سكن قلبي قبل ماشوفه ..

سكن قلبي قبل ماشوفه

قبل ماعرفه .. و أعرف وصوفه..

و كل الي عرفته بس

عليه كانت الروح ملهوفة ..

أشتاق له ...

و مدري ليه أشتاق ..

و أخاف ..

من ضيم الأشواق ..

من كثر خوفي ..

أعاتب ظروفي ..

و دوم أترجى ظروفه ..

في غيابه ... غيابي ..

و في حضوره ..

يطل النور من نوره ..

في قربه ... عذابي ..

و إن شكيت

البعد معذوره ...

إن غاب .. عذبني غيابه ..

و شوقني لتعذيبه ..

و إن حضر .. ذوقني عذابه ..

و أحتار شسوي به ..

ما قد شفته أو لمحته ..

بس لو غمضت عيني ...

ما تفارقني طيوفه ..

بعيوني ساكن خياله ...

و بقلبي ساكن لحاله ...

و بالروح حفظت ..

اسمه و خمس حروفه ..

كل هذا و عيني ما تشوفه !!

أجل وشلون لو أشوفه ؟!!

وشلون ..

لو عيني تنظر ل عينه ..

و أشوف ابتسامه ..

و أسمع كلامه ..

و كفي يلامس كفوفه ...؟!!

غريبه حالتي !

و الأغرب إحساسي ،، ...

ما عرفته بس

اهو أغلى ناسي ،، ...

والله ... والله ،،

سكن قلبي قبل ماشوفه ..

قبل ماعرفه .. و أعرف وصوفه..

و كل الي عرفته بس

عليه كانت الروح ملهوفة
ما راق لى