ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > المواضيع المتشابهة للاقسام العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة للاقسام العامة المراة والرجل بعد العزيمة يوجد هنا المراة والرجل بعد العزيمة هنا توضع المواضيع المتشابهة


 
قديم   #1

اميرة بمملكة نفسي

:: كاتبة نشيطة ::

الملف الشخصي
رقم العضوية: 121666
تاريخ التسجيـل: Jun 2010
مجموع المشاركات: 88 
رصيد النقاط : 0

736748352431817400 المراة والرجل بعد العزيمة


المراة والرجل بعد العزيمة



أولاً : المرأه تتحدث مع أختها



المرأه: يوه فاتك نص عمرك.. توني جايه من العزيمة



أختها: وش حطوا؟



المرأه: يو يو يو ، حطهم يجنن، ما فيه شي ماحطوه ، أول شي الشاهي، فناجيلهم تجنن مزخرفه ومسكاتها ذهبيه ، بعدين القاتوه مدري من فين جايبينها طعمها يجنن وحاطينها في صواني خربزيه وفيها نقط صغيره لونها أخضر ، والمكسرات تموت ، حاطين كل كسرة في كيس! والا العشاء ياربيه يهبل

(ويستمر وصف الاكل ساعة ونصف)



أختها: جت نوف؟



المرأه: ايوه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل



أختها: لايكون نفس الي لبسته قبل 5 سنوات؟



المرأه : لا لا هذيك المره لابسه فستان أحمر مو وردي ولا كان فيه كرستالات





اختها: أجل شكلها لابسه فستان بنت عمها أريج لاني شايفه البس هذا عليها في عرس بنت خالتي

.

المرأه: ايو والله، يوه يخزياه، والله انه ماتستحي ؟ لا وأريج تدرين ايش لابسه ؟ اليوم لابسه لبس يقرف



شكلها اشترته من محل أبو ريالين



أختها: وجزمتها؟



المرأه: ما أدري ماشفتها، تصدقين طول العزيمه وانا احاول اشوف جزمتها لكن ماقدرت، حتى اني يوم طفشت في الاخير رميت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها



اختها: اكيد جزمتها زي لبسها معفن .. هي دايم كذا ذوقها خايس ...طيب ومكياجها كيف كان؟



المرأه: وع ، مكياجها مخليها اكبر من امها، تخيلي حاطة روج بني، شكله كأنه ديرما مو روج، والله المسكرة بعد يوه مالها داعي، ما ادري مين النذلة الي حاطه لها المكياج ، شكلها زوجة ابوها



اختها: طيب وتسريحة الشعر



المرأه:حقت مين؟ نوف والا اريج؟



اختها: كلهم

.

المرأه: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهبل،



اختها: كحكحي؟ يعني ايش؟



اختها: ماتعرفين الكحكحي يالبدويه؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها بايخة، شفتي تسريحة خدامتنا جيناتا وهي تغسل المواعين؟ نفسها بالضبط



اختها: على طاري الخدامة؟ خدامة اريج وش لابسه

..

المرأه: الخدامة لبسها عادي، لكن جزمتها خقاق ، تهبل ماكأنها جزمة خدامة، لونها اسود وعليها خيوط فسفورية



اختها: صدق والله؟ هذي مو جزمة اريج؟



المرأه: اي والله؟ وانا اقول وين شفت هذي الجزمة .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.



ويستمر الحش إلى صلاة الفجر



----------------------------------------------------------------------------



ثانياً: الرجل يتحدث مع أخيه



الرجل: السلام عليكم، توني جاي من العزيمة وترا كلهم يسلمون عليك كثيرالسلام



اخوه: الله يسلمك ويسلمهم



انتهت المحادثة

 أولاً : المرأه تتحدث مع أختها المرأه: يوه فاتك

 




الساعة الآن توقيت السعودية الرياض و الدمام و القصيم و جدة 12:48 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0