 |
  |
|
|
|
|
#1 |
|
:: كاتبة قديرة :: |
قصه عجيبه سعوديات في بريطانيا
بسم الله الرحمن الرحيم
انا جبتلكم قصه ولا كل القصص حيل حلوه اسمها سعوديات في بريطانيا (( روايه رومنسيه )) للكاتبه : متكحله بدم خاينها (( المنحوسة)) الجزء الاول بالبدايه : هم خمس بنات سعوديات ساكنين بريطانيا بالتحديد ولاية مانشستر ...وكلهم ابطال هذي القصه ... ماجمع بينهم الدم ولاصلة القرابه... لكن جمع بينهم شي ثاني .... جمعت بينهم الصداقه البريئه والعفويه ...جمعت بينهم الحضات الحلوه والظروف القاسيه .....جمع بينهم القهر والظلم ...والضحك والمزح ...ودموع الخوف ودموع الامان ... نبداء بتعريف بالبنات الجوري: 21 سنه ... دلعها " جور " لوجين: 21 سنه ... دلعها "لجو " البندري : 21 سنه ... دلعها "بنو " نواره : 21 سنه ..... دلعها "نونو " ذوق : 21 سنه ... دلعها "ذوذو " الفصل الاول فتحت لوجين باب الغرفه : بنات ..بننات ياحلوين لوجين شخصيه متقلبه ...( مزاجيه / تمشي على مزاجها ) الجوري وهي تغطي نفسها : اطلعي بره واطفي النور الجوري هاديه جدا وناعمه وحساسه لوجين : يلله بنتاخر على الجامعه فزت نواره من السرير : ايوه الجامعه ...يله الجوري صحصي اليوم بيغيرون الكلاس ( المدرج ) ...على سنه رابعه بيغرونه ( نواره هبله جدا وعن الف رجال ...قريبه من شخصية لوجين بهبالها ) لوجين: ههههههههه مايقومك الا المزاين ( تقصد الشباب ) نواره : اكيد وفي غيرهم ذابحني لوجين : الحلا مو مقياس كم مره افهمك نواره: يوه يالوجين تقهريني اذا تفلسفتي ... لوجين: مو بس تفلسفي يقهرك ..حتى جمالي ودارة على جسمها الرشيق نواره ترمي عليها المخده.. بس ماصابتها : تكفين انتبهي لاتطيحين لوجين : ههههههههه الغرور مشكله الجوري بتاف بسريرها : آف انت معها اهذروا برى نواره وهي بتطلع من الغرفه متجهه للحما : لوجين والي يعافيك غطاي اكويه ماعندي وقت لوجين : مب فاضيه لك بروح اصحي ذوق نواره تبوس لوجين على خدها : والي يعافيك الريم: اوكيه بس خليني انكد على الجوري قبل وقفزت على سرير الجوري طلعت نواره وهي تضحك على لوجين ( الله يعين الجوري دام لوجينا استلمتها ) شافت البندري متمده على الكنبه وبايدها الريموت ...وكانت عيونها حمراء واضح انها مانامت سهرانه على التلفزيون نواره : البندري..البندري البندري مندمجه على الاخر مع الفلم ..ماسمعتها نواره طفت التلفزيون البندري عصبت:... ليه طفيتيه ؟؟ البندري رومنسيه ...بزياده ... وحالمه نواره : صليتي البندري:ههههههههههههه تكفين..اكيد صليت من زمان ..وانتي حضرتك بدل ماتفلسفين روحي تروشي وصلي .. نواره وهي تحك شعرها : واكيد الحلوه لوجين مانامت معك البندري: اسكتي ..آف لوعت كبدي ..طول الوقت افلام اكشن..وانا ادور رومنسي نواره بحماس: اكشن والله انها خاينه سمعوا صوت صراخ الجوري : يالخايسه انقلعي بقوم طلعت لوجين وهي تضحك :ههههههههههه البندري:هههههه اتوقع انها كرهت حياتها لوجين : هههههههه بطيت كبدها نواره :ههههه احسن عندك اياها ..ماخلتني انام امس من القرقه الزايده لوجين : وانتي..؟؟؟ ( تكلم نواره ) بدل ماتهذرين مع البندري كان كويتي غطاك اركضت نواره للحما قبل لاتغير لوجين رايها وماتكوي الغطى البندري: ايوه تذكرت.... اكوي معاك بلوزتي لوجين: احلفي انتي معها ليكون انا شغالتكم البندري: لا خدامتنا لوجين : تهي تهي بايخه ...يله عن اذنك بروح لذوق. .. .... ههههههه اذا ماخليتها ترميني بالجزم البندري: حرام عليك فتحت ذوق الباب : يالله ...صباح خير وش هالزعاج ذوق وحده بارده واعصابها بالثلاجه وفيها صبر وحلم عكس الي بعمرها لوجين : خساره البندري: تستاهلين ذوق : وش الي خساره لوجين : سلامتك ..( تبتسم ) صباح النور على احلى بنات ..بنات بومتعب ذوق: اسكتي لاتذكريني بالسعوديه واهلها ...يالله مشتاقه لهلي لوجين : ماصار لك نص سنه واشتقتي لهم اجل على اخر هذي السنه وش بتسوين البندري: اتوقع تروح لهم مشي لوجين : مشي من بريطانيا لرياض.. ولا هرقل ذوق بشوق لهلها : و حافيه بعد لوجين : ههههههههههه اقول تجهزوا لانتاخر على المحاضره ذوق : وين الجوري؟؟ لوجين تقلد برود ذوق: الجوري بغرفتها اسفهتها ذوق ودخلت على الجوري الي كانت تختار ملابس للجامعه ذوق: صباح الخير الجوري بابتسامه : صباح النور ذوق: محتاره بين الوردي والاخضر صح الجوري: هههههه كانك تقرين افكاري ..وش البس ذوق: البسي الوردي لاني بلبس اخضر الجوري: يالانانيه ذوق:هههههههههه لاوالله موكذا اليوم احس اني مشتاقه لسعوديه موت ...مشتاقه لفهود ولد اختي ولامي ولابوي ولاختي لحر السعوديه الجوري: اموت على الوطنيه ذوق: والله من جدي اتكلم ...خلاص على اخر سنه ماني قادره استحمل الجوري: انا عن نفسي مب مشتاقه لاحد لاني ماذكر السعوديه الا قبل خمس سنوات قبل لارجع لامي دخلت نواره بالروب : اوه عندنا ضيوف مالهم داعي ذوق: نعيمن ..وعليكم السلام ..صباح النور فهمت نواره تنحيزاتها : السلام عليكم ؟؟ صباح الخير الجوري: نواره شرايك البس الوردي والا الاخضر نواره: ولا واحد ... الجوري: ليه نواره بغرور : لان مهما حاولتي ماتقدرين توصلين بجمالي الجوري : مالت عليك ذوق ونواره:هههههههههههه الجوري كانت عيونها زرقاء غامقه وشعرها اسود لان ابوها سعودي وامها بريطانيه ..لكن طول عمرها ساكنه بالسعوديه الا قبل خمس سنوات جئت لبريطانيا عند امها الي ماقدرت تتعرف عليها ...... نواره : تفضلي بره ياذوق بدل وانتي يالجوري لفي وجهك ذوق: والله ( حطت رجل على رجل ) طلعه ماني طالعه تبغين روحي لغرفتي انا والبندري او لغرفة لوجين لوجين اكثر البنات غنى واكثرهم جمال ... ساكنه بغرفه لوحدها لانها فوضويه ومحد يستحمل وصخها الزايد نواره اعطتهم ظهرها : اوكيه ....لاحد يلف البست والبنات معطينها ظهرهم ويسولفون ****************************** * تجهزت لوجين وحطت عدسات سماويه لوجين عندها مستودع ملابس ملابسها اكثر ملابس من البنات .. طلعت لصاله كانوا البنات جالسين ينتظرونها هي وذوق الجوري:بندوره الله يهداك ليه مانمتي البندري: هههههه من لوجين البندري والحوري صديقات مره الروح بالروح حتى ان اسم الجوري انربط بالبندري والعكس صحيح الجوري: مو زين علشانك تتغبين نواره لاتخافين عليها اسد دخلت لوجين الجوري:يله قوموا بنتاخر ومقلقتنا وبالاخير انتي الي تتاخرين البندري: ماتعرفينها اهم شي الاناقه قربت لوجين من الجوري وفتحت عيونها لاخر حد ..:شرايك ابغى تصير عيوني مثلك الجوري:هههههههههه وش حاطه ..