تكفين لا تبكين عشان خاطري لاتبكين
تكفين لا تبكين عشان خاطري لاتبكين
عبر هذه الصفحه استسمحكم عذراً سوف اخلدها للذاكره
وسوف ابقيها على مر الازمان حبيسه هذا المكان
سوف اناجي هنا والدتي ولكن ليس بصوتي وإنما
بصوت (وليد) الذي قد الحفه المرض وجعله في حاله يرثى لها
اسأله الله بمنه وكرمه ان يجعل الشفاء كساه في هذه الليله
تكفين لاتبكين عشان خاطري لاتبكين
إلى هنا وبس يكفي يا أطهر من على الارض خطت بأقدامها
إلى هنا يا أحن وأرق قلب يكفيك ماشفتي من اسبابي عنا وتعب
هنا بقى اقول كلمة وبس
سامحيني
حيل تعبتك وغلبتك
ووقت نومك سهرتك
اول الصباح اصيح ابي حضنك يلمني
وتالي الليل انوح ابي قربك يطمني
يييوووه يا أمي لاتبكين عشان خاطري لاتبكين
\
/
اسمعيني زين
خلي خاطري يقول اللي بودي لك به ابوح
يمـه حياتي ومماتي تساوت ماعاد بي نفس
وحتى الحس ودي اصرخ بسمك بس ماعاد به حس
تكفين سامحيني واغفري لي من وقتك اللي اخذته
وجفنك اللي اسهرته وقلبك اللي اقلقته على مابك من جروح
دمعتك اغلى من ثمن عمري لو آناله
دمعتك غاليه لاتزيديني على مابي من حاله
آمي لاتبكين عشان خاطري لاتبكين
\
/
ماودي تغمض العين وانا اشوفك تنهتين
ماودي تغمض العين واسمعك لي تنادين
يمه انا تعبان قسم بالله المرض هدني
ودمعتك يوم اشوفها حيل تزيدني
يمه تصبري وخذي أجرك اللي صابني ماهو بيدي ولا يدك
وادعي بصلاتك وفي كل غروب إن كان لي في الحياه خير عسى الله يعجل شفاي
وان كان من حياتي زود على مابي ومابك من عنا ارحم لي ولك مماتي
بس طالبك لاتبكين عشان خاطري لاتبكين
\
/
قربي مني خليني امسح دمعتك حرام هالدموع تلمس وجنتك
يمه انا احبك والله احبك
يمه انا ما أريد غير قربك
بس القدر ماهو راضي
وحكم الله ماعليه اعتراضي
يمه نسيت اقولك شئ ثاني
ابوي الله يخليك لاتخلينه يعاني
صبّريه وواسيه ولاتظهري دمعتك له
كوني جنته وناره وكوني كل هله
يووه يمــه لاتبكين عشان خاطري لاتبكين
\
/
تدرين احيان لما اشوف ابوي ودي ابكي
بس مابي دمعته تنزل وانا ماقدر احكي
ودي اواسيه واطمنه واخذه بقربي واحضنه
يمـــــه .. يمــــه .. يمـــه
انا ماعادني قادر على الكلام
بس باقي شئ واحد والسلام
ابي النفس ترتاح وانام
وان نمت ولا صحيت ولارجعت معكم للبيت
تكفين يمه لاتبكين عشان خاطري لاتبكين
:
\
/
يعجز القلم أن يكتب جميع مايدور في الخلد
وتعجز الحروف عن وصف مدى الحزن الدفين في القلب
ويعجز اللسان بالنطق والحديث عن مايخفى من انين
ولكن ارى ان كل حرف هنا سوف يعمق الصوره
ويجعلها واضحه لكل قارئ
|