 |
  |
|
|
|
|
#1 |
|
:: كاتبة محترفة :: |
مواقف
تقول الاخت *حنا في بيت اهل زوجي نجتمع يوم الخميس و بعد العشاء كل واحد يتكل على الله و يشوف اشغاله ... و بيتهم دورين تحت ام زوجي و ابو زوجي و حماتي .. و فوق في شقة فيها خوان زوجي عزوبية . المهم بعد ما تعشينا العشاء و خلصنا تشطيب سألت عن زوجي قالت لي بنت حماتي انه فوق لحاله على الكمبيوتر في شقة اخوانه العزوبية و سألتها : انتي متأكدة انه لحاله قالت ايه ... عاد انا ما كذبت خبر كان اعدل الخشة حقتي و احط عطر و اشيل الشيلة و احطها على كتفي و طيران فوق مشتاقة له من الظهر مو شايفته وانا انقز درجتين درجتين ( حشى كنغر مو مراة ) وصاروخ وعند باب الشقة هوب الا بوجهي حماي و الله انه اخترع و رجع ورا بسرعة (يمه اسم الله علي منهو الصاروخ الي بيصدمني من الرجاجة ) خخخخخخخخخخ وانا وخشتي ارنفزعت يوم شفته كان اغطي وجهي ( بعد ايش بعد ما شبع شوف) و اقوله اسفة و الله ما كنت ادري انك فوق و هو مسكين من الروعة يقول لا ما صار شيء خخخخخخخخخ *زوجي اخذ اجازه ورحنا قضيناها عند اهله ولنا الملحق نجلس فيه المهم ذاك اليوم قروا نخرج نتمشى مع جماعتهم ونركب معهم سيارة ابوه الكبيره وكل شوي يدق علي يالله انزلي تأخرتي كلنا بالسياره فاستعجلت ونزلت طبعا معميه من العجله وركبت السياره ومالقيت لا امه ولا خواته باقي مانزلو وهو راكب قدام وانا دخلت وراء وقمت اخاصم انت دايم تستعجلني كذا وانزل قبل اهلك وارتز بالسياره وياكلني الحر وهم على اقل من مهلهم مادري ليش التصرفات هذي تخاف اذا تأخرت انا وهم بالسياره تتفشل والله ماعاد انزل لين اطالع مع الطاقه هم ركبو والا لا ويقوم ابن الحلال وينزل من السياره وانا اقول وين رايح شي يطفش والا اشوف زوجي نازل توه من عند شقة اهله والي كان بالسياره واخذ الخصام اخو زوجي فشيله شكلي كرهته بالزواج وانا انكتمت ماقلت لزوجي على الي صار. *رايحة لأهل زوجها وتوها داخلة إلا قابلت أخو زوجها تحسبه عمها ((أبو زوجها)) وكمان أخو الزوج يحسب زوجة أخوة,, إخته راح بسرعة من وراها وشدها وباسها على راسها وعاد هو معروف بخفة الدم هاتيك يا بوس وذيك تنبهت يوم دخل زوجها وشاف أخوه يبوس زوجته طلعت عيونه من مكانها أخوه ما يدري وش السالفة آثاريه يبوس زوجت أخوه جلس أبو التبويس 3أيام ينحاش من البيت عشان ما يشوف أخوه بس جد قمة الإحراج *زميلتي ساكنة عند أهل زوجها هي بالدور الثاني وهم تحت,, المهم مامر على زواجها إلا ثلاث أشهر تقول إن خالتها دقت عليها وقالت بيجونا حريم إلبسي وإنزلي طبعا الأخت في الله لبست تنورة قصيرة لتحت الركبة وبلوزة كت وتقول لبسها فاصخ الحياء الله يهديها المهم نزلت وكانت صالتهم كبيرة مرة فيها كنبات طبعا الكنبات مو متراكية على الجدار مقدمينها شوي الموقف إن زميلتي أول ما دخلت الصالة حطت الشرشف على الشماعة و جلست بعيد عنه تتقهوى هي وخالتها قامت خالتها للمطبخ إلا تسمع صوت واحد من العيال تدرون وش سوت بعد عمري هي تخبلت ماتدري وين تروح يوم تزوجت كان عمرها 17صغيرونة راحت تخبت ورى الكنب بحيث ما أحد يشوفها تحسبه بيجلس ثواني ويطلع المهم جاء أخوه الي بعده وهلم جرة دخلوا كل العيال وياليت بس العيال دخلوا أزواج بناتهم تقريبا الصالة صارت عجاج ماشاء الله من الرجال ولا هم حاسين فيها تقول أنا تسمرت مكاني وجتني الشهقة من الخوف((ما أدري وش تسمونها يا حبايبي)) لكن واحد مسطل من إخوان زوجها حس إن فيه أحد على قومته للمطبخ يحسبها إخته الصغيرة قال يبي يخوفها راح من ورى ومسك فيها بنات البنت نطت وقعدت تصارخ وتصيح زوجها بغى يغمى عليه من الفشيلة خاصة زوجته من جد إسم الله عليها جميلة بس موقف زوجها مو شي تخيلوا إنحاش من الصالة ولا تكلم ومن الي جاب لها الشرشف زوج بنتهم لإن الكل مسمر وزوج إختهم يقول إستري نفسك بس من لقافتها وش موديها ورى تقول ’’’’’’’’’’ رحت عند أهلي عقبها جلست إسبوع بس بنات من عقب الموقف هذا وهي تقرى عند شيخ ما أدري من الخوف صار يجيها شي تحسه كذا يهز فيها هز إدعوا لها أبو زوجها يقول لاعاد تنزلنا هالبزر مرة ثانية بنات قمة الإحراج *كانت توها متزوجة تقول إن أبو زوجها يشبه لواحد من عياله وكان الرجال توه داخل ومنحني يحط أغراض في المطبخ إلا الحلوة منطلقة تخف دمها ((لإن أبو زوجها طول الوقت وهو يقولها الغالية زوجة الغالي )) وبحركة سريعة ((جلدي جلدي ))لغة الهنود وهي على راسه تطبع بوساتها الحلوة وتقول له مساء الخير يابو الشباب توقعوا من طلع !!!!!!!!!! طلع أخو زوجها الكبير مو هذي المشكلة تدرون وين المشكلة في زوجته إلي دخلت عليها وهي قاعدة تبوسه وحاطه يدها على كتفه تقول صاحبتي انا ماإنتبهت للرجال أنا إنتبهت لزوجته إلي إنقضت علي مثل الوحش تسب وتلعن ويدها طالتني أنا والزوج ياويلي يابنات لا تكون زوجت الرجال معانا في المنتدى تتذكر الموقف وتخبط زوجها وصاحبتي بس من جد صارت مشاكل على هذالموقف لدرجة إن زوجة الرجال ماتسلم على صاحبتي في المجالس |
|
|
#2 |
|
|
رد: ه
هههههههههههههههههههههههههههههه ههههه
|
|
|
#3 |
|
|
رد: ه
هههههههههههههههههههههههههههههه هههههه
|
|
|
#4 |
|
|
رد: ه
يعطيك الف عافيه
|
|
|
#5 |
|
|
رد: ه
ههههههههههههههههههههههههههههه
يسلمو غلاتي |
ه