ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم فن الخطوبه والعزومات يوجد هنا فن الخطوبه والعزومات سوالف حريم و نقاشات مواضيع تخص المرأة و المواضيع التي ليس لها قسم خاص بها

فساتين العيد


 
قديم 05-25-2010, 02:59 AM   #1

شيماء دومي

:: كاتبة مميزة ::

الملف الشخصي
رقم العضوية: 118640
تاريخ التسجيـل: May 2010
مجموع المشاركات: 898 
رصيد النقاط : 0

فن الخطوبه والعزومات


فن الخطوبه والعزومات

آنستي العزيزة..

لو ربنا فك عقدتك واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه إلى مثوااااه الأخير في قفص النسانيس قصدي قفص الزوجية السعيد..


أجمل ما في الخطوبة العزومات الرومانسية على أحلى محلات أكل ف البلد واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....



1. الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا



2. العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....





3. الشوووربة أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا السلطانية اللي بتقيميها على بقك ف البيت وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....



4. الرز طبعاً بيتاكل بالشوكة أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..



5. المكرونة.. الاسباكتي برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..



6. السمك مشكلة.. شوفي.. بتفصلي اللحم عن الشوك. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك..



7. الجمبري -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية بالشوكة.. أنا ف عرضك إنسي المصمصة دلوقت..



8. البطاطس سواء مسلوقة أو محمرة أوعي تهرسيها وتدبيها ع الرز وتدي لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..



9. الفاكهة.. لو الفاكهة فيها بذر طلعيه من بؤك بالراحة وحطيه ف إيدك وهي مقفولة وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....



10. ولما تخلصي أكل تحطي إيدك على بطنك -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....



وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..


وبعدين تستأذني منه لدخول التوليت لإصلاح ماكياجك وتخشي التواليت وتطلعي من شنطة إيديك.. لفة الفول والطعمية اللي جايباها معاكي وبالهنا والشفااااااااااااا







بس والله حلوة منقووووووووووووووووووووووووووو ل بس علشان عيونكوا:010:

 
قديم 05-26-2010, 02:07 AM   #2

صعبة المنال


رد: فن الخطوبه والعزومات


فن الخطوبه والعزومات

مشكوره ياعسوله

لاعدمناك..

 
قديم 05-26-2010, 02:43 AM   #3

حكايةإحساس


رد: فن الخطوبه والعزومات


فن الخطوبه والعزومات


 
قديم 07-01-2010, 02:38 PM   #4

asirato al ahzan


رد: فن الخطوبه والعزومات


فن الخطوبه والعزومات

nasaih ktir hilwa merci ya okhti

 
قديم 07-02-2010, 09:42 AM   #5

ابرار


رد: فن الخطوبه والعزومات


فن الخطوبه والعزومات

مشكورة على النصائح

 

أدوات الموضوع



الساعة الآن توقيت السعودية الرياض و الدمام و القصيم و جدة 08:42 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0