السلام عليكم ورحمة الله وبركاته
بجد الدعاءين دول عمرهم ما خلفوا معايا ابدا
الاول لما بيجى وجع فى اى مكان فى جسمى بحط
ايدى اليمين عليه واقول
*بسم الله 3مرات
اعوذ بعزة الله وقدرته من شر ما اجد واحاذر7مرات*
واقول بعزة الله وقدرته وانا متأكده انه مفيش صعب قدام عزته وقدرته
وكمان بيطمنى لانى باستعيذ من شر ما اجد دلوقتى واحاذر منه فى المستقبل
يعنى اقربها كان من يومين الثة حولين ضرس العقل
ورمت فجأة مهتمتش وقلت هيصرف
بعد يومين رقيت مكان الوجع لقيته فش
رغم انه كان واجع لى ودنى ومسمع جامد اوى
على فكرة اى وجع قبل ما أخد له دوا أو افكر أروح لدكتور
بقوله وغالبا الوجع بيروح لأنها حاجات عارضة
وربنا بركة الدعاءله بيصرفها
الدعاء التانى
*اللهم رب الضالة وهادى الضالة أردد الى ضالتى أنت الذى وعدتنى بها
اللهم جامع الناس ليوم لا ريب فيه أردد الى ضالتى أنت
الذى وعدتنى بها*
وده لما اى حاجة تضيع منى حتى لو ابره
وبجد فعال جدا حتى وانا فى تانية ثانوى من 13 سنه
قلت لواحدة صاحبتى ان الدعاء ده مبيخلفش معايا ابدا
كانت مرة نازلة على المدرسة والجيبة اتفتقت ومش لاقية الابرة
قالت لاختهالدعاء ده قالته لقيت الابرة
جت المدرسة فرحانه اوى وتقولى دا اختى قالت انك بركة
الله يمسيها بالخير
وبابا لما دخلت الجامعة جاب لى ساعة اورينت الاصلية
وعلى دخول الامتحان تاهت وكانت طبعا غالية عليه
طول الامتحان ادعى وملقتهاش وفى يوم يمكن بعد سنه ماما بتنضف مكان مقفول ومهجور لقتها
قلت انا كنت متأكده انى هلاقيها
من بعد الواقعة دى بقيت اقول الدعاء ده من قلبى وبثقة فى الله
حتى بقيت اقوله مع دعاء الاستخارة
وعمرى ما قلته وضليت ابدا
ودايما لما تضيع حاجة فى البيت اقوله بقلبى القاها
حتى بابا بقى يقول انى انا بس الى بدور باتقان
انما هو بفضل الله
وكتير وكتير
يعنى الدعائين دول ليهم اثر كبير فى حياتى وبجد
ومن غير مبالغة عمرهم ولا مرة ما خلفوا معايا
مش السبب طبعا فيهم انما هما مجرد ذكر لله
والنافع هو الله انما مفعولهم مؤكد باذن الله لو اتقالوا من القلب
دول حتى بيزودوا يقينى بالله وبيحسونى بقوله تعالى
*أمن يجيب المضطر اذا دعاه ويكشف السوء*
وكمان قوله تعالى
*واذا سألك عبادى عنى فانى قريب اجيب دعوة الداع اذا دعان
فليستجيبوا لى وليؤمنوا بى لعلهم يرشدون*
#2
جاسيل
رد: دعاءين عمرهم ما خلفوا معايا
دعاءين عمرهم ما خلفوا معايا
صدقتي ورب الكعبه أنا مثلك إذا مرضت أقرا هذا الدعاء مع سورة الفاتحه 7 مرات والله الذي لاآله الأ هو كأني