(( الرحلة طويلة ))
(( الرحلة طويلة ))
أقدم لكم قصيدة جديدة
الهوى يا صاحبي قالوا مذله
و الهوى جبار ما شفنا مثيله
عرنجي يا خوك تل القلب تله
و إبتدى المشوار و الرحلة طويله
جر قلبي فالهوى و من ثم شله
ما حرمني و يلي الحالة عليله
لي عليهم زاد شوقي و التولَّه
حالفٍ بالله ما نرضى بديله
له غلا في القلب و الخافق محله
ناعم الأطراف و العين الكحيله
عارفٍ قدرة و غلاته .. ما نمله
حق له يزعل .. و حق إنا نجي له
فذ بين الناس عمري راخصٍ له
لو يباه القلب .. يتفضل يشيله
بسألك بالله ياخوي إتصل له
و خبره عن شوقٍ من مدة طويله
هوو حياتي هو غناتي و المحله
هو على بالي و دايم نستخيله
لو طلبني .. حاضر و فدواه كله
الجسد و الروح تاتي له ذليله
كل حالي و كل مالي باذلٍ له
بس هو يسمح يناديني خليله
و الختم يا صاحبي قالوا مذله
و الهوى جبار .. و ما باليد حيله
تحياتي لكم
جريحة الروح
|