 |
  |
|
|
|
|
#1 |
|
:: كاتبة محترفة :: |
مواقف
تقول الاخت *انا مره بعزي وحده بقول لها عضم الله اجركم واجبر الله مصيبتكم قلت عضم الله مصيبتكم ولما قفلت السماعه قالي رجلي وش هذا يامتخلفه تدعين على العالم *كنت لابسه التنوره الف اكيد تعرفونها تلفيها وبعدين تصكين الازارير المهم قهوه وحلى وناسه فحسيت انها ضايقتني من عند الخصر فكيت الزر وارتحت وسوالف وضحك المهم نسيت الزر مفتوح قمت ابي اروح ويوم وقفت يا سلام ايش شافوا ماغير ؟؟؟؟؟؟؟ والحق ارفع التنوره وهم ضحك قلت الحمد لله بس انتم موجودات ولا فيه حريم عاد من زين هالعصاقيل *نزلنا ذاك اليوم عند امه وكان يوم جمعه الظهر على اساس بنتغدى معهم (انا ساكنه بيت اهل زوجي ومعنا اخوان زوجي كلن له شقه مستقله )) المهم لقينا عند امه اخوه مع زوجته وعياله (اخوة اكبر منه ب8 سنوات بس علاقتهم بعض مره قويه )) حطوا الغدا للرجال في الصاله واحنا يالحريم دخلنا نتغدى داخل بعد الغدا طلع زوجي واخوة يغسلون يديهم في المغسله الي بالحوش طبعا مع الشمس الي تصقع اخو زوجي وهو يغسا ناظر لزوجي وقعد يضحك يضحك وزوجي يقول له وش فيك وذاك مايرد ميت ضحك طبعا زوجي كان لابس ثوب نوم سكري لونه وطبعة ذاك الروج الاحمر على كتفه مدري وشلون مانتبهنا لها لا انا ولا هو هو طلع على طول يغير ثوبه وانا خلصت وجيت قعدت بالصاله واخوة موجود (متغطيه طبعا ) والله لو ادري ان ذا الموقف صاير كان ماقابلته شهر احراج والله يوم علمني زوجي ودي الارض انشقت وبلعتني *توني كنت عروس ما كملت شهر و كنت فالسياره مع زوجي نتمشى و اليله الي قبلها ما نمت الا متاخر كنت طول اليوم مصدعه و قلت له ابغا الصيدليه وطلبت منه يجيب لي لما بغا ينزل من تعاسة حظي لقا صديقه فوجهه و اشر علي انزل انا لانه كان يسولف عاد انا سرت طيران و رجعت عاد من زود الفلاحه من زود السرعه شفت سياره جمبنا نفس لون سيارة رجلي عاد انا وش دراني فانواع السيارات رحت صوب السيارة و فتحت الباب الي قدام لما جيت بجلس شفت رجال شكله ملتزم و معاه زوجته قدام .. خخخخخخخ قالت لي وش فيه وش تبغين >> تميت اناظر فيها من الصدمه ولما شبكت اسلاكي شفت سيارتنا و رحت صوبها لقيت زوجي فاطس ضحك قولت له ليه ما تناديني او تنبهني قال نبهتك و ناديتك واشر لك بس كنك كنتي سرحانه و ما قدرت امسك نفسي من الضحك اشوى انه صديقه سلم عليه و سار ولا كان تشوفون وجهي الوان عاد سويت نفسي زعلانه و لما جينا بنروح لقيت الناس ماشين قدامنا و اشوف زوجه الرجال ترمقني بذيك النظره و مدري وش قالت خخخخخخخخخخخ *هاذا الله يسلمكم ذاك اليوم رحت للحموله وكانو خوات زوجي فيه وخالتي وخالي ابو زوجي المهم جاء وقت العشاء وخالي يتعشى معنا وزوجي الحمدلله انه مو فيه معزوم المهم يوم قضينا متعشين بالعاده اهل زوجي ياكلون فاكهه بعد العشاء ومن ضمن الفاكهه الكاكي مدري الكاكا مادري عاد