ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم > الترفيه والترحيب والتكريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
الترفيه والترحيب والتكريم كيف ترفعين ضغط اخوك يوجد هنا كيف ترفعين ضغط اخوك توضع هنا مواضيع الترفيه عن النفس

فساتين العيد


 
قديم 05-12-2010, 08:59 PM   #1

#جالكسي#

:: كاتبة فضيّـة ::

الملف الشخصي
رقم العضوية: 113234
تاريخ التسجيـل: Apr 2010
مجموع المشاركات: 5,207 
رصيد النقاط : 0

كيف ترفعين ضغط اخوك


كيف ترفعين ضغط اخوك

.*.السلام عليكم ورحمه الله وبركاته.*.

روس خطيره للي مرتفع ضغطها, والي تبي تنتقم , والي تبي ترفع ضغط اخوها تتبع هالخطوات والله يقويكم......
+:.+:.+:.+:.
*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!
انا اقولك ..

شوفي اذا صار مبق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,

هنا بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان الي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

واذا قال: ابعدي لاصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..

+:.+:.+:.+:.+:.
*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه الي يفز مايدري عن نفسه الا وهو جالس وبكل برود قوليله نبي نخرج ..

+:.+:.+:.+:.+:.
*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيل بالمزح

بس انتبهي في هالحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاي اهم شيء رفعت ضغطك وقومتك من جلستك



عادي .. عادي ولا صرتي بزر وش فيها اهم شيء تحقيق الغايه الي هي (( تفجير الامبير )) واهم شي بعد الاخلاق لاهنتي أختي خخخخخخخ
+:.+:.+:.+:.+:.
*** وقت الطقاق ***

لا جاء يوم وبراسك حرش وتبين تطاقين انتي والتمساح لازم تجهزين نفسك من كل ناحيه:

1/ البس: لازم تلبسين ترنك خخخخخخخخخ علشان يسهل الركض


2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,

وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير

3/ مفتاح الغرفه ولميه الاحتياط واجب

اذا بدت المعركه حطي راسك براسه ولا تبينين له انك خايفه وبقي عويناتك فيه وقوليله وش براسك عاد هو هنا بيقولك هذا الي براسي طراخ الا ومخمس مصفي طبلونه ,

لا تستسلمين عطيه بوكس على عيونه الثنتين علشان مايشوف الدرب وحطي رجلك
.
وعلى طول لغرفتك الي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..

 
قديم 05-12-2010, 09:02 PM   #2

رهينةالدموع


رد: كيف ترفعين ضغط اخوك


كيف ترفعين ضغط اخوك

هههههههههههههههههههههههههههههه هههه
ام الانتقام
تسلمين حياتو

 
قديم 05-12-2010, 09:13 PM   #3

#جالكسي#


رد: كيف ترفعين ضغط اخوك


كيف ترفعين ضغط اخوك

طبقيها اليوم
ههههههههههه
يسلمو ياشكولاتة

 
قديم 05-12-2010, 09:49 PM   #4

~اميرة ببسمتي~


رد: كيف ترفعين ضغط اخوك


كيف ترفعين ضغط اخوك

ام الانتقام الي زي كذا مشكورة ياسكر

 
قديم 05-12-2010, 10:03 PM   #5

حياة لهومه


رد: كيف ترفعين ضغط اخوك


كيف ترفعين ضغط اخوك

ههههههههههه

 

أدوات الموضوع



الساعة الآن توقيت السعودية الرياض و الدمام و القصيم و جدة 06:20 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0