عدسات نواره : والله لفي اشوفها عليك لفت لوجين وهي ترمش بعيونها البنات:هههههههههههههههه الجوري: يالغبيه انتي جمالك حلو ..ليه تخربينه بالعدسات البندري: الناس تدور جمالك ودقت ملامحك وانتي ....الخ بعد كم كلمه تسم البدن من البنات ..وتهزياء فيها ..فصخت العدسات وهي مقهوره ..ومشوا للجامعه كانوا خمس بنات اشكالهم مميزه بال الجوري ولوجين مايلبسون غطاء على راسهم ..لكن نواره وذوق والبندري ..يغطون شعرهم ويلبسوا طويل ومحتشم لوجين: جيعانه الجوري من ورائها : مافي وقت يادوبه نلحق على المحاضره البندري: صح و مغيرين الكلاس على ماندوره لوجين : والله ملعون ابو الدراسه اهم شي بطني ...انتم اسبقوني وانا جايه الجوري: اوكيه لاتتاخري..حنا بنسبقك للمحطه ذوق: لجونه انتظري جايه معك نواره : باي **************************** راحوا البنات لاقرب كوفي شوب ملاحضه : الكلام مفروض يكون بالانجليزي لكن بما ان القصه كلها بريطانيا بترجمه على طول للغه العربيه الفصحه ** لوجين : وش تبغي ؟؟ ذوق: كروسان وكابتشينو لوجين:انتظريني هنا ... ذوق بطفش: اوكيه فيصل كان ماشي مع خويه بشار فيصل: شكلها بتمطر بشار: الظاهر ....( بعد تفكير ) هذا الحي كله عرب كانك بلاد عربيه فيصل : وانت صادق بشار وهويناظر انتبه بذوق : فيصل شوف ياشر عى ذوق ..لف فيصل عليها .مستغرب؟؟؟؟؟ بشار: ماعرفتها فيصل: لا بشار: معقوله ماعرفتها ؟؟ فيصل: لا اول مره اشوفها بشار: والله ان مخك مقفل انت كيف تدرس علوم سياسيه ومخك كذا فيصل: وانا على كيفي اخترت علوم سياسيه الله يخلي البعثات بشار: المهم ماعرفتها من جدك فيصل بنفاذ صبر :لا ومايهمني اعرفها بشار: هذي ذوق بنت عبدالعزيز الباقي فيصل فتح عيونه لاخر حد : عبدالعزيز الباقي بشار : ايه "عبدالعزيز الباقي " الي ضيع ابوك وخسركم فلوسكم فيصل حس بكرهه لعبدالعزيز يتجدد.. وشكثر يكره هذا الرجال حط ابوه بالسجن وسرق فلوسهم وهم يتامى .. بشار : فيصل وين سرحت ...؟؟ فيصل بعالم ثاني الكره الي بداخله معمي عينه ..يفكر باي شي ..وهو يناظرها يتذكر نظرات ابوها وهو يطرده من معرض السيارات ....(( والله وجئت لك الفرصه لحد عندك يافيصل ...)) ياشر بشار باصابعه قدام عين فيصل بشار: يامعود وين رحت فيصل وهو يمشي لعند ذوق: تعال معي بشار : وين رايح ؟؟ فيصل: تعال وانت ساكت بشار يمسك ايده : يالمينون وش ناوي عليه ذوق واقفه تنتظر لوجين .....فجاءه شافت اثنين موقفين عندها يناظرونها اشكالهم واضحه عربيه فيصل: السلام عليكم ذوق تناظر ورائها ويمين يسار : انا فيصل: ايه اختي .. ذوق تعدل الغطاء الي على راسها لان في خصل متمرده طارت مع الهواء : خير ..؟؟ فيصل : مشبه عليك .. مو انتي ذوق عبدالعزيز الباقي ذوق زاد استغرابها : ايوه اسفه اخوي ماعرفتك فيصل: معك فيصل محمد التركي ذوق تبتسم بخجل: سوري ماني قادره اتذكر فيصل: بس انا اذكرك ..انا كنت ولد جيرانكم بالرياض ذوق : ولد جيراننا ؟؟؟ فيصل : ايوه انا اذكرك ماتغيرتي كثير ..اكيد انك ماتذكريني لانك ماتشوفيني كثير بس انا اشوفك دائم ... ومانسيتك بشار يطالع صديقه فيصل عنده قدره عجيبه على الكذب وفيصل مكمل: ماني مصدق اني شفتك واخيرا بعد هذا السنين شفتك انتي كنتي بالنسبه لي ..( وسكت ) ذوق:؟؟؟؟؟؟؟؟؟؟؟؟؟ مستغربه : بس انا هنا من ثلاث سنوات مامره شفتك ....وماذكر ان من جيراننا بالسعوديه محمد التركي فيصل كمل : ولا انا ماشفتك ولامره بريطانيا الا اليوم... ولي الشرف اني شفتك ذوق: حياك الله ...( ابتسمت بخجل) مع اني ماعرفتك فيصل: اوه نسيت اعرفك ..هذا بشار خوي من الكويت ذوق: هلا بشار : هلا فيج شافت لوجين من القزاز وهي تختار الاكل ..ذوق واقفه مع اثنين .. استغربت وجد الخجوله الي ماتحب تطلع لوحدها ولازم تاخذ معها احد ...وماتختلط كثير بالشباب الا عند الضروره وبشكل رسمي وهالحين واقفه مع اثنين واضح انهم خليجين ...خافت على ذوق لانها ماتعرف تتصرف مع احد يتحرش طلعت بسرعه وهي شايله كيس فيها 2 كروسان وكابتشينو 2 لوجين بسرعه: ذوق مين هذولا ؟؟؟؟ ذوق ابتسمت لان واضح من عيون لوجين خوفها عليها : معرفه قديمه ..فيصل و قاطعها فيصل: اخليك هالحين شكلك مشغوله وطلع كرت مده لها : واذا حتجتي اي شي انا بالخدمه ..اعتبريني مثل اخوك بهذا الغربه ... ( لمعت عينه ) ابوك غالي على قلبي خذت الكرت وهي متخربطه مو فاهمه شي : تسلم تركهم ومشى ..ولحقه بشار بعد مابتسم لهم بشار: انت شسويت ؟؟ فيصل: سلمت بشار: ياكذاب .... والله انا صدقتك فيصل:هههههههههه بشار: وش ناوي عليه فيصل: اذا مارجعت فلوسنا منه واذا ماحرقت قلبه على بنته ماكون انا فيصل ولد التركي بشار : شقصدك ؟؟ فيصل: بتعرف بعدين بشار: لافصلول حرام عليك هي مالها ذنب فيصل عصب: والله مالها ذنب ..ذنبها ان عبدالعزيز ابوها بشار: ولمياء فيصل: لمياء ؟؟ وش دخلها بشار: كيف بتخونها ز فيصل: ومن قالك اني بخونها ..الي بسويه بوهم بنت عبدالعزيز بحبي لها وبعدين هههههههههههه بشار: لاتلعب بالنار ...النار تحرق رجل واطيها فيصل بجديه وحرقة قلب واضحه من صوته المرتجف : والله ثم والله وهذا انا حلفت بالي ماعندي اغلى منه لاحرق قلبه على بنته ..ولاخذ قرش قرش سرقه مننا ...لاسجنه وهو حر ************************** لوجين : من هذا وش يبغى ...؟؟ ذوق : هذا .......... ( سكت كانها تتذكر ) اسمه فيصل محمد التركي ويقول انه ولد جيراننا بالرياض لوجين: وانتي تذكرتيه ذوق: لا مامر علي هذا الاسم من قبل بس ذاكرني عدل حتى عارف اسمي لوجين ارفعت كتوفها : ماتدرين يمكن نحتاج له خلي الكرت معك ذوق: تصوري قالي اخيرا شفتك بعد كل هذي السنين ..انتي كنتي بالنسبه لي ..كان بيقول شي وسكت ..ليكون كان يحبني ذوق رومنسيه وخياليه لوجين بحماس: ههههههههههه ....تخيلي وناسه .. ذوق: لاماتوقع يمكن كان يبغى ابوي لوجين: هههههههههههه والله انك رومنسيه بزياده ... مالت عليك وعلى افكارك الذهب ........ ( تضرب ظهر صديقتها بخفه ) يله خلينا نروح تاخرنا على المحاضره... يالخياليه على طول خلت الرجال يحبها هههههههههه ذوق توها تتذكر: ايوه المحاضره وصاروا يمشون بسرعه **************************** الفصل الثاني دخلوا البندري ونواره والجوري الكلاس وكان واضح انهم عرب وخليجيات بعد الا الجوري كانت بدون غطاء وملامحها غربيه نواره: غريبه هذا السنه زحمه الكلاس الجوري: قصدك كثير عرب نواره: على اخر سنه زحمه ...آف ياليتهم ماغيروا لجامعه الجوري: صح ليه ضمونا للجامعه الثانيه نواره: مادري ........( وعينها على البندري الي تمشي وتلفت )) هههههههه شوفي البندري المفهيه وين رايحه الجوري: البندري ..البندري ..بندر لفوا شباب كان واضح انهم خليجين لفوا على الجوري ونواره وعلى البندري الي لفت وهي سرحانه البندري: ها نواره باسلوب عربجي: يالهبله وين مكمله البندري متفشله :هههههههه افكر اني ...جيعانه واحد من الشباب الي جالسين : فديت السعوديه انا يكمل له واحد من الشباب : واهل السعوديه البنات متعودين على هذي الاشكال كملوا طريقهم للجه الثانيه يجلسون علشان مايحتكون بالشباب نواره :ودي افقع عينه البندري: ماعليك منهم الجوري : يع معنا بالكلاس سعودين البندري: آه لو ان لوجين هنا كان وقفته عند حده ********************* ذوق ولوجين يهرولون وهم ياكلون وينزلون لمحطة القطار الي تنقله لمكان الجامعه لوجين وهي تاكل: لو خليتوني اجيب السياره مو احسن ذوق ماسكه الاكل بيدها : لا بالقطار احسن لوجين وقفت دخل بجزمتها شي ..ومعها الربو ماتقدر تسرع اكثر من كذا ذوق :..لجونه يالبارده يله بنتاخر باقي نص ساعه على المحاضره لوجين وهي تفصخ جزمتها وتنظفها : انتي روحي وانا بلحقك ذوق: اوكيه راحت ذوق وقفت لوجين ترمي الكروسان وتعدل الجزمه وهي ماشيه بسرعه وتناظر الجزمه وبايدها الشنط كانت حايسه بنفسها .. فجاءه صدمة كتفها بكتف شي لوجين رفعت راسها (بعد الترجمه ) لوجين بعصبيه وهي تتحس كتفها : اوه ياللهي الشاب ابتسم معتذر : اسف لم انتبه لكي لوجين وهي تناظره شكله سعودي من طول رمش عينه وسكسوكته السوداء مره ....و بشرته الي متعوب عليها بالتنظيفات ...( تنظيف البشره ) لوجين: الغلط علي فانا لم انتبه ..اسفه الشاب : لا لاتوجد مشاكل او اضرار لوجين (واضح انه سعودي حتى لهجته بالانجليزي سعوديه ..) سمعت صوت صفارة القطار ..لفوا اثنينهم للقطار الشاب : عن اذنك لوجين : حسننا اسفه مرة اخرى ركبت لوجين القطار وجلست بجنب ذوق ذوق: وينك تاخرتي لوجين : زحمه وفي واحد مفهي شكله سعودي.... صدمني بقوه تقولي جرافه ذوق:هههههههههه شدعوه لوجين: الله ياخذه كتفي تالمني ذوق: هههههههههه السعودين عند الحريم يسعبلون وجين:ههههههههههههه وانتي صادقه ************************ مسفر دخل الكلاس ميبتسم ..وهو يتذكر شكل البنت البريطانيا الي تعمد يصدم فيها ....يبغى يشبك معها لان شكلها عارضة ازياء مع لبسها الفاصخ ....( ايه والله كذا الواحد يصبح على وجيه سنعه ..تنوره قصيره وشعر بني حرير وسيقان حلوه طويله مو الي معنا بالكلاس ) يناظر الكلاس الزحمه الي مو من العاده يصير كذا ( اها تذكرت معنا جامعه ثانيه علشان اخر سنه ...آف الله يعدي هذي السنه على خير وارجع للسعوديه واتزوج الريمبعد هلي ) دخل رجال كبير بالسن شوي شكله مره بريطاني ... بعد ثواني من دخوله هداء المدرج والكل التزم بمكانه ملاحضه : الكلام مفروض يكون بالانجليزي لكن بما ان القصه كلها بريطانيا بترجمه على طول للغه العربيه الفصحه ** البريطاني : مرحبا الجوري: شكله الدكتور نواره : كرهته من هالحين الجوري: لانه دكتور يعني طلع صوت معدة البندري ..ماسمعه الا الجوري و نواره نواره والجوري :ههههههههههههههههههه كل الكلاس لف عليهم الدكتور ) : قال ..طبعا هذا مترجم خخخخ) ارجو من الجميع التزام الهدوء تغير وجه البنات وسكتوا من جهه ثانيه عند الشباب الي تحرشوا فيهم قبل شوي وليد : شكلهم زاحفين طلال: ههه تغير وجهم بس تكلم الدكتور تكلم مسفر الي ثقيل مره وهادي ورزه : ماعليكم منهم ....كحلوا عيونكم بالشقر طلال وهو يناظر نواره والبندري بشمازاز : المتخلفات لحد هالحين يلبسون غطاء على شعرهم وليد: والله انت المتخلف مسفر: ماعليك منه هذا اشك انه مسلم ويصلي اسكتوا لان الدكتور عطاهم نظره ..وهم توهم بداية الفصل مالهم خلق مشاكل .. ارسلت الجوري لذوق ولوجين علشان يرجعون ((المحاضره بد ت ..لاتجون ماتوقع يدخلكم ) بعد دقايق دقت لوجين الباب ومعها كابتشتنوا اما ذوق ماعندها شي لوجين والابتسامه شافه الحلق : ( بعد الترجمه ) مرحبا الدكتور مستغرب من البنات الي داخلين بعد دقيقتين : ماذا هناك لوجين : نحن طالبات هنا ونستاذنك بالدخول الدكتور: اعذريني ( ناظر ساعته ) المحاضره بدائت منذ عشر دقائق .. مسفر عرف البنت الي صدم فيها ..اها البريطانيه معنا بالمدرج حلو هههههههه احسن بعد هذولا البريطانيات مصافيق اي واحد يرمون نفسه عليه ...غريبه معها وحده محجبه وشكلها عربي ... و وليد وطلال وكل الكلا س يناظرونهم باهتمام ..جرائه منهم جاين متاخرين وليد: لاورازه الكابتشينو بعد مسفر بتفكير: يلعن ابو الملامح , واضح انها روسيا او بريطانيا طلال: لا واضح انها سعوديه ومن الرياض بعد مسفر: ههههههه استريح طلال : تتحدى .. مسفر : يابن الحلال اسمع صوتها بريطاني تتكلم بلهجه بريطانيا .. طلال: والمحجبه الي معها مسفر : يمكن خويات وليد : اسكتوا لوجين : نعدك بعدم تكرار ذلك... فقد كنت جائعه الكلاس: هههههههههههههه طلال: الهبله بايعتها وليد:ههه عجبني ردها..جوعانه الدكتور: اذهبي وتابعي افطارك .. لوجين راعيت طويله : لكن يادكتور انا مصابه بالربو واذا لم اكل واتناول دواي اصاب بنوب... قاطعها الدكتورلانه حس انها مو ناويه تطلع وبتحاجه اختصر الطريق : تفضلوا ولكن اذا تكرر ذلك لن قاطعته: نعدك بعدم تكرار ذلك .. الدكتور التفت يكمل المحاضره لوجين قبل لاتجلس انتبهت لربعها اشرت لهم بايدها هاي الكلاس يناظرونها مب مهتمه لدكتور جلست بالكراسي الي قدام بجهه الشباب لوجين تكلم نواره من بعيد: يالزفوت ..ليه ماقلتولي عن المحاضره طلال ناظر مسفر ب طلال: قلتلك مسفر فاتح فمه : يعني الي صدمت فيها سعوديه وليد: وش قلت مسفر: لا سلامتك ...وانت من وين لك هذي الخبره طلال: ياعمي 7 سنوات هنا واعرف للسعويات لتغربوا ..