 |
  |
|
|
|
|
#1 |
|
عضوة شرفية |
عصبي فتح منتدي بشروط روعهه
لقد تغيرت شروط التسجيل في المنتدى ....
وتم تغيير مسمى المنتدى لتواكب مرحلة ما بعد الحرب الباردة أعرفوا الشروط زين .... وأفهموها .... واللي ما يبي هالشروط جعل أصابعه اللي طقت على الكيبورد الكسر ... ولو ما عليه كلافه يطق راسه باقرب جدار .... حنا ما نلعب .... واللي يبينا حياه الله بيننا .... فهمتوا . بما أن هذا الموقع موقعي بروحي لابارك الله فيكم وفي الساعة اللي فتحت لكم هالموقع .... فاللي يبي يسجل معنا يوافق على الشروط من ورى خشمه .... والشروط هي ... 1- اللي يسب اي وأحد من الأعضاء بنجيه وبنربط حواجبه في صدامات الهايلوكس وبنروح ونطعس فيه باقرب طعس ... قايلكم حنا ما نلعب 2- اللي بيخربط بالدين ولا بالسياسه .... هذا عذابه عذاب. بخليه يتخيل انه قرد ولا عمره ذاق موز .... وابحجز له على أقرب رحله على طياره ترش الجراد وابرقي فيه على أرتفاع 50000 الف قدم وبرضخ به على خوص نخله ... علشان ما يعود لها ..... قايلكم حنا ما نلعب 3- أنتم أعضاء لكم تكتبون بس .... ولا أحد فيكم يسوي لي فيه مراقب مانبي مراقبين ..... فهمتوا ولا أفهمكم ... 4- مسموح الذب ... والذب هي كلمه أتيه من الذباب وهي فعل مضارع جمع تكسير مضارع بسيط ... فهمتوا ... صح ولا ماهو صح ... قولوا صح لابارك الله بالساعه اللي جمعت هالخشش فيها... واللي بيزعل من الذب بنخربط وجهه ونخليه يطالع في المرايه ويطلع الأخطاء التسعه عشر .... أيه تسعطعش ... ساحتنا وحنا حرين فيها 5- اللي بيسجل باسماء قبايل وعوايل .. ولا مخله بالادب .... هذا بنوديه لا أقرب شيخ وبنكويه من علباه .. وبعدين بناخذه لأقرب حليب ... وبنغطسه وبنطلعه ... ونغطسه ونطلعه الين مايقول .... أشهد أن الددسن سياره ... قايلكم ما نلعب ... 6- قريتوا الشروط ........ هاه عجبتكم .... فهمتوها ... طيب ما عندنا تسجيل هالايام .... واللي يبي يسجل معنا يرسل لي أيميل على التلفون حقي اللي ماني ذاكره لكم ... لأن الدعوه عناد ... واللي براسه حب ما أنطحن .... تراي أبطحنه له .... وإذا فيه خير يقابلني وين ما يبي .... مـــــلاحــظـــــــه ...... اللي بنكتشف أنه رجال مشورب ويكتب باسماء بنات ... ولا بنات تكتب بأسماء رجال هذولي بنخلي خششهم كلمات متقاطعه يصعب حلها ..... والله ما يضرب بعصا يا سرع طيحتهم موافق ................. غير موافق ............... واللي فيه خير يكتب غير موافق ...... |
|
|
#2 |
|
|
رد: عصبي فتح منتدي بشروط روعهه
هههههههههههه
|
|
|
#3 |
|
|
رد: عصبي فتح منتدي بشروط روعهه
أضحك الله سنك يا أميرة ....خلاص أنا موافقة رغما عن أنفي....هههههههههههههههههه
|
|
|
#4 |
|
|
رد: عصبي فتح منتدي بشروط روعهه
هههه مشكورة.
|
|
|
#5 |
|
|
رد: عصبي فتح منتدي بشروط روعهه
ههههههههههه والله موش ماعقول هيدا الشب يسلموووووووووو |
