أنا الصديق الي لياطحت شالك
لضامتك دنياك والوقت بك مال
أنا يمينك شدني في شمالك
يمنى بلا يسرى ترى حالها حال
انا عزاك وعزوتك لا جرالك
من تاعس الدنيا هواجيس واهوال
ماني من الي لاغتنى ما وفالك
لو لك عليه من الجمايل والأفضال
وماني صديقك كان وقتك صفالك
أنا صديقك لأدبرت فيك الاحوال
خذني عصى موسى إذا كنت هالك
لمسحلك بحور القهر قول وافعال
فالك عسى الله يسعد اليوم فالك
فالك عقب صوم الدهر عيد شوال
وبالك يجي في خاطرك يوم بالك
انك تغيب ولاتجيلي عل بال
لا .. لا تفكر انت في مثل ذلك
إني اتخلى عنك لو الزمن طال
ما اقول انا ياعم مالي ومالك
ماترخص العشره ولا تغني اموال
اسمع جوابي قبل ما اسمع سؤالك
خارج حدود التغطيه وارسل ارسال
على محيط السالفه حط دالك
أجيك رجلي كان ما جيت خيال!
انا لياشح الزمن في وصالك
تمدني النخوه على وصلك حبال
انا عمى عين العدو لا نوالك
انول روحه قبل ما روحك تنال
بينك وبين الشمس شجرة ضلالك
مالشجر قيمه إذا ماله ضلال
واليل لو اليل مظلم وحالك
ترسمني الظلمى على صدره هلال
ماني ولد عمك ولا اغلى عيالك
خطوى الخوي يسوى بني عم وعيال
من وتر القلب نقلتها لكم
بكل احساسي.../
قصة
#2
ماروكو الصغيرة
رد: ماني صديقك كان وقتك صفالك
ماني صديقك كان وقتك صفالك
يسلمو يا قمر:)
نحن بانتظار جديدك
تقبلي مرورك
ماروكو الصغيرة:)