وازيدك من الشعر بيت بنت بطرى بعد وليد: لا اركبت معك مره مو يعني تك طلال يقاطعه بحماس: والله انها بطرى اذا تطوروا السعودين تخلعوا لوجين مكمله تاشير لنواره: اوريك يالنذله دقي دقه على الاقل طلال يتحرش : ماعندي رقمك والا كان دقيت لفت عليه لوجين معصبه : ياشين السعودين بريطانيا (بعد الترجمه ) الدكتور معصب : ماذا هناك سكتوا ..ولوجين تناظر مسفر تحاول تتذكر وين شافته ...بعد دقايق شهقت ..لفوا عليها الشباب وذوق..ابتسمت من الفشيله (ايوه تذكرت وين شفته هذا الي صدمني مع وجهه ..متى امداه يحضر بدري ...وع معنا بالكلاس ) وطول المحاضره ولوجين تاشر لنواره ونواره تضحك مسفر: هذي اقلقتنا طلال: هههههه شكلها هبله مسفر: آف والله اذا ماعقلت بشوتها وليد وهو يناظر لجهة الجوري ونواره والبندري: شكلهم ربعهم لوجين كانت تسمعهم لانهم وراها على طول وماسكه نفسها بالقوه ...وبعناد زادت تاشير مسفر وصلت معه : لوسمحتي سمعته بس سفهته وليد: انت هيه وش عليك منها مسفر : ماني قادر اركز .....( خوينا مسفر دافور نوعا ما ) لوجين : شغلي الوث شغليه ونواره معها على الخط : اوكيه مسفر بصوت عالي شوي: لوسمحتي .. ذوق بعد مانتبهت لمسفر : لجونه لجون لفت لوجين على ذوق: ها ذوق: يحاكيك ( تاشر على مسفر) لوجين حتى مالفت عليه : اسفههيه مسفر بفاذ صبر: انتي لوجين تكلم نواره من بعيد: وش نك ؟؟ نواره من بعيد ماتسمعها : ها لوجين: اقولك قاطعها مسفر وبنفس خايسه: انتي احكي معك لوجين لفت بدون نفس : خير مسفر: ماني قادر اركز لوجين: مشكلتك مسفر: اسكتي لوجين تحتقره : اذا مو عاجبك غير مكانك مسفر: انتي الي تغيرينه .. لوجين حطت رجل على رجل وساحت بجسمها على الكرسي: انا عاجبني المكان وليد: خلاص مسفر ماعليك منها مسفر سكت لان مابقى الا دقايق على نهاية المحاضره وبمكان ثاني بالكلاس الجوري: شوفي الاخت لوجين والاخت ذوق يهذرون مع الشباب البندري:ههههههههه غريبها هذولا الشباب يكلمون لوجين وما داست بطنهم الجوري : نواره اساليها بالوث وش قالت للمزيون الي وراهم نواره: اوكيه ذوق كانت سرحانه لوجين : وش سرحانه فيه ؟؟ طبعا الشباب يسمعونهم ذوق: ولاشي لوجين : لا علي ذوق: جالسه افكر بالسعوديه واهللها وشكر مشتاقه لهم ... تعبت من فراقي لبابا لوجين حست بغيره من ذوق لانها تحب ابوها وابوها يحبها وعلاقتهم شبيهه بالكمال ..لوجين ابوها مو بس ابوها ...هو ابوها واخوها واختها وعمها وخالها وامها وكل حياتها ابو ذوق معطي بناته الحنان والحب مايفرق بين احد فيهم ...: ان شاء الله بتشوفينه مابقى الا 4 شهور على الاجازه ونتخرج ذوق: الله يصبرني ل4شهور لوجين: الي يسمعك يقول حبيبها مو ابوها ذوق: الله يعلم انه اغلى من روحي لوجين: يعيني على المشاعر..ذوقي بصراحه ماعندك سالفه كل شي عندك حب ..والله لوتشوفين زبال ويكسر خاطرك انك تحبينه ذوق:يالله انتي دائم كذا ماعندك مشاعر لوجين : ياماما انا بعد وفاة احمد الله يرحمه قفلت هذا ( تاشر على قلبها ) ودفنت مفتاحه بقبره ذوق: الله يرحمه ...بس يالوجين الحياه ماشيه ولازم قاطعتها لوجين بانفعال : مافي احد بهذي الدنيا مثل احمد الله يرحمه ..الناس كلها بكفه وهو بكفه ذوق: الله يرحمه كانت تبغى تنبهها ان احمد مات ولمتى هي عايشه على ذكراه لوجين : المهم شكل بعض الناس ههههههه زعلانين ذوق: من لوجين: شوفي الجوري ماده بوزها شبر... ذوق: صدق ان ماعندها سالفه.. اكيد على نواره لوجين: ليكون حبيبها طنشها ذوق ضربت لوجين على راسها : شكل الكروسان اليابس طير مخك لوجين: هههههه لوجين توها بتكلم الالدكتور اعلن نهاية المحاضره نواره والجوري والبندري رحو ركض ل لوجين وذوق .. وعطلوا الشباب عن الطلعه البندري: ليه تاخرتوا لوجين: اسكتي نشب فينا واحد يعرف ذوق مسفر: ابعدوا نبغى نعدي لوجين مقهوره منه من قبل شوي لوجين : عدي من الجهه الثانيه طلال بعصبيه: كيف يعني ناخذ لفه كامله علشانكم البندري والجوري بعدوا بقت العربجيه نواره نواره : حركه محنا متحركين طلال مر بجنب نواره بكل وقاحه صار قريب منها بسرعه بعدت طلال: لاتقولين كلام مانتي قده نزلوا بعده وليد ومسفر لوجين عصبت : من هذا مفكر حاله رافع خشته على شنو طلعوا البنات للكفتاري ذوق تحط ايدها على راسها : خلاص راسي يعورني من كثر التفكير البندري: وش الي تفكرين فيه ذوق: سلامتك وناظرت لوجين نظرات لها معنى لوجين : انتم افطروا وانا بتمشى الجوري: بلا حركات خايسه واجلسوا هذا علي وسعيد وحمدان على وصول ذوق:يوه مشتاقه لهم علي كويتي وسعيد وحمدان امارتين تعرفوا عليهم البنات بس علاقه بالجامعه وعلاقه سطحيه مره البندري: وانا مالي خلقهم جد .... لوجين بروح معك راحوا لوجين والبندري يتمشون نواره: ياحليها البندري موصله معها من سعيد الجوري: هي مب قالت له ماتحبه نواره: وين يفهم هذا لوح الجوري: حرام والله انه حبيب وراعي فزعات نواره: بس نصاب ومايفهم الجوري : اسكتي هذا هم جاءو ذوق طول الوقت ساكته وتناظر بالكرت تحس ان صاحب هذا الكرت بيغير حياتها (فيصل محمد التركي ...يالله ماسمعت بهذا الاسم من قبل اصلا اول مره اسم بعايله التركي ... مالت علي 3سنوات ونص بريطانيا نستني جيراننا ) ****************************** ******** الفصل الرابع تحت المويه البارده اختلطت دموعها مع المويه ... نواره بخاطرها:اليوم شفته آه ياقلبي مر من قدامي ولاكانه يعرفني ..مر ماسك ايدها ..ليه ياحسام ليه كذبت علي ..ليه وهمتني بحبك دقت عليها الجوري الباب : نواره .. نواره بصوت مبحوح : نعم الجوري: وصل المطعم نواره يبن دموعها : مابغى شي الجوري قرصها قلبها : طيب اطلعي نواره: مابغى الجوري: نواره .......افتحي الباب نواره: اتركيني لوحدي الجوري تاكدت ان فيها شي : النوري تكفين علشان خاطري افتحي البست نواره الروب وفتحت الباب الجوري: ليه تبكين ضمت نواره الجوري وهي مبلله نواره: شفته يا الجوري شفته الجوري بعصبيه : حسام ارفعت نواره راسها : ايوه كان ماسك ايدها ومشي قدامي ولاكانه يعرفني الجوري وهي تجلس نواره على السرير : الي باعك يانوري بيعيه نواره: بس انا احبه ا لالجوري بقسوه: بس هو متزوج ونساك نواره شهقت بين دموعها : مانساني قالي احبك كنت اشوف بعيونه الحب يالجوري الجوري: انتي قلتيها كنتي وهالحين هو لغيرك نواره بكرامه مجروحه : اهله غصبوه على بنت عمه ..هومايبغاها يبغاني انا ..انا عشت معه سنتين الجوري : اغصبوه والا ماغصبوه هو هالحين مع مين...؟؟ هو قدام الناس يمسك ايد مين ؟؟... نواره نزلت راسها وقالت باستسلام : معها هي الجوري ترفع راس صاحبتها : لا يانواره لا حسام ولاعشره من امثاله ينزلون هالراس .. نواره بعجز وياس تهمس: احبه .. وتاشر على العرق الي بالمفصل بين ذراعها وكفها : وهذا مانبض لغيره الجوري عورها قلبها على حال صديقتها :لا يا نواره لا بينبض لغيره نواره حست انها مهما تتكلم مراح تفهمها :تصبحي على خير الجوري : انتي نامي هالحين والله يعلم وش منتظرك بكره نواره تمدت وغطت نفسها ..تحس بالبرد والغربه ..غربتها صارت غربتين .. تذكرت حسام وهو يقولها : انا معك ماحس بالغربه لانك كل هلي وناسي زاد بكيها ..طلعت الجوري من الغرفه تحس ان نواره محتاجه تبكي وتجلس لوحدها بس سكرت الجوري الباب صار بكيها شهقات ..تحس انها لحد هالحين تشوف الموقف ..نواره واقفه عند سياره تبيع هوت دوق لانها ماكلت بالجامعه والبنات متقدمين .. وقف بجنبها واحد ارفعت راسها ريحة عطره مو غريبه الصوت مو غريب صوت ينبض قلبها طبول اذا سمعته .. قلبها ماخانها حسام واقف معطيها ظهره وبجنبه وحده محجبه حسام : حبيبتي تبغيها مع خردل او بدون طاحت السندويشه ..... حبيبتي سمعتها كثير من صوته بس هذي لمره غير اسمعتها كانت لغيرها الي بجنبه واكيد انهاساره زوجته :ايوه حياتي مع خردل حسام يدور على الخردل الي كلن بيد نواره مع ان السندويشه بالارض اشرت له ساره على نواره : معها لف حسام مبتسم شافها اختفت ابتسامته .. نواره عيونها مغرقه دموع ... وحسام مركز على عينها ..ناظرته تدور الحب القديم تدور اللهفه والشوق الي كانت تشوفهم اذا كانت قربه ..مع الاسف مالقت الا الاسف والشفقه والاحتقار بعينه حسام: ممكن يناظر الخردل هروب من نظراتها نواره ( تستاذن تستاذن مني ياحسام بعد ماكنا روح وحده بجسدين مافي فرق بيننا تستاذن ..افا ياحسام هنت عليك سنين تبيعهم كذا ... هي اخذت مني يعني مراح تاخذ الخردل ) بايد مرتجفه مدت الخردل لحسام ... حست برجفة ايده وهو ياخذها وهمس : اسف يمكن هي تتوهم كلمته اكيد تتوهم لانه بسرعه لف على زوجته ساره وضحك معها حسام: سوير مشينا ساره: اوكيه حياتي مسك ايدها بيده ومشى قدامها .. زاد بكيها وهي تتذكر شكلهم وهم يروحون .... فجاءه لف عليها من بعيد وبتردد رفع ايده بايونزلها بسرعه كانه ندم ..او داس على مشاعره قله الي وصلني منه يكفيني عمر كيف يبرى طعن سكين الغدر قله كان لي عنده قدر لا تلاقينا امام الناس يسلم لا يبين لأي حد اني متألم لا يخلينا حكاية كفايه ماجرى منه كفاية قله حلله ربي وباحه الي ماعرفت الا جراحه هان قلبي واستباحه دان لي والجرم حبه قله وفقه ربي بغيري واني رحت في شري وخيري له مصيره ولي مصيري لا يعلقني بدربه *********************** الفصل الخامس عند شقة الشباب مسفر متكشخ بيطلع الا بدخلت بشار وفيصل فيصل: على وين العزم ان شاء الله مسفر: بروح اشتري للاختي فستان وارسله طرد.... قرب عرسها بشار: والله قهر ماتحضر عرس اختك مسفر بقهر: مو بس قهر الا هنا ( ياشر على رقبته ) في غصه ..دلوعتي بتزوج وانا ماكل تبن وجالس هنا فيصل : لاتغيب عن المحاضرات وقبل العرس بيوم سافر وغيب مسفر: مابه غير كذا ..يله شباب بالاذن بعد ماطلع مسفر فيصل: اقول بشار بلا ذكاء زايد وتقول لمسفر عن ذوق بشار : ليه خايف منه فيصل: لا بس مبادئه كثير سمعوا صوت المفتاح ودخل طلال طلال : هلا شباب من متى وانتم هنا فيصل: من قبل لاتنولد طلال: ياثقل دمك ... فيصل: طلول ابغاك بسالفه طلال : سم بشار: يله عن اذنكم .. فيصل: وين انت تعرف السالفه بشار:ههههههههه على بالك ذرابه مني بطلع لا ياعم برقد طلال:ههههههه وانا اقول من متى بشار ذرب فيصل: لا حرام عليك فديت هل لكويت كلهم ذرابه وسنع بشار : تسلم ..يله تصبحون على خير طلال وفيصل : وانت من اهله طلال: هلا فيصل سم فيصل: اليوم اليوم بس اقدر انوم طلال: كيف فيصل حكى لطلال كل شي وعن خطه وافكاره وعن البنت الي بينتقم منها طلال: ليكون قصد ذوق عبدالعزيز ال00000 فيص: ايوه ذوق ..تعرفها طلال: معي بالكلاس فيصل : بالله .......( ابتسم) حلو وطبعا بدوا يحطون الخط الشيطانيه ...وذوق ياغافلين لكم الله ماتدري وش مخبيه لها الايام ...رجع فيصل من السوق لانه ماحصل شي حلو يستاهل اخته ....وقر يطلع لسوق مره ثانيه بوقت ثاني ************ المغرب طلعوا ذوق والبندري للحديقه علشان رياضه ..اما لوجين بالبيت لان الربو زائد عليها وماقدرت تنوم طول اليوم ....لحد ماراحت لمستشفى ورجعت هلكانه لوجين وهي على سريرها تتامل غرفتها ودمعتها محبوسه بعينها ..(مشتاقه لدادا موضي ...الله يسامحك يا ذوق ..جرحتيني من غير ماتحسي ...آآه لوعندي مثل ابوك والله ماتركه لوعلى حساب مستقبلي .... ) نزلت دموعها حاره حرقت خدها ( اب ... ماعرف معنى هذي الكلمه بقاموسي .... ابيع الدنيا ومافيها لو ابتسامه اوبوسه بسيطه على خدي منه ..بس مره احس ان عندي اب وانه عايش علشاني .. رمت الادويه من الطاوله للارض: اكرهك واكره فلوسك .. مابغاها ماحتاجها محتاجتك انت .. بكت بانفاس متقطعه مع تنفسها الصعب ..كانت تتنفس من فمها لوجين ابوها مستثمر كبير بريطانيا والسعوديه... هي بنته الوحيده ..كان مايبغاها لما حملت امها فيها وقروا يتخلصون منها لكن الله كتب لها تعيش ولكن مع الاسف صار عندها ضيق تنفس مايجيها الا اذا تضايقت ..مات امها لان الحبوب الي استخدمتها تسقط فيها لوجين اثرت على صحتها وماقدروا يسعفونها ...سبحان الله كانت تبغى تموت بنتها مات هي .... اب لوجين رماها عند المربيات وكانوا عجوزتين سعوديات احن عليها من نفسها ..كانت دلوعتهم وحبيبت قلبهم مات الداد شيخه وهي بال16 من عمرها ..بعدها زاد تعلقها بموضي خافت تفقدها ..لكن موضي ارجعت مره ثانيه لسعوديه وتركت لوجين لانها صارت ب ..لوجين معتمده على نفسها لحد ال20 سنه يعني ثلاث سنوات اعتمدت فيهم على نفسها ... هذي نص الحقيقه هي تعرفت على احمد قبل سنه من سفر الداد موضي علشان كذا تطمنت عليها موضي مع خطيبها احمد الي كان واضح انه يحبها *************** ذوق بعد ماخلصوا ركض : بجرب ادق عليهم البندري: راعي فرق التوقيت ..اخاف يخترون عندهم الفجر هالحين ذوق: بس انا مشتاقه لبابا ..