ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > ادب و خواطر
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
ادب و خواطر جرح يوجد هنا جرح القصص , الخواطر , الشعر قصائد حب و خواطر عشق و ما يبوح به قلمك

فساتين العيد


 
قديم 07-03-2010, 07:12 AM   #1

ملتني دموعي

:: كاتبة مميزة ::

الملف الشخصي
رقم العضوية: 119439
تاريخ التسجيـل: May 2010
مجموع المشاركات: 720 
رصيد النقاط : 0

جرح


جرح

على طول المشاعر الي حوتنا من ثلاث سنين !!
نحت إسمك على بالي وأثري مو على بالك



على حرّ الجمر أنطر متى لحظة لقانا تحين..
متى ألمس هدب عينك وأحس برعشة اوصالك


تصدّق من عقب ما قدّر الله ينكتب هالبين!!
أبد ماغاب عن عيني مزوحك و كثرة اهبالك


لأني شفتك الأول و غيرك صاروا التالين..
ومن هو اللي تجرأ بس يحلّ بيوم منزالك



غلاك اللي سكن فيني تراه موجود لين الحين !!
أبد ماهزّه غيابك ولا تأخير مرسالك



توقعّتك تبادلني شعور الحب بين اثنين
ومثل ما البعد غربالي ضروري يكون غربالك..



حسافه جيت متغيّر وبيدك شايل السكين!!
أسولف لك عن اشواقي تقول لي مالي ومالك



زرعتك نبته بصدري .. سقيتك من دموع العين !!
ولكن أكتشفت أنك حبيب شايف(ن) حالك



أشوفك تغلط بحقي واقول مردود لك هالدين..
لقيت القلب يرضيني وبالغفران يسعى لك



أنا ماهنت لك نفسي عشان تذلّني وتهين!!
ولا تفكّر أبد إني لعينك بقبل افعالك



و إلى منه طرى لك هاجسك لأنك جميل وزين..
تبي تلعب بأعصابي مثل ما الجو يحلى لك



تذكّر شطر هالشاعر نطق به قبلنا بعامين!!
ترى ماني تبيع(ن) لك ولاني بأصغر عيالك



أبد لا يغرّك إخلاصي وسؤالي عنك يا المسكين..
مدامك خضت هاللعبه ونويت تحقق آمالك



ببدّل كل أطباعي وبنسى كل ماضي شين!!
وبطوي صفحة الطيبه وبصير اليوم قتّالك



بتلقى أخلاق مقلوبه سوى كل مايخص الدين..
و لامن قابلك زولي تهجّ وبيدك نعالك



ترى هذي جزاة اللي بدى يلعب على الحبلين!!
ومن يلعب مع البركان أكيد إنه غدى هالك



وإذا ضاقت بك الدنيا وضاق الكون بك بعدين..
وصار الهم في صفك وشانت عقبي أحوالك



خلاص .. لا تجيني تتعذر وتذكر هالثلاث سنين!!
لأنها للأسف هانت بقولة مالي و مالك !!

 
قديم 07-03-2010, 07:19 AM   #2

عاشقة ملتني دموعي


رد: جرح


جرح

اوف
مره قويه
بس خطيره
تقبلي مروري

 
قديم 07-03-2010, 07:24 AM   #3

ملتني دموعي


رد: جرح


جرح

عطرتي الصفحه بمرورك ياحلا

 

أدوات الموضوع



الساعة الآن توقيت السعودية الرياض و الدمام و القصيم و جدة 07:34 AM.


 
Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd.

Search Engine Optimization by vBSEO 3.6.0