شتسمونه وعاد من القراده مد لي خالي وحده قالي خوذي هاذي مني تدرون اشقلت ليتني مليت فمي منه ولا سويت نفسي ورديت اه ياربي كل ماذكرت ظاق صدري !!!!!!!!!!!!!!!!!!! قلت قلت لا مابي اكل طماط بعد العشاء عاد خوات زوجي تسدحو من الضحك وابو زوجي يقاله مهب امفشلني قالي ذوقي ولدك.... وام زوجي قالت ميخلف حنا زيك اول ماشفناه حسبناه طماط انواع الترقيع ..... اضاهر وجهي هو الي صار طماط الله لايوريكم ودي اصيح.. *كان اخو زوجي جاي عندنا ينام لانه من برا الرياض وجاي عنده شغل وهو عادة ينام الى الظهر في المجلس ..ويوم جا بعد الظهر قلت اكيد انه طالع روحت ولدي الصغير يشوفه هو في المجلس والا طالع لاني ابي غرض من هناك المهم جا ولدي وكان صغير وقال ما فيه احد.. وارسل بنتي زود احتياط قالت مافيه احد روحي المهم رحت امشي براحتي وادخل اباخذ الغرض ..الا فجأة اسمع صوت السيفون في الحمام وباب الحمام ينفتح وتناقز عيوني من الروعة وما عاد عرفت اتصرف.. واطمر للبا لانه متجه لمي بيدخل واحاول اصكه وادور مفتاح مالقيت وادف الباب ويدف..وادف ويدف ..وجع اشوا انه توه قايم من النوم ما فيه حيل ولا كان علوم.. المهم صار يقول من؟ من ورا الباب ؟؟ وانا ساكته مارد.. بالنهاية وبعد صراع مرير على الباب شكله فهم .. وخر عن الباب وقال خلاص خلاص اطلعوا ..اطلعوا فهمت!! وشو عقبه يالكمخة بغيت اموت والله اني احس بطني مشقوق وجاني غثيان من الخوف حسبي الله على عدوه.. بس عقبها حرمت اروح لقسم الرجال ابد ابد.. ! *مره كنت عند اهل زوجي من العصر وكانو كلهم مجتمعين وقت اجازه المهم لما صارت الساعه 12 في اليل قال زوجي يالله بنروح انا من الفرحه ماصدقت ملل عندهم المهم والعالم كلها جالسه قلتلهم مع السلامه واجي ابوس راس خالتي <<<<<< ليتني انثبرت ولا بستها المهم لما بستها قلتلها شخباركم عساكم بخير والعالم كلها سمعت اكيد اخوان زوجي بيقولون وش فيها هذي توها تتفطن يوم جت تمشي تقول وش اخباركم خخخخخخخخخخخ لا والمصيبه خالتي ليتها سكت يعني الي مانتبه بالاول لازم ينتبه قالت بخير الله يسلمك خخخخخخخخخخخ عاد مادري شلون القط وجهي من الفشيله هجيت بسرعه نسيت ابوس راس خالي خخخخخخخخخخخ طلعت ابسكر الباب ويتسكر بقوه خخخخخخخخخخ بيقولون مرة ولدنا مطفوقه وجلست بعدها ثلاثة اسابيع ماطبيت بيتهم قلت عساهم ينسون خخخخخخخخخخخ *مره ابوي كان عازم عماتي ورجال خواتي وطبعا عيال عماتي ورجال بناتهم حريما ورجال في الاستراحه والاستراحه فيها حيوانات وفيها تيس الله يرحمه ذبحه ابوي لانه هو السبب في فضيحتنا بين العربان خخخخخخخخخخخخخ المهم الحريم بجهه والرجال بجهه ثانيه الجهه الي فيها الحيوانات لين ولدي توه بادي يفهم ومن في البيت وانا اسولف له عن الحيوانات يوم وصلنا قلت ابروح اوري ولدي الحيوانات قال اخوي روحي ماعليك الرجال في بيت الشعر بس خذي معك غطا المهم