يابنت يابنت يابنت
يابنت يابنت يابنت
يابنت لدّي يمي الشوف مره
شوفي عيوني والدموع ابهدبها
يابنت صدك يلحق العمر شره
منه التعاسه. والسعاده سلبها
يابنت زاد الشوق واونست حره
وانتي سبب بلواي واللي كتبها
انتي جذبتيني على حين غره
والنفس عاده تتبع اللي جذبها
ماكنت احسب انك عذاب ومضره
للعاشق اللي لك حياته وهبها
ياكامله بالزين وانتي مقره
الحب نعمه حظ منهو كسبها
قولي( احبك) لوعذولك تشره
خليه يزعل وارضي اللي طلبها
هي كلمةٍ منها الفرح والمسره
وتشفي جروحٍ كان صدك سببها
|