 |
  |
|
|
|
|
#1 |
|
:: كاتبة مقتدره :: |
شفوا نهايه إلي يدخلون بنكات البنات , قصه واقعيه !!
اخليكم مع القصه:0 ........ جراح ويوسف ربع من زمان وتعرفون المواقف والدقات الي تصير بين الربع بس هالمرة الموقف الي سواه يوسف بجراح موقف ضيع حياة جراح خلونا نشوف أحداث هالقصة مع بعض .. .. ********** جراح كان داخل الشات بنك (( أدور على حب )) والحبيب داش جو مو طبيعي وطايحله سوالف مع بنات خلق الله إتصل عليه رفيقه يوسف ودار بينهم هالحوار جراح : ألو يوسف : ألو هلا والله جراحو جراح : هلا فيك حبيبي .. ها خير آمرني يوسف : شنو آمرني .. ! تصرفني ويا وجهك جراح : لا والله بعد عمري إنت بس آنا منهمك بالشات قز قز مو طبيعي يويسف وناسة يوسف : م زين اجل وش نك .. ؟ جراح : ليش بتدخل علي .. ؟ يوسف : لا والله آنا وين والشات وين خبرك عتيق ما قمت أدخل زهقت منه جراح : م والله آنا نكي (( أدور على حب )) تعرف يمكن أصيدلي رمانة من هالفواكه الموجودين بالشات يوسف : أي رمان وأي فواكة .. ! حبيبي هذول بنات مو خضرة لول جراح : ههههههههههاي يوسف : أوكي حبيبي آنا ماشي الحين بروح أنام تامرني على شي .. ؟ جراح : لا قلبي سلامتك نومة العافيه ان شاء الله يوسف : الله يعافيك .. تصبح على خير جراح : وإنت من أهل الخير يوسف : باي جراح : بايات طبعا يوسف مافيه النوم وأصحى مني ومنكم بس أهو مجهز موقف ودقه محترمة حق رفيقه جراح يوسف دخل الشات ودخل بنك (( أبي واحد يحبني )) يعني منتحل شخصية بنية وقعد ينطر وينطر وياكل بطاطس و بيبسي لما دخل عليه نك (( أدور على حب )) لول الي أهو جراح جراح المسكين ما يدري عباله بنيه صدز لول ودار بينهم هالحوار جراح : مساء الخير يوسف : مساء النور ياهلا جراح : شلونك شخبارك يوسف : الحمدلله زينة .. وإنت شلونك جراح : آنا بخير دامك بخير يوسف : دوم ان شاء الله مو يوم جراح : تسلمين ما تعرفنا عليك يا حلوة يوسف : معاك شيماء وإنت .. ؟ جراح : عاشت الأسامي .. معاك جراح يوسف : عاشت أيامك .. الله إسمك يهبل وايد حلو ستايل جراح : تسلمين من ذوقك .. مادري شلون بنام اليوم يوسف : لا آنا قلت إسمك يهبل مو إنته .. وبعدين تنام ما تنام كيفك جراح : أو ليش كذا تكسرين فيني .. آنا زعليت خلاص يوسف : آسفة جراح : لا كلا واحد .. شيماء كم عمرك .. ؟ يوسف : 18 وإنت ؟ جراح : 19 يوسف : العمر كله .. الله إنته أكبر مني جراح : طبعا طبعا .. يالله روحي سويلي بيض طماط بسرعة يوسف : واي حدك واثق جراح : طبعا واثق .. شيومه شلون الشات معاك اليوم .. ؟ يوسف : يعني .. وبعدين تعال ليش تدلعني .. ؟ من عطاك الحق جراح : تنساني وتروح وحده وحده حتى أستوعب كلامك والجروح يوسف : واي ملاقة جراح : شيومة شيومة يوسف : هلا خير جراح : لا بس قاعد أجرب الكيبورد .. لول يوسف : لول .. تصدق عاد إنته تهبل تونس وايد .. شكلك ما تحب ولا جربت الحب جراح : لا والله ما صار نصيب وبعدين مافي الي تستاهل أحبها يوسف : إي والله صاج .. بس في بنات شحلاتهم يهبلون وأخلاقهم وايد حلوه جراح : إي شيومة في بس قتلك للحين ما صار نصيب يوسف : إنت ما شاء الله عليك روحك حلوه تضحك وتونس الله يخليك حق أهلك جراح : صدز .. ؟ يوسف : إي والله صدز .. آنا ما حب أجامل أحد جراح : بعد عمري والله يوسف : شنو .. ؟ جراح : آسف إطلعت عفويه من غير قصد يوسف : لا عادي جراح : م أنا ما أشوفك تضحكين وايد ليش .. ؟ يوسف : إي والله صادز آنا ما أَضحك وايد حياتي تعاسه بتعاسه جراح : أفا ليش .. ؟ يوسف : إنت لما قلتلي بعد عمري آنا وايد استانست بس ما حبيت أبينلك .. آنا محد يقولي مثل هالكلام .. أهلي بالبيت يعاملوني كني خدامه مو بنتهم جراح : كل هذا فيك يوسف : وأكثر من كذا جراح : تصدقين ودي أسمع منك وايد سوالفك ما تنمل بس آنا الحين لازم أروح .. ممكن طلب ..؟ يوسف : تفضل جراح : ميخالف أضيفك عندي بالإيميل هذا إذا ما عندك مانع يوسف : والله مادري شقولك .. آنا ما أضيف شباب عندي جراح : بس آنا مو من هالشباب وإن شاء الله ما تشوفين مني إلا كل خير يوسف : أدري .. وإنت مبين عليك خوش صبي وآنا بضيفك وإن شاء الله ما أشوف منك قاصر جراح : لا إن شاء الله ما تشوفين مني إلا كل خير يوسف : عطني إيميلك وآنا أضيفك جراح : أوكي هذا إيميلي .......... متى تضيفيني .. ؟ يوسف : إن شاء الله الحين جراح : أوكي آنا طالع الحين تامريني على شي .. ؟ يوسف : سلامتك جراح : أشوفك على خير إن شاء الله .. مع السلامه يوسف : الله يسلمك ********** فلم يوسف مشى على جراح المسكين وجراح عاش بوهم ويوسف ما تاب صار يسولف مع جراح كل يوم بالمسنجر وطبعا يوسف للحين منتحر شخصية شيماء وجراح المسكين عاش بأجواء الحب وتولع بشيماء وطلب يشوف صورتها والثعلب يوسف مضبط شغله حط حق جراح صورة بنية حاطه شيله على راسها وهالبنيه حلوه وايد وجراح لما شاف الصوره لا ليله ليل ولا نهاره نهار خلاص إنفجر الحب سيطر عليه من كل مكان وصار ينفذ أوامر شيماء أقصد يوسف وهالدقه الي مسويها يوسف تتوقعن كم إستمرت .. ؟ سنة كاملة يوسف للأسف ما مل من هالعبه سبحان الله جراح يبجي وما ينام اليل من كثر الشوق واللهفه والحنين الي فيه وينطر متى يصير باكر عشان يسولف ويا شيماء أقصد الوهم ويوسف الله يسامحه ميت من الضحك عليه ********** يوسف قام يحلي العبه صار ما يشبك وطبعا جراح المسكين قام يحاتي ويرسل إيميلات ويوسف ميت ضحك جراح صار واحد ثاني ما يطلع من بيتهم كلا قاعد بداره يتخيل صورة شيومه حبيبته يتخيل سوالفها دلعها روحها الحلوه ويبكي ويبكي ********** بعد شهرين شبك يوسف وجراح طار من الفرحة قال حق شيوم ليش ما تشبكين .. ؟ وشرحلها شوقه وحنينه وقاموا يسولفون جراح ما قدر يصبر قال حق شيوم أبي رقمك بكلمك بالتلفون شيوم إرفضت تدرون ليش .. ؟ لأن صوتها خشن لول الي أهو صوت يوسف هالتعبان الي ما يستحي فقرت شيوم إنها تواعد جراح ودار بينهم هالحوار جراح : حياتي يعني الحين شلون ماراح أسمع صوتك .. ؟ يوسف : حياتي لا تزعل روحك .. أنا عندي فكرة جراح : شنو .. ؟ يوسف : شرايك تشوفني .. وبجذي راح ناخذ على بعض أحسن من التلفون بألف مرة جراح : من صج إنتي .. ؟ يوسف : إي والله من صدقي جراح : الله وناسة يوسف : وآنا شبي غير وناستك يا بعد عمري جراح : حياتي والله .. إنزين شيومتي أي مكان راح أشوفك فيه .. ؟ يوسف : م شوف الساعة 9 بليل بالحديقة شرايك جراح : صار بس شنو راح تلبسين .. ؟ يوسف : م راح اكون لابسه شيله ونقاب وعبايه جراح : وي وي وي ليش كل هالعذاب .. ؟ يوسف : حياتي عشان ما أبي احد يشوفني جراح : أوكي حياتي صار جراح طبعا ما يحتاي أوصفلكم شعوره الأخ المسكين راح الصالون ما خلا شي ما سواه بويها سنفرة وتنظيف بشرة وحلق وظبط شغله وكشخ وراح الحديقه الساعه 5 ينطر الساعه تصير 9 عشان يشوفها مسكين كل هذا حب .. ؟ قاعد ينتظر وينتظر وأخونا الشيطون الثاني يوسف رايح بازار فحيحيل يشتري دراعة وعباية وشيلة ونقاب قرب الموعد يوسف لبس الدراعة وتعطر من عطر حمامهم ولبس الشيله والنقاب والعبايه والأخ يعني صايد الحركة راح كحل عينه ههههههههههاي صارت الساعة 9 بليل راح يوسف الحديقه وقعد بالكرسي نزل جراح من السياره وغرق روحه بالعطر المسكين دخل الحديقه وقام يدور على وحده منقبه وعبايه لقاها قاعده آخر شي قرب صوبها وبدأت ساعة الصفر طبعا يوسف ما خلا عسل ما شربه عشان ينعم الصوت هههههههههه ومشت على جراح لعبة الصوت لأنه منهمك بالحب ولا ركز على هالشغلات ودار بينهم هالحوار جراح : مرحب يوسف : مرحبتين يا هلا جراح : إنتي شيوم .. ؟ يوسف : إي آنا شنو ما عرفتني جراح : لا أعرفك بس حبيت أتأكد يوسف : والحين تأكدت .. ؟ جراح : إي بعد عمري تأكدت يوسف : واي على هالكلام الحلو جراح : سمعيني شيوم آنا أموت فيك أحبك كثير مستعد أذبح روحي عشانك يوسف : بعد عمري لا تقول تذبح روحك .. بسم الله عليك جراح : حياتي عفيه بكلمك بالتلفون يوسف : آنا ودي أكلمك بس ماقدر ماقدر جراح : ليش .. ؟ يوسف : تلفوني مافيه رصيد كلش جراح : ههههه لا يا عمري آنا راح أتصل عليك مو إنتي يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك (( لا يمكن الإتصال على المشترك حاليا )) جراح : أوكي خلاص اليوم روحي إشتريلك كرت وعبي يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام جراح : ولا يهمك حياتي دقايق بروح أشتريلجك كرت وراجع يوسف : لالا مابي أكلف عليك جراح : لا عمري لا كلافة ولا شي و إنتي مني وفيني راح جراح يشتري كرت حق شيوم وطبعا الأخ الفاضل يوسف رفع النقاب وجه كلها عرق قام يستنشق الهواء وأهو ميت ضحك شاف جراح جاي من بعيد غطا وجهه وصل جراح ودار بينهم هالحوار جراح : هاك عمري هذا الكرت يوسف : وي وي بعد عمري مشكور ما قصرت جراح : أفا عليك كم شيومه عندي يوسف ما قدر يستحمل فصخ النقاب والشيله وشوفوا شصار جراح : يو يوس يوس يو يوس يوسف .. ؟ يوسف : كاك يالخروف ********* شنو تتوقعن موقف جراح ..؟ من بعد القصة الي عاشها والسنة الي خذاها بالحب والشوق والحنين لشيماء الي إطلعت وهم وهالحب الوهمي الي بناه وفكر إنه يوصل للزواج كان لعبة من رفيقه جراح إنصدم وظل واقف بمكانه ما يتحرك رجوله تهتز مو قادره تشيله لما طاح وأغمى عليه يوسف خاف على جراح وشاله وداه المستشفى ولأسف جراح صابه إنهيار عصبي وصار مجنون وبظل طول عمره بالمستشفى ضاعت حياة جراح ضاعت ولو كانت شيماء حقيقة كان شفتوا حياة جراح أحلى حياة لأن هالولد نيته شريفة وحب من قلبه ويوسف كثر ماكان يضحك على جراح صار يصيح ويصيح ويصيح وحلف إنه ما يسامح نفسه طول عمره لكن بعد ايش.......... ؟؟ شفتوا وش صار |
|
|
#2 |
|
|
رد: نهاية الي يدخلون بنكات البنات ،،قصه واقعيه
لا حول ولا قوه الا بالله العلى العظيم الله يسامحه وش استفاد الحين من الندم
|
|
|
#3 |
|
|
رد: نهاية الي يدخلون بنكات البنات ،،قصه واقعيه
 |
|
|
#4 |
|
|
رد: نهاية الي يدخلون بنكات البنات ،،قصه واقعيه
ياحرام بغاها طرب صارت نشب هذي نهايت المزح البايخ لاحولا ولاقوت الابلله
|
|
|
#5 |
|
|
رد: نهاية الي يدخلون بنكات البنات ،،قصه واقعيه
مكرر
|
نهاية الي يدخلون بنكات البنات ،،قصه واقعيه