يالله ماهقيت اني احبه كذا البندري:هههه شي طبيعي ذوق: اول مره ابعد عنه كذا فكرت ان السالفه وقت وبنسى بس كل يوم ام واتمنى اصحى بغرفتي بيت ابوي البندري:ههههههه تبالغين ذوق: ماحد يفهمني البندري: اسمعي ترى برسل لهلك يجيون ياخذونك ..اذا ماسكتي ذوق: هههههه اوكيه شكلي غثيتكم البندري: لا عادي ...تصدقين ماجلست مع الجوري تقريبا يومين ..احس اني مشتاقه لها ذوق: مشاء الله انتي والجوري مره مع بعض البندري: هذي اخت دنيا الله لايخليني منها ذوق: امين ..وماشتقتي لهلك البندري: بيني وبينك اريح من مروه اختي وسوالفها ....ومن حمود اخوي وكاسه ذوق: بس اكيد مشتاقه لهم البندري تتنهد : مشتاقه لامي ..ودي اركض لها واضمها بحضني ...نفسي احس بانفاسها على وجهي ذوق: الله يطمنك عليها البندري : آه يا البندري نفسي اكسر قبضان السجن وادخل عليها واقولها يمه ... ذوق : هي كم باقي لها وتخلص من السجن ..؟؟ البندري وهي تبلع ريقها وتمسك دموعها : اربع سنوات ذوق: تقر عينك فيها ان شاء الله البندري امها مسجونه بتهمة القتل ..وكان قتلها دفاع عن النفس لان زوجها حاول يقتلها بعد ماعتدى على اختها الصغيره ..وبعد التخفيف والمداولات صار لها14 سنه مابقى لها الا 4 سنوات نواره فتحت عينها الغرفه كلها ظلام ...مدت ايدها تتمد ( يالله كل هذا نوم ,احس جسمي مكسر ) مر بالها حسام, تحس بشوق له بعد ماشافته اليوم رجعت كل ذكريتها طوال السنتين معه ..كيف كان محسها انها اميره اوملكه مايرضى عليها من الهواء الطاير يحبها ويداريها ...كل هذا طار من ابوه القاسي وعاداته القبيليه المتخلفه الي مايرضى عنها شرع ولا دين ...( آه ياحسام داريه ان حبي لحد هالحين ينبض بقلبك مع انه خف وانت تتوهم انه راح بس ماطاوعك قلبك الا تقولي باي .. الله يوفقك مع ساره ويارب تقدر تسعدك ) قالت هالكلام بقلبها علشان تتعود على فكرت تركه لها من قبل 6شهور بس كلن يمسك ايدها ويمشي قدام الناس بكل الفخر وهالحين مايقدر يسلم عليها .. سمعت صوت احد بالشقه (غريبه كل البنات طالعين ..من فيه ) قامت توضة وصلت وطلعت تشوف مين لوجين متمده على كنب الصاله تناظر التلفزيون ..قربت منها اكثر كانت لوجين بسابع نومه وبجنبه ادويتها واضح انها نامت بعد نوبة ربو نواره: الله يشفيك يالوجين (غرقت عيونها ) مادري اذا تخرجنا وش بسوي من دونك ..لنتي بديره وانا بديره .. لوجين فتحت عيونها : انتي هنا نواره: بسم الله مانمتي لوجين: لاجالسه احاول نواره تاشر على الادويه : واضح .. لوجين:هههههه عفست الصاله والله لاتعصب علي ذوق وصخت الصاله جلست نواره بجنب لوجين ومسكت ايدها وبكل جديه : لجونه تعبانه ..لاحضت عليك ماتنامين بالفتره الاخير لوجين: تتوهمين بس نومي صاير قليل نواره: وش الي شاغل بالك لاتقولين احمد ..لانها ماتمشي علي لوجين تنهدت : مادري ..شايله هم اذا رحتوا لسعوديه وانا بجلس لوحدي بهذي الشقه نواره تكابر وبكذب علشان تهدي لوجين: هالحين هذا الي حارم عيونك النوم .... الله اكبر من هنا ل4شهور يصير خير لوجين نزلت دموعها : راحت توحشيني انتي والبنات نواره نزلت دموعها غصب عنها : وانتي ياحياتي احمد ربي الي حط في دربي صديق ... اضحك وسولف معه ... ولاضاق بي الوقت والعمر طريح بمزحه لي يوسعه ********************* باليوم الثاني وبالجامعه داخل الكلاس بالتحديد لوجين لابسه تنوره قصيره مره تفضح اكثر ماتستر وبلوزه نفس الشي تفضح اكثر ماتستر.... وفاتحه شعرها مع ان الجو بارد ..بس عناد لابوها تبغى تمرض وتدخل المستشفى علشان تموت ذوق بهدوئها المعتاد : لا مالنا خلق نروح نجلس عند هذولاء تقصد مسفر وطلال وليد لوجين بعناد : لا ..تعالوا نجلس قبالهم عناد في هذا مع خشته جلسوا البنات قبال الشباب مثل امس لكن هذا المره الخمسه مع بعض ...والجوري تتحاشى تناظر بوليد ومالفت عليهم ابد مسفر: لاحول وش الي جيبهم هذولا وليد: ماعليك منهم طلال وهو يناظر ذوق ويرفع صوته متعمد طلال: هذا حبيبة فيصل الي قالكم عنها امس البنات لفوا على ذوق مستغربين ذوق شكت انه يقصدها وليد: اي حبيبه طلال: ذوق الي يحبها فيصل ...بنت جيرانهم حبه الاول والاخير ذوق لفت عليه مستغربه هي سمعت اسمها والا لا طلال وهو ياشر عليها : يسلم عليك فيصل ذوق نربط لسانها من الصدمه لوجين: الله يسلمه ..( لفت )جلسوا بنات جلسوا البنت وذوق مستغربه وش يقصد..حبه الاول والاخير وش سالفت هذا فيصل ..ناظرت لوجين كانها تسالها وش السالفه ..لوجين بلغة العيون ..(طنشيه هذي حركات الشباب اذا يبغون يضبطون احد ) دخل علي و سعيد علي وهو يقرب لعند لوجين علي: صباح الخير لوجين وهي تلف وجهها لجهة نواره بهمس تتريق : يمه قلبي بيوقف علي هنا سمعها مسفر لانه يصير وراى نواره نواره: هههههههههه علي وهو يمد ورده للوجين : صباح الورد لوجين تتصنع الابتسامه : صباح النور وقامت باسته على خده : مشكور على الورده علي يناظرها من فوق لتحت : طالعه قمر لوجين وهي تجلس بغرور : اصلا انا من زمان قمر سعيد: وانا اشهد البنري:هههههههههه (( مسكينه لوجين شكل سعيد بيقلب عندها ويفكني )) لوجين بدلع: لا علي يغار نواره: يله فارقونا جاءت الدكتوره طلعوا الاثنين نواره : ورد وحركات رمت لوجين الورده على الارض وداستها برجلها الكل:؟؟؟؟؟؟؟؟؟؟؟؟؟؟؟؟ ذوق: ليه حرام عليك لوجين تبتسم: على باله بهذي الحركات البايخه بيملك قلبي ...ماعاش ولاولدته امه الي ينسيني احمد البنات اسكتوا لانهم تعبوا معها وليد بصوت مايسمعه البنات: هذي مو سهله طلال:هههه مسكين مبسوط بوردته مسفر : ياخي في ناس كذا بالدنيا ..ماينطاقون وليد: مع هذا الاحمد يعطيني الوصفه قبل لايموت طلال: هههههههه ماعليك منها كلام البنات كثير نواره لفت على لوجين بعصبيه : ترضي احد يدوس على وردتك لوجين : ماعليك منه نصاب بكره يرجع الكويت ويتزوج وينسى نواره حز بخاطرها كلام لوجين تقصد حسام ..تعايرها بحسام لوجين تحط ايدها على كتف نواره: النوري حياتي والله ماقصد نواره تناظرها بعيون مغرقه : تعايريني بحسام لوجين: لا والله ماقصد قسم بالله ..شدعوه النوري انا اعيارك انتي اختي للي ماجبته امي نواره : ابعدي عني ..... لوجين : لا النوري كل شي ولا زعلك نواره:............... طلال: هذولا لبنات بلاء مسفر: كل وحده وعندها واحد طلال: ومن هذا حسام بعد وليد: وانا اقول هذي شكلها ثقيله لوجين: تعرفي اني ماقدر على زعلك ..خذي بلوزتي الخضراء وقفازاتي الحمراء بس لاتزعلين نواره:هههههههههه يالهبله مازعلت ..صدقت الدكتوره الي كانت عليهم شديده مره فطردت نواره من غير نقاش ... بعدها بدقايق بعد الترجمه لوجين : هل تسمحين لي الدكتوره: الى اين لوجين: دورت المياه الدكتوره :تفضلي قامت لوجين تمشي على الدرج وعيون الشباب عليها .. واحد لبناني : يلي تاصر تنوره تلحقها عيون الشباب هي بحاله مغروره البندري: معه حق بقولها لاتلبس كذا بالجامعه الجوري: عادي حنا بريطانيا البندري: بريطانيا اوكيه لكن نص الجامعه عرب من البعثات الجوري: بهذي معك حق ذوق: انا كلمتها عصبت وزعلت مني وقالت اذا انا ماشرفك لاتمشين معي الجوري: انتم وش فيكم... لوجين بنت بريطانيا طول عمرها هنا (الشباب ارهفوا السمع يبغوا يعرف شالسالفه ) البندري: احيانا ماتعجبني تصرفاتها تبوس الرجال كانه عادي ذوق خذت جانب الدفاع كالعاده : حرام عليكم تتكلمون عنها كانها وقحه الجوري: لا والله اموت فيها ومارضى عليها ولاني احبها مابغى حد يتكلم عليها البندري:والله لو عندي فلوسها ..وماجلست بالسعوديه الا 10 سنين ..كان عشت على كيفي ذوق: هذا انا عندي مثل فلوسها تقريبا وماصرت مثلها مسفر : لو سمحتوا لفوا عليه مستغربين مسفر: محنا قادرين نركز سكتوا البنات ..لوان نواره او لوجين هنا كان لعنوا والديه وعندوا لكن الثلاثي المسالم سكت طلال وليد ودهم يذبحون مسفر زاد فضولهم يبغوا يعرفوا وش سالفة هذولا البنات ... وش فلوسه الي يحكون عنها دقت لوجين الباب ودخلت وهي متحمسه اول ماجلست لوجين: تخيلوا من كلمني البنات : من ؟؟ لوجين : لميس وتقول انها ملكت...يالله اخير بتزوج عبدالرحمن ... ذوق: عبدالرحمن؟؟؟؟ههههههه واخيرا البندري: يعني توجوا حبهم ..بالزواج لوجين : يالله فرحت لها لازم اسويلها هديه ...مميزه ذوق: في شي بالك لوجين : اكيد اليوم بشتريلها الجوري: شنو لوجين لفت عنهم : مفاجاءه الجوري: بدت المصاخه الدكتوره عصبت وهدتهم يطلعوا كلهم بره سكتوا وقت ذكر الاسماء مسفر ركز على اسم لوجين الكامل لوجين راشد الكاسر الكاسر الشباب ناظروا بعض معقوله هذي الشخصيه الي تترز في التلفزيون والجرايد والي اشهر من نار على علم في السعوديه ..رجل الاعمال المشهور.... بنته معهم طلعوا كل الي بالقاعه ومابقى الا وليد ومسفر وذوق ولوجين وليد: والله ماصدق مسفر بهمس: اسكت لاتسمعك وليد: والله مافوت الفرصه هذا الكاسر وقبل لايطلعون ذوق ولوجين وليد: لوسمحتي انسه لوجين لوجين مستغربه : خير ؟؟ وليد: انتي بنت راشد حمود الكاسر والا تشابه اسماء لوجين فهمت قصده وضحكت على تعابير وجهه المصدومه :ههههه لا مسفر : يعني راشد الكاسر غير رجل الاعمال راشد حمود الكاسر لوجين ماحبت مسفر من اول ماشافته : الا انا بنته وماعنده عيال غيري مسفر : بس ماسمعنا ان عنده عيال لوجين: ليه انت تعرفه ؟؟؟ وليد: وفي احد بالمملكه مايعرفه هي داريه ان ابوها مشهور بس حبت تستهبل لوجين : ولاتقولوا انكم تعرفون حمود ولد عمي وليد: الا نعرفه لوجين: هذا زوجي ذوق ناظرت لوجين مستغربه وليد: متزوجه لوجين: لا بالمستقبل بيكون زوجي مسفر: الله يهنيك اذا هذا الاصلع زوجك لوجين تنرفزت : اصلع ؟؟؟ ذوق: وش فيك ماذكرتيه الي هذاك اليوم شفناه بالبنك مع ابو ك لوجين فتحت فمها : هذا حمود على بالي بادي قارد وليد : ليه انتي ماتعرفينه لوجين تفشلت : لا ..في سوال ثاني مسفر عطاها نظره من فوق لتحت : لا ..سلامتك لوجين خافت من نظرته طلعت بسرعه مع ذوق مسفر وهو سرحان: يلعن بو الحلا من قريب احلى وليد: عليها عيون وساع تذبح ..صدق لاقالوا جمال ودلال ومال مسفر: وقلة اخلاق ********* الفصل السادس والبنات يمشون للمحطه طلال: لوسمحتي ذوق لفوا كل البنات ذوق: انا ..نعم طلال: ممكن اخذ من وقتك دقايق ذوق : اوكيه بسرعه نواره بصوت واطي : اذا قل ادبه ناديني سمعها طلال وعصب ذوق: هههههههه لاتخافين راحوا البنات وبقوا لوحدهم طلال: انا بكلمك عن فيصل ذوق ؟؟: نعم .. طلال: ممكن توعديني هذا الكلام مايعرفه فيصل ذوق: تفضل طلال: اول احلفي لي ان فيصل مايدري اني قتلك شي ذوق : ومن هذا فيصل وين بشوفه اصلا انا ماعرفه طلال: اسمعي انا فيصل خوي من 6 سنوات ومن اول ماتعرفت عليه وهو يحكي عن حبه لبنت جيرانهم وكيفه انه نقل لمنطقه ثانيه وماعرف اخبارها وضل قلبه متعلق فيها ..ودائم سرحان وحزين يفكر فيها ..وامس شفته غير انسان ثاني وعرفت منه انه لقى بنت جيرانهم تدرس هنا ومن الصدف ان بنت جيرانهم وحبه الاول ولاخير وحب حياته هي انتي ذوق : انا ؟؟؟؟ وجلست على اقرب كرسي من الصدمه .. تعاطفت مع حكاية فيصل لكن ماتوقعت انها تكون هي البنت المقصوده طلال: تكفين ياذوق فيصل خوي واكثر من اخوي اذا كنتي بتكسرين قلبه حاكيني انا وانا افهمه ذوق لحد هالحين مصدومه ..ماعرفت وش ترد او وش تقول ...كان قلبها حاسها من كلام طلال ..ان فيه شي حتى كلام فيصل يدل على انه فيه سالفه بس ماتوقعت انه جد يحبها طلال : اترك هالحين وفكري براحتك وتذكري ان في قلب يحبك ويداريك وانك اقرب له من روحه ... تركها طلال وهو مصدقه الكذبه من كثر ماتقن الدور حس انه صدق نفسه ..على طول دق على فيصل وخبره فيصل:هههههههه تسلم يالحبيب ولك الحلاوه اذا تمت الكذبه ************* اليوم الي بعده كان " ويك اند " نواره: بنات تنعموا بالحريه لها كم شهر ونسجن البندري: وانتي صادقه سجن موبد ذوق: لاحرام عليكم والله مستعد انحبس بقزازه عطر بس اشم هواء السعوديه نواره: الله مشتاقه لسعوديه لوجين مندمجه بلعبة السيارات الي راكبتها مع البندري نواره : النذلات ولا قالوا ذوق : كيفهم انا بروح اخذ لي معسل نواره: لا انا راسي يعورني الجوري : ايه والله نفسي بمعسل راحوا الجوري وذوق للمقهى ..ضلت نواره واقفه تروح معهم والا تلعب بس تلعب لوحدها هذا المكان رجعها بالذكريات مع حسام وهم يلعبون رمايه ويغشون علشان يفوزون بتاز (شخصيه بدزني ) لانه يحبه مع الذكريات وشوقها لحسام من غير ماتحس رفعت جوالها ودقت على حسام ... طوال 6 شهور كل ماجئت بتمسح رقمه ماتقدر بعد 4 دقات رد حسام بصوت كله نوم : ..آلو نواره: ............... حسام: من معي نواره بصوت يرتجف : خ...حسام حسام مثل الي صحصح ورجع صوته : نونو نواره نزلت دموعها لحد هالحين يقولها نونو ..مع كل هالشهور والمسافات مانسى دلعها حسام بجد: اسمعيني يانواره انا شرحت لك ظروفي وقلتلك اني متزوج وات قاطعته بصوت بحته قويه : تحبها حسام : ....................... نواره: توقعت .. حسام بعصبيه : ايوه احب زوجتي وسعيد معها وصارت كل حياتي .. نواره: طيب على الاقل سلم .. حسام: اطلعي من حياتي نواره: ممكن اشوفك حسام على طول وبدون تفكير: طبعا لا نواره: تكفى لاخر مره نواره تترجى احد ..نواره تقول تكفى من متى ..حن قلب حسام ورجحت كفتها اكثر من كفة ساره لانه يعرف ان نواره ماتقول لاي احد تكفى وانها دايم مسويه نفسها قويه نواره برجاء : بليز حسام: اوكيه .. نواره بلهفه : متى ..؟؟ حسام: مادري اذا صرت فاضي ...لاتدقين ترى اهون اذا دقيتي نواره كرامتها بالارض تحس نفسها ذليله ..: اوكيه حسام: اوكيه سكتوا ..بعد فتره حسام : مع السلامه امن ( سكت ) نواره : كمل ..امنتك الله نونو ..والا هذي بعدي مستخسرها فيني سكرت السماعه وانهارت على كرسي تبكي الجوري وهي تسحب نفس معسل بالركن العربي : يوه عيد ميلاد لوجين قريب ذوق: ايوه بعداربع ايام الجوري : لازم تشتري هديه مميزه ذوق وعينها على العرب الي دخلوا اثنين مزاين ملامحهم بدويه بالحيل واقفين يدورون طاوله بالزحمه ..كل العرب الي بريطانيا هنا الجوري: وش فيك مفهيه وتناظر الجهه الي تناظر فيها ذوق الجوري: تفكري بالي افكر فيه ذوق : لاتقولين ...نناديهم معنا الجوري: ايوه ذوق : لا دخلت نواره للمقهى وهي واصله معها نواره: ابعد شوي الشاب 1: كيف نواره: ابغى امر يعني وين اروح اقفز الشاب 2: كبريت مو بنيه نواره: ليه في حد قال اني بنيه الشاب 1 : مري الي يسمعك يقول في طاوله نواره: لاشكالكم مافيه الشاب 2: وش قلتي...( يناظر خويه 1 ) وش قالت ..؟؟ نواره راسها يعورها ومالها خلق شي ومقهوره من حسام : ارتاحوا بطلع الشابين :.؟؟؟؟؟؟؟؟؟؟؟؟؟؟؟ الشاب 2 : وش فيها هذي الجوري مقهوره: الهبله ضيعتهم علينا ذوق انبسطت لانها ماتحب هذي الحركات :هههههههههه .... هارد لك ************************ بالشقه باليل نواره دخلت على طول تنام على غير عادتها لكن خايفه عيونها تفضحها قدام لوجين البندري والجوري بالمطبخ يسون كوفي لذوق ولوجين البندري وهي تضم الجوري من ورائها : وحشتيني يالزفته الجوري: ههههههه وانا اكثر البندري ترفع الكوفي : بترجعين معنا للسعوديه لاعمامك والا بتجلسين هنا مع امك وخوالك الجوري:ههههههههه اي ام وخوال والي يعافيك برجع لسعوديه لبيت جدي هذا كلام عمامي البندري: وناسه الجوري وهي تحط السكر بالاكواب : ايوه عن جد وناسه البندري تناظر الجوري بخبث : لك يومين تتهربين مني وماتحكين وش عندك احس وراك شي الجوري ترددت تقولها عن مشاعرها لوليد وانها خايفه من البندري تهاوشها : مافي شي البندري: كذابه ...كدابه الجوري : اذا حسيت اني مستعده اقولك بقول البندري: اكيد الجوري: اكيد ذوق ولوجين الي جالسين بالفوتشوب يعدلون الصور الي صوروها اليوم ذوق : لجونه بقول شي صار لي ومتردده بقراري لجونه حست بارتباك ذوق حطت الاب توب على جنب ولفت عليها : تفضلي ..؟؟ قري ( اعترفي )خلصينا ذوق : اليوم كلمني طلال عن هذا ولد التركي لوجين : فيصل ذوق : ايوه يقول انه صاحبه من 6 سنوات وانه كان يحب وحده ويموت فيها وكانت هذي بنت جيرانهم بعد مانقلوا من الحي دور عليها وماحصلها وبعد سنين حصلها والي هي لوجين كانها فهمت السالفه : انتي صح ..؟؟ ذوق : ايوه لوجين : اسمعي بقولك كلام وانا لوجين السعوديه مو البريطانيا ..اوكيه ذوق هزت راسها باهتمام :كملي لوجين : انا هذا طلال مايريحني ابدا واحس انها حركات علشان يضبط خويه ذوق : لكن فيصل مايدري وحلفني ماقوله لوجين: انا الحياه علمتني ماصدق او اثق في اي احد ..وهذا دامه خويه من 6سنوات مراح يخبي عنه هالشي ذوق زادت حيراتها : يعني اوله يتركني بحالي لوجين سكت تفكر شوي بعدها قالت بحماس : اسمعي هالحين بكلمك ولوجين البريطانيا .... عطيه فرصه يمكن جد يحب وجد انك اقرب لهمن روحه وانه تعذب لحد ماشافك ...حرام تجرحين حد يحبك ..عطيه مجال مانتي بخسرانه شي ذوق: بس انت عارفه اني من 3 سنوات عاهدت نفسي ولبوي اني ماعطي لاي شاب فرصه يتمادى معي لوجين : ومن قالك بيتمادى معك في شي اسمه الحب العذري ...وانتي الي تقدرين تحدين علاقتك معه كيف ..( ابتسمت) كلها كم شهر ترجع السعوديه انبسطي شوي ذوق: حيرتيني اكثر لوجين : حرام تردين قلب حبك ..وقدملك حبه العذري ذوق: واذا ح قطع عليهم كلامهم دخلت البندري والجوري وهم يضحكون مثل كل مره اذا صاروا مع بعض ...البندري والجوري مثال للصداقه الاخويه ****************************** ***** بالجامعه وليد : تعالوا حجزنا لكم البنات استغربوا وش يبغون هذولا...؟؟ لوجين : مشكورين ريحتونا طلال: العفو بعد ماجلسوا نواره الي ماتحب طلال بعد حركته السخيف لما مشى عندها : دوم احجزولنا فهمتوا طلال: تتامرين مع وجهك المره الجايه بنحجز لاربعه بس نواره : مسكينه الجوري مراح يحجزون لك وليد:ههههههههههه يقصدك انتي مسفر: وين ملازمكم وكتبكم نواره: مانتعامل .. طلال: شكلك ناويه تحجزين كرسي للسنه الجايه نواره : بجنبك ان شاء الله البندري:ههههههههه نواره وحده بوحده مسفر الي ماكان عاجبه انهم يحجزون لهم بس خرابيط طلال وليد ..الي ذايب في هواء الجوري بعد الصدمه لوجين : خلاص هذا بيكون مكاننا كل يوم مسفر باستهزاء: مدرسه هي كل يوم لوجين ماسكه اعصابه من غرور مسفر: لا بس عجبني المكان ذوق: صح ماعليه كرم بعيد عن الروائح كان الكلاس قيه حوالي 24 طالب من جنسيات مختلفه بس الغالب بريطانين وسعودين طلال:ههههههههههه حلوه الروائح نواره وهي تناظره بطرف عينها : حتى هنا في روايح طلال فهم عليها :هههههههههه الحمدلله انك حسيتي بنفسك وشكلك بتروشين وليد يناظر الجوري : بينهم الحرب البارده الجوري وجهها صار احمر وقلبها يدق بسرعه شمعنا هي بس للي ناظره : بارتباك : ايوه البندري انقهرت ليه يكلم الجوري ...ماتدري هي غارت منها والا غارت عليها مسفر: اسكتوا جاء الدكتور لوجين : ياي شكلكم دوافير طلال: مسفر وليد طال عمرك مسفر: ايوه لاتخربون علينا لوجين توها بتكلم الا الدكتور عطاهم نظره يسكتونبانتظار ردودكم!!!!!!!!!! |
|
|
#2 |
|
|
رد: قصه عجيبه سعوديات في بريطانيا
وين بائي القصة ؟؟؟؟؟؟ -_-
|
|
|
#3 |
|
|
رد: قصه عجيبه سعوديات في بريطانيا
 |