واروح وافتح باب الحظيره اوري ولدي الا يجيني ذاك التيس منطلق مايشوف دربه مدري وش قصته الله يصلحه ويلحقني مير من الروعه انطل ولدي وانحاش ركض وكراعيني سابقتني المهم ماعاد قدامي الا بيت الشعر العدو خلفي والبحر امامي مير جيت طايره فيني خفه مو طبيعيه من الخوف وادخل عليهم في الخيمه وامسك باب الخيمه جسمي وكراعيني عندهم وراسي برا مطلعته يقالك متغطيه خخخخخخخخخخخخخخخ والله انهم تناقزو وتطامرو يحسبون داخل عليهم مدرعه من كثر ماجيتهم اهابد وهالتيس هالحمار واقف عند باب الخيمه يحتريني اطلع متسلط علي الا لايسلطه مير مقدي ابوي يوم ذبحه خخخخخخخخخ ابوي يابعد قلبي بسم الله عليك بسم الله عليك مايعض لاتخافين واخوي يهاوش هيه انتي اطلعي وانا راسي برا وجسمي عندهم اقول تعال وخره بسرعه بس اشوا كلهم امون عليهم وخابريني من يومني بزر الا رجال خواتي بس خيره ان رجلي ماجا والا كان علقني مع رجولي وصلخني مثل ماعلق ابوي التيس مع رجوله وصلخه *وانا عند حمولتي كنت توي طالعه من النفاس وبكريه وماعندي ماعند جدتي يعني بالعربي ماعرف للبزران وانا عندهم كاشخه ومابي شي يطرن من الكشخه مير تجي بنتي وتقول واء واء بصوت خفيف وانا اجيك طايره بين السما والارض مسويه ام حنونه وايقالي افهم بنتي قلت ايه ايه جوعانه وكدا بحركات خطافيه وحماس اطلع من الشنطه الحليب والماء الحار واسويهم في دقيقتين تقولون دعاية اندومي موب حليب وابو زوجي يقول لا يابنيتي ماهيب جوعانه شكلها محتره شيلي ملابسها وانا مانيب لمه مندمجه مع الحليب واخض بكل طاقتي اونا ارشق الحليب على وجه ام زوجي اثري من الحماس والطفاقه ما سكرت الرضاعه يعني الحلمه والغطا بالشنطه المهم ام زوجي قعدت تقول اه ياربيه حار وانا منكمشه بمكاني من الخوف قالو وشدعوه حليب بزر موب صاير حار اكيد دافي وهي تقول انشويت جيبولي ثلج عاد انا تدكرت اني ماخفته بمويه بارد يعني مويه مغليه بس قلت اشوى انها هي الي رضعته ههههههههههههههههههه مب بنيتي اسم الله عليه كان راحت بسبت طفاقتي *واحد متزوج ثنتين وهم كلهم توهم زوجته الأولى عندها ولد والثانية نفاس بولدها الأول عند اهلها المهم هم بيتهم كبير وبقرية والبيت فيه مسجد لابوه واخوانه وهو الإمام حقهم المهم صلى بهم المغرب وطلع الجميع من المسجد وبقى هو بلحاله المهم خمه الشوق لزوجته الثانية ويتصل عليها بالجوال هلا ام فلان كيف الحال وهات ياكلام وسلام تصوروا وش طلع ؟؟؟؟؟؟؟؟؟؟؟؟؟؟؟؟؟؟؟؟ المايك مفتوح وكل الي بالبيت سمعوا الكلام بمافيهم زوجته الأولى وامه تصارخ على البزارين روحوا علموه تخيلي لو انتي مكان الاولى |
|
|
#2 |
|
|
رد: مواقف
هههههههههههههههههههههههههههههه هههههههههههههههههههههههههههههه ههههههههههههههههههههههههههه
|
|
|
#3 |
|
|
رد: مواقف
مشكورة على الرد العسل
|
|
|
#4 |
|
|
رد: مواقف
 |
|
|
#5 |
|
|
رد: مواقف
يسلموا
|
مواقف