نفسى أعرف رأيكم
ازيكم يا بنات الحمد لله النتيجة ظهرت و ربنا عداها على خير
الأول عاوزة اقول ل"القلب الجريح1993" انك كنتى صح لما قلتى لى انى ابعد عنهم وانا اسفة انى وقتها مش سمعت كلامك وقلت ازاى ابعد عنهم دول مهما كانوا اصحابى بس انا دلوقتى ندمانة على الوقت اللى كنت بقضيه معاهم بجد يا بنات كرهونى فى حاجة اسمها الصداقة قابلوا معاملتى الكويسة ليهم بمعاملة اقل ما يقال عنها انها معاملة زبالة لدرجة انهم كانوا بيتكلموا معايا بطريقة وحشة اوى وكأنى خدامة عندهم بس كل الناس اللى حولى بيقولوا انى السبب لأنى كنت بنت كويسة معاهم
هى الطيبة ومساعدة الغير بقوا حاجات وحشة ولازم اننا مش نعامل بعض بيها ولا ايه؟
انا كنت ابتديت اقول انى مش هعامل حد تانى غير بنفس الطريقة اللى اصحابى عاملونى بيها وهى معاملة المصلحة يعنى استغلال اللى قدامى لحد ما اخد اللى انا عاوزاه منه بس ازاى اعمل كدة وانا باستحقر اللى بيعملوا كدة؟ نفسى اعرف ازاى اعامل الناس؟
|