبهم صـارت احجـار وانا اللي لبراق الخيـال استخيلـي واقـول ياعـل (......) للامـطـار .تكفين وسط ديارهم صوتـي لـي شوفي عسى لاسمي مع الناس تذكار وقولي لمـن نسيانهـم يستحيلـي يااللي نسيتوها تـرى الوقـت دوار ياهيـه ياللـي بالسمالـك هديلـي ردي خبر تكفيـن يكفينـي امـرار شوفي اكااللي نومهم فـي شليلـي من اذانه المغرب الى وقت الاسحار شوفي اكااللي مااهتني فـي مقيلـي الا بمقيـل معهـم كباروصـغـار وقولي لهم ان كان حملـي ثقيلـي مره يجون وعقبهـا شـي ماصـار وانـا يتولانـي كـريـم جليـلـي ياعلني في جنتـه وسـط الابـرار |
|
|
#2 |
|
|
رد: قصيدة تبكي الي ما يبكي اتمنى ترون قصة القصيدة
 |
|
|
#3 |
|
|
رد: قصيدة تبكي الي ما يبكي اتمنى ترون قصة القصيدة
قصـه مؤثـره وسمعـت عنها من قبـل
أشكـر لكـ الختيــار |
|
|
#4 |
|
|
رد: قصيدة تبكي الي ما يبكي اتمنى ترون قصة القصيدة
يعطيك العافية
|
قصيدة تبكي الي ما يبكي اتمنى ترون قصة القصيدة !!!