|
#1
|
|
ربعيات صلاح جاهين (الجزء الثانى)
ربعيات صلاح جاهين (الجزء الثانى)
ولد صلاح جاهين فى شارع جميل باشا فى شبرا بمصر كان والده المستشار بهجت حلمى يعمل فى السلك القضائى حيث كان رئيس محكمة الاستئناف
احب اعيش ولو فى الغابات اصحى
اصحى كما ولدتنى امى وابات
طائر حيوان حشرة بشر بس اعيش
محلا الحياة حتى فى هيئة نبات
عجبى!!!
سهير ليالى ويامالفيت وطفت
وفى ليلة راجع فى الضلام قدمت شوفت
الخوف كانه كلب سد الطريق
كنت عاوز اقتله بس خوفت
عجبى!!!
كان فى زمان سحليه طول فرسخين
كهفين عيونها وخشمها بربخين
ماتت لكن الرعب لم عمره مات
مع انه فات بدل التاريخ تاريخين
عجبى!!!
عجبتنى كلمه من كلام الورق
النور شرق من بين حروفها وبرق
حبيت اشيلها فى قلبى...قالت حرام
ده انا كل قلب دخلت فيه اتحرق
عجبى!!!
رقبة قزازة وقلبى فيها انحشر
شربت كاس واتنين وخامس عشر
صاحبت ناس من الخمره ترجع وحوش
وصاحبت ناس من الخمره ترجع بشر
عجبى!!!
لية ياحبيبتى مابينا دايما سفر
ده البعد زنب كبير لا يغتفر
ليه يا حبيبتى مابينا دايما بحور
اعدى بحر الاقى غيره اتحفر
عجبى!!!
نلتقى انشاء الله فى الجزء الثالث
مع حبى وتقديرى :rmadeat-a52ff53d67::rmadeat-a52ff53d67::rmadeat-a52ff53d67:
|
|
|