 |
  |
|
|
|
|
#1 |
|
:: كاتبة مقتدره :: |
يمه مريولي توسخ ~
يمه تكفين اسمعيني ... يمه بسألك شي .. جاوبيني .. هو صحيح الي مات داخل القبر يصير حي ...؟؟؟ يمه ... أسمع أنا صوتك .. كل يوم اسمعه .. واذا حاكيتك هاوشوني .. قالوا انسي .. روحي يالله العبي .... !! يمه تعالي ارجعي ... والله خلاص بسمع كلامك .. ما اخرب العابي .. وان قلتي يالله .. روحي نامي .. أروح حتى ماتزعلي .. يمه تكفين ارجعي .. اليوم حطت لي المديره .. نجمه من فوق جبهتي .. يمه سمعتها تقول.. مسكينه هالبنت صارت يتيمه .. قالت لها ابله منيره .. مسكينه توها صغيره .. وش كانوا يقصدون ..؟ يمكن عشاني صرت عاقله .. ولا عشاني دايم اسرح يمه مريولي توسخ .. ماكان قصدي اوسخه ... بس تذكرت انك تقولي .. بعد شهرين.. بشتري لك لبس ثاني .. يمه تعالي اشتري ... يمه عرفتي مها ..؟ صديقتي الي معي .. زاعلتني .. تقول ماصرت انا اضحّكها راحت تدور غيري عشان تلقى احد يونسها يمه يالله خلاص لاتمزحي يالله قومي تعالي معي للبيت ارجعي يمه يمه نسيت شي .. بقولك ترى بيتنا صار فاضي .. ماحد يجينا .. وكل الي فيه انا واخواني .. ليه وين اقاربنا ..؟؟ وين خالتي .. الي كانت تجينا ... يمه قومي يالله تعالي .. تكفين يالله تعالي .. ماودي ارجع لحالي والله خايفه .. ترى امس جيتك .. مارديتي.. حسبتك نايمه .. أو اقولك .. خلاص خلاص .. انا بجيك بكرى .. اذا راحوا من هنا الناس .. تكفين يمه بكرى اصحي .. تكفين يمه بكرى ارجعي .. |
|
|
#2 |
|
|
رد: يمه مريولي توسخ
أناأناأنا
أول من يرد عليك يمه تكفين ارجعي .. اليوم حطت لي المديره .. نجمه من فوق جبهتي .. يمه سمعتها تقول.. مسكينه هالبنت صارت يتيمه .. قالت لها ابله منيره .. مسكينه توها صغيره .. وش كانوا يقصدون ..؟ يمكن عشاني صرت عاقله .. ولا عشاني دايم اسرح يسلملي على الذوق حلوه ياحلوه |
|
|
#3 |
|
|
رد: يمه مريولي توسخ
روعه والله مبدعه كلمات احزنتني جدا الله لايحرمنا من امهاتنا
|
|
|
#4 |
|
|
رد: يمه مريولي توسخ
للا مابي اصيح
|
|
|
#5 |
|
|
رد: يمه مريولي توسخ
يسلمو من جد احس انها كلمات طالعه من القلب
الله يخليلنا امهاتنا ويرحم امهات المسلمين والمسلمات دمتي بحفظ الرحمن .. انين الحزن |
يمه مريولي